09/10/2025
വിശുദ്ധ അമ്പത്തിയൊന്നിന്മേൽ കുർബ്ബാന നവംബർ 1 ശനിയാഴ്ച മണർകാട് കത്തീഡ്രലിൽ.
മണർകാട് : മലങ്കര സഭയുടെ വിശ്വാസ പോരാളി, പ്രാർത്ഥനയെ ആയുധമാക്കി തൻ്റെ പ്രായാധിക്യത്തിലും മലങ്കര യാക്കോബായ സുറിയാനി സഭാ മക്കളെ 1974 മുതൽ 2024 വരെയുള്ള നീണ്ട 51 വർഷകാലം മേൽപ്പട്ട സ്ഥാനം വഹിച്ച് അചഞ്ചലമായ സത്യവിശ്വാസത്തെ മുറുകെപ്പിടിച്ച്, പുണ്യ പിതാക്കന്മാർ വഴിതെളിച്ച മലങ്കര സഭയെ കണ്ണിലെ കൃഷ്ണമണി പോലെ കാത്തു പരിപാലിച്ച് വഴി നടത്തിയ മലങ്കരയുടെ യാക്കോബ് ബുർദ്ധാന, പുണ്യശ്ലോകനായ ശ്രേഷ്ഠ മോർ ബസ്സേലിയോസ് തോമസ് പ്രഥമൻ കാതോലിക്ക ബാവായുടെ ഒന്നാം ഓർമ്മപ്പെരുന്നാളും, വിശുദ്ധ അമ്പത്തിയൊന്നിന്മേൽ കുർബ്ബാനയും 2025 നവംബർ 1 ശനിയാഴ്ച രാവിലെ 8:30ന് ആഗോള മരിയൻ തീർത്ഥാടന കേന്ദ്രമായ മണർകാട് വിശുദ്ധ മർത്തമറിയം യാക്കോബായ സുറിയാനി കത്തീഡ്രലിൽ പ്രത്യേകം തയ്യാറാക്കുന്ന ത്രോണോസുകളിൽ ശ്രേഷ്ഠ കാതോലിക്ക ബാവായുടെയും, അഭിവന്ദ്യ പിതാക്കന്മാരുടെയും, ബഹു. വൈദീക ശ്രേഷ്ഠരുടെയും കാർമികത്വത്തിൽ നടത്തപ്പെടുന്നു.
