Punalur 24x7

24/07/2025

ഇടമൺ സെന്റ് മേരീസ്‌ ഓർത്തഡോക്സ്‌ യുവജന പ്രസ്ഥാനത്തിന്റെ നേതൃത്വത്തിൽ ചെങ്ങമനാട് റാഫാ അരോമ ഹോസ്പിറ്റലും പുനലൂർ ശങ്കേഴ്സ് കണ്ണാശുപത്രിയും ചേർന്ന് 27.07.2025 ഞായറാഴ്ച രാവിലെ 9:30 മുതൽ 12:30 വരെ ഇടമൺ സെന്റ് മേരീസ്‌ ഓർത്തഡോക്സ്‌ സിറിയൻ ചർച്ചിൽ വെച്ച് സൗജന്യ മെഡിക്കൽ ക്യാമ്പ്‌ നടത്തുന്നു.

ക്യാമ്പിൽ വിവിധ വിഭാഗങ്ങളിൽ നിന്ന് വിദഗ്ദരായ ഡോക്ടർമാർ പങ്കെടുക്കുമെന്ന്
ഇടവക വികാരി ഫാ റോണി ആർ ജോൺ കോട്ടപ്പുറം അറിയിച്ചു.

24/07/2025

ഇന്ന് കർക്കടകവാവ്

കർക്കിടകമാസത്തിലെ കറുത്തവാവ് ദിവസമാണ് കർക്കിടക വാവ് എന്ന പേരിൽ ഹിന്ദുക്കൾ ആചരിക്കുന്നത്. ഈ ദിവസം പിതൃബലിക്കും തർപ്പണത്തിനും പ്രസിദ്ധമാണ്. അന്നു ബലിയിട്ടാൽ പിതൃക്കൾക്കു ആത്മശാന്തി ലഭിക്കുമെന്നു വിശ്വസിക്കപ്പെടുന്നു.

കോവിഡ്‌ വ്യാപനം ഭയന്ന് ബലിയിടൽ ചടങ്ങുകൾ ഇന്ന് പലയിടത്തും നടത്തുന്നില്ല.

ഭൂമിയിലെ ഒരു വർഷം പിതൃക്കൾക്ക് ഒരു ദിവസമാണ് എന്നാണ് വിശ്വാസം. പിതൃക്കൾക്ക് പ്രാധാന്യമുള്ള ദക്ഷിണായനത്തിലെ ആദ്യത്തെ അമാവാസിയാണ് കർക്കിടകത്തിലേത്. അതുകൊണ്ടാണ് കർക്കിടക വാവുബലി പ്രാധാന്യമുള്ളതായി കരുതുന്നത്.

തലേന്നു വ്രതമെടുത്ത് അമാവാസി ദിവസം കുളിച്ചു ഈറനണിഞ്ഞു മരിച്ച് മണ്മറഞ്ഞുപോയ പിതൃക്കളെ മനസ്സിൽ സങ്കൽപ്പിച്ചു ഭക്തിപുരസരം ബലിയിടും. എള്ളും പൂവും, ഉണക്കലരിയും ഉൾപ്പെടെയുള്ള പൂജാദ്രവ്യങ്ങൾകൊണ്ടാണ് ബലിതർപ്പണം നടത്തുക.

പ്രശസ്തമായ സ്നാനഘട്ടങ്ങളിലും ക്ഷേത്രക്കടവുകളിലും പിതൃതർപ്പണത്തിനുള്ള സൗകര്യം ഏർപ്പെടുത്താറുണ്ട്. ആലുവ മഹാശിവരാത്രി മണപ്പുറം, തിരുനാവായ നാവാമുകുന്ദക്ഷേത്രം, ദക്ഷിണകാശിയെന്നറിയപ്പെടുന്ന പെരുമ്പാവൂർ ചേലാമറ്റം, തിരുനെല്ലി പാപനാശിനി, വർക്കല പാപനാശം തുടങ്ങിയവ കേരളത്തിലെ പ്രധാന ബലിതർപ്പണ കേന്ദ്രങ്ങളാണ്.

24/07/2025

ഈ വർഷം നടക്കുന്ന തദ്ദേശ തെരഞ്ഞെടുപ്പിനുള്ള കരട് വോട്ട ർ പട്ടിക സംസ്ഥാന തെരഞ്ഞെടുപ്പ് കമീ ഷൻ പ്രസിദ്ധീകരിച്ചു.

1,034 തദ്ദേശസ്ഥാ പനങ്ങളുടെ 20,998 വാർഡുകളിലായി 2,66,78,256 വോട്ടർമാരാണ് പട്ടികയിലു ള്ളത്. 1,26,32,186 പുരുഷന്മാരും 1,40,45,837 സ്ത്രീകളും 233 ട്രാൻസ്ജെ ൻഡർമാരും ഇതിൽ ഉൾപ്പെടുന്നു.

അന്തി മ വോട്ടർപട്ടിക ആഗസ്റ്റ് 30ന് പ്രസിദ്ധീക രിക്കുമെന്ന് സംസ്ഥാന തെരഞ്ഞെടുപ്പ് ക മീഷണർ എ. ഷാജഹാൻ അറിയിച്ചു.

⭕💢⭕

23/07/2025

തദ്ദേശസ്വയം ഭരണ തെരഞ്ഞെടുപ്പ്

രാഷ്ട്രീയ പാർട്ടി പ്രതിനിധികളുടെ യോഗം

പുനലൂർ : 2025 പൊതു തെരഞ്ഞെടുപ്പുമായി ബന്ധപ്പെട്ട് നിലവിലെ അംഗീകൃത രാഷ്ട്രീയ പാർട്ടി പ്രതിനിധികളുടെ ഒരു യോഗം ജൂലൈ 25 വെള്ളിയാഴ്ച പകൽ 3 മണിക്ക് കൗൺസിൽ ഹാളിൽ ചേരുന്നതാണ്.

എല്ലാ അംഗീകൃത രാഷ്ട്രീയ പാർട്ടിയിലെയും ഒരു പ്രതിനിധി കൃത്യമായും ഈ യോഗത്തിൽ പങ്കെടുക്കണമെന്ന് അറിയിക്കുന്നു.

ഇലക്ടറൽ രജിസ്ട്രേഷൻ ഓഫീസർ & മുനിസിപ്പൽ സെക്രട്ടറി

പുനലൂർ നഗരസഭ

23/07/2025

പുനലൂർ നഗരസഭ
പ്രസിദ്ധീകരണത്തിന്

തൊഴിൽ അധിഷ്ഠിത കോഴ്സുകൾ പാസായ പട്ടികജാതി യുവജനങ്ങൾക്ക് തൊഴിൽ പരിശീലനം

പുനലൂർ : നഗരസഭാ പരിധിയിൽ താമസക്കാരായ പട്ടികജാതി യുവജനങ്ങൾക്ക് സർക്കാർ സ്ഥാപനങ്ങളിൽ തൊഴിൽ പരിശീലനം നൽകുന്നതിന് അപേക്ഷ ക്ഷണിക്കുന്നു.

ജനറൽ നഴ്സിംഗ്, എം.എൽ.ടി., ഫാർമസി, റേഡിയോഗ്രാഫർ, എൻജിനീയറിങ്, പോളിടെക്നിക്, ഐ.ടി.ഐ., അംഗീകൃത തെറാപ്പിസ്റ്റുകൾ, സ്പെഷ്യൽ എഡ്യൂക്കേഷൻ, ആയുർവേദ നഴ്സിംഗ് എന്നീ തൊഴിൽ അധിഷ്ഠിത കോഴ്സുകൾ പാസായവർക്കാണ് അവസരം.

താൽപര്യമുള്ളവർ യോഗ്യത തെളിയിക്കുന്ന രേഖകൾ സഹിതം ഓഗസ്റ്റ് 10ന് മുമ്പായി നഗരസഭാ കാര്യാലയത്തിലെ ആരോഗ്യ വിഭാഗത്തിൽ അപേക്ഷ സമർപ്പിക്കേണ്ടതാണെന്ന് ക്ലീൻ സിറ്റി മാനേജർ കെ. ജയകുമാർ അറിയിച്ചു.

23/07/2025

സ്വച്ഛ് സർവേഷൻ റാങ്കിങ്ങിൽ പുരോഗതിയോടെ പുനലൂർ നഗരസഭ : ജില്ലയിൽ രണ്ടാം സ്ഥാനം

പുനലൂർ : സ്വച്ഛ സർവേക്ഷൻ 2024 റാങ്കിങ്ങിൽ പുനലൂർ നഗരസഭ ശുചിത്വവളർച്ചയുടെയും നഗരവികസനത്തിൻ്റെയും ശക്തമായ അടയാളം രേഖപെടുത്തി. കഴിഞ്ഞ വർഷത്തെ റാങ്കുമായി താരതമ്യപ്പെടുത്തുമ്പോൾ ഈ വർഷം മികവാർന്ന നേട്ടമാണ് കൈവരിക്കാൻ സാധിച്ചത്. കേന്ദ്ര പാർപ്പിട നഗരകാര്യ മന്ത്രാലയം സ്വച്ഛ ഭരത് മിഷൻ നടത്തിയ ശുചിത്വ സ്വച്ഛ സർവേക്ഷൻ സർവ്വേയുടെ ദേശീയ റാങ്കിങ്ങിൽ നഗരസഭ 972 ഉം സംസ്ഥാനത്ത് 74മത് ആയി ഉയർന്നു.

കൂടാതെ ഒ ഡി എഫ് പ്ലസ് സർട്ടിഫിക്കേഷനും സ്വന്തമാക്കി. മാലിന്യമുക്ത നവകേരളം ക്യാംപയിൻ , സ്വച്ഛ സർവേക്ഷൻ പ്രവർത്തനങ്ങളാണ് നേട്ടത്തിനായി പരിഗണിക്കപ്പെട്ടത്.

ഹരിതകർമസേനയുടെ വാതിൽപ്പടി മാലിന്യശേഖരണത്തിൽ കാഴ്ചവച്ച കൃത്യത, ആരോഗ്യ വിഭാഗം നടത്തിയ സമയോചിതായമായ ഇടപെടലുകൾ , വിവിധ വകുപ്പുകളുടെ സംയോജിത പ്രവർത്തനങ്ങൾ എന്നിവയാണ് ഈ നേട്ടത്തിന് അടിസ്ഥാനമായത്.

നഗരസഭാ ജനപ്രതിനിധികൾ സജീവമായി പദ്ധതികൾക്ക് നേതൃത്വം നൽകി. നഗരസഭയുടെ ഹരിത പ്രവർത്തനങ്ങൾ , മാലിന്യ വിഭജനം , ജൈവ-അജൈവ മാലിന്യ സംസ്കരണം , പ്ലാസ്റ്റിക് വിമുക്തത , ശുചിത്വ ബോധവത്കരണ ക്യാംപെയിനുകൾ എന്നിവയെല്ലാം പൗരപങ്കാളിത്തത്തോടൊപ്പം നടപ്പാക്കിയതാണ് റാങ്ക് മുന്നേറ്റത്തിന് കാരണമായതെന്ന് നഗരസഭാ ചെയർപേഴ്സൺ കെ പുഷ്പലത വ്യക്തമാക്കി.

ഭാവിയിൽ കൂടുതൽ മേഖലകളിൽ ദേശീയ അംഗീകാരം ലക്ഷ്യമിടുന്ന നഗരസഭ എല്ലാ പൗരന്മാരെയും ഈ ശുചിത്വ ദൗത്യത്തിൽ പങ്കാളികളാക്കാൻ പ്രതിജ്ഞാബദ്ധമാണെന്നും ചെയർപേഴ്സൺ കൂട്ടിച്ചേർത്തു.

23/07/2025

ആരോഗ്യ സംരക്ഷണത്തിനും രോഗനിവാരണത്തിനും പുനലൂരിൽ പുതിയ ആ യൂർവേദ സ്ഥാപനം ആയൂർ ലൈഫ് കലയാട് പ്രവർത്തനമാരംഭിക്കുന്നു.ജൂലൈ 25 രാവിലെ 10 മണിക്ക് ഹരി പത്തനാപുരം ഉദ്ഘാടനം ചെയ്യുന്നു.

23/07/2025

പുനലൂർ രാധാസിലെ ജീവനക്കാരി ആയിരുന്ന കൂനംകുഴി മേബിൾ ഭവനിൽ സിസിലി നിര്യാതയായി സംസ്കാരം ഇന്ന് ( ബുധനാഴ്ച) വൈകിട്ട് 4:30 ന്

21/07/2025

വിപ്ലവ കേരളത്തിന്റെ സമര സൂര്യന് വിട

21/07/2025

വി എസ്. അച്യുതാനന്ദന്‍ (101) വിടവാങ്ങി. തിരുവനന്തപുരത്തെ എസ്.യു.ടി. ആശുപത്രിയിൽ ഇന്ന് ഉച്ചയ്ക്ക് 3.20-ഓടെയായിരുന്നു അന്ത്യം. വിപ്ലവ കേരളത്തിന്റെ രക്തതാരകമാണ് വിടവാങ്ങിയത്.
ദീര്‍ഘകാലമായി വിശ്രമജീവിതത്തിലായിരുന്നു. മുന്‍ മുഖ്യമന്ത്രിയും സി പി എമ്മിന്‍റെ സ്ഥാപകനേതാവുമാണ് . മൂന്നുതവണ പ്രതിപക്ഷനേതാവായും സിപിഎം സംസ്ഥാന സെക്രട്ടറിയായും പ്രവര്‍ത്തിച്ചു.

19/07/2025

60 വയസ് പ്രായം തോന്നിക്കുന്ന പുരുഷൻ്റെ മൃതശരീരം പുനലൂർ മണിയാർ പരവട്ടം ഭാഗത്ത് കാണപ്പെട്ടു.

പുനലൂർ താലൂക്ക് ആശുപത്രി മോർച്ചറിയിൽ സൂക്ഷിച്ചിരിക്കുന്ന ഇയാളെ തിരിച്ചറിയുന്നവർ പുനലൂർ പോലീസ് സ്റ്റേഷനുമായി ബന്ധപ്പെടുക.
പുനലൂർ SHO 9497987038
പുനലൂർ Sl 9497980205

19-07-2025

17/07/2025