14/04/2026
#സച്ചിൻ ക്രിക്കറ്റിന്റെ #മ്യൂസിഷ്യൻ
🗣️സച്ചിൻ,അയാൾ കരയുന്നത് നമ്മൾ ആദ്യമായി കണ്ടത് 2011 വേൾഡ് കപ്പ് നേടിയപ്പോഴായിരിക്കും. അന്ന് നമ്മളുടെ കണ്ണുകളും സന്തോഷത്താൽ നിറഞ്ഞു.
പിന്നെ അയാൾ കരയുന്ന കാഴ്ച കാണുന്നത് വാങ്കടെ സ്റ്റേഡിയത്തിൽ തന്റെ അവസാന ഇന്നിങ്സിനു ശേഷം പിച്ചിൽ തൊട്ട് പ്രാർത്ഥിച്ചു കൊണ്ട് നിറഞ്ഞു തുളുമ്പിയ കണ്ണുകൾ തുടച്ചു കൊണ്ട് ഉള്ളിലെ ദുഃഖം കടിച്ചമർത്തിക്കൊണ്ട് നടന്നു നീങ്ങുന്നതാണ്. അന്ന് ആ കാഴ്ച കണ്ട എല്ലാവരുടെയും കണ്ണുകൾ നിറഞ്ഞു തുളുമ്പി.
വിരമിച്ച ശേഷവും അദ്ദേഹത്തോടുള്ള ആരാധനയ്ക്കോ സ്നേഹത്തിനോ ആർക്കും കുറവില്ല. അയാളെ സ്ക്രീനിൽ കാണുമ്പോൾ ഇന്നും ആരവങ്ങൾ ഉയരും. അത്രമേൽ ഇന്ത്യക്കാരുടെ മനസ്സിൽ സ്വാധീനം ചെലുത്തിയ മനുഷ്യൻ.
ആ സച്ചിൻ വീണ്ടും കരഞ്ഞിരിക്കുന്നു. ആ കാഴ്ച കണ്ട പലരുടെയും കണ്ണുകൾ വീണ്ടും നിറഞ്ഞു. ആ സച്ചിൻ വീണ്ടും പലരുടെ കണ്ണുകളെയും നിറയിച്ചു. സത്യം പറഞ്ഞാൽ മുമ്പൊന്നും ഇത്രയും ഇമോഷണൽ ആയ ഒരു സച്ചിനെ അങ്ങനെ ആരും കണ്ടിട്ടുണ്ടാകില്ല.
പ്രശസ്ത പിന്നണി ഗായിക Asha Bhosle -യുടെ മരണാനന്തര ചടങ്ങുകൾക്കിടയിൽ സച്ചിൻ പലപ്പോഴും കണ്ണ് നീർ തുടയ്ക്കാൻ പാട് പെടുന്നുണ്ടായിരുന്നു. ശരിക്കും വിങ്ങിപ്പൊട്ടി നിൽക്കുന്നത് പോലെ. അത്രയും അടുപ്പം അല്ലെങ്കിൽ ആത്മബന്ധം അവർക്കിടയിൽ ഉണ്ടായിരുന്നിരിക്കണം.
അല്ലെങ്കിലും അയാളുടെ ബാറ്റിങ്ങും ഒരു മനോഹര സംഗീതം പോലെ ആയിരുന്നല്ലോ നമുക്ക്. അയാളുടെ ഉള്ളിലും ഒരു മ്യൂസിഷ്യൻ ഉണ്ടാകും. അതാകും ചിലപ്പോൾ അവർ തമ്മിലുള്ള ആത്മബന്ധം. ❤️
RIP : Bhosle..
