27/08/2026
मंदार गोंजारी यांच्यावरील गुन्ह्याचा निषेध; पत्रकारांच्या अभिव्यक्ती स्वातंत्र्याचा मुद्दा ऐरणीवर
पुण्यात राहुल गांधी यांच्या कार्यक्रमासाठी जाणाऱ्या विद्यार्थिनींच्या प्रतिक्रिया घेतल्याप्रकरणी पत्रकार मंदार गोंजारी यांच्यावर गुन्हा दाखल झाल्याचे समोर आले आहे. या कारवाईचा CM NEWS INDIA कडून निषेध करण्यात येत असून, पत्रकार म्हणून प्रतिक्रिया घेणे आणि त्या प्रसिद्ध करणे हा पत्रकारितेच्या कामाचा भाग असल्याची भूमिका व्यक्त करण्यात येत आहे.
यापूर्वीही विविध राजकीय पक्षांच्या नेत्यांच्या कार्यक्रमांचे वार्तांकन करताना पत्रकारांनी उपस्थित नागरिकांच्या प्रतिक्रिया घेतल्या आहेत. त्यामुळे या प्रकरणात पत्रकारावरच गुन्हा दाखल करण्याच्या कारवाईवर प्रश्न उपस्थित होत आहेत.
या कारवाईच्या निषेधार्थ पुणे श्रमिक पत्रकार संघाने पुणे पोलीस आयुक्त अमितेश कुमार यांना निवेदन दिले आहे. माध्यम स्वातंत्र्य आणि पत्रकारांच्या कामकाजाबाबत योग्य भूमिका घेतली जावी, अशी मागणी करण्यात आली आहे.
CM NEWS INDIA मंदार गोंजारी यांच्या पाठीशी ठामपणे उभे आहे.
