News Network 360 Marathi

News Network 360 Marathi news network 360 (न्यूज नेटवर्क 360) is a 24-hour Marathi news channel in India. The Pune-based company was launched on 03 November 2021.

🚨 ब्रेकिंग न्यूज
🏛️ राजकारण
🚔 गुन्हे
🏙️ स्थानिक प्रश्न
⚖️ कायदे व नागरिक हक्क

📢 तुमच्या परिसरातील बातमी, समस्या किंवा घडामोड आमच्यापर्यंत पोहोचवा.

📱 बातमी, फोटो किंवा व्हिडिओ पाठवा:
[9529028633]

📰 News Network 360 The channel is owned by news network 360. news network 360 is a Marathi news hub which provides you with the comprehensive up-to-date news coverage from Maharashtra, all over India an

d the world. Get the latest top stories,crime, current affairs, sports, business, entertainment, politics, spirituality, and many more here only on news network 360 in Marathi language. The vision of the channel promises to keep each individual ahead and informed. news network 360 is best defined as a responsible channel with a fair and balanced approach that combines prompt reporting with insightful analysis of news and current affairs.

युट्यूबने व्ह्यूज मोजण्याचा जुना नियम बदलला आहे. आता युझरने व्हिडिओ ३० सेकंद पाहण्याची गरज नाही, व्हिडिओ सुरू होताच म्हण...
19/08/2026

युट्यूबने व्ह्यूज मोजण्याचा जुना नियम बदलला आहे. आता युझरने व्हिडिओ ३० सेकंद पाहण्याची गरज नाही, व्हिडिओ सुरू होताच म्हणजेच पहिल्या सेकंदालाच तो व्ह्यू म्हणून मोजला जाईल. यामुळे क्रिएटर्सचे व्ह्यूज आता रॉकेटसारखे वाढणार आहेत! पण लक्षात ठेवा, याचा थेट परिणाम तुमच्या कमाईवर (Earning) होणार नाही, कारण कमाईसाठी 'वॉच टाईम' आणि 'एंगेजमेंट' अजूनही महत्त्वाची आहे.

स्पा च्या नावाखाली वैश्या व्यवसाय असलेल्या हडपसरमधील सेव्हन स्पा वर पोलिसांची कारवाई
19/08/2026

स्पा च्या नावाखाली वैश्या व्यवसाय असलेल्या हडपसरमधील सेव्हन स्पा वर पोलिसांची कारवाई

पुण्यातून एक अत्यंत धक्कादायक आणि संतापजनक घटना समोर आली आहे. जुन्नर तालुक्यातील पिंपळवंडी येथे एका १० वर्षांच्या चिमुरड...
19/08/2026

पुण्यातून एक अत्यंत धक्कादायक आणि संतापजनक घटना समोर आली आहे. जुन्नर तालुक्यातील पिंपळवंडी येथे एका १० वर्षांच्या चिमुरडीला "चल तुला सायकल शिकवतो" असे आमिष दाखवून उसाच्या शेतात नेण्यात आले. तिथे नराधमाने तिच्यावर अत्याचार करून तिची निर्घृण हत्या केली.या अमानुष घटनेमुळे संपूर्ण परिसरात तीव्र संताप व्यक्त होत असून संतप्त ग्रामस्थांनी पुणे-नाशिक महामार्गावर 'रास्ता रोको' आंदोलन केले आहे. नराधम आरोपीला तात्काळ फाशीची शिक्षा व्हावी, अशी मागणी नागरिक करत आहेत.

लोणगाव येथील ‘चुल मटण’ रेस्टॉरंटची अन्न व औषध प्रशासनाकडून (FDA) तपासणी करण्यात आली. तपासणीदरम्यान अन्न सुरक्षा आणि स्वच...
19/08/2026

लोणगाव येथील ‘चुल मटण’ रेस्टॉरंटची अन्न व औषध प्रशासनाकडून (FDA) तपासणी करण्यात आली. तपासणीदरम्यान अन्न सुरक्षा आणि स्वच्छतेसंदर्भातील निर्धारित नियमांचे उल्लंघन आढळून आल्याने रेस्टॉरंटचा अन्न परवाना तात्काळ निलंबित करण्यात आला.
पुढील आदेशापर्यंत रेस्टॉरंटला विद्यमान परवान्याअंतर्गत व्यवसाय करता येणार नाही. FDAच्या निर्देशांचे पालन केल्यानंतरच पुढील निर्णय घेतला जाणार आहे.
अन्न सुरक्षा नियमांचे उल्लंघन करणाऱ्यांवर FDAचा कारवाईचा बडगा!

पॅकबंद खाद्यपदार्थ म्हणून विक्री होणाऱ्या ‘Mix Chikki’ मधील खोबऱ्याची चिक्की अत्यंत कडक असल्याचा दावा करत ॲड. प्रदीप नाई...
19/08/2026

पॅकबंद खाद्यपदार्थ म्हणून विक्री होणाऱ्या ‘Mix Chikki’ मधील खोबऱ्याची चिक्की अत्यंत कडक असल्याचा दावा करत ॲड. प्रदीप नाईक यांनी महाराष्ट्र FDAकडे लेखी तक्रार दाखल केली आहे.
17 ऑगस्ट रोजी मुंबई–पुणे एक्सप्रेसवेवरील कामशेत परिसरातील एका पेट्रोल पंपावरील विक्री केंद्रातून ही चिक्की खरेदी करण्यात आल्याचे तक्रारीत नमूद करण्यात आले आहे. पॅकेजिंगवर Shree Dev Food Products, Talegaon Maval, Pune आणि FSSAI परवाना क्रमांक नमूद असल्याचेही सांगण्यात आले आहे.
उत्पादनाची गुणवत्ता, कच्चा माल, उत्पादन प्रक्रिया, साठवणूक आणि शेल्फ लाइफ यांची अधिकृत तपासणी करावी, तसेच संबंधित बॅचचे नमुने घेऊन प्रयोगशाळेत तपासणी करावी, अशी मागणी करण्यात आली आहे.
विशेषतः लहान मुले आणि ज्येष्ठ नागरिकांच्या सुरक्षिततेच्या दृष्टीने या प्रकरणाची तपासणी करण्याची मागणी करण्यात आली आहे.

Breaking : पुण्यात खळबळ: कोंढव्यातील काकडे वस्तीत तरुणाची आत्महत्या; परिसरात हळहळ.
18/08/2026

Breaking : पुण्यात खळबळ: कोंढव्यातील काकडे वस्तीत तरुणाची आत्महत्या; परिसरात हळहळ.

कोंढवा : कोंढवा परिसरातील अश्रफनगर भागातून एक धक्कादायक घटना समोर आली आहे. १६ ऑगस्ट रोजी एका व्यक्तीने घराच्या टेरेसवर आ...
18/08/2026

कोंढवा : कोंढवा परिसरातील अश्रफनगर भागातून एक धक्कादायक घटना समोर आली आहे. १६ ऑगस्ट रोजी एका व्यक्तीने घराच्या टेरेसवर आत्महत्या केल्याची माहिती समोर आली आहे.
मिळालेल्या प्राथमिक माहितीनुसार, मृत व्यक्तीचे नाव अस्लम शेख असल्याचे सांगितले जात आहे. घटनेची माहिती मिळताच पोलिसांनी घटनास्थळी धाव घेतली असून, या प्रकरणाचा पुढील तपास सुरू आहे.
आत्महत्येमागील नेमके कारण अद्याप स्पष्ट झालेले नसून, पोलिसांकडून सर्व बाजूंनी तपास केला जात आहे. या घटनेबाबत अधिकृत तपशील तपासानंतर समोर येण्याची शक्यता आहे.

पुणे विशेष न्यायालयाने दोषी ठरवलेल्या आणि जन्मठेपेची शिक्षा सुनावलेल्या मुख्य आरोपी सचिन अंदुरेला मुंबई उच्च न्यायालयाने...
18/08/2026

पुणे विशेष न्यायालयाने दोषी ठरवलेल्या आणि जन्मठेपेची शिक्षा सुनावलेल्या मुख्य आरोपी सचिन अंदुरेला मुंबई उच्च न्यायालयाने (बॉम्बे हायकोर्ट) जामीन मंजूर केला आहे. तसेच न्यायालयाने त्याच्या जन्मठेपेच्या शिक्षेलाही तात्पुरती स्थगिती दिली आहे.न्यायमूर्ती सारंग कोतवाल आणि न्यायमूर्ती रणजितसिंह भोसले यांच्या खंडपीठाने मंगळवारी (१८ ऑगस्ट २०२६) हा निर्णय दिला. यापूर्वी एप्रिल २०२६ मध्ये या प्रकरणातील दुसरा सह-आरोपी शरद कळसकर यालाही हायकोर्टाकडून जामीन मिळाला होता. १० मे २०२४ रोजी पुण्याच्या विशेष न्यायालयाने या दोघांना दोषी ठरवले होते, तर इतर तीन आरोपींची निर्दोष मुक्तता केली होती. सचिन अंदुरेवर गोविंद पानसरे हत्या प्रकरणाचाही खटला सुरू आहे, मात्र दोन्ही प्रकरणांमध्ये जामीन मिळाल्याने त्याचा तुरुंगाबाहेर येण्याचा मार्ग मोकळा झाला आहे.

18/08/2026

मुंबई : MMRDAच्या सुरू असलेल्या बांधकामादरम्यान पुन्हा एकदा सुरक्षेचा गंभीर प्रश्न समोर आला आहे. काम सुरू असताना काँक्रीटचा मलबा रस्त्यावर कोसळल्याची घटना घडली. यावेळी रस्त्यावरून जाणाऱ्या स्कूल बसचा मोठा अपघात थोडक्यात टळला.

या घटनेमुळे MMRDAच्या बांधकामस्थळी सुरक्षा उपाययोजनांबाबत प्रश्नचिन्ह निर्माण झाले आहे. विशेषतः शाळकरी मुलांची वाहतूक करणारी बस या दुर्घटनेत सापडण्यापासून थोडक्यात बचावल्याने नागरिकांमध्ये चिंता व्यक्त होत आहे.

बांधकामादरम्यान रस्त्यावर काँक्रीट कोसळण्याची घटना गंभीर मानली जात असून, कामाच्या ठिकाणी आवश्यक सुरक्षा व्यवस्था आणि खबरदारी घेतली जात होती का, असा सवाल उपस्थित केला जात आहे.

दरम्यान, या सुरक्षा त्रुटीप्रकरणी कंत्राटदारावर १० कोटी रुपयांचा दंड, तर जनरल कन्सल्टंटवर १ कोटी रुपयांचा दंड ठोठावण्यात आल्याची माहिती आहे.

यापूर्वीही बांधकामादरम्यान सुरक्षेच्या त्रुटींमुळे प्रश्न उपस्थित झाले असताना पुन्हा अशी घटना घडल्याने ‘धड्यांमधून काहीच शिकले नाही का?’ असा सवाल नागरिकांकडून उपस्थित केला जात आहे.

पुणे : खुनाच्या प्रयत्नासह गंभीर गुन्ह्यात गेल्या पाच महिन्यांपासून फरार असलेल्या आरोपीला पुणे गुन्हे शाखेच्या युनिट-२ने...
18/08/2026

पुणे : खुनाच्या प्रयत्नासह गंभीर गुन्ह्यात गेल्या पाच महिन्यांपासून फरार असलेल्या आरोपीला पुणे गुन्हे शाखेच्या युनिट-२ने कात्रज चौक परिसरातून अटक केली. सोहम ऊर्फ सोन्या मनोहर थोरात (वय २१, रा. वडगाव बुद्रुक, जाधवनगर, भैरवनाथ मंदिराजवळ, सिंहगड रोड, पुणे) असे अटक करण्यात आलेल्या आरोपीचे नाव आहे.

पुणे शहरातील गंभीर गुन्ह्यांना आळा घालण्यासाठी तसेच पाहिजे आणि फरारी आरोपींचा शोध घेण्यासाठी गुन्हे शाखेकडून विशेष मोहीम राबवण्यात येत आहे. त्याअंतर्गत १७ ऑगस्ट २०२६ रोजी गुन्हे शाखा युनिट-२चे पथक फरार आरोपींचा शोध घेत होते.

यावेळी पोलीस अंमलदार कुंदन शिंदे, विजय पवार आणि उज्वल मोकाशी यांना गोपनीय माहिती मिळाली की, सहकारनगर पोलीस ठाण्यात दाखल असलेल्या गुन्ह्यातील पाहिजे आरोपी सोहम ऊर्फ सोन्या थोरात हा कात्रज चौक परिसरात फिरत आहे.

ही माहिती युनिट-२चे प्रभारी वरिष्ठ पोलीस निरीक्षक राहुल खिलारे यांना देण्यात आली. त्यांच्या आदेशानुसार पोलिसांनी कात्रज चौक परिसरात सापळा रचून संशयित व्यक्तीला ताब्यात घेतले. चौकशीदरम्यान त्याने आपले नाव सोहम ऊर्फ सोन्या मनोहर थोरात असल्याचे सांगितले.

पोलिसांच्या तपासात संबंधित गुन्ह्यात त्याचा सहभाग असल्याचे निष्पन्न झाल्यानंतर त्याला सहकारनगर पोलीस ठाण्याच्या ताब्यात देण्यात आले आहे.

या प्रकरणी सहकारनगर पोलीस ठाण्यात गुन्हा दाखल करण्यात आला आहे.

Address

Koregaon Park
Pune
411001

Website

Alerts

Be the first to know and let us send you an email when News Network 360 Marathi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category