02/11/2025
कैलालीको बेलार निवासी सुरेश बिष्टको निधनले पूरा गाउँ शोकमा डुबेको छ। लामो समयदेखि उपचारमा रहेका उहाँलाई बचाउनका लागि परिवारले देश–विदेशमा रहेका आफन्त, साथीभाइ र शुभेच्छुकहरूसँग सहयोगको अपिल र रिण गर्दै लाखौं रुपैयाँ खर्च गरे । तर नियतिको खेल यस्तो रह्यो कि न पैसा रह्यो, न उहाँ रहनु भयो ।
उपचारकै क्रममा असमयमा ज्यान गुमाउँदा परिवार र आफन्तहरू बिछिप्त बनेका छन्। परिवारका अनुसार सुरेशलाई बचाउन हरेक प्रयास गरियो, तर अन्ततः उहाँले संसारबाट बिदा लिनुभयो ।
आज बिहान कैलालीकै कनद्रा नदी किनारमा अत्यन्तै भावनात्मक वातावरणबीच उहाँको अन्त्येष्टि सम्पन्न गरिएको छ। उहाँको पार्थिव शरीर घरबाट घाटसम्म लैजाने क्रममा गाउँले, आफन्त, साथीभाइ र शुभेच्छुकहरूको ठूलो भीड उपस्थित थियो । आकाश रुँदै थियो, मानौं प्रकृतिले पनि उहाँको बिदाइमा आँसु झारेको हो ।
उहाँको निधनले गाउँलेहरू मात्र होइन, टाढा रहेका नेपालीहरू समेत स्तब्ध भएका छन्। सबैको मुखमा एउटै वाक्य घोचिरहेको छ — “प्रभु, यस्तो पीडा कसैलाई नहोस्।”
स्व. सुरेश बिष्ट प्रति हार्दिक श्रद्धाञ्जली।
शोकसन्तप्त परिवारजनप्रति गहिरो समवेदना। 🕊️💔
