Acs Police Crime Squad News

01/06/2026

30/05/2026

विषारी दारूकांडाच्या निषेधार्थ युवक काँग्रेसचे आंदोलन; उत्पादन शुल्क विभागाच्या कार्यालय परिसरात रिकाम्या दारूच्या बाटल्या आढळल्याचा दावा.

30/05/2026

पुणे : पुणे रेल्वे स्थानकावरील तिकीट काढण्याच्या मशीनवर कार्यरत असलेल्या एका कर्मचाऱ्याकडून प्रवाशांकडून तिकीटाच्या मूळ किमतीपेक्षा जादा रक्कम घेतली जात असल्याचा गंभीर आरोप समोर आला आहे. एका प्रवाशाने सेकंड मेल कोनार्क एक्सप्रेस,११०१९/एक्सप्रेस General ticket तिकीट काढताना तिकीटावर छापील भाडे १७५ रुपये असताना संबंधित कर्मचाऱ्याने १८० रुपये घेतल्याचा दावा केला आहे.
प्रवाशाने याबाबत विचारणा केली असता, “ऑटोमॅटिक मशीनमध्ये असेच कट होते,” असे उत्तर देण्यात आल्याचा आरोप आहे. मात्र तिकीटावर स्पष्टपणे १७५ रुपये भाडे नमूद असताना अतिरिक्त ५ रुपये कोणत्या नियमांतर्गत घेतले गेले, असा प्रश्न उपस्थित केला जात आहे.
सध्या उन्हाळी सुट्ट्या आणि प्रवासाचा हंगाम सुरू असल्याने दररोज हजारो प्रवासी पुणे रेल्वे स्थानकावरून प्रवास करतात. अशा परिस्थितीत प्रत्येक तिकीटामागे अतिरिक्त रक्कम आकारली जात असेल, तर दिवसाभरात मोठ्या प्रमाणावर प्रवाशा�

30/05/2026

‘सार्वजनिक उद्याने सर्वांसाठीच’ : सारसबाग बंदी आदेशाच्या निषेधार्थ मुस्लिम समाजाचे महापालिकेसमोर आंदोलन

30/05/2026

सारसबाग प्रवेशबंदीविरोधात मुस्लिम समाजाचा संताप; महापालिकेसमोर फुले वाटप करत शांततापूर्ण सत्याग्रह

30/05/2026

सारसबाग प्रवेशबंदीविरोधात मुस्लिम समाजाचा महापालिकेसमोर फुले वाटप करून शांततापूर्ण सत्याग्रह; सार्वजनिक उद्याने सर्वांसाठी खुली ठेवण्याची मागणी.

30/05/2026

सारसबाग बंदीविरोधात मुस्लिम समाजाचा सत्याग्रह; महापौरांना फुले देत नोंदवला निषेध

30/05/2026

हडपसर विषारी दारू प्रकरण: तीन पोलिस अधिकारी निलंबित; १२ जणांच्या मृत्यूनंतर कारवाई

पुणे : हडपसर परिसरातील विषारी दारू प्रकरणात १२ जणांचा मृत्यू झाल्यानंतर पुणे शहर पोलिस दलात मोठी प्रशासकीय कारवाई करण्यात आली आहे. कर्तव्यात हलगर्जीपणा केल्याचा ठपका ठेवत हडपसर पोलीस ठाण्याचे वरिष्ठ पोलीस निरीक्षक संजय मोगले, हडपसर चौकीच्या प्रभारी सहाय्यक पोलीस निरीक्षक हसीना शिकलगार आणि गुन्हे शोध पथकातील पोलीस उपनिरीक्षक हसन मुलाणी यांना निलंबित करण्यात आले आहे. पोलीस आयुक्त अमितेश कुमार यांनी यासंदर्भातील आदेश जारी केले.

हडपसर पोलीस ठाण्याच्या हद्दीत गावठी अथवा विषारी दारू सेवन केल्याने १२ जणांचा मृत्यू झाल्याची घटना अलीकडेच उघडकीस आली. या प्रकरणी हडपसर पोलीस ठाण्यात विविध कलमांन्वये गुन्हा दाखल करण्यात आला असून, अवैध दारू विक्रीच्या साखळीचा तपास सुरू आहे.

निलंबनाच्या आदेशात संबंधित अधिकाऱ्यांवर गंभीर ताशेरे ओढण्यात आले आहेत. अवैध दारू विक्रीबाबत माहिती उपलब्ध असतानाही प्रभावी प्रतिबंधात्मक कारवाई करण्यात अपयश आल्याने ही घटना घडल्याचे नमूद करण्यात आले आहे. तसेच या प्रकारामुळे पोलिस दलाच्या प्रतिमेला धक्का बसल्याचेही आदेशात म्हटले आहे.

दरम्यान, या प्रकरणातील जबाबदारी निश्चित करण्यासाठी विभागीय चौकशी सुरू करण्यात आली असून चौकशी पूर्ण होईपर्यंत संबंधित अधिकाऱ्यांना निलंबित ठेवण्यात येणार आहे. निलंबन काळात त्यांचे मुख्यालय पोलीस आयुक्तालयात राहणार असून नियमानुसार त्यांना निर्वाह भत्ता देण्यात येणार आहे.

या कारवाईनंतर हडपसर पोलीस ठाण्याच्या वरिष्ठ पोलीस निरीक्षकपदाचा अतिरिक्त कार्यभार पोलीस निरीक्षक अशोक इप्पर यांच्याकडे सोपविण्यात आला आहे. विषारी दारू प्रकरणानंतर पोलिस प्रशासनाने जबाबदारी निश्चित करण्यासाठी कठोर भूमिका घेतल्याचे या निर्णयातून स्पष्ट झाले आहे.