Contact information, map and directions, contact form, opening hours, services, ratings, photos, videos and announcements from Decode India, Media/News Company, Pune.
31/01/2024
"मी 'महात्मा' म्हटला गेलो म्हणून माझे वचन प्रमाण आहे असे समजून कोणी चालू नये. महात्मा कोण हे आपल्याला माहीत नाही. म्हणून चांगला मार्ग हा की, महात्म्याचे वचन देखील बुध्दीच्या कसोटीवर घासून घ्यावे आणि ते कसास न उतरल्यास त्याचा त्याग करावा!"
- महात्मा गांधी
29/01/2024
अर्थसंकल्प म्हणजे काय? हे अगदी साध्या, सोप्या भाषेत समजून घेऊयात. अर्थतज्ञ कॉ. अजित अभ्यंकर यांच्याकडून. Center For Holistic Human Development and Research (CHHDR ) यांनी मांडलेल्या 'जनअर्थसंकल्प' कार्यक्रमावेळी कॉ. अजित अभ्यंकर यांनी बजेट विषयी मांडणी केली.
#अर्थसंकल्प
27/01/2024
संसदेत दरवर्षी देशाचा अर्थसंकल्प सादर होतो. प्रत्येक भारतीय माणसाच्या जीवनावर प्रभाव टाकणाऱ्या या बजेट विषयी जनतेला काही माहिती असते का? यामध्ये जनतेच्या मुद्द्यांना किती प्राधान्य दिलं जात. यासंदर्भातील चर्चा करण्यासाठी Center for Holistic Human Development and Research च्या वतीने जनअर्थसंकल्प सादर केला जातो. याविषयी या व्हिडिओ मधून समजून घेऊयात.
#जनअर्थसंकल्प #अर्थसंकल्प
20/01/2024
जीवन नव तेज राहो, अंतरंगी भावना
सुंदराचा वेध लाभो, मानवाच्या जिवना
शौर्य लाभो, धैर्य लाभो, सत्य त्या सशांकता
सत्य सुंदर मंगलाची, नित्य हो आराधना
- वसंत बापट
#भारतमाझादेश #भारतमेरादेश
13/01/2024
कोटी कोटी हे बळकट बाहू, समतेचा रथ ओढून नेऊ
आस वेगळी नाही आम्हा, ध्यास वेगळा नाही
- वसंत बापट
#भारतमाझादेश #भारतमेरादेश
15/10/2023
अंधाना मेट्रो कशी दिसते
15 ऑक्टोबर : व्हाईट केंद्र सेफ्टी डे निमित्त रिना पाटील यांच्या नजरेतून मेट्रोची सैर.
23/09/2023
अबोलांची बोलकी शाळा
कर्णबधीर मुलांची भाषा आपण शिकूयात का?
जागतिक कर्णबधीर दिनानिमित्त विशेष स्टोरी
Be the first to know and let us send you an email when Decode India posts news and promotions. Your email address will not be used for any other purpose, and you can unsubscribe at any time.
Decode India हे पर्यायी माध्यमं (Alternative Media) आहे. मुख्य प्रवाहातील माध्यमांकडून दुर्लक्षित राहिलेल्या किंवा दुर्लक्ष केलेल्या सर्वसामान्य जनतेच्या विविध प्रश्नांवर Decode India च्या माध्यमातून मागील दोन वर्षांपासून काम सुरु आहे. त्यातही विशेषतः ग्रामीण आणि आदिवासी भागांमधील प्रश्नांवर भर अधिक असतो. सोशल मिडीयाच्या युट्यूब, फेसबूक, इन्स्टाग्राम, व्हॉट्सऍप आदी प्रकारच्या व्यासपीठांवरून माहिती प्रभावीपणे लोकांपर्यंत पोहचवत असतो.
दोन वर्षात आम्ही एकूण २० सामाजिक विषयांना हाताळण्याचा प्रयत्न केला, आणि व्हिडीओ स्टोरीजच्या माध्यमातून तो लोकांसमोर घेऊन आलो. त्यामध्ये मुख्यतः ऊसतोड मजूर, ऊसतोड मजूरांच्या मुलांचे शिक्षण, कातकरी समाज, ग्रामीण भागातील मुलींचे प्रेम-आकर्षणावरील मुक्त विचार, मासिक पाळी आणि आरोग्य यावरील त्यांची मतं, प्रगतीशील शेतकरी, गावगाड्यात अडकलेले लोणारी आणि होलार समाज, शासनाने १३१४ मराठी शाळा बंद केल्याच्या निर्णयानंतर ग्रामीण भागातील शाळेवर होणार परिणाम, प्रा. हेमा साने – ८० वर्षात एक दिवसही विज न वापरणारी प्राध्यापिका , दरवर्षा मधाच्या शोधात दोन-दोन महिने पुण्यात स्थलांतरीत होऊन येणारा कुर्मी समाज, स्पर्धा परीक्षांचा अभ्यास करणारे विद्यार्थी आदि विषयांवर आम्ही काम केले आहे. आणखी बरेच विषय आम्ही अभ्यासत आहोत. समाजातील अनेक प्रमुख प्रश्न प्रभाविपणे समाजात यायला हवेत हा यामागील प्रमुख उद्देश आहे.
Decode India ने केलेल्या अनेक स्टोरीजचा मुख्य प्रवाहातील माध्यमांकडून पाठपुरावा केला जातो. यातील काही प्रश्नांची शासन दरबारी दखल सुद्धा घेण्यात आली आहे.
उदा.
१) अहमदनगर मधील श्रीगोंदा तालुक्यात एका आदिवासी महिलेला विवस्त्र करून मारहाणीची घटना घडली होती. मारहाण करणारे प्रस्थापीत जातीमधील असल्याने त्याची कुठेच दखल घेतली जात नव्हती. स्थानिक सर्व माध्यमांना या घटनेचे काही देणे-घेणे नव्हते. अशा काळात Decode India कडे ही स्टोरी आली. Decode India ची टीम घटनास्थळी दाखल झाली. मध्यरात्री १ वा. त्या पिडीत महिलेची मुलाखत घेतली. ही बातमी सकाळी ८ वाजात साम टीव्हीच्या माध्यमातून ब्रेक करण्यात आल्यानंतर संपूर्ण महाराष्ट्रातील सर्व माध्यमांनी याची दखल घेऊन पाठपुरावा केला आणि प्रश्न उचलून धरला. यातून निर्माण झालेल्या दबावामुळे राज्य सरकारने याची दखल घेऊन चौकशीचे आदेश दिले. राज्य अनुसूचित जाती जमाती आयोगाचे सदस्य (विधी) माजी न्यायाधीश सी. एल थूल व सदस्य सचिव डॉ. संदेश वाघ यांनी पीडित कुटूंबाची भेट घेऊन विचारपूस करून शासकीय मदत म्हणून त्यांना एक लाखाचा धनादेश दिला. घटना घडल्यानंतर गुन्हा नोंदविण्यास उशीर करणाऱ्या पोलिस अधिकाऱ्यावर कारवाई करण्याची शिफारस केली. तसेच त्या कुटुंबाला पोलीस संरक्षण देण्यात आले.
२) २०१८ च्या फेब्रुवारी महिन्यात महाराष्ट्र शासनाने १३१४ शाळा बंद करण्याचा निर्णय घेतला. यामध्ये भोर तालुक्यातील रायरेश्वर किल्ल्यावरील शाळेचा देखील समावेश होता. उंच किल्ल्यावर असेलेली ही पहिली ते सातवी पर्यंतची १३ विद्यार्थ्यांची शाळा. ही बंद केल्यास या मुलांना डोंगरांमधली पायवाटेने किमान सहा-सात किमी शाळेला जावे लागेल. यातून त्यांचे शिक्षणाचे दरवाजे कायमचे बंद होतील. पुढील काळात गावातील कुणालाच शिक्षण मिळणार नाही. असा गंभीर प्रश्न निदर्शनास आणून दिल्यानंतर याची दखल खासदार सुप्रिया सुळे यांनी घेतली. शासनाकडे पाठपुरावा करून ती शाळा बंद करण्याचा निर्णय मागे घेण्यात आला.
३) पुण्याच्या मध्यवर्ती भागातील प्रसिद्ध आप्पा बळवंत चौकात राहणाऱ्या प्रा. हेमा साने या ८० वर्षाच्या प्राध्यापिका महिलेने संपुर्ण आयुष्यात एक दिवसही विज वापरलेली नाही. वनस्पती शास्त्राच्या त्या अभ्यासक आहेत. हा सामाजिक संदेश व प्रेरणादाई महिलेची स्टोरी Decode India ने केल्यानंतर केवळ महाराष्ट्रातीलच नाहीतर राष्ट्रीय पातळीवरील माध्यमांनी त्यांची दखल घेऊन पाठपुरावा केला. सर्व माध्यमांनी त्यांची स्टोरी केली.
पत्रकारीतेचे शिक्षण देणाऱ्या महाविद्यालयांमध्ये Decode India च्या स्टोरीज दाखविल्या जातात. ऊसतोड मजूर व त्यांचे स्थलांतर या विषयावर विशेष काम आहे. Decode India ने केलेले काम वेळोवेळी सोशल मीडिया व महाविद्यालयातील सेमिनार, विशेष लेक्चर, लोकांशी प्रत्यक्षात भेटून मांडत असतो.
* Decode India मध्ये काम करणारे लोक कोण आहेत ?
Decode India साठी काम करणाऱ्यांमध्ये पत्रकार, वकील, प्राध्यापक व सामाजिक क्षेत्रांमध्ये काम करणारे लोक आहेत. या सोबतच अनेक प्राध्यापक, विविध विषयांवरील अभ्यासक, वरिष्ठ पत्रकार, ज्येष्ठ सामाजिक कार्यकर्त्यांचे मार्गदर्शंन आम्हाला मिळत असते.
