Policenama

05/06/2026

Pune news| श्रीकांत पाटील यांची माघार, महाविकास आघाडीची नाराजी तर अस्तित्वाची लढाई असल्याची काँग्रेस शहराध्यक्षा दीप्ती चौधरी यांची प्रतिक्रिया.........

05/06/2026

"खूप झालं युद्ध, आता तरी थांबूया.." युक्रेनचे राष्ट्राध्यक्ष झेलेन्स्कींचं पुतिन यांना 1800 शब्दांचं थेट पत्र; समोरासमोर चर्चेची दिली ऑफर

रशिया-युक्रेन युद्धाला नवे वळण मिळण्याची शक्यता निर्माण झाली आहे. युक्रेनचे राष्ट्राध्यक्ष वोलोदिमिर झेलेन्स्की यांनी रशियाचे अध्यक्ष व्लादिमीर पुतिन यांना सविस्तर खुले पत्र लिहून थेट समोरासमोर चर्चेचा प्रस्ताव दिला आहे.

युद्ध संपवण्यासाठी दोन्ही नेत्यांमधील थेट संवाद हाच एकमेव मार्ग असल्याचे झेलेन्स्की यांनी स्पष्ट केले. “आता निवड तुमची आहे,” असे म्हणत त्यांनी पुतिन यांना चर्चेसाठी पुढे येण्याचे आवाहन केले.

१,८०० हून अधिक शब्दांच्या या पत्रात झेलेन्स्की यांनी युद्ध दीर्घकाळ चालू ठेवण्याच्या शक्यतेवरही चिंता व्यक्त केली. युक्रेनने युद्ध सन्मानाने आणि भविष्यात पुन्हा युद्ध होणार नाही, अशा ठोस हमीसह संपवण्याचा प्रामाणिक प्रस्ताव दिल्याचे त्यांनी नमूद केले.

“Enough of war, let’s stop now”: Zelensky offers direct talks to Putin

The Russia-Ukraine war may be heading toward a crucial turning point after Ukrainian President Volodymyr Zelensky wrote a detailed open letter to Russian President Vladimir Putin, offering direct face-to-face talks.

Zelensky stated that direct dialogue between the two leaders is the only way to end the war. In the letter, he urged Putin to make a decision, saying the choice now lies with Russia.

In the 1,800-word letter, Zelensky also raised concerns over reports suggesting that the war could be dragged into 2027 and 2028. He said Ukraine has made a sincere proposal to end the war with dignity and with guarantees that such conflict will not happen again.

#झेलेन्स्की #पुतिन #रशियायुक्रेनयुद्ध #जागतिकबातम्या #मराठीबातम्या

05/06/2026

राज्यातील भेसळ हद्दपार करणारच; चुकीचे वर्तन करणाऱ्यांची कोणतीही गय केली जाणार नाही - तुकाराम मुंढे

पुणे : ग्राहकांना भेसळमुक्त उत्पादने मिळाली पाहिजेत आणि चांगले दूध देणाऱ्या शेतकऱ्यांना योग्य मोबदला मिळाला पाहिजे. भेसळ करणाऱ्यांविरोधात आवश्यक तपासण्या करून धाडी टाकल्या जातील. चुकीचे वर्तन करणाऱ्यांची कोणतीही गय केली जाणार नाही, असा स्पष्ट इशारा अन्न व औषध प्रशासन विभागाचे आयुक्त तुकाराम मुंढे यांनी दिला.

दूध उत्पादक संघटनेच्या पदाधिकाऱ्यांनी मुंढे यांची भेट घेतली. या वेळी ‘चितळे डेअरी’चे ज्येष्ठ संचालक श्रीपाद चितळे, आबासाहेब थोरात आणि कल्याणकारी संघाचे मानद सचिव प्रकाश कुतवळ उपस्थित होते. बैठकीत दूध आणि दुग्धजन्य पदार्थांमधील भेसळ रोखण्याबाबत सविस्तर चर्चा झाली. राज्यातील भेसळ हद्दपार करण्यासाठी अन्न व औषध प्रशासन कटिबद्ध आहे, असे मुंढे यांनी सांगितले. तसेच विभागाच्या प्रयोगशाळा अधिक अद्ययावत करण्याचे काम सुरू असल्याची माहितीही त्यांनी दिली.

सध्या बनावट पनीरविरोधात विभागाने केलेली कारवाई महत्त्वाची ठरल्याचे संघटनेच्या पदाधिकाऱ्यांनी सांगितले. या कारवाईमुळे दुधापासून तयार होणाऱ्या अस्सल पनीरला बाजारात मागणी वाढली आहे. अनेक हॉटेलांमध्ये ‘आमच्याकडे दुधापासून बनविलेल्या पनीरपासून केलेल्या भाज्या उपलब्ध आहेत,’ असे फलक लावले जात असल्याची माहितीही पदाधिकाऱ्यांनी मुंढे यांना दिली.

#तुकाराममुंढे #अन्नसुरक्षा #भेसळमुक्त #पुणे #दूधभेसळ #शेतकरी #ग्राहकहक्क #मराठीबातम्या

05/06/2026

साई सुदर्शनला आणखी संधी मिळायला हव्यात: गौतम गंभीर

साई सुदर्शनला अजून फारशा संधी मिळालेल्या नाहीत. तो इंग्लंडमध्ये बराच क्रिकेट खेळला आहे आणि त्याला पुरेशा संधी देणे गरजेचे आहे, असे गौतम गंभीर यांनी म्हटले. संघात केवळ 11 खेळाडूंची निवड करता येते, पण साई सध्या वाईट फॉर्ममध्ये नाही. आयपीएलमध्ये त्याने 700 हून अधिक धावा करत आपली क्षमता सिद्ध केली आहे.

Sai Sudharsan deserves more opportunities: Gautam Gambhir

Gautam Gambhir said Sai Sudharsan has not received many opportunities so far and deserves a longer run. He added that Sudharsan has played a lot of cricket in England and is not out of form. Since only 11 players can be picked in the team, selection is always challenging, but his 700-plus IPL runs show his strong potential.

#साईसुदर्शन #गौतमगंभीर #मराठीबातम्या

05/06/2026

पुणे : कर्वेनगरमधील गृहनिर्माण सोसायटीत 32 लाखांचा गैरव्यवहार; माजी प्रशासकासह साथीदारावर गुन्हा दाखल

पुणे : कर्वेनगरमधील एका सहकारी गृहनिर्माण सोसायटीच्या बँक खात्यातून सुमारे ३२ लाख रुपये अपहार केल्याप्रकरणी माजी अधिकृत प्रशासक आणि त्याच्या साथीदाराविरोधात गुन्हा दाखल करण्यात आला आहे. हा गुन्हा ३ जून रोजी अलंकार पोलिस ठाण्यात नोंदविण्यात आला.

आरोपींची ओळख नीलकमल को-ऑपरेटिव्ह हाउसिंग सोसायटीचे (Neelkamal Co-operative Housing Society) माजी प्रशासक आणि लेखापरीक्षक अतुल रमेश महाजन (Atul Ramesh Mahajan), तसेच त्यांचे साथीदार शिवाजी भीमराव राठोड (Shivaji Bhimrao Rathod) अशी झाली आहे. सोसायटीचे अध्यक्ष मकरंद बाळकृष्ण मांडके आणि व्यवस्थापन समिती सदस्य विद्यागौरी ताम्हणकर यांनी दिलेल्या तक्रारीनंतर पोलिसांनी ही कारवाई केली.

तक्रारीनुसार, सोसायटीच्या कॉसमॉस बँक खात्यात मुदतठेवी, व्याज आणि इतर शिल्लक रक्कम धरून सुमारे ४० लाख रुपये असणे अपेक्षित होते. मात्र, एप्रिल २०२६ मध्ये नव्याने निवडून आलेल्या व्यवस्थापन समितीने केवायसी प्रक्रिया पूर्ण करण्यासाठी बँकेत भेट दिली असता खात्यात केवळ १.४४ लाख रुपये शिल्लक असल्याचे आढळले.

या धक्कादायक तफावतीनंतर समितीने मागील पाच वर्षांचे बँक स्टेटमेंट तपासले. या तपासणीत मार्च २०२३ ते जानेवारी २०२६ या कालावधीत विविध धनादेशांद्वारे सुमारे ३२ लाख रुपये काढण्यात आल्याचे समोर आले. पोलिसांच्या माहितीनुसार, धनादेशांद्वारे काढलेली रक्कम ‘ओम मीडिया’ आणि शिवाजी राठोड यांच्या नावावर वर्ग करण्यात आल्याचा आरोप आहे.

सोसायटी पदाधिकाऱ्यांच्या म्हणण्यानुसार, संबंधित कालावधीत सोसायटीच्या आर्थिक व्यवहारांवर आणि बँक खात्यांच्या कामकाजावर अतुल महाजन यांचे पूर्ण नियंत्रण होते. त्यांनी या अधिकाराचा गैरवापर करून अनधिकृत रक्कम काढण्यास मदत केल्याचा आरोप करण्यात आला आहे.

तक्रारीत नमूद केल्याप्रमाणे, उपनिबंधक कार्यालयाने २०२१ ते २०२५ या कालावधीत महाजन यांची सोसायटीचे अधिकृत अधिकारी म्हणून नियुक्ती केली होती. मात्र, निर्धारित कालावधीत निवडणुका न झाल्याने नंतर त्यांची जागा दुसऱ्या अधिकृत अधिकाऱ्याने घेतली. मार्च २०२६ मध्ये सोसायटीच्या निवडणुका झाल्यानंतर नवीन व्यवस्थापन समितीने पदभार स्वीकारला आणि आर्थिक व्यवहारांची तपासणी करताना हा कथित गैरव्यवहार उघडकीस आला.

या प्रकरणी पोलिसांनी विश्वासघात, फसवणूक आणि अपहाराशी संबंधित भारतीय न्याय संहितेतील कलमांनुसार दोघांविरोधात गुन्हा दाखल केला आहे. पैशांचा नेमका प्रवाह आणि या प्रकरणात आणखी कोणाचा सहभाग आहे का, याचा तपास सुरू आहे.

#पुणेबातम्या #कर्वेनगर #गृहनिर्माणसोसायटी #फसवणूक #आर्थिकगैरव्यवहार #गुन्हादाखल #अपहार

05/06/2026

Pune news| महाराष्ट्र नवनिर्माण विद्यार्थी सेनेचे कोचिंग सेंटर वर आक्रमक आंदोलन.......

05/06/2026

Bal Mane | उमेदवारी माघारीनंतर बाळ मानेंचे दोन व्हॉट्सॲप स्टेटस चर्चेत; ठाकरे गटाकडून हकालपट्टी तर महायुतीची सरशी
Policenamaa1

Bal Mane | Bal Mane's two WhatsApp statuses are in the news after withdrawing his candidacy; Expulsion from Thackeray group and Mahayuti's Sarshi

05/06/2026

Tukaram Munde | जेवणात किंवा औषधात भेसळ आहे? थेट तुकाराम मुंढेंना फोन करा; तक्रारीसाठी एफडीएकडून टोल फ्री क्रमांक जाहीर

Tukaram Munde | Is there adulteration in food or medicine? Call Tukaram Munde directly; FDA announces toll free number for complaints

05/06/2026

पुणे : नवीन वीज मीटर हवाय, प्रती मीटर हजार रुपये देण्याची ठेवा तयारी; महावितरणच्या अति. कार्य. अभियंता रामचंद्र नारायण लोंढे यांना लाच घेताना अटक

पुणे : Pune ACB Trap Case | नवीन इमारत बांधली तर त्यातील सर्व घरांसाठी वीज मीटर आवश्यक असते. नवे वीज मीटर हवे असेल तर प्रती वीजमीटर किमान १ हजार रुपये वर देण्याची तयारी ठेवा. हो तसा महावितरणचा दरच ठरला आहे. हडपसर उपविभागाचे अतिरिक्त कार्यकारी अभियंता याला लाच घेताना लाच लुचपत प्रतिबंधक विभागाने सापळा रचून पकडले. त्यातून महावितरणमधील दरपत्रक समोर आले आहे. (Pune Bribe Case)

अतिरिक्त कार्यकारी अभियंता रामचंद्र नारायण लोंढे Ramchandra Narayan Londhe (वय ४२, रा. कृष्णानगर, चिंचवड) असे अटक केलेल्या लाचखोर अधिकार्‍याचे नाव आहे.

तक्रारदार हे इलेक्ट्रिकल सब कॉन्ट्रॅक्टर असून ते महावितरणाची कामे करतात. महावितरणाचे उपविभाग २ हडपसरचे अतिरिक्त कार्यकारी अभियंता रामचंद्र लोंढे यांनी तक्रारदार यांनी केलेल्या नवीन १२ वीज मीटर जोडणीच्या कामाचे १ हजार रुपये प्रति मीटर प्रमाणे तक्रारदाराकडे १२ हजार रुपयांची मागणी केली. तसेच तक्रारदार यांना मिळालेल्या अन्य एका नवीन इमारतीच्या वीज कनेक्शनच्या कामाकरीता ५० हजार रुपयांची मागणी लोंढे करत असल्याची तक्रार त्यांनी २ जून रोजी लाच लुचपत प्रतिबंधक विभागाकडे दिली होती.

या तक्रारीच्या अनुषंगाने २ जून रोजी पडताळणी कारवाई दरम्यान अतिरिक्त कार्यकारी अभियंता लोंढे याने तक्रारदाराकडून बसविण्यात आलेल्या नवीन १२ वीज मीटर जोडणीचे प्रति मीटर १ हजार रुपये प्रमाणे १२ मीटरचे १२ हजार रुपयांची लाचेची मागणी करुन त्यातील ४ हजार ५०० रुपये यापूर्वी घेतल्याचे कबुल केले. उर्वरित ७ हजार ५०० रुपयांची लाच मागितल्याचे निष्पन्न झाले.

या लाच मागणीच्या अनुषंगाने ४ जून रोजी दुपारी महावितरणच्या हडपसर उपविभागात लाच लचुपत प्रतिबंधक विभागाचे पोलीस निरीक्षक अविनाश घरबुडे व त्यांचे सहकारी यांनी सापळा रचला. तक्रारदार यांच्याकडून ७ हजार ५०० रुपये स्वीकारताना रंगेहात पकडण्यात आले. फुरसुंगी पोलीस ठाण्यात गुन्हा दाखल करुन रामचंद्र लोंढे याला अटक करण्यात आली आहे. पोलीस अधीक्षक शिरीष सरदेशपांडे, अपर पोलीस अधीक्षक अजित पाटील, अर्जुन भोसले यांच्या मार्गदर्शनाखाली ही सापळा कारवाई करण्यात आली. पोलीस निरीक्षक सुहास हट्टेकर तपास करीत आहेत.

#पुणे #लाचप्रकरण #महावितरण #वीजमीटर #हडपसर #लाचलुचपतप्रतिबंधकविभाग #गुन्हादाखल #भ्रष्टाचार #मराठीन्यूज

05/06/2026

Gold-Silver Price Today | आरबीआयच्या पतधोरण घोषणेपूर्वी सोन्या-चांदीच्या दरात मोठी घसरण; गुंतवणूकदारांमध्ये सावधतेचे वातावरण
Policenamaa1

Gold-Silver Price Today | Gold and silver prices fall sharply ahead of RBI's monetary policy announcement; Investors remain cautious