MAJHA INDIA News

10/08/2026

09/08/2026

🔴 कोल्हापूर पोलिसांसाठी नव्या निवासी इमारतीचे उद्घाटन

कोल्हापूर | माझा इंडिया न्यूज | ०९/०८|२६

मुख्यमंत्री मा. देवेंद्रजी फडणवीस यांच्या उपस्थितीत कोल्हापूर पोलीस मुख्यालयातील ‘छत्रपती महाराणी ताराबाई पोलीस गृहनिर्मूल’ येथील नूतन निवासी इमारतीचे उद्घाटन तसेच कोनशिलेचे अनावरण करण्यात आले.

या कार्यक्रमाला विधानसभा अध्यक्ष अॅड. राहुल नार्वेकर, खासदार श्रीमंत छत्रपती शाहू महाराज, मंत्री चंद्रकांत पाटील, मंत्री प्रकाश आबिटकर, राज्यमंत्री माधुरी मिसाळ, महापौर रुपाराणी निकम यांच्यासह पोलीस विभागातील वरिष्ठ अधिकारी आणि अन्य मान्यवर उपस्थित होते.

पोलीस अधिकारी व कर्मचाऱ्यांना चांगल्या निवासी सुविधा उपलब्ध करून देण्याच्या दृष्टीने हा प्रकल्प महत्त्वाचा मानला जात आहे. कोल्हापूर पोलीस मुख्यालयातील निवासस्थानांच्या बांधकामाबाबत यापूर्वीही शासन स्तरावर काम सुरू असल्याची नोंद आहे.

माझा इंडिया न्यूज | बातमी तुमच्यापर्यंत, सर्वात आधी!

#कोल्हापूर #महाराष्ट्र_बातम्या

09/08/2026

जागतिक आदिवासी दिनानिमित विशेष कार्यक्रम | #पिंपरी #देहू

09/08/2026

🔴 नाशिकमध्ये भूकंपाचे जोरदार धक्के; घरांच्या भिंतींना तडे, नागरिकांची पळापळ

नाशिक | माझा इंडिया न्यूज | 09/08/26

नाशिक जिल्ह्यात रविवारी रात्रीच्या सुमारास भूकंपाचे धक्के जाणवल्याने नागरिकांमध्ये एकच खळबळ उडाली. रात्रीच्या वेळी अचानक जमीन हादरल्याने अनेक नागरिक घाबरून घराबाहेर पडले.

मिळालेल्या प्राथमिक माहितीनुसार, भूकंपाची तीव्रता 4.3 रिश्टर स्केल इतकी नोंदवण्यात आली आहे. या धक्क्यांमुळे काही भागातील घरांच्या भिंतींना तडे गेल्याचे समोर आले आहे. मात्र, सुरुवातीच्या माहितीनुसार जीवितहानीबाबत कोणतीही माहिती समोर आलेली नाही.

नाशिक जिल्ह्यातील काही गावांमध्ये भूकंपाचे हादरे जाणवल्याने नागरिकांमध्ये भीतीचे वातावरण निर्माण झाले. अनेकांनी खबरदारी म्हणून घराबाहेर किंवा सुरक्षित ठिकाणी जाणे पसंत केले.

दरम्यान, प्रशासनाकडून परिस्थितीवर लक्ष ठेवण्यात येत असून भूकंपामुळे झालेल्या नुकसानीची माहिती घेतली जात आहे. नागरिकांनी घाबरून न जाता प्रशासनाच्या सूचनांचे पालन करावे, असे आवाहन करण्यात येत आहे.

भूकंपाच्या धक्क्यांनंतर घरांच्या भिंतींना तडे गेल्याने नागरिकांच्या सुरक्षेचा प्रश्न पुन्हा ऐरणीवर आला आहे.

📍 नाशिक | माझा इंडिया न्यूज

09/08/2026

🎂 वाढदिवसाच्या दिवशी प्राजक्ता माळीचा मोठा निर्णय; ‘मला नाईलाजाने...’ म्हणत घेतला Vegan होण्याचा निर्णय

मुंबई | माझा इंडिया न्यूज |०८/०८/२६

अभिनेत्री प्राजक्ता माळी आज तिचा 37वा वाढदिवस साजरा करत आहे. वाढदिवसानिमित्त तिने कुटुंबीयांसोबत वेळ घालवत तसेच देवदर्शन घेत दिवसाची सुरुवात केली. मात्र, याच दिवशी प्राजक्ताने आपल्या आयुष्याशी संबंधित एक महत्त्वाचा निर्णय जाहीर केला असून, तिच्या या निर्णयाची सोशल मीडियावर जोरदार चर्चा सुरू आहे.

प्राजक्ताने वाढदिवसाची सुरुवात श्री सिद्धिविनायकाचे दर्शन घेऊन केली. त्यानंतर तिने आई तळजाई मातेचेही आशीर्वाद घेतले. वाढदिवसानिमित्त काही फोटो सोशल मीडियावर शेअर करत तिने आपल्या नव्या निर्णयाची माहिती चाहत्यांना दिली.

🥛 आता प्राजक्ता होणार Vegan!

प्राजक्ता माळीने आता व्हेगन होण्याचा निर्णय घेतला आहे. सोशल मीडिया पोस्टमधून तिने या निर्णयामागचे कारणही स्पष्ट केले आहे.

प्राजक्ताच्या म्हणण्यानुसार, हा निर्णय केवळ तिच्या इच्छेने घेतलेला नसून तिच्या शरीराने दूध आणि दुग्धजन्य पदार्थ स्वीकारणे बंद केले आहे. त्यामुळे तिला सतत खोकल्याचा त्रास होत असल्याचे तिने सांगितले.

यापुढे आपण चहा आणि कॉफीही घेणार नाही, असे जाहीर केले तर चाहत्यांना आश्चर्य वाटू नये, असेही प्राजक्ताने म्हटले आहे. तिचे शरीर काही ‘तामसिक’ गोष्टी नाकारत असल्याचे तिने पोस्टमध्ये नमूद केले.

❤️ ‘अधिकृतपणे मी क्रुएल्टी-फ्री झाले’

आपल्या या निर्णयाबद्दल बोलताना प्राजक्ताने, ‘आता अधिकृतपणे मी क्रुएल्टी-फ्री झाले आहे’, असे म्हटले आहे.

प्राजक्ताच्या या निर्णयानंतर सोशल मीडियावर चाहत्यांकडून तिच्यावर शुभेच्छांचा वर्षाव होत आहे. वाढदिवसाच्या दिवशी स्वतःच्या जीवनशैलीत केलेल्या या बदलाचे अनेकांकडून कौतुक केले जात आहे.

माझा इंडिया न्यूज — बातमी तुमच्यापर्यंत, सर्वात आधी..!

Mali

08/08/2026

🔴 मोठी बातमी | FCRA विधेयकावर सुप्रिया सुळे आक्रमक

मुंबई | माझा इंडिया न्यूज 08/08/26

केंद्र सरकारच्या FCRA (Foreign Contribution Regulation Act) विधेयकावरून राष्ट्रवादी काँग्रेस पक्षाच्या खासदार सुप्रिया सुळे यांनी भूमिका स्पष्ट केली आहे.

“FCRA विधेयक आमच्यावर लागू करू नका. सध्याच्या स्वरूपात ते लागू केले, तर आमची लढाई होणार आहे. आम्ही चर्चेसाठी तयार आहोत,” असे सुप्रिया सुळे यांनी म्हटले आहे.

सुळे यांनी सर्व पक्षांना विश्वासात घेऊन संयुक्त संसदीय समिती स्थापन करून या विधेयकावर चर्चा करावी, अशी मागणी केली. चर्चेच्या प्रक्रियेत आपली भूमिका सहकार्याची राहील, असेही त्यांनी स्पष्ट केले.

🗣️ सुप्रिया सुळे म्हणाल्या..?

“सध्याच्या स्वरूपात FCRA विधेयक लागू करू नका; अन्यथा आमची लढाई होईल. सर्व पक्षांना विश्वासात घेऊन संयुक्त संसदीय समिती बनवा आणि चर्चा करा.”

FCRA विधेयकावरून आता केंद्र सरकार आणि विरोधकांमध्ये राजकीय संघर्ष आणखी तीव्र होण्याची शक्यता आहे.

माझा इंडिया न्यूज | बातमी तुमच्या विश्वासाची!

08/08/2026

धाराशिवच्या विकासासाठी पंतप्रधान मोदींची खासदार ओमराजे निंबाळकर यांच्याशी चर्चा

नवी दिल्ली | माझा इंडिया न्यूज |०८/०८/२६

धाराशिव लोकसभा मतदारसंघाचे खासदार ओमराजे निंबाळकर यांनी पंतप्रधान नरेंद्र मोदी यांची भेट घेत धाराशिवच्या विकासकामांसह मतदारसंघातील विविध प्रलंबित प्रश्नांवर सविस्तर चर्चा केली.

पंतप्रधान मोदी यांच्या खासदारांसाठी आयोजित अल्पोपहार कार्यक्रमात ही भेट झाली. यावेळी निंबाळकर यांनी धाराशिवच्या सर्वांगीण विकासासाठी केंद्र सरकारकडून अधिक सहकार्य मिळावे, अशी अपेक्षा व्यक्त केली.

दरम्यान, विकासकामांमध्ये कोणतीही अडचण निर्माण झाल्यास थेट पंतप्रधान कार्यालयाशी (PMO) संपर्क साधण्याच्या सूचना पंतप्रधान मोदी यांनी दिल्याचे ओमराजे निंबाळकर यांनी सांगितले.

मतदारसंघातील विकासकामांना गती देण्यासाठी उपलब्ध सत्तेचा प्रभावी वापर करण्याचे आवाहनही पंतप्रधानांनी खासदारांना केले. तसेच ओमराजे निंबाळकर यांच्या नियमित योगाभ्यासाचीही पंतप्रधान मोदी यांनी आवर्जून विचारपूस केली.

या भेटीनंतर धाराशिवच्या विकासासाठी केंद्र सरकारच्या सहकार्याने अधिक वेगाने आणि प्रभावीपणे काम करण्याचा निर्धार निंबाळकर यांनी व्यक्त केला.

माझा इंडिया न्यूज | बातमी तुमच्यापर्यंत, सर्वात आधी!

#माझाइंडियान्यूज #धाराशिव #ओमराजेनिंबाळकर #नरेंद्रमोदी

08/08/2026

गुणरत्न सदावर्ते Vs मनोज जरांगे पाटील #जातप्रमाणपत्र रद्द #गुणरत्न सदावर्ते #मनोज जरांगे #आरक्षण

08/08/2026

http://www.flipkart.com/chitrose-healthy-sp-4-tooth-whitening-toothpaste-harmony-protection/p/itm2798ac9789228?pid=TPSHNS4EDUYGCXDE&marketplace=FLIPKART&cmpid=content_appretar_BabyCareSupply&affid=inf_d911cfe6-b931-4591-8d1d-9733a4db11d9

08/08/2026

🔴 बोरीभडक येथे १८ वर्षीय तरुणीचा दगडाने ठेचून खून; यवतमध्ये आरोपीला अटक

यवत | माझा इंडिया न्यूज

पुणे-सोलापूर महामार्गालगत यवत पोलीस ठाण्याच्या हद्दीतील बोरीभडक गावाजवळ १८ वर्षीय तरुणीचा दगडाने डोक्यात वार करून खून केल्याची धक्कादायक घटना समोर आली आहे. या प्रकरणी यवत पोलिसांनी संशयित आरोपीला अटक केली आहे.

पोलिसांनी दिलेल्या माहितीनुसार, ७ ऑगस्ट २०२६ रोजी रात्री साडेनऊच्या सुमारास बोरीभडक गावाच्या हद्दीत पुणे-सोलापूर महामार्गापासून सुमारे १५० मीटर अंतरावर मोकळ्या जागेत ही घटना घडली.

मृत तरुणीची ओळख आचल यादव (वय अंदाजे १८ वर्षे) अशी करण्यात आली आहे. प्राथमिक माहितीनुसार, आरोपी शंकर बकस सिंग (वय २२, रा. अमेठी, उत्तर प्रदेश) याच्यावर पोलिसांनी कारवाई केली आहे.

पोलिसांच्या माहितीनुसार, मृत तरुणी आरोपीची पत्नी असल्याचे सांगण्यात आले आहे. ती आरोपीला सोडून फिर्यादीसोबत राहत असल्याने आरोपीच्या मनात राग होता. याच कारणातून आरोपीने तिला शिवीगाळ करून दमदाटी केली आणि जीवे मारण्याची धमकी दिल्याचा आरोप आहे. त्यानंतर तिच्या डोक्यात दगड घालून तिचा खून केल्याचे तक्रारीत नमूद करण्यात आले आहे.

या प्रकरणी रोहन मच्छिंद्र गवळी (वय २२) यांच्या फिर्यादीवरून यवत पोलीस ठाण्यात गुन्हा दाखल करण्यात आला आहे.

पोलिसांनी आरोपीला ८ ऑगस्ट २०२६ रोजी अटक केली असून, न्यायालयाने आरोपीला १२ ऑगस्ट २०२६ पर्यंत पोलीस कोठडी सुनावली आहे.

या गुन्ह्याचा तपास पोलीस उपनिरीक्षक सागर माने करीत आहेत, तर गुन्हा दाखल करण्याची कारवाई सहाय्यक पोलीस निरीक्षक सुधीर कदम यांनी केली.

घटनेमुळे बोरीभडक परिसरात खळबळ उडाली असून, या हत्येमागील नेमके कारण आणि घटनेचा संपूर्ण तपास पोलीस करीत आहेत.

माझा इंडिया न्यूज — बातमी तुमच्या विश्वासाची!

#माझाइंडियान्यूज #यवत #बोरीभडक #पुणेक्राईम #पुणेन्यूज #खून #गुन्हेगारी #यवतपोलीस #दौंड #इंदापूर #ब्रेकिंगन्यूज #मराठीन्यूज