10/09/2026
दि १० शहापूर येथे बैलपोळा सण उत्साहात साजरा.
नळदुर्ग : तुळजापूर तालुक्यातील शहापूर येथे परीसरात पारंपरिक पद्धतीने श्रावणी बैलपोळा सण मोठ्या उत्साहात साजरा करण्यात आला आहे.
शेतकऱ्यांचा जिव्हाळ्याचा आणि कृषी संस्कृतीशी नाते सांगणारा बैलपोळा सण शहापूर येथे उत्साहपूर्ण वातावरणात साजरा झाला. या निमित्ताने शेतकऱ्यांनी आपल्या बैलांना स्वच्छ अंघोळ घालून, आकर्षक सजावट व रंगरंगोटी केली. बैलांच्या शिंगांना रंग लावून तसेच गळ्यात घुंगरू, फुलांच्या माळा आणि विविध अलंकारांनी त्यांना सजवण्यात आले.
सजवलेल्या बैलांची पारंपरिक पद्धतीने पूजा-अर्चा करण्यात आली. शेतकऱ्यांनी आपल्या कुटुंबासह बैलांची मिरवणूक काढत हा सण आनंदात साजरा केला. यावेळी गावातील नागरिकांनीही मोठ्या संख्येने उपस्थित राहून बैलपोळ्याचा आनंद घेतला.
शेतकरी आणि बैल यांच्यातील अतूट नात्याचे प्रतीक असलेल्या या सणामुळे शहापूर परिसरात पारंपरिक ग्रामीण संस्कृतीचे सुंदर दर्शन घडले.
फोटो - धीरज गोरे शहापूर.
#बैलपोळा #बैलजोडी
