http://www.dailyvruttamitra.com/

Daily Vruttamitra, Punjab (2025)

16/07/2025

(Mumbai Mitra Hindi) 17 JULY 2025

16/07/2025

(Mumbai mitra marathi) 17 JULY 2025

16/07/2025

https://livemumbaimitra.com/?p=66100
📰 *MUMBAI MITRA EXPOSE*
-------
● पालिकेच्या के/पश्चिम विभागाचे दुर्लक्ष
● *अंधेरीतील ८८ टक्के होर्डिंग्ज अवैध*
--------
विशेष प्रतिनिधी, मुंबई
घाटकोपरमध्ये होर्डिंग कोसळून जीवितहानी होण्याची घटना सुमारे एक वर्षापूर्वी घडली होती. मात्र या गंभीर दुर्घटनेपासून मुंबई महानगरपालिकेने कोणताच बोध घेतलेला नाही, असे वाटते. कारण संपूर्ण मुंबईत असंख्य मोठमोठ्या होर्डिंग्ज अवैधरित्या लावले जात असून, केवळ पालिकेच्या अंधेरी के/पश्चिम विभागात ८८ टक्के होर्डिंग्ज या अनधिकृत आहेत.
एका माहिती अधिकार कार्यकत्र्याने माहिती अधिकार कायद्यांतर्गत केलेल्या अर्जाद्वारे धक्कादायक माहिती हाती लागली आहे. मुंबई महानगरपालिकेच्या के/पश्चिम प्रभागामध्ये विविध विकासक, दुकाने आणि कंपन्यांद्वारे लावण्यात आलेल्या होर्डिंग्जबाबत माहिती मागवण्यात आली होती. पालिकेच्या के/पश्चिम प्रभागाच्या कार्यकक्षेत एकूण १६ होर्डिंग्ज लावण्यात आल्या आहेत. त्यापैकी १४ होर्डिंग्ज हे अनधिकृतरित्या लावण्यात आले आहेत. हे होर्डिंग्ज लावताना पालिकेकडून परवानगी घेण्यात आली नाही.
एकूण १६ होर्डिंग्जपैकी केवळ २ होर्डिंग्ज हे पालिकेची परवानगी घेऊन लावण्यात आले आहेत. १६ पैकी १४ अनधिकृत होर्डिंग्ज म्हणजे हे प्रमाण ८८ टक्के होते. जेव्हा हे अनधिकृत होर्डिंग्ज लावले जात होते अथवा लावल्यानंतर पालिकेचे निरीक्षक, अधिकारी आणि संबंधित एजन्सी डोळे बंद करून बसले होते काय? असा संतप्त सवाल येथील नागरिक विचारत आहेत. कदाचित आर्थिक देवाणघेवाणीतून पालिका अधिका-यांनी या अनधिकृत होर्डिंग्जकडे दुर्लक्ष केले असावे, असा संशय काही नागरिक व्यक्त करत आहेत. याप्रकरणी मुंबई महानगरपालिका आयुक्तांनी सखोल चैकशी करून या चैकशीत जे अधिकारी दोषी आढळतील त्यांच्यावर कठोर कारवाई करण्यात यावी अशी मागणी संतप्त मुंबईकरांकडून केली जात आहे.

16/07/2025

https://livemumbaimitra.com/?p=66097
📰 *MUMBAI MITRA EXCLUSIVE*
-------
● *सायन कोळीवाड्यातील ‘निसर्ग एसआरए’ अधांतरीच*
● गेली १७ वर्षे ३५० कुटुंबांना घराची प्रतीक्षा इमारत तयार असूनही ताबा नाही
--------
विशेष प्रतिनिधी, मुंबई
सायन कोळीवाडा येथील ‘निसर्ग एसआरए’ को. ऑप. हौ. सोसायटीचा प्रकल्प गेली १७ वर्षे रखडला असून, एसआरए योजनेअंतर्गत पात्र १७० जणांसह जवळपास ३५० कुटुंबे हक्काच्या घराची प्रतीक्षा करत आहेत. २००७-२००८ साली सुरू झालेल्या या प्रकल्पात आतापर्यंत ४ बिल्डर बदलले गेले असून, इमारत तयार असूनही मूळ झोपडपट्टी धारकांना विकासकाने घराचा ताबा दिला नसून त्यांचे ५ कोटी रुपये भाडे थकले आहे.
प्राप्त माहितीनुसार, सायन कोळीवाडा परिसरातील ‘निसर्ग एसआरए’ को. ऑप. हौ. सोसायटीचा प्रकल्प २००७-२००८ साली सुरू झाला होता. येथील झोपडपट्टीधारकांनी सुरुवातीला ‘ ग्रेस प्रॉपर्टी - लकडावाला डेव्हलपर्स ’ या विकासकाबरोबर झोपडपट्टी पुनर्वसन योजनेअंतर्गत करार केला होता. प्रकल्पाला गती मिळाली नसल्याने काही वर्षानंतर रहिवाशांनी ‘ हलकारा बिल्डर्स ’ शी करार केला. त्याच्याकडूनही दिरंगाई झाल्याने ‘ कॉसमॉस लँडमार्क ’ (अंकित चोपडा, प्रदीप चोपडा) या विकासकाने प्रकल्प हाती घेतला. त्यानंतर त्याने ‘श्रद्धा ग्लोब ’ ला विकासाचे कंत्राट दिले.
आता इमारत तयार आहे परंतु काही कारणास्तव झोपडपट्टी धारकांना सदनिकांचा ताबा दिला जात नाही. या प्रकल्पामधील १७० सदनिका एसआरए योजनेअंतर्गत पात्र झोपडपट्टी धारकांना मिळणार आहेत. प्रकल्पग्रस्तांसाठी (पी.ए.पी.) १०१ सदनिका आहेत. याशिवाय ७७ जणांनी सदनिका विकत घेतल्या आहेत. त्यांना या योजनेची काहीच माहिती नाही. त्यांच्यावर दुहेरी बोजा पडला आहे. त्यांना गृह कर्जाचा मासिक हप्ताही (ई.एम.आय.) भरावा लागत आहे आणि घराचे भाडेही (मेन्टेनन्स) द्यावे लागत आहे...............................................................
*खराब बांधकाम*
रहिवाशांचा आरोप आहे की, विकासकाने कागदपत्रांमध्ये हेराफेरी केली आहे. विकासकाने इमारतीला चार उद्वाहक (लिफ्ट) बसवण्याचे आश्वासन रहिवाशांना दिले होते. मात्र प्रत्यक्षात विकासकाने केवळ तीन लिफ्ट लावल्या आहेत. गाड्या पार्किंगची सुविधाही इमारतीमध्ये करण्यात आलेली नाही. इमारतीच्या बांधकामांची गुणवत्ताही संशयास्पद आहे. विकासकाने घराचे भाडे देण्याचे आश्वासन दिले होते. मात्र पाच कोटी रुपये भाडे अद्याप दिलेले नाहीत. कोणीही भाडे मागायला विकासकाकडे गेल्यास विकासकाद्वारे त्यांना धमकावले जाते त्यामुळे विधवा आणि वयोवृद्ध रहिवाशांची अवस्था बिकट बनली आहे.

*इमारत तयार, ताबा रखडला*
सोसायटीच्या सदस्यांचा दावा आहे की, विकासकाकडून २० ते २२ कोटी रुपयांची थकबाकी आहे. यापैकी ५ कोटी रुपये निव्वळ भाड्यापोटी थकबाकी आहे. ६ कोटी रुपयांचा प्रॉपर्टी टॅक्स विकासकाने अद्याप भरलेला नाही. विकासकाने कॉर्पस फंड आणि ओ.सी. ची रक्कमही जमा केलेली नाही. तीन विकासक बदलूनही येथील रहिवाशांना काहीच फायदा झालेला नाही. त्यांची घराबाबतची प्रतीक्षा अद्याप स्वप्नवतच आहे. इमारत बांधून तयार आहे. मात्र विकासकाकडून रहिवाशांना चावी दिली जात नाही. रहिवाशांना आपल्या घराचा ताबा २०२४ पर्यंत मिळेल, अशी आशा होती. परंतु २०२५ या नवीन वर्षाचे सहा महिने संपूनही त्यांना घराचा ताबा मिळालेला नाही. घराचे स्वप्न पाहणा-या ८० जणांनी इहलोकीची यात्रा संपवली आहे.

16/07/2025

*धडक च्या " स्थानीय पत्रकारांचा सन्मान आणि स्नेहसंवाद; चहा वर चर्चा" उपक्रमाला उत्स्फूर्त प्रतिसाद*मुंबई :धडक कामगार युनियन महासंघ यांच्या वतीने आयोजित "चहा वर चर्चा" स्नेहसंमेलन व मोफत छत्री वाटप कार्यक्रम मोठ्या उत्साहात पार पडला. स्थानिक पत्रकार बांधव व भगिनींना एकत्र आणून स्नेहसंवाद साधण्यासाठी हा आगळावेगळा उपक्रम घेण्यात आला होता.कार्यक्रमाला पत्रकारांनी व विविध क्षेत्रातील मान्यवरांनी उपस्थिती लावली. यावेळी पावसाळ्याच्या पार्श्वभूमीवर पत्रकार बांधव व भगिनींना मोफत छत्र्यांचे वाटप करण्यात आले. उपस्थितांनी या उपक्रमाचे मनःपूर्वक स्वागत केले.धडक कामगार युनियन महासंघाचे संस्थापक-अध्यक्ष व कामगार नेते अभिजीत राणे यांनी या प्रसंगी बोलताना,"पत्रकार बांधव हे समाजाचा आरसा असतात. त्यांची खरी ओळख ही त्यांच्यातील सचोटी, संघर्षशील वृत्ती आणि जनतेशी असलेली बांधिलकी यातून दिसून येते. आपले कष्ट काहीसा सन्मानित करण्यासाठी व थोडासा आधार देण्यासाठी आजचा हा स्नेहसंमेलन व मोफत छत्री वाटप उपक्रम आम्ही आयोजित केला आहे. पत्रकारांनी नेहमीच कामगार चळवळीला आवाज दिला, आमच्या प्रश्नांना समाजासमोर मांडले, त्यामुळे त्यांच्या ऋणात आम्ही आहोत. यापुढेही असे उपक्रम सातत्याने राबवणार आहोत."या कार्यक्रमाचे आयोजन गोरेगाव येथील धडक कामगार युनियन महासंघाच्या कार्यालयात करण्यात आले होते.कार्यक्रमात पत्रकार बांधवांनी आपल्या मनोगतातून आपल्या अडचणी, कामाचा ताण तसेच समाजाशी असलेली नाळ यावर मोकळेपणाने चर्चा केली. उपस्थितांनी अभिजीत राणे यांच्या उपक्रमशीलतेचे व सामाजिक भानाचे कौतुक केले.कार्यक्रम यशस्वी करण्यासाठी धडक कामगार युनियन महासंघाच्या कार्यकर्त्यांनी व स्वयंसेवकांनी मेहनत घेतली.----- #धडककामगारयुनियन #अभिजीतराणे #पत्रकारसन्मान #चहावरचर्चा #स्नेहसंमेलन #मोफतछत्रीवाटप

16/07/2025

https://livemumbaimitra.com/?p=66023
📰 *MUMBAI MITRA EXPOSE*
-------
● महिला सुरक्षा वाऱ्यावर
● *राष्ट्रीय महामार्गावरील पादचारी पुलांकडे पालिकेचे दुर्लक्ष!*
--------
विशेष प्रतिनिधी, मुंबई
नॅशनल क्राईम रेकॉर्डस ब्युरो ने (एन. सी. आर. बी.) महिलांसाठी सर्वात सुरक्षित समजल्या जाणाऱ्या 10 प्रमुख शहरांमध्ये मुंबईला सर्वाधिक पसंती दिली असली तरी, मुंबईतील पूर्व आणि पश्चिम उपनगरातील 12 पादचारी पूल हे महिलांसाठी सर्वाधिक धोकादायक ठरत आहेत. पूर्व उपनगरातील राष्ट्रीय महामार्गावरील कुर्ला ते विक्रोळी दरम्यानच्या सहा तर पश्चिम उपनगरातील अंधेरी ते दहिसर दरम्यानच्या राष्ट्रीय महामार्गावरील सहा पादचारी पुलांचा समावेश आहे. या पुलांची अवस्था दयनीय तर आहेच शिवाय या पुलांवर नशेखोर, गर्दुल्ले, दारुडे यांचा वावर असल्याने संध्याकाळनंतर या पुलांवरून जाण्यास महिला घाबरतात. मुंबई महापालिकेने या पुलांकडे संपूर्णतः दुर्लक्ष केले असून, महिला पादचाऱ्यांना वाऱ्यावर सोडले आहे.
प्राप्त माहितीनुसार, राष्ट्रीय महामार्गांचे रुंदीकरण करताना एम. एम. आर. डी. ए. ने रस्ता ओलांडताना नागरिकांच्या जीवाला धोका निर्माण होऊ नये म्हणून ठीक ठिकाणी पादचारी पूल बांधले आहेत. यामध्ये पूर्व आणि पश्चिम उपनगरातील राष्ट्रीय महामार्गावरील पादचारी पुलांचा समावेश आहे. मात्र यापैकी पूर्व उपनगरातील कुर्ला ते विक्रोळी दरम्यानचे सहा पादचारी पूल आणि पश्चिम उपनगरातील अंधेरी ते दहिसर दरम्यानचे सहा पादचारी पूल अशा एकूण 12 पुलांची अवस्था अतिशय बिकट बनली आहे. एमएमआरडीए ने पूल बांधल्यानंतर देखभालीसाठी मुंबई महानगरपालिकेच्या स्वाधीन केले होते. परंतु या पादचारी पुलांची देखभाल करण्यात पालिका सपशेल अपयशी ठरली आहे.
बोरिवली पूर्वेकडील कुलुपवाडी येथे हायवे वर बांधण्यात आलेल्या पुलाची अवस्था तर अतिशय दयनीय आहे. या पुलावरच्या लाद्या निखळल्या आहेत. या पुलावर रात्रीच्या वेळी दिवे चालू नसल्याने रात्री येथे काळोखाचे साम्राज्य असते. या पुलावरील छप्परही काढून टाकण्यात आले आहे. रात्रीच्या वेळी या पुलावर भिकारी-गर्दुल्ले यांचा वावर असतो. हा पूल बांधण्यापूर्वी हायवेवर बरेच भयानक अपघात झाले आहेत. रस्ता ओलांडताना अनेकांनी आपले प्राण गमावले आहेत. त्यामुळे रेल्वे स्थानक, भाजी बाजार, रुग्णालय यासाठीच्या दैनंदिन गरजांसाठी रायडोंगरी-कुलुपवाडीतील शेकडो रहिवाशांना हा पूल ओलांडून जावे लागते. मात्र पुलाच्या दयनीय अवस्थेमुळे रहिवाशांना आणि पादचाऱ्यांना विशेषतः महिलांना जीव मोठे धरून हा पूल ओलांडावा लागतो. या पुलाजवळ मध्यरात्री चेन चोरीच्या अनेक घटना घडल्या होत्या.
हायवेवरील दिंडोशी परिसरातील मेट्रो स्टेशनला जोडलेल्या पादचारी पुलाच्या दक्षिण टोकाला दिवे असले तरी रात्री मेट्रो स्टेशनच्या बाहेरील भागात काळोख असतो. त्यामुळे रात्री अंधारात महिला जीव मोठी धरून चालतात. जोगेश्वरी पूर्व येथील शंकरवाडीच्या रहिवाशांना आणि पादचाऱ्यांना केवळ हायवेवरील दिव्यांच्या उजेडात पूल ओलांडावा लागतो.
सांताक्रुज चेंबूर लिंक रोडवरील कुर्ला येथील पादचारी पुलावर एवढा अंधार असतो की, रात्री इतर कोणी पादचारी नसेल तर हा पूल ओलांडण्याचा धीर महिलांना होत नाही. पूल ओलांडल्यानंतर अवघ्या 10 मिनिटात घर गाठू शकणाऱ्या महिला सुद्धा रात्री घरी जाण्यासाठी जास्त भाडे मोजून बराच वेळ रिक्षाची वाट पाहणे जास्त पसंत करतात. एवढा हा पूल महिलांना धोकादायक वाटतो. विक्रोळी पूल हा गोदरेज कंपनीच्या परिसरात आहे. या पुलावर विजेचे दिवे कॅमेरे आहेत. परंतु त्यावर नशेखोरांचे अड्डे जमा होतात. त्यामुळे महिलांना हा पूल असुरक्षित वाटतो.

16/07/2025

आमचे सहकारी रामजसजी यादव अध्यक्ष, धडक कामगार युनियन
यांना वाढदिवसाच्या मनःपूर्वक शुभेच्छा
अभिजीत राणे
समूह संपादक- दैनिक मुंबई मित्र/ वृत्त मित्र
संस्थापक महासचिव- धड़क कामगार यूनियन

16/07/2025

https://livemumbaimitra.com/?p=66094
*📰 MUMBAI MITRA MAG*
-------
● *बॉलीवूडची प्रसिद्ध मेकअप आर्टिस्ट आणि बिझनेस टायकून – सारिया सय्यद*
-----
सारिया सय्यद हे नाव आज मेकअप आणि फॅशन इंडस्ट्रीत एक प्रतिष्ठित ओळख बनले आहे. विंग आयटी या लोकप्रिय ब्रँडच्या संस्थापक आणि मालक असलेल्या सारिया या आंतरराष्ट्रीय प्रमाणित मेकअप आर्टिस्ट आणि हेअर स्टायलिस्ट आहेत. त्यांचा बॉलिवूड इंडस्ट्रीत तब्बल ८ वर्षांचा अनुभव असून अनेक नामांकित कलाकारांना त्यांनी आपली कला सादर केली आहे. सारिया सय्यद इंटरनॅशनल सर्टिफाइड मेकअप अँड हेअर अकॅडमीच्या माध्यमातून त्यांनी 2000 पेक्षा जास्त विद्यार्थ्यांना प्रशिक्षित केले असून महिलांच्या सक्षमीकरणासाठी त्या सतत कार्यरत आहेत. लहान व्यवसायांना व्यासपीठ मिळावे म्हणून त्या मेळावे, कार्निव्हल आणि प्रदर्शनाचे आयोजन करतात. फॅशन शोद्वारे त्यांनी इंडस्ट्रीमध्ये नवे बेंचमार्क निर्माण केले असून मॉडेल्सना करिअर घडविण्याची संधी दिली. मेकअप आणि मेहंदी स्पर्धांच्या आयोजनातून अनेक कलाकारांना आपली प्रतिभा जगासमोर सादर करण्याची प्रेरणा मिळाली. सारियांच्या कार्याला अकादमी तसेच व्यावसायिक पातळीवर अनेक पुरस्कारांनी गौरविण्यात आले आहे. बॉलिवूडमधील मोठ्या नावांशी त्यांचे उत्तम संबंध असून, त्यांच्या टीमने हजारो लोकांचा आत्मविश्वास वाढविण्यात मोलाची भूमिका बजावली आहे.

Daily Vruttamitra

16/07/2025

16/07/2025

16/07/2025

16/07/2025

16/07/2025

16/07/2025

16/07/2025

16/07/2025

16/07/2025

16/07/2025

16/07/2025

16/07/2025

Address

Telephone

Website

Alerts

Shortcuts

Share

Category