17/09/2023
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦୀର୍ଘାୟୁ କାମନା କରି ଜଗନ୍ନାଥ ମନ୍ଦିରରେ ଦୀପ ଦାନ କଲେ ସମ୍ବିତ ପାତ୍ର
ପୁରୀ ,୧୭/୦୯ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଜନ୍ମଦିନ ଅବସରରେ ମହାପ୍ରଭୁ ଶ୍ରୀ ଜଗନ୍ନାଥଙ୍କ ମନ୍ଦିରରେ ଦୀପ ପ୍ରଜ୍ଜଳନ କରି ତାଙ୍କର ଦୀର୍ଘାୟୁ କାମନା କରିଛନ୍ତି ଭାରତୀୟ ଜନତା ପାର୍ଟିର ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ର, ପୁରୀ ବିଧାୟକ ଜୟନ୍ତ ଷଡ଼ଙ୍ଗୀ, ବ୍ରହ୍ମଗିରିର ବିଧାୟକ ଲଲାଟେନ୍ଦୁ ମହାପାତ୍ର, ପୁରୀ ଜିଲ୍ଲା ସଭାପତି ଆଶ୍ରିତ ପଟ୍ଟନାୟକ ତଥା ଜିଲ୍ଲାର ଅନେକ ବରିଷ୍ଠ କର୍ମକର୍ତ୍ତା । ଏହି ଅବସରରେ ଭାରତୀୟ ଜନତା ପାର୍ଟିର ରାଷ୍ଟ୍ରୀୟ ପ୍ରବକ୍ତା ସମ୍ବିତ ପାତ୍ର କହିଛନ୍ତି ଯେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ ଦେଶର ସମସ୍ତ ବର୍ଗର ବିକାଶ ପାଇ କାମ କରୁଛନ୍ତି । ତାଙ୍କ ଯୋଜନା ଦ୍ଵାରା ସମାଜର ଅନ୍ତିମ ପଂକ୍ତିରେ ଛିଡ଼ା ହେଇଥିବା ବ୍ୟକ୍ତିର ମଧ୍ୟ ବିକାଶ ହେଉଛି । ସେ ଭାରତକୁ ବିଶ୍ଵ ଗୁରୁ ଭାବେ ପୁନଃ ପ୍ରତିଷ୍ଠିତ କରିବା ପାଇଁ କାର୍ଯ୍ୟ କରୁଛନ୍ତି । ତେଣୁ ତାଙ୍କ ଦିର୍ଘାୟୁ ପାଇଁ ଆଜି ମହା ପ୍ରଭୁଙ୍କ ନିକଟରେ ଅଖଣ୍ଡ ଦୀପ ଜାଳି ଆମେ ସମସ୍ତେ ପ୍ରାର୍ଥନା କରୁଛୁ ।
