16/08/2025
#व्यापम तोर म नइ हे दम
न जवाबदेही,न कोनो
होशियार मनखे तोर तिर
अफसर मन खावत हावय खीर।
लइका मन के जिनगी,
आगी म बरगे।
इमानदार लईका के डिग्री,
राखे-राखे सर गे।
फेर तोला का बात के गम
तोर म नइ हे दम।
अगोरा करत हंव, रोजगार पातेंव,
अपन घर-कुरिया सुग्घर सजातेंव ।
फसगे तोर प्रश्न विलोपन के जाल म,
गलत प्रश्न होगे जीव के जंजाल ग।
कतको प्रश्न म उत्तर के अभाव हे,
लगथे यहू म हमर मुख्यमंत्री के प्रभाव हे।
फेर आने-आने प्रश्न के
हमन नइ दे सकन एकेच जवाब ग
साय-साय हमु मन ल कर देतेस पास ग।
फेर का बताव घर बनाना हे,
नोनी के बिहाव करना हे
दाई-ददा ल देखाए सपना पुरा करना हे
ओती मोर पिरोहिल बइठे हे
मोर नौकरी के आस म
कका ए कका! जिनगी म टेंशन नइ हे कम
व्यापम तोर म नइ हे दम।
🌾जोहार🌾
🌾जय छत्तीसगढ़🌾
लिखइया- नागेश वर्मा
Photo:-
Use this hashtag:-
पढ़बो ।। लिखबो ।। महतारी भाखा म।
हमर बोली, हमर चिन्हारि, एला बढ़ाना हे संगवारी
❤Follow करव🤎Tag करव👇......
👆💗Mention करव💐Share करव
#
