Voice of Day News

19/10/2025

ભારત માટે પહેલી વન-ડે મેચ ખરાબ સાબિત થઈ. વરસાદથી પ્રભાવિત મુકાબલામાં ટીમ ઈન્ડિયા DLS નિયમથી 7 વિકેટથી પરાજિત થઈ. ઓસ્ટ્રેલિયાએ 3 મેચની સિરીઝમાં 1-0ની લીડ મેળવી છે. કેપ્ટન મિચેલ માર્શે 46 રનની નોટઆઉટ ઇનિંગ રમીને ટીમને સરળ જીત અપાવી.

ટૉસ હારીને પહેલા બેટિંગ કરનાર ભારતની શરૂઆત અત્યંત નબળી રહી. રોહિત શર્મા (8), ગિલ (10), કોહલી (0) અને શ્રેયસ (11) – ચારેય ટોપ ઓર્ડર બેટ્સમેન ઝડપથી આઉટ થયા. અક્ષર પટેલ (31) અને કે.એલ. રાહુલ (38)એ થોડી સંભાળ લીધી, પણ ટીમનો સ્કોર ફક્ત 136 રન સુધી જ પહોંચ્યો. વરસાદ બાદ DLS મુજબ 131 રનનો ટાર્ગેટ ઓસ્ટ્રેલિયાને મળ્યો, જે તેમણે આરામથી ચેઝ કર્યો.

મિચેલ માર્શ કેપ્ટન્સ નોક સાથે નાયક બન્યો, જ્યારે ભારત માટે માત્ર નિરાશા રહી. રસપ્રદ રીતે, ટીમ ઈન્ડિયા માટે આ સતત 16મો ટૉસ હાર છે — છેલ્લી વાર 2023 વર્લ્ડ કપ સેમિફાઈનલમાં ટૉસ જીત્યો હતો. વધુમાં, વિરાટ કોહલી પહેલી વાર ઓસ્ટ્રેલિયામાં વન-ડેમાં ઝીરો પર આઉટ થયો, જ્યારે મિચેલ સ્ટાર્ક હવે એન્ડરસન બાદ બીજો બોલર છે, જેણે વિરાટને બે વાર શૂન્ય પર આઉટ કર્યો છે.

19/10/2025

ભારત અને ઓસ્ટ્રેલિયા વચ્ચે ODI સિરીઝની પહેલી મેચ પર્થ સ્ટેડિયમમાં રમાઈ રહી છે. ઓસ્ટ્રેલિયાના કેપ્ટન મિશેલ માર્શે ટોસ જીતીને ભારતને પહેલા બેટિંગ માટે બોલાવ્યું. જોકે ટીમ ઈન્ડિયાની શરૂઆત ખૂબ જ ખરાબ રહી. સાત મહિના પછી ઇન્ટરનેશનલ ક્રિકેટમાં કમબેક કરતા વિરાટ કોહલીએ માત્ર 8 બોલ રમ્યા અને રન કર્યા વિના પેવેલિયન પરત ફર્યા, જે ઇતિહાસમાં શરમજનક ઇનિંગ તરીકે નોંધાઈ.

આ ઇનિંગથી કોહલી ODI ફોર્મેટમાં ઓસ્ટ્રેલિયામાં પ્રથમ વખત ઝીરો પર આઉટ થયા. તેની પ્રથમ વનડે ડક ઇનિંગ 2023માં ઇંગ્લેન્ડ સામે હતી, જ્યારે તે 9 બોલમાં ઝીરો પર આઉટ થયો હતો. આ સાથે વિરાટના નામે આંતરરાષ્ટ્રીય ક્રિકેટમાં 39મી ડક ઇનિંગ નોંધાઈ, ફક્ત ઝહીર ખાન (43) અને ઇશાંત શર્મા (40) તેના આગળ છે.

ભારત માટે રોહિત શર્મા અને શુભમન ગિલ પણ ફલકારશીલ રણનિતી ન આપી શક્યા. રોહિત માત્ર 14 બોલમાં 8 રન બનાવી શક્યા, જ્યારે ગિલ 10 રન સાથે પેવેલિયન પરત ફર્યા. 11.5 ઓવરમાં ભારત 37 રનના આઉટથી 3 વિકેટ ગુમાવી. વરસાદને કારણે મેચને 35 ઓવરમાં ઘટાડવામાં આવ્યું, જેના કારણે ભારતીય ફેન્સ માટે નિરાશાજનક સ્થિતિ ઉભી થઈ.

19/10/2025

વડોદરાના ધોરણ 6માં અભ્યાસ કરતા 11 વર્ષીય રુદ્ર ચિત્તેએ કૌન બનેગા કરોડપતિ (KBC) જુનિયર્સમાં ₹25 લાખ જીતીને ઇતિહાસ રચ્યો છે. માત્ર 2.4 સેકન્ડમાં ‘ફાસ્ટેસ્ટ ફિંગર ફર્સ્ટ’ રાઉન્ડ પૂર્ણ કરીને તેણે અગાઉનો રેકોર્ડ તોડ્યો અને સૌથી ઝડપી સ્પર્ધક બન્યો. રુદ્રે અદભૂત બુદ્ધિ, ઝડપી રિસ્પોન્સ અને શાંત સ્વભાવથી ઇતિહાસ, વિજ્ઞાન અને ટેક્નોલોજી જેવા વિષયો પર સાચા જવાબ આપીને બધાનું દિલ જીતી લીધું.

ત્રણ વર્ષથી તૈયારી કરનાર રુદ્રે પુસ્તકો અને ઓનલાઈન પ્લેટફોર્મની મદદથી પોતાનું જ્ઞાન વધાર્યું હતું. Big-Bએ તેના સપનાઓ વિશે પૂછતાં રુદ્રે જણાવ્યું કે તે ભારતની પહેલી ઓપરેટિંગ સિસ્ટમ બનાવવાનું લક્ષ્ય ધરાવે છે, જેથી દેશ ટેક્નોલોજીમાં આત્મનિર્ભર બને. રૂદ્રે કહ્યું, “સવાલ અઘરા હતા, પણ મહેનતનું ફળ મળ્યું. Big-B સરે મારા ખભા પર હાથ રાખીને ફોટો પાડાવ્યો – એ મારી માટે જીવનભર યાદગાર ક્ષણ રહેશે.”

19/10/2025

આ વર્ષે ધનતેરસે ખરીદીના બધા જ રેકોર્ડ તોડી નાખ્યા. કોન્ફેડરેશન ઓફ ઓલ ઈન્ડિયા ટ્રેડર્સ (CAIT)ના અહેવાલ મુજબ, ભારતીયોએ ફક્ત એક જ દિવસે ધનતેરસ પર લગભગ ₹1 લાખ કરોડ ખર્ચ્યા. જેમાંથી માત્ર સોનું અને ચાંદીનું વેચાણ જ ₹60,000 કરોડનું થયું, જે ગયા વર્ષની તુલનામાં 25% વધુ છે. દેશભરના જ્વેલરી બજારોમાં ભારે ભીડ જોવા મળી હતી. ઊંચા ભાવ હોવા છતાં સોનાના સિક્કા અને હળવી જ્વેલરીની માંગ સૌથી વધુ રહી. 24 કેરેટ સોનાનો ભાવ વર્ષના અંતે ₹76,162 હતો, જે હવે વધીને ₹1,29,584 પ્રતિ 10 ગ્રામ થયો છે, જ્યારે ચાંદીનો ભાવ ₹86,017 થી વધીને ₹1,69,230 પ્રતિ કિલોગ્રામ થયો છે.

સોનાં–ચાંદી સિવાય અન્ય સેગમેન્ટોમાં પણ ખરીદીનો માહોલ ઝળહળ્યો. વાસણો અને રસોડાના સામાનમાં ₹15,000 કરોડ, ઇલેક્ટ્રોનિક્સમાં ₹10,000 કરોડ અને પૂજા સામગ્રીમાં ₹3,000 કરોડનું વેચાણ થયું. ઉપરાંત ₹12,000 કરોડના ડ્રાયફ્રૂટ, મીઠાઈ અને કપડાં વેચાયા. GSTમાં રાહત અને ‘વોકલ ફોર લોકલ’ અભિયાનના કારણે નાના વેપારીઓને મોટો ફાયદો થયો. પેનાસોનિક મુજબ, આ વર્ષે ખાસ કરીને મોટા સ્ક્રીનવાળા ટીવી અને ACની વેચાણમાં 30% વૃદ્ધિ નોંધાઈ. ઓટોમોબાઇલ ક્ષેત્રમાં પણ ઉત્સવની ખુશી છવાઈ ગઈ. ફક્ત બે દિવસમાં ₹8,000 કરોડની કાર વેચાઈ, જેમાં મારુતિએ 50,000 કાર, હ્યુન્ડાઇએ 14,000 કાર અને અન્ય બ્રાન્ડ્સે 35,000 કાર ડિલિવર કરી.

19/10/2025

લંડનમાં 16 ઑક્ટોબર, 2025ના રોજ ઇંગ્લેન્ડની પાર્લામેન્ટના ઐતિહાસિક વેસ્ટમિનસ્ટર હોલમાં પ્રકાશના પર્વ દિવાળીની ભવ્ય ઉજવણી કરવામાં આવી. હિંદુ ફોરમ ઓફ બ્રિટન (HFB) દ્વારા આયોજિત આ કાર્યક્રમમાં સાંસદો, લોર્ડ્સ, રાજદૂતો અને હિંદુ સમુદાયના અગ્રણીઓએ હાજરી આપી હતી. હાઉસ ઓફ કોમન્સમાં યોજાયેલ આ ઉજવણીનું સહ-આયોજન સાંસદ પદ્મશ્રી બોબ બ્લેકમેન અને ઓલ-પાર્ટી પાર્લામેન્ટરી ગ્રુપ ફોર બ્રિટિશ હિન્દુઝ દ્વારા થયું હતું.

કાર્યક્રમની શરૂઆત પરંપરાગત દીપ પ્રાગટ્ય વિધિથી કરવામાં આવી. ઉપસ્થિત મહેમાનોને તિલક લગાવી અને મીઠાઈઓ આપીને સ્વાગત કરવામાં આવ્યું, જેના કારણે હોલ ભારતીય પરંપરાની ઉષ્માથી ખીલી ઉઠ્યો. ખાસ પ્રસંગે બ્રિટિશ સાંસદે “જય જલારામ” લખેલો ખેસ પહેરી હિંદુ સમુદાયને દિવાળીની શુભેચ્છા પાઠવી.

ભારતના હાઈ કમિશનરે મુખ્ય અતિથિ તરીકે હાજરી આપીને ભારત-યુકે વચ્ચેના ગાઢ સાંસ્કૃતિક અને રાજદ્વારી સંબંધોની પ્રશંસા કરી. ઝળહળતા દીવાઓએ વેસ્ટમિનસ્ટર હોલને પ્રકાશિત કર્યો અને એકતા, સમરસતા અને સમાવેશના સંદેશ સાથે યુકેમાં દિવાળીની ઉજવણીને ઐતિહાસિક બનાવ્યું.

19/10/2025

દિવાળી અને છઠ્ઠના તહેવારને લઈને દેશભરના રેલવે સ્ટેશનો પર ભારે ભીડ જોવા મળી રહી છે. ગુજરાત, ઉત્તર પ્રદેશ, બિહાર, ઝારખંડ અને દિલ્હી સહિતના રાજ્યોમાંથી લોકો પોતાના વતન જવા ઉત્સુક છે. સુરતના ઉધના રેલવે સ્ટેશન પર તો પરિસ્થિતિ અદભૂત રહી — અહીં મુસાફરોની લાઇન પ્લેટફોર્મ નંબર 6થી લઈને બે કિલોમીટર દૂર સુધી પહોંચી ગઈ હતી. ઘણા મુસાફરો તો ટ્રેન પકડવા માટે 12 કલાક પહેલાંથી જ બાળકો અને વૃદ્ધો સાથે લાઇનમાં ઉભા રહ્યા હતા.

રેલવે મંત્રી અશ્વિની વૈષ્ણવે નવી દિલ્હી રેલવે સ્ટેશનની મુલાકાત લઈને ભીડ નિયંત્રણની તૈયારીની સમીક્ષા કરી. તેમણે જણાવ્યું કે તહેવારો દરમિયાન મુસાફરોને સુવિધા આપવા માટે 12,000 વિશેષ ટ્રેનો શરૂ કરવામાં આવી છે. વધુમાં, ભ્રામક સમાચાર ફેલાવનારા સામે કાર્યવાહી થઈ રહી છે અને મુસાફરોની સલામતી માટે સ્ટેશનો પર હોલ્ડિંગ એરિયા બનાવાયા છે.

મુંબઈના લોકમાન્ય તિલક ટર્મિનસમાં પણ મુસાફરોનો ધસારો જોવા મળ્યો. રેલવેએ સલામતી માટે અલગ બેરિકેડેડ વિસ્તાર, વધારાના કાઉન્ટર અને અલગ ટ્રેનો માટે અલગ સ્ટેન્ડની વ્યવસ્થા કરી છે જેથી ધક્કામુક્કી અટકાવી શકાય.

19/10/2025

ભારત અને ઓસ્ટ્રેલિયા વચ્ચે પર્થમાં રમાઈ રહેલી પ્રથમ વનડે મેચમાં ભારતીય ટીમની શરૂઆત ખૂબ ખરાબ રહી. ટોસ હારીને બેટિંગ કરનાર ભારતે ફક્ત 21 રનના સ્કોર પર રોહિત શર્મા અને વિરાટ કોહલી જેવી બે મોટી વિકેટ ગુમાવી દીધી. 224 દિવસ બાદ વનડેમાં વાપસી કરનાર બંને ખેલાડીઓ સસ્તામાં આઉટ થયા. રોહિત શર્મા ફક્ત 8 રન બનાવીને જોશ હેઝલવુડનો શિકાર બન્યો જ્યારે વિરાટ કોહલી મિચેલ સ્ટાર્કની બોલ પર શૂન્ય પર આઉટ થયો. આ પહેલી વાર છે જ્યારે કોહલી ઓસ્ટ્રેલિયામાં વનડેમાં ડક થયો છે.

કેપ્ટન શુભમન ગિલ પણ 10 રન બનાવીને નાથન એલિસની બોલિંગમાં કેચ આઉટ થયો, અને ટીમનો સ્કોર 25-3 થયો. વરસાદના કારણે મેચ વારંવાર અટકાવવી પડી રહી છે, જેના કારણે રમતનો રિધમ તૂટી રહ્યો છે. અક્ષર પટેલ અને શ્રેયસ અય્યર હાલ ટીમને સંભાળવાનો પ્રયાસ કરી રહ્યા છે. આ મેચમાં નીતિશ કુમાર રેડ્ડી ભારત તરફથી ડેબ્યૂ કરી રહ્યા છે, જ્યારે ઓસ્ટ્રેલિયા તરફથી મિચેલ ઓવેન અને મેથ્યુ રેનશો પહેલી વનડે રમી રહ્યા છે.

18/10/2025

દિવાળીના તહેવારમાં ટ્રાવેલિંગ 'મોંઘુ': ટ્રેનો હાઉસફુલ, બસ અને ફલાઇટનાં ભાડા આસમાને, ટીકીટનાં ભાવ 4 ગણા વધ્યાં

https://voiceofdaynews.com/state/traveling-expensiv-during-diwali-festival-trains-housefull-bus-and-flight-fares-skyrocket-ticket-prices-increase-4-times/

18/10/2025

આને કહેવાય પાક્કા ગુજરાતી : ભેગા મળીને 186 લક્ઝરી કાર ખરીદી અને 21 કરોડનું ડિસ્કાઉન્ટ મેળવ્યુ, વાંચો મજેદાર સ્ટોરી

https://voiceofdaynews.com/state/pakka-vaniya-together-they-bought-186-luxury-cars-and-got-a-discount-of-21-crores-read-the-interesting-story/

18/10/2025

એક જ દિમાં 140 કરોડ 'છૂટા' કરતી RMC: કોન્ટ્રાક્ટરોના બાકી બિલના 100 કરોડ, 4 હજારથી વધુ કર્મીઓને બોનસ, ડીએ, સહિતનું 40 કરોડનું ચૂકવણુ

દિવાળીનો તહેવાર આવે એટલે બજારમાં ‘ઉઘરાણી’ શરૂ થઈ જતી હોય છે ત્યારે આ પર્વમાં રોકડનો મોટાપાયે પ્રવાહ બજારમાં જોવા...

18/10/2025

લાંચની 8 લાખની ફરિયાદમાંથી ખુલ્યો કાળો કારોબાર! પંજાબના DIG ભુલ્લરના ઘરમાંથી 5 કરોડ રોકડા, કાર, સોનું અને હથિયારો જપ્ત

પંજાબ પોલીસના તાકાતવર અને ડ્રગ વિરોધી અભિયાનના ચહેરા ગણાતા DIG હર્ચરણ સિંહ ભુલ્લર સામે ₹8,00,000 ની લાંચ ની માગણી ના કેસ.....

18/10/2025

રાજકોટના માધવરાવ સિંધિયા ક્રિકેટ સ્ટેડિયમ ખાતે ભવ્ય "આતશબાજી” | LIVE