05/08/2025
မြန်မာ အမျိုးသမီးကို အဓမ္မပြုကျင့်ပြီး ဗီဒီယို ဖြန့်ဝေတဲ့ ထိုင်းအမျိုးသားကို ဖူးခက်မှာ ဖ-မ်းဆီး
အသက် ၄၀ အရွယ် ထိုင်းအမျိုးသားတစ်ဦးကို သူ့ရဲ့ချစ်သူရဲ့ အသိမဲ့နေတဲ့ အရင်းနှီးဆုံးသူငယ်ချင်းကို အဓမ္မပြုကျင့်ခဲ့ပြီး အဲဒီဖြစ်စဉ်ကို ဗီဒီယိုခိုးရိုက်ခဲ့တယ်လို့ စွပ်စွဲပြီး ဖူးခက်မြို့မှာ ရဲတွေက ဖ-မ်းဆီးရမိခဲ့ပါတယ်။
ဒီပြစ်မှုဟာ မေလက ဖြစ်ပွားခဲ့တာဖြစ်ပါတယ်။ အဲဒီအချိန်က သံသယရှိသူ ယိုစဖန် ဝီချက်ဝါရင်ဝက် နဲ့ သူ့ရဲ့ မြန်မာနိုင်ငံသူ ချစ်သူတို့က နောက်ထပ် မြန်မာအမျိုးသမီးတစ်ဦးဖြစ်တဲ့ နစ်နာသူကို ဖူးခက်က စားသောက်ဆိုင်တစ်ခုမှာလုပ်တဲ့ မွေးနေ့ပါတီကို ဖိတ်ကြားခဲ့ပါတယ်။ သံသယရှိသူရဲ့ချစ်သူနဲ့ ရင်းနှီးတဲ့သူငယ်ချင်းဖြစ်သူ နစ်နာသူက အရက်နှစ်ခွက်သောက်ခဲ့ပြီးနောက်မှာ အသိလွတ်သွားခဲ့ပြီး သံသယရှိသူရဲ့ အခန်းထဲမှာ နိုးလာတဲ့အထိ ဘာကိုမှ မမှတ်မိတော့ပါဘူး။ အဲဒီအချိန်မှာ သူ့ရဲ့ချစ်သူလည်း အတူရှိနေခဲ့တဲ့အတွက် နစ်နာသူက ဘာမှ မဖြစ်ခဲ့ဘူးလို့ ထင်ခဲ့ပါတယ်။
ဒါပေမဲ့ ပြီးခဲ့တဲ့အပတ်မှာတော့ သူ့ရဲ့သူငယ်ချင်းတစ်ယောက်က တုန်လှုပ်စရာကောင်းတဲ့ ဗီဒီယိုတစ်ခုကို ပို့ပေးခဲ့ပါတယ်။ အဲဒီဗီဒီယိုထဲမှာ သူအသိလွတ်နေချိန် ယိုစဖန်က သူနဲ့လိ-င်ဆက်ဆံနေတာကို ရိုက်ကူးထားတာပါ။
နစ်နာသူက ဝီချစ်ရဲစခန်းမှာ တိုင်ချက်ဖွင့်ခဲ့ပြီးနောက် ဇူလိုင်လ ၂၉ ရက်နေ့မှာ ရဲတွေက လိုက်လံရှာဖွေခဲ့ပါတယ်။ ကျူးလွန်သူ ယိုစဖန်က မြောက်ပိုင်းခရိုင်တစ်ခုကို ထွက်ပြေးခဲ့ပေမယ့် နောက်ဆုံးမှာတော့ ဖူးခက်ကို ပြန်ရောက်လာခဲ့ပြီး အခုလို အဖ-မ်းခံခဲ့ရတာပါ။
ရဲတပ်ဖွဲ့ကတော့ သူ့ကို ခုခံကာကွယ်နိုင်စွမ်းမရှိသူကို အဓမ္မပြုကျင့်မှု၊ ပြုကျင့်မှုကို ဗီဒီယိုရိုက်ကူးမှုနဲ့ အဲဒီအကြောင်းအရာတွေကို ဖြန့်ဝေမှု စတဲ့အမှုတွေနဲ့ တရားစွဲဆိုထားတယ်လို့ ပြောပါတယ်။
