03/09/2026
तामुलपुराव एस एस बि रौनिया हान्जाया सासे सुबुंखौ नंखाइ दाय साजायनायनि गोख्रों अजद नुजाथिदों ।
भारत भुटान सिमानि तामुलपुर जिल्लायाव सिमा सुरक्षा बल एबा एस एस बि रौनिया हान्जानि हेंथायै गोख्रों अजद होदों । सिमा ओन्सोलाव थानाय गंसे दुखुथिया नखराव सुरां सिखारि खालामो आरो नंखाइ दाय साजायनानै मैदेरनि हाथाय मोनदों होननानै हमनानै लाबोनायनि गोख्रों अजद दैखादों । अजद होनाय बादिब्ला मैयानि समाव 24 नं BN एस एस बि हानजाया देवसुङानि थागिबि सुकुमार बिस्व सर्मा मुंनि सासे सुबुंनि नखराव हाबनानै मैदेरनि हाथायखौ गावसोरनो लाबोनानै दोनो आरो दान्दिसे समनि उनावहाय नखराव मोनदों होननानै सुकुमार बिस्व सर्माखौ हमनानै लाबोयो आरो तामुलपुर हाग्रा बिफाननो गथायो ।
जायनि जाहोनाव दिनै बाङाली युब छात्र फेडारेसननि दैदेनगिरि देब्रब्रुद सरखार आरो मिथुन दासजों लोगोसेनो गोबां रायजोफोरनि नुजाथिनायाव तामुलपुर हाग्रा बिफाननि रेन्ज अपिसाव फैनानै दावराव दावसि सोमजियो ।
