24/07/2025
ৰঙিয়াত অভিনয় কৰ্মশালা ৷ ৰঙিয়াৰ এটি সামাজিক সাংস্কৃতিক সংস্হা “সৃষ্টিশীল ৰঙিয়া” ৰ উদ্যোগত চিমবায়চিছ একাডেমীত অভিনয় কৰ্মশালাৰ সফল শুভ উদ্বোধন কৰা হয় ৷ ২২/৭/২০২৫ তাৰিখৰ পৰা ২৭/৭/২০২৫ তাৰিখলৈ অনুস্হিত কৰিবলৈ লোৱা অভিনয় কৰ্মশালাৰ ২২/৭/২০২৫ তাৰিখে আবেলি চাৰি বজাত মূখ্য বন্তি প্ৰজ্বালন কৰে ৰঙিয়াৰ বিশিষ্ট সমাজ কৰ্মী অৱসৰি শিক্ষক বয়োজ্যেষ্ঠ শ্ৰদ্ধাৰ শ্ৰীযুত দেৱেনন্দ্ৰ নাথ শৰ্মা দেৱে ৷ ইয়াৰ লগতে আমন্ত্ৰিত সমাজ কৰ্মী শ্ৰদ্ধাৰ শ্ৰীযুত যোগেশ শৰ্মা , মূনিন শৰ্মা , গোলোক কলিতা , ভৰত ধিং , পাপৰি শইকীয়া , আদি লোক সকলে ৷ অনুস্হানতি শুভ উদ্বোধন কৰে ৰঙিয়াৰ স্হানীয় বিধায়ক তথা প্ৰাক্তন মন্ত্ৰী সন্মানীয় শ্ৰীযুত ভবেশ কলিতা আৰু আৰিমত্ত উচ্চতৰ মাধ্যমিক বিদ্যালয়ৰ অধ্যাপক শ্ৰদ্ধাৰ শ্ৰীযুত নয়নজ্যোতি দাস দেৱে ৷ দুয়োজনে বহত সময় ধৰি অভিনয় সম্পৰ্কে সাৰুৱা বক্তব্য ডাঙি ধৰি আৰু অভিনয় দেখুৱাই সকলোকে আনান্দিত কৰি তুলি অভিনয়ৰ প্ৰতি উৎসাহিত কৰি তোলে ৷ বহুতো লৰা -ছোৱালী অভিভাৱকৰ উপস্থিতিত হোৱা অনুস্হানটি চলি থকাৰ মাজতে সুবৰ্ণ কলিতা আৰু ধিয়েনা কৈশিকৰ গীত মাট পৰিবেশন কৰাৰ লগতে শ্ৰদ্ধাৰ আৰিফুল ৰহমানৰ কবিতা আবৃত্তিয়ে লগতে দুই এজনৰ নাট্যভিনয় কৰি দৰ্শকক মনোৰঞ্জন দিয়ে ৷ অভিনয় কৰ্মশালাটিত আমন্ত্ৰণ কৰি অনা বেহাৰবাৰী আওট পোষ্টৰ বিশিষ্ট অভিনতা শ্ৰদ্ধাৰ শ্ৰীযুত অশ্বিনী ডেকা (মূকুটা ) দেৱে কৰ্মশালাত উপস্থিত হৈ অভিনয়ৰ যোগেদি সকলোকে এটি প্ৰশিক্ষণৰ নমুনা আগবঢ়াই আৰু সকলোকে আনান্দৰ পৰিবেশ গঢ়ি তুলি অভিনয়ৰ প্ৰতি উৎসাহিত কৰি তোলে ৷ অনুস্হানটিত উপস্থিত থাকে বিশিষ্ট লেখক শ্ৰদ্ধাৰ শ্ৰীযুতা ৰীণা কলিতা মহন্ত , চিমবায়চিছ একাডেমীৰ অধ্যাপিকা সন্মানীয়া শ্ৰীযুতা অশোকা দত্ত ৷ “সৃষ্টিশীল ৰঙিয়া ” ৰ পৰিচালনা সমিতিৰ সভাপতি শ্ৰী দীনেশ কলিতা , সম্পাদক শ্ৰী অৰূপজ্যোতি নাথ আৰু কৰ্মশালা পৰিচালনাৰ সভাপতি শ্ৰী দ্বীপেন কলিতা সম্পাদক মণ্ডলী ক্ৰমে খাইৰুল হুচেইন , গকুল কলিতা , নিৰেন মেধি লগতে অন্য সম্পাদক দিবস কলিতা , সীমান্ত নাথ , দিব্যজ্যোতি দাস , ধ্ৰুৱ কলিতা , নৃত্য প্ৰশিক্ষিকা কৃষ্ণা বৰ্মন আদি লোক সকলে উপস্থিত থাকি অনুস্হানটি সুকলমে চলাই নিয়াত সহযোগিতা আগবঢ়াই ৷ বাকি দিনবোৰতো প্ৰশিক্ষাৰ্থী সকলৰ উপস্থিতিত অভিজ্ঞ প্ৰশিক্ষণৰ দ্বাৰাই প্ৰশিক্ষণৰ দি থকা হব আৰু দুই এজন বিশিষ্ট অভিনেতা অভিনেত্ৰীক আমন্ত্ৰণ কৰি অনাৰ বাবে ব্যৱস্থা কৰা হৈছে ৷ অনুস্হানটিৰ সঞ্চালক তথা সৃষ্টিশীল ৰঙিয়াৰ মূখ্য উপদেষ্টা শ্ৰদ্বাৰ নাজিৰ আহমেদ দেৱে সভাপতি শ্ৰী দীনেশ কলিতাৰ অনুৰোধ মৰ্মে তেখেতে দুআষাৰ সাৰুৱা বক্তব্যৰে প্ৰথম দিনৰ শুভাৰম্ভনী কাৰ্য্যসূচীতো সফল ৰূপায়ণ হোৱা বুলি সামৰণি কৰে ৷ এই চেগতে ৰঙিয়াৰ জেষ্ঠ সাংবাদিক শ্ৰদ্ধাৰ শ্ৰীযুত তাপস চামদাৰে অভিনয় কৰ্মশালাখনি সফল ৰূপায়ণৰ ক্ষেত্ৰত সক্ৰিয় সহযোগিতা আগবঢ়োৱাৰ বাবে “সৃষ্টিশীল ৰঙিয়া ” ৰ পৰিচালনা সমিতিৰ তৰফৰ পৰা ধন্যবাদ জ্ঞাপন কৰিছে ৷
