Ratnagiri 24 News

01/07/2025

थिबा राजा बचाव संघर्ष समिती पदाधिकाऱ्यांची पत्रकार परिषद

06/06/2025

🔴 “रत्नागिरी 24 न्यूज” इफेक्ट: गणपतीपुळे समुद्रकिनाऱ्यावर अखेर सर्व सहा जीवरक्षक तैनात; पर्यटकांच्या सुरक्षेला बळ

➡️ सविस्तर बातमी लिंकवर👇🏻
https://ratnagiri24news.com/?p=90253..........................................
🚨रत्नागिरी 24 न्यूज

गणपतीपुळे समुद्रकिनाऱ्यावर पर्यटकांच्या सुरक्षेसाठी केवळ दोन जीवरक्षक तैनात असल्याची गंभीर बाब "रत्नागिरी 24 न.....

08/05/2025

भारत-पाकिस्तान सीमेवरील तणाव वाढला; सुरक्षाव्यवस्था सतर्क

24 न्यूज | नवी दिल्ली | 08 मे

जम्मू-काश्मीरमधील पहलगाम येथे झालेल्या दहशतवादी हल्ल्यानंतर भारताने पाकिस्तानातील काही ठिकाणांवर लक्ष्य करून हवाई कारवाई केल्याची माहिती सूत्रांकडून मिळत आहे. या कारवाईत अनेक दहशतवादी तळ उद्ध्वस्त झाल्याचा अंदाज व्यक्त करण्यात येत आहे.

या कारवाईनंतर पाकिस्तानकडूनही प्रतिउत्तर देण्याचे प्रयत्न सुरू आहेत. पाकिस्तानने जम्मू-काश्मीरमधील हवाई तळ आणि अन्य लष्करी ठिकाणांकडे क्षेपणास्त्र डागण्याचा प्रयत्न केला. मात्र, भारतीय लष्कराच्या S-400 क्षेपणास्त्र प्रतिरक्षा प्रणालीने या हल्ल्यांना यशस्वीरित्या अडवले.

दिल्लीमध्ये पंतप्रधान नरेंद्र मोदी, राष्ट्रीय सुरक्षा सल्लागार अजित डोभाल आणि तीनही सैन्यदलांचे प्रमुख यांच्यात उच्चस्तरीय बैठक सुरू असून, सुरक्षा परिस्थितीचा आढावा घेतला जात आहे. रात्री भारताकडून पुढील निर्णायक कारवाई होण्याची शक्यता वर्तवली जात आहे.

दरम्यान, भारतीय लष्कराने जम्मू विद्यापीठाजवळ दोन संशयित ड्रोन पाडले आहेत. श्रीनगर विमानतळ तसेच सीमावर्ती भागांमध्ये हाय अलर्ट जारी करण्यात आला आहे. जम्मू-कश्मीर, पंजाब आणि राजस्थानमधील सीमावर्ती गावांमध्ये सुरक्षेच्या दृष्टीने ब्लॅकआउटची अंमलबजावणी करण्यात आली आहे. भारत आणि पाकिस्तानमधील या वाढत्या तणावामुळे दोन्ही देशांच्या लष्करी हालचालींवर जगभराचे लक्ष केंद्रित झाले आहे.

03/05/2025

Ratnagiri | रत्नागिरी बौद्ध समाजाच्या वतीने जनआक्रोश मोर्चाचे आयोजन | Press confrence

#जनआक्रोशमोर्चा

22/04/2025

🟡 Khed | झोलाई देवस्थान देवरहाटी कमानी तोडकाम प्रकरण तापणार; जिल्हाध्यक्षांसोबत तहसीलदारांनी का घातली हुज्जत? | VBA

🔗
https://youtu.be/jVt2E2dgNxw?si=I1bfY2d_Nk2ig2EZ

खेड तालुक्यातील मिर्ले येथील झोलाई मंदिराच्या नियमबाह्य जीर्णोद्धार कार्यास तसेच मंदिर परिसरातील ....

14/04/2025

“त्यांच्या लेखणीत बळ होतं,
त्यांच्या विचारांत क्रांती होती,
आणि त्यांच्या उपस्थितीत न्याय होता!”

भारतीय राज्यघटनेचे शिल्पकार,भारतरत्न डॉ. बाबासाहेब आंबेडकर यांच्या १३४व्या जयंतीनिमित्त हार्दिक हार्दिक शुभेच्छा !



#डॉबाबासाहेबआंबेडकर
#134वी_जयंती #त्यांच्या_विचारांचा_विकास #जयभीम #संविधाननिर्माता

04/04/2025

चक्रभेदी संस्थेकडून खास विधवा व एकल महिलांना रोजगाराची संधी!

टी स्टॉलसाठीच्या एक लाखाच्या वस्तू मोफत मिळणार

24 न्यूज l रत्नागिरी l 04 एप्रिल

चक्रभेदी सोशल फौंडेशन देवरुख संस्था विधवा व एकल महिलांना समाजात मानसन्मान मिळावा तसेच त्यांना रोजगाराच्या संधी मिळाव्यात यासाठी सातत्याने प्रयत्न करत आहे. गेली चार वर्ष विधवा महिलांचे हळदी कुंकू उपक्रम घेऊन त्यांनीही नटूनथटून यावे यासाठी प्रोत्साहन देत आहे शिव्यामुक्त समाज अभियान, जीवन कौशल्य कार्यशाळा, पर्यावरण संरक्षण इ. विविध नावीन्य पूर्ण उपक्रम राबवत आहे. संस्थेच्या सेवाभावी कामाची दखल घेऊन एक नामांकित कपंनी स्टेनलेस टी स्टॉल चे चहा बनवण्यासाठीचे जवळपास एक लाख रकमेचे संपूर्ण साहित्य (वस्तू रूपाने CSR फंड) देत आहे. विधवा व एकल महिलांना रोजगाराची संधी मिळावी म्हणून वस्तूरूपाने देणगी देत आहे.

स्टेलनेस स्टील स्टॅाल,सरविंग ट्रे,चहाचे कप, कॉफीचे कप, चहा बनविण्याचे मोठे पितळी पातेल, चहा बनविण्याचे छोटे पितळी पातेल, दुध तापविण्याचे स्टेन लेस स्टीलचे मोठे पातेल, चहा बनविण्यासाठीचा मोठा चमचा, स्टील गॅस भट्टी बर्नर ,मिल्टन थर्मास, चहाची गाळणी, पक्कड, गरजेनुसार इतर आवश्यक साहित्य देणार आहे. फक्त कष्ट करण्याची तयारी असणे गरजेचे आहे प्रामाणिकपणा व कष्टाळू वृत्ती ने पुढे जाणाऱ्यां विधवा व एकल महिलांनी,अपंग,गरजूनी संस्थेकडे अर्ज करायचा आहे. जे गरजू आहेत, विधवा व एकल आहेत.

ज्यांचे रोज २०० ते ३०० कप चहा सम्पेल असे व्यावसायिक ठिकाण निश्चित आहे त्यांचा प्राधान्यक्रमाने विचार केला जाईल नंतर इतर अर्जाचा विचार केला जाईल. संस्थेचे कार्य पाहण्यासाठी अधिक माहितीसाठी संस्थेच्या CHAKRABHEDI NGO या you tube channel तसेच फेसबुक पेजला भेट देऊ शकता असे संस्थेचे सल्लागार रावसाहेब चौगुले यांनी सांगितले आहे. सम्पूर्ण महाराष्ट्र राज्यात जास्तीत जास्त गरजूना मदत करण्याचे संस्थेचे प्रयत्न सुरु आहेत. काही वेळेला विधवा महिलांकडे अँड्रॉइड मोबाईल नसल्याने त्यांच्या पर्यंत ही माहिती पोहचत नाही. संवेदनशील व्यक्तींनी ही माहिती विधवा व एकल, गरजू व्यक्तींपर्यंत पोहचवावी अशी विनंती संस्थेच्या वैदेही सावंत यांनी केली आहे.

जवळपास एक लाखाची मदत वस्तुरूपाने कम्पनी करत आहे त्याचा लाभ योग्य व्यक्तीला मिळावा यासाठी संवेदनशील व्यक्तीनी पुढे यावे, तुमच्या मूळे कोणा गरजूची चूल पेटू शकते.. त्यांच्या जीवनाला चांगली कलाटणी मिळू शकते... असे वैदेही सावंत यांनी मत व्यक्त केले आहे.

सर्व वस्तू मोफत दिल्या जाणार आहेत. त्याबदल्यात लाभार्थीनी स्वतःचे दरडोई उत्पन्न वाढवावे स्वतःचे व आपल्या मुलांचे जीवनमान उंचवावे हे संस्थेला अपेक्षित आहे. अर्ज आल्यानंन्तर चक्रभेदी टी स्टॉल निवड समिती छाननी करून योग्य लाभार्थी निवड करेल. [email protected]. या ई-मेल वर आपला अर्ज व वैयक्तिक, शैक्षणिक माहिती पाठवावी. ९४०५५९६७१७, ९४२११३६६३२, ९७३०१५८०७१ या नंबरवर सकाळी ११:०० ते ४:०० दरम्यान सम्पर्क साधावा.अशी माहिती संस्थेच्या वैदेही सावंत यांनी दिली आहे.

04/04/2025

बांग्लादेशी महिलेचा जामीन अर्ज न्यायालयाने फेटाळला

24 न्यूज l रत्नागिरी l 04 एप्रिल

साळवी स्टॉप येथे अवैधरीत्या वास्तव्य केल्याचा आरोप असलेल्या बांगलादेशी महिलेचा जामीन अर्ज सत्र न्यायालयाने फेटाळला. सलमा खातून बिलाल मुल्ला ऊर्फ सलमा राहिल भोंबल (वय ३०, रा. साळवी स्टॉप रत्नागिरी, मूळ रा. बांगलादेश) असे या महिलेचे नाव आहे. १७ जानेवारी २०२५ रोजी तिला दहशतवादविरोधी पथकाकडून अटक करण्यात आली होती.

अडीच महिने कारागृहात असलेल्या सलमाने जामिनासाठी सत्र न्यायालयासमोर अर्ज दाखल केला होता. सत्र न्यायाधीश अनिलकुमार अंबाळकर यांच्यासमोर या जामीन अर्जावर सुनावणी झाली. सलमा १६ डिसेंबर २०१६ रोजी ९० दिवसांचा व्हिसा घेऊन भारतात आली होती. यावेळी तिचे वास्तव्य शृंगारतळी (गुहागर) येथे होते. यानंतर सलमाने राहिल भोंबल याच्याशी विवाह केला. व्हिसाची मुदत संपली असतानाही तिने २०१७ ते २०२५ या कालावधीत अवैधरीत्या भारतात वास्तव्य केले.

सलमाने आधार कार्ड, पॅनकार्ड, जन्मदाखला, आदी बनावट कागदपत्रे तयार करत भारतात वास्तव्य केल्याचा आरोप तिच्यावर ठेवण्यात आला आहे. तिला १७ जोनवारी रोजी साळवी स्टॉप येथून अटक करण्यात आली होती. संशयित आरोपी ही एक महिला आहे, तिची कोणतीही गुन्हेगारी पार्श्वभूमी नाही. जामीन दिल्यास पोलिसांच्या तपासकार्यात सहकार्य केले जाईल. तसेच न्यायालयाने घालून दिलेल्या अटी-शर्तींचे पालन केले जाईल, असे सलमाच्या वतीने वकिलांनी मांडले.

सरकार पक्षाकडून जामीन अर्जाला विरोध करण्यात आला. संशयित आरोपीने केवळ भारतात अवैध वास्तव्य केले नाही, तर तिने बनावट कागदपत्रे तयार करून घेतली आहेत. याकामी तिला अन्य कुणीतरी मदत केली असण्याची शक्यता आहे. ही बाजू मान्य करून न्यायालयाने जामीन अर्ज फेटाळला आहे.

04/04/2025

परशुराम घाटात कामाला गती; गॅबियन वॉलला येतोय आकार

24 न्यूज l चिपळूण l 04 एप्रिल

मुंबई-गोवा महामार्गाच्या चौपदरीकरणात परशुराम घाटातील धोकादायक दरडीच्या ठिकाणी उपाययोजना केल्या जात आहेत. या कामांची नुकतीच सार्वजनिक बांधकाम मंत्री शिवेंद्रसिंहराजे भोसले यांनी पाहणी केली होती. आता या कामाचा वेग वाढवला असून, थोकादायक दरडीच्या ठिकाणी लोखंडी जाळी बसविण्याचे काम ६० टक्के होत आले आहे. पावसाळ्यापूर्वी हे काम मार्गी लावण्यासाठी प्रयत्न केले जात आहेत. तसेच गॅबियन वॉलच्या पायध्याचे कामही वेगात सुरू असल्याने ही भिंत आताच आकार घेऊ लागली आहे.

मुंबई-गोवामहामार्गाचे चौपदरीकरण अनेक वर्षे रखडले असून, विविध टप्प्यावर काम रखडली आहेत. त्यात परशुराम घाटातील धोकादायक स्थिती कायम चर्चेत राहिली आहे. या घाटात एका बाजूला २३ मीटर उंचीच्या दरडीचा भाग असल्याने या ठिकाणी पावसाळ्यात नियमित दुर्घटना घडत आहेत. प्रामुख्याने गेल्या दोन महिन्यांत वाहनांच्या अपघाताचे प्रमाण वाढले आहे, तर दुसऱ्या बाजूला भरावाच्या ठिकाणी रस्ता व संरक्षक भिंती कोसळण्याच्या घटना वाढल्या आहेत. त्यासाठी दरडीच्या भागात लोखंडी जाळीच्या माध्यमातून उपाययोजना केल्या जात आहेत. जागोजागी खडकात व दरडीच्या भागात आठ ड्रिल मशीनच्या माध्यमातून लोखंडी सळ्या घुसवल्या जात आहेत आणि त्यावर जाळी बसवली जात आहे.

दोन महिन्यांपूर्वी परशुराम घाटात कोसळलेल्या संरक्षक भिंतीच्या बाजूने गॅबियन वॉल उभारण्याचे कामही वेगात सुरू केले आहे. सुरुवातीला सिमेंट काँक्रिटीकरणाचा पाया तयार करून त्यावर जाळीच्या साहाय्याने दगडी बांधकामाची रचना केली जाणार आहे. पावसाळ्यापूर्वी हे काम मार्गी लावण्यासाठी महाडच्या राष्ट्रीय महामार्ग विभागाकडून प्रयत्न केले जात आहेत. हे काम उपाययोजनांच्या दृष्टीने कितपत फायदेशीर ठरेल याचा अद्याप अंदाज आलेला नाही.

घाटासह उड्डाणपुलावर लक्ष

दोनच दिवसापूर्वी आमदार नीलेश राणे यांनी चिपळूण दौऱ्यावर आल्यानंतर ही कामे पूर्णत्वास जाण्यासाठी ठेकेदाराला स्पष्ट सूचना देण्यात आल्याचे राष्ट्रीय महामार्ग उपविभागाच्या अधिकाऱ्यांशी बोलताना सांगितले. त्यामुळे संबंधित यंत्रणेने परशुराम घाटातील उपाययोजनांसह उड्डाणपुलाच्या कामांवर अधिक लक्ष केंद्रित केले आहे.

04/04/2025

वीज चोरीप्रकरणी एकावर गुन्हा दाखल; महावितरणच्या अधिकाऱ्यांकडून तक्रार

24 न्यूज l खेड l 04 एप्रिल

दीड लाख रुपये किंमतीचे वीज बिल थकवत विजेची चोरी केल्याप्रकरणी मधुकर कृष्णा साळुंखे याच्यावर येथील पोलिस ठाण्यात गुन्हा दाखल करण्यात आला आहे. याबाबत महावितरणचे अधिकारी निखिल बेडेकर यांनी तक्रार नोंदवली. घटना २७ मार्च २०२४ घडल्याचे तक्रारीत नमूद करण्यात आले आहे.

मधुकर साळुंखे भरणे आठवडाबाजार येथे वास्तव्यास होता. वीज बिलाची रक्कम भरणा न करता वीज बिल थकवल्याप्रकरणी त्याच्यावर गुन्हा नोंद करण्याबाबत ई-तक्रार येथील पोलीस ठाण्यात १२ मार्च रोजी प्राप्त झाली होती. दरम्यान महावितरणच्या संबंधित अधिकाऱ्याची सातारा येथे बदली झाली होती.

पोलिसांकडून महावितरणच्या सहाय्यक अभियंत्यांकडून संबंधितावर गुन्हा दाखल करण्याकरिता तक्रार देण्याबाबत पत्र पाठविण्यात आले होते. त्यानुसार महावितरणचे निखिल बेडेकर यांनी पोलिस ठाण्यात वीज चोरीची तक्रारही नोंदवली. संबंधित अधिकारी मध्ये सातारा येथे बदली झाल्याने तक्रार दाखल करण्यास विलंब झाला.

मात्र, पोलिसांच्या पाठपुराव्यानंतर महावितरणचे अधिकारी यांनी तक्रार नोंदवली आणि प्रकरणाला गती मिळाली. महावितरणने वीज चोरीच्या घटनांवर कठोर कारवाई करण्याचा इशारा दिला आहे. वीज चोरीमुळे महावितरणला दरवर्षी, कोट्यवधी रुपयांचे नुकसान सहन करावे लागते. अशा घटनांमुळे सामान्य ग्राहकांवरही बोजा पडतो, वीज दरवाढीचा धोका निर्माण होतो.

04/04/2025

राज्यस्तरीय वक्तृत्व स्पर्धेत पैसा फंड हायस्कूलच्या क्रिशा इंदानीने पटकावला तिसरा क्रमांक

संगमेश्वर / प्रतिनिधी

व्यापारी पैसा फंड संस्था संगमेश्वर संचलित पैसा फंड इंग्लिश स्कूलमध्ये सातवी इयत्तेतील विद्यार्थ्यांनी कु.क्रिशा कपील इंदानी या विद्यार्थिनीने राज्यस्तरीय वक्तृत्व स्पर्धेत तिसरा क्रमांक पटकावून सुयश संपादन केले. कौतुकास्पद केलेल्या कामगिरीबद्दल तिचा भेट वस्तू देऊन सत्कार करण्यात आला.

कुमारी क्रिषा हिने शैक्षणिक वर्ष 2024 -25 यामध्ये अनेक वक्तृत्व स्पर्धा, निबंध स्पर्धामध्ये सहभाग नोंदवून तालुकास्तरीय, जिल्हास्तरीय प्रथम क्रमांक प्राप्त केले आहेत. तिच्या नावाबरोबर शाळेला देखील नावलौकिक मिळत आहे. अशा विद्यार्थ्यांना प्रोत्साहन मिळून नवनवीन विद्यार्थि घडावे यासाठी नावडी येथील सामाजिक कार्यकर्ते जनार्दन लक्ष्मण शिरगावकर व माजी विद्यार्थी तसेच माजी सैनिक पाल्य श्री. दिनेश हरिभाऊ अंब्रे यांनी माभळे येथे त्यांच्या निवासस्थानी भेट घेतली. क्रिशा हीचा शालेय साहित्य व पुष्पगुच्छ देऊन अभिनंदन करून सत्कार करण्यात आला. व पुढील यशस्वी वाटचालीस शुभेच्छा ही देण्यात आल्या. यावेळी तिची आई अपर्णा कपिल इंदानी व पैसा फंड हायस्कूलच्या शिक्षिका सौ.श्रद्धा जोशी आदी उपस्थित होते.

याबद्दल संस्थेचे चेअरमन श्री अनिल शेठ शेट्ये, सचिव धनंजय शेट्ये, मुख्याध्यापक श्री. सचिन देव खामकर, क्रीशा हिला मार्गदर्शन करणारे शिक्षक वृंद यांचे विशेष अभिनंदन शाब्दिक पद्धतीने केले. क्रिशा इंदानी हिने राज्यस्तरावर क्रमांक मिळवल्याने तिच्यावर सर्व स्तरातून अभिनंदनचा वर्षाव होत आहे.

04/04/2025

निधी मिळाला! संगमेश्वर कुणबी समाजाने मानले आमदारांचे आभार

संगमेश्वर /प्रतिनिधी

तालुक्यातील कुणबी समाज भवनाच्या कामासाठी समाजाने आमदार शेखर निकम यांच्याकडे मागणी केली होती. यावेळी समाज भवनासाठी आवश्यक सर्वोत्तोपरी मदत करणार हा शब्द आमदार शेखर निकम यांनी कुणबी समाजाला दिला होता. “बोले तैसा चाले” या प्रमाणे आमदार निकम यांनी या कुणबी भवनाच्या विस्तारिकरणासाठी 50 लाखांचा निधी शासनाकडून मंजूर करून आणला. त्याबद्दल संगमेश्वर कुणबी समाजाच्यावतीने सावर्डे येथे आमदार शेखर निकम यांना भेटून त्यांचे आभार मानले.

आमदार शेखर निकम यांनी यावेळी कुणबी भवनाच्या कामकाजाविषयी माहिती घेतली. भवनाच्या बांधकामाविषयी आवश्यक सुचना दिल्या. कुणबी समाज भवनाचे विस्तारिकरण हे माझे कर्तव्य असल्याचे सांगितले. या भवनाच्या माध्यमातून सामाजिक व सांस्कृतिक कार्यक्रम, उपक्रम यांना चालना मिळेल असा विश्वास व्यक्त केला.

यावेळी संतोष थेराडे, राजेंद्र सुर्वे, नाना कांगणे, सुशिल भायजे, कृष्णा हरेकर, दत्ता ओकटे, विजय कुळेकर, निलेश भुवड, प्रविण भुवड, सहदेव सुवरे, संतोष भडवळकर, संतोष मुंढेकर, अप्पा फडकले, दिपक शिगवण, दत्ता लाखण, दत्ताराम लांबे, श्री. वीर, श्री. बोले श्री चांदे आदी उपस्थित होते.