Swatantra Odisha

24/06/2025

24/05/2025

*ଆକାଉଣ୍ଟ ଭତ୍ତା ଧାରୀଙ୍କ ପ୍ରତି ରାଜ୍ୟ ସରକାରଙ୍କ ବୈମାତୃକ ମନୋଭାବ କାହିଁକି ?*

ଆଉ ଦିନକ ପରେ ଆସିବ ସାବିତ୍ରୀ ଅମାବାସ୍ୟା । ଯେଉଁ ଏକାଉଣ୍ଟ୍ ଧାରୀଙ୍କ ଖାତାକୁ ଏ ଯାଏଁ ପଇସା ଆସିନି ସେମାନେ କ'ଣ ଆଉଥରେ ଅଲଗା ସାବିତ୍ରୀ ବ୍ରତ ପାଳନ କରିବେକି ବୋଲି ବୁଦ୍ଧିଜୀବୀ ମହଲ ପ୍ରଶ୍ନ କରୁଛି ମାନନୀୟ ରାଜ୍ୟ ସରକାର ତଥା ମୁଖ୍ୟମନ୍ତ୍ରୀ ମହୋଦୟ ଦୟାକରି ଟିକେ ବିଶେଷ ଧ୍ୟାନ ଦେବେ । ଆମରି ଟ୍ୟାକ୍ସ ଜମାରୁ ଭତ୍ତା ମିଳୁଛି । ତାହା ପୁଣି ପଞ୍ଚାୟେତ ବାଲା ହାତରେ ପାଇବେ ୧୫ ରୁ ୨୦ ତାରିଖ ଭିତରେ ଏବଂ ଏକାଉଣ୍ଟ୍ ଧାରୀ ପାଇବେ ମାସ ଶେଷରେ ଏ କି ପ୍ରକାରର ନ୍ୟାୟ କିଛି ବୁଝି ହେଉନି । ଏକାଉଣ୍ଟ୍ ଧାରୀଙ୍କ ପାଇଁ ଏତେ ବୈମାତୃକ ମନୋଭାବ କାହିଁକି । ଏକାଉଣ୍ଟ୍ ଧାରୀଙ୍କ ଭିତରେ ଅନେକ ଭିନ୍ନକ୍ଷମ , ପରିବାର ପୋଷଣ କାରୀ ଓ ଅନ୍ୟାନ୍ୟ ଥିବା ବେଳେ ଏଇଟା ପ୍ରଥମ ମାସ ନୁହେଁ ଯେ ଡେରି ହେଲା ବିଗତ ଛ ମାସରୁ ଉର୍ଦ୍ଧ୍ଵ ହେବ ଏହି ଖେଳ ଚାଲିଛି । ଯଦି ଅସୁବିଧା ହେଉଛି ତେବେ ସମସ୍ତିଙ୍କୁ ପଞ୍ଚାୟେତରେ ହାତରେ ଦିଆଯାଉ ସମୟ ସୀମା ଭିତରେ । ମାନନୀୟ ରାଜ୍ୟ ସରକାର ମହୋଦୟ ଥରେ ଭତ୍ତା ଧାରୀଙ୍କ କଥା ଟିକିଏ ସୁସ୍ଥ ମସ୍ତିଷ୍କରେ ଚିନ୍ତା କରି ଦେଖନ୍ତୁ ଯେ ସେମାନେ କିଭଳି ଜଳୁଛନ୍ତି । ଓଳିଏ ଖାଇଲେ ଅନ୍ୟ ଓଳି ପାଣିପିଇ ଚଳାଇ ନେଉଛନ୍ତି । ସେଥିରେ ପୁଣି ଭତ୍ତା ଟିକକ ମନଇଛା ଦିଆଗଲେ ସେମାନେ ଚଳିବେ କେମିତି ଥରେ ଚିନ୍ତା କରିଛନ୍ତି କି କେବେହେଲେ । ଏକାଉଣ୍ଟ୍ ଧାରୀଙ୍କ ଭତ୍ତା ମିଳିଲେ ସେମାନେ ଆଉଥରେ କେବେ ହୁଏତ ସାବିତ୍ରୀ ପାଳି ପାରନ୍ତି । ସମଗ୍ର ରାଜ୍ୟ ଏହି ଅସୁବିଧା ଭୋଗ କରୁଛି ନା ପଶ୍ଚିମ ଓଡିଶା କୁ ଏଭଳି କରାଯାଉଛି । ଦେଖିବାକୁ ବାକି ରହିଲା ମାନ୍ୟବର ରାଜ୍ୟ ସରକାର କେତେ ଶୀଘ୍ର ପଦକ୍ଷେପ ନେବେ ।
ବରିଷ୍ଠ ସାମ୍ବାଦିକଙ୍କ ରିପୋର୍ଟ ।

09/04/2025

ଅଭିନୟ କଳା କର୍ମଶାଳା ଆସନ୍ତା ୧୭ ଯାଏ ...
ରାଉରକେଲା: ସ୍ଥାନୀୟ ସେକ୍ଟର: ୬ ସ୍ଥିତ ସରସ୍ଵତୀ ଶିଶୁ ବିଦ୍ୟାମନ୍ଦିର ତରଫରୁ ସ୍ବତନ୍ତ୍ର ଦକ୍ଷତା ବିକାଶ କାର୍ଯ୍ୟକ୍ରମ ଅନ୍ତର୍ଗତ ଅଭିନୟ କଳା କର୍ମଶାଳା ଆଜି ଠାରୁ ଆରମ୍ଭ ହୋଇ ଆସନ୍ତା ୧୭ ତାରିଖ ପର୍ଯ୍ୟନ୍ତ ଚାଲିବ ବୋଲି ଅନୁଷ୍ଠାନ ତରଫରୁ କୁହାଯାଇଛି। ପ୍ରଧାନ ଆଚାର୍ଯ୍ୟ ସୁରେନ୍ଦ୍ର କୁମାର ଶତପଥୀଙ୍କ ଆବାହକତ୍ଵ ଓ ପ୍ରମୋଦ କୁମାର ମହାନ୍ତିଙ୍କ ତତ୍ତ୍ଵାବଧାନରେ ଆୟୋଜିତ ଏହି କାର୍ଯ୍ୟକ୍ରମର ଉଦଘାଟନୀ ସମାରୋହରେ ବିଶିଷ୍ଟ ନାଟ୍ୟ ନିର୍ଦ୍ଦେଶକ ଶରତ ଦାସ ଉଦଘାଟକ,ସିନେ ତଥା ମଞ୍ଚ ଅଭିନେତା କୈଳାସ ଚନ୍ଦ୍ର ପାଣିଗ୍ରାହୀ ମୁଖ୍ୟଅତିଥି, ପ୍ରଶିକ୍ଷକ ତଥା ସମ୍ମାନିତ ଅତିଥି ଭାବେ ନାଟ୍ୟ ନିର୍ଦ୍ଦେଶକ ପଞ୍ଚାନନ ପାତ୍ର ଯୋଗଦେଇଥିଲେ। ଅତିଥିମାନେ ସେମାନଙ୍କ ବକ୍ତବ୍ୟରେ ଅଭିନୟ ଓ ନାଟକର ସ୍ବରୂପ ତଥା କଳାକାର ୪ଟି କଳା ଯଥା: ନୃତ୍ୟ, ସଂଗୀତ, ସଂଳାପ ଓ ଅଭିନୟକୁ ଆୟତ କରିବା ଉପରେ ଗୁରୁତ୍ୱାରୋପ କରିଥିଲେ। ଅଭିନୟ ଶିଖାଯାଏନି; ଜଣେ ଆଉ ଜଣେ ହୋଇଯିବା ହିଁ ଅଭିନୟ ତଥା ଅଭିନୟ ରିଦିମ୍ ଯୁକ୍ତ ହେବା ଦରକାର ବୋଲି ଅତିଥିମାନେ ମତ ରଖିଥିଲେ। ପାଣ୍ଡୁଲିପି, ମଞ୍ଚ, ଅଭିନେତା ଓ ଦର୍ଶକ ସହ ଶରୀର,ମନ ଓ ସ୍ବରର ଆବଶ୍ୟକତା ସମ୍ପର୍କରେ ଆଲୋଚନା କରିଥିଲେ। ପ୍ରଧାନ ଆଚାର୍ଯ୍ୟ ଶ୍ରୀ ଶତପଥି ଏହି କର୍ମଶାଳାର ଆଭିମୁଖ୍ୟ ଓ ଅତିଥିମାନଙ୍କ ପରିଚୟ ପ୍ରଦାନ କରିଥିଲେ। ବିଦ୍ୟା ମନ୍ଦିରରେ ଅଧ୍ୟୟନରତ ଛାତ୍ର-ଛାତ୍ରୀଙ୍କ ମଧ୍ୟରେ ଲୁକ୍କାୟିତ ଅଭିନୟ ପ୍ରତିଭାକୁ ଲୋକଲୋଚନକୁ ଆଣିବାରେ ଏହି କର୍ମଶାଳା ସହାୟକ ହେବ ବୋଲି ସେ ମତ ରଖିଥିଲେ। ଅନ୍ୟମାନଙ୍କ ମଧ୍ୟରେ ପରିଚାଳନା କମିଟିର ସଭାପତି ମିତ୍ରଭାନୁ ପଣ୍ଡା ଏଭଳି କାର୍ଯ୍ୟକ୍ରମର ଆବଶ୍ୟକତା ଓ ବିଦ୍ୟାଳୟର ସାମାଜିକ ପ୍ରତିବଦ୍ଧତା ସମ୍ପର୍କରେ ବକ୍ତବ୍ୟ ରଖିଥିଲେ। କୋଷାଧ୍ୟକ୍ଷ ଉପେନ୍ଦ୍ର ନାଥ ଦାଶ ମଞ୍ଚାସୀନ ଥିଲେ । କାର୍ଯ୍ୟକ୍ରମରେ ମଞ୍ଚ ସଂଯୋଜନା
ସଂଧ୍ୟା ରାଣୀ ସାମନ୍ତ କରିଥିଲାବେଳେ ଗୁରୁ ପ୍ରମୋଦ ମହାନ୍ତି ଧନ୍ୟବାଦ ଅର୍ପଣ କରିଥିଲେ। କାର୍ଯ୍ୟକ୍ରମ ପରିଚାଳନାରେ ସହ ପ୍ରଧାନ ଆଚାର୍ଯ୍ୟ ଜନ୍ମେଜୟ ସୁଆର, ଶ୍ୟାମସୁନ୍ଦର ସେଠୀ, ସୁମିତ୍ରା ମିଶ୍ର, ପୁଷ୍ପଲତା ବିଶ୍ବାଳ, ବିଭୂତି ଭୂଷଣ ସାମଲ, ଅଞ୍ଜନା ବାରିକ, ଅପର୍ଣ୍ଣା ପଣ୍ଡା, ସନ୍ଧ୍ୟାରାଣୀ ସାମନ୍ତ, ସରୋଜିନୀ ଜେନା, ନନ୍ଦିତା ବାରିକ, ସୁଜାତା ମହାନ୍ତି, ସଂଗୀତା ଦାସ, ପୁଷ୍ପଲତା ଦାସ, ମୋନାଲିକା ଦାସ, ସବିତା ନନ୍ଦ, ଲଳିତା ବେହେରା, ବିଜୟଲକ୍ଷ୍ମୀ ବାରିକ, ପ୍ରଦୀପ୍ତ ପଟ୍ଟନାୟକ, ରାଧାମୋହନ ଦାଶ, ରେଖା ମହାନ୍ତି, ଲକ୍ଷ୍ମୀ ବେହେରା ପ୍ରମୁଖ ଉପସ୍ଥିତ ରହି କର୍ମଶାଳା ପରିଚାଳନାରେ ସହଯୋଗ କରିଥିଲେ। ସୂଚନାଯୋଗ୍ୟ ଯେ ଗତ ୭ ତାରିଖ ଦିନ ସଂଗୀତ କଳା କର୍ମଶାଳା ଆରମ୍ଭ ହୋଇଥିଲା ବେଳେ ଉଭୟ ସଂଗୀତ ଓ ଅଭିନୟ କଳା କର୍ମଶାଳା ଆସନ୍ତା ୧୭ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ।

25/03/2025

ଉତ୍କଳଦିବସ ପାଳନ ପାଇଁ ଏକ ପ୍ରସ୍ତୁତି କାଳୀନ ବୈଠକ
----------------------------------
ଉତ୍କଳମଣି ଗୋପବନ୍ଧୁ ୱେଲ ଫେୟାର ଟ୍ରଷ୍ଟ ପକ୍ଷରୁ ଆଇ ଡି ଏଲ ସମାଜ ମଙ୍ଗଳ କେନ୍ଦ୍ର ପରିସରରେ ଉତ୍କଳଦିବସ ପାଳନ -୨୦୨୫ ପାଇଁ ଏକ ପ୍ରସ୍ତୁତି କାଳୀନ ବୈଠକ ଅନୁଷ୍ଠାନର ସମ୍ପାଦକ ତଥା ସମାଜସେବୀ ଅରୁଣ କୁମାର ପରିଡା ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି l ପୂର୍ବବର୍ଷ ଭଳି ଚଳିତ ବର୍ଷ ଆସନ୍ତା ଏପ୍ରିଲ ୧ ତାରିଖ ସକାଳ ୮ ଟା ୩୦ ମିନିଟ୍ ସମୟରେ ବାଲିଯୋଡି ଛକ ସ୍ଥିତ ଉତ୍କଳମଣି ଗୋପବନ୍ଧୁ ଦାସ ଙ୍କ ପ୍ରତିମୂର୍ତ୍ତି ପରିସରରେ ଉତ୍କଳ ଦିବସ ପାଳନ ଓ ଶ୍ରଦ୍ଧାଞ୍ଜଳୀ ସଭା ଅନୁଷ୍ଠିତ ହେବାପାଇଁ ଏହି ବୈଠକରେ ନିଷ୍ପତି ନିଆଗଲା। ଏହି ଉତ୍କଳଦିବସ କାର୍ଯ୍ୟକ୍ରମରେ ସରକାରୀ ବେସରକାରୀ ସଂସ୍ଥା ର ଅଧିକାରୀ ଛାତ୍ର ଛାତ୍ରୀ ଶିକ୍ଷକ ଶିକ୍ଷୟତ୍ରୀ ସମାଜ ସେବି ଶିକ୍ଷାବିତ୍ ସାମ୍ବାଦିକ ମିଶନ ଶକ୍ତି ଓ ସ୍ଵୟଂ ସହାୟକ ଗୋଷ୍ଠୀର ମହିଳା ମାନଙ୍କୁ ନିମନ୍ତ୍ରଣ କରାଯିବ ଓ ଉତ୍କଳଗୌରବ ମଧୁସୂଦନ ଦାସ ପଣ୍ଡିତ ଗୋପବନ୍ଧୁ ଦାସ ଙ୍କ ସମେତ ପୂର୍ବ ସୁରିମାନଙ୍କର ସ୍ମୃତି ଚାରଣ ସହିତ ବନ୍ଦେ ଉତ୍କଳ ଜନନୀ ଗାନ କରାଯିବା ପାଇଁ ସର୍ବ ସନ୍ମତିକ୍ରମେ ଏହି ବୈଠକର ନିଷ୍ପତ୍ତି ନିଆଗଲା। ଏହି କାର୍ଯ୍ୟକ୍ରମକୁ ସଫଳ କରିବା ପାଇଁ ସବୁ ସ୍ତରରୁ ସହଯୋଗର ହାତ ବଢ଼ାଇବାକୁ ଅନୁଷ୍ଠାନ ପକ୍ଷରୁ ଅନୁରୋଧ କରାଯାଇ ଅଛି ଅନ୍ୟମାନଙ୍କ ମଧ୍ୟରେ ମୁରଲିଧର ଦାସ, ରବର୍ଟ ହାଇଫିଲ,ଝୁନୁରାଣି ସହୁ, ସୁନିତା ପରିଡା ,ମୀନା ବେହେରା,ଭଗବାନ ସାହୁ, ବାଦଲ ପଣ୍ଡା, ରାମ ଚନ୍ଦ୍ର ସାମଲ, କୈଳାଶ ମଲ୍ଲିକ, ବର୍ଷାରାଣୀ ସହୁ, ସନାତନ ବାରିକ୍, କାଳନ୍ଦୀ ଚରଣ ମଲ୍ଲିକ, ସୁରଥ, ଆନ୍ତର୍ଯ୍ୟମି ବେଉରା, ପ୍ରମୁଖ ଆଲୋଚନାର ଅଂଶଗ୍ରହଣ କରିଥଲେ ।

25/03/2025

ଉପଜିଲ୍ଲାପାଳଙ୍କ କାର୍ଯ୍ଯାଳୟରେ ସର୍ବ ଦଳୀୟ ବୈଠକ

ରାଉରକେଲା : 24/3/25 - ବୁଥ ସ୍ତରୀୟ ଏଜେଷ୍ଟ (ବିଏଲଏ)ନିୟୋଜନ କୁ ନେଇ ପାନପୋଷ ଉପଜିଲ୍ଲାପାଳଙ୍କ କାର୍ଯ୍ଯାଳୟ ପ୍ରକୋଷ୍ଠ ରେ ସବୁ ରାଜନୈତିକ ଦଳର ସର୍ବ ଦଳୀୟ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକକୁ ଉପଜିଲ୍ଲାପାଳ ପାନପୋଷ ବିଜୟ କୁମାର ନାୟକ ଅଧ୍ୟକ୍ଷତା କରିଥିଲେ l ଏହି ସର୍ବ ଦଳୀୟ ବୈଠକ ବିଜୁ ଜନତା ଦଳ, ଭାରତୀୟ ଜନତା ପାର୍ଟି, ବହୁଜନ ସମାଜବାଦୀ ପାର୍ଟି, ସିପିଆଇଏମ୍ ପାର୍ଟି , ଆମ ଆଦମୀ ପାର୍ଟି, କଂଗ୍ରେସ ଦଳର ପ୍ରତିନିଧି ପ୍ରମୁଖ ବୈଠକରେ ଉପସ୍ଥିତ ଥିଲେ।ଉପଜିଲ୍ଲାପାଳ ବୁଥ ସ୍ତରୀୟ ଏଜେଷ୍ଟ ଓ ସେମାନଙ୍କର କାର୍ଯ୍ୟ ବିଷୟରେ ଅବଗତ ତଥା ଆଲୋଚନା କରିଥିଲେ l ନିର୍ଭୁଲ ଭୋଟର ତାଲିକା ପ୍ରସ୍ତୁତ ଦିଗରେ ବିଏଲଏ ର ପ୍ରମୁଖ ଭୂମିକା ରହିଛି ବୋଲି ଶ୍ରୀ ନାୟକ କହି ଥିଲେ l ଏହି ବୈଠକରେ ଡେପୁଟି କେଲକ୍ଟର ଅର୍ପିତା ମହାନ୍ତି, କଂଗ୍ରେସର ଜିଲ୍ଲା ସଭାପତି ରବି ରାୟ , ବିଜେପି ଦଳର ଜିଲ୍ଲା ସଭାପତି ପୂର୍ଣିମା କେରକେଟା , ବିଜେଡି ବରିଷ୍ଠ ନେତା ବିରେନ ସେନାପତି , ଆପର ଜିଲ୍ଲା ସଭାପତି ବିନୟ ତିଓ୍ବାରୀ, ବହୁଜନ ସମାଜବାଦୀ ପାର୍ଟୀର ରଂଜନ ତନ୍ତୀ, ସିପିଆଇଏମ୍ ପାର୍ଟି ଜାହାଙ୍ଗୀର ଅଲ୍ଲୀ ସମେତ ବିଭାଗୀୟ ଅଧିକାରୀ ଉପସ୍ଥିତ ଥିଲେ l

26/01/2025

ଗୃହସ୍ଥୀରେ ୭୬ତମ ଗଣତନ୍ତ୍ର ଦିବସ ଧୁମଧାମରେ ପାଳନ କରାଗଲା

ଆଜି ଗୃହସ୍ଥୀ ଉଦ୍ୟୋଗ ପ୍ରାଇଭେଟ ଲିମିଟେଡର ପ୍ରାଙ୍ଗଣରେ ୭୬ତମ ଗଣତନ୍ତ୍ର ଦିବସ ବଡ଼ ଉତ୍ସାହ ଓ ଉଲ୍ଲାସରେ ଆୟୋଜନ କରାଗଲା। କାର୍ଯ୍ୟକ୍ରମର ଆରମ୍ଭ ହେଲା ସିଏମଡି ଶ୍ରୀ ଗଣେଶ ପ୍ରସାଦ ବଗଡ଼ିଆ ଏବଂ ସିଇଓ ଶ୍ରୀ ଅମିତ ଅଗ୍ରୱାଲ ଙ୍କ ତରଫରୁ ଧ୍ବଜାରୋହଣ ସହିତ। ତା'ପରେ ସିଏମଡି , ସିଇଓ , ଅକାଉଣ୍ଟ ହେଡ୍ ଶ୍ରୀ ସୀତାରାମ ବଗଡ଼ିଆ ଓ ସେଲ୍ସ ହେଡ୍ ଶ୍ରୀ ଅନୁଜ ପ୍ରସାଦଙ୍କ ତରଫରୁ ଦରବାରରେ ସଜାଯାଇଥିବା ଗୋମାତା, ଗୁରୁମାତା ଓ ପିତୃ ଦେବତାଙ୍କ ପାଖରେ ଦୀପ ପ୍ରଜ୍ୱଳନ କରାଗଲା। ସମ୍ମାନନୀୟ ଅତିଥିମାନଙ୍କୁ ଫୁଲ ଗୁଚ୍ଛ ଦ୍ୱାରା ସ୍ୱାଗତ କରାଯାଇଥିଲା। ତା'ପରେ ରାଷ୍ଟ୍ର ସଙ୍ଗୀତ ଗାଉଥିବା ପରେ ସମସ୍ତ ଅତିଥି ଗଣ ଗଣତନ୍ତ୍ର ଦିବସ ଉପରେ ମନୋଗତ ଭାବ ବ୍ୟକ୍ତ କରିଥିଲେ। କାର୍ଯ୍ୟକ୍ରମର ଅନ୍ୟ ଏକ ମୁଖ୍ୟ ଆକର୍ଷଣ ହେଉଛି ସାଂସ୍କୃତିକ କାର୍ଯ୍ୟକ୍ରମ, ଯେଉଁଥିରେ ଶିଶୁମାନେ ଓ କର୍ମଚାରୀମାନେ ଉତ୍ସାହରେ ଅଂଶଗ୍ରହଣ କରିଥିଲେ। ସମସ୍ତ ପ୍ରତିଭାଗୀଙ୍କୁ ସାରାହନୀୟ ପ୍ରଦର୍ଶନ ପାଇଁ ପୁରସ୍କୃତ କରାଗଲା। ଶିଶୁମାନଙ୍କ ପାଇଁ ବିଶେଷ ଖାଦ୍ୟ ଓ ମିଠା ପ୍ୟାକେଟ୍ ବଣ୍ଟନ କରାଯାଇଥିଲା। ଆଜିର କାର୍ଯ୍ୟକ୍ରମର ସଫଳ ସଂଚାଳନ ମିସ୍ ସୁଭାଶ୍ରୀ ରାୟ ଜି କରିଥିଲେ। ଏହି ଆୟୋଜନକୁ ସଫଳ କରିବାରେ ସିଇଓ ଶ୍ରୀ ଅମିତ ଅଗ୍ରୱାଲ, ସୁଭାଶ୍ରୀ ରାୟ, ସଙ୍ଗୀତା କୁଣ୍ଡୁ, ପ୍ରଫୁଲ୍ଲ ପାତ୍ର, ଅବିନାଶ ମିଶ୍ର, ମୁକେଶ ଠାକୁର, ଟି. ପୁରୁଷୋତ୍ତମ, ପ୍ରମୀଳା ସାଣ୍ଡଲ, ଅଞ୍ଜଳି ସାହୁ ଓ ପୀତାମ୍ବର ତାଂତି ଜିଙ୍କ ମୁଖ୍ୟ ସହଯୋଗ ଥିଲା। ଏହିପରି ଭାବରେ ଗୃହସ୍ଥୀ ଉଦ୍ୟୋଗର ୭୬ତମ ଗଣତନ୍ତ୍ର ଦିବସ ଉତ୍ସବ ଉଲ୍ଲାସମୟ ଓ ଆନନ୍ଦମୟ ଭାବରେ ସମ୍ପନ୍ନ ହେଲା।

22/01/2025

ଗୁରୁ ନାନକ ପବ୍ଲିକ୍ ସ୍କୁଲ୍, ସେକ୍ଟର 21, ରାଉରକେଲାର 160 ଛାତ୍ର ଛାତ୍ରୀ ଗୃହସ୍ଥୀ ଉଦ୍ୟୋଗ ପ୍ରାଇଭେଟ୍ ଲିମିଟେଡ୍ କାରଖାନା ପରିଦର୍ଶନ କରିଛନ୍ତି । ରାଉରକେଲା, 21 ଜାନୁଆରୀ 2025 – ଗୃହସ୍ଥୀ ଉଦ୍ୟୋଗ ପ୍ରାଇଭେଟ୍ ଲିମିଟେଡ୍ ଆଜି ଗୁରୁ ନାନକ୍ ପବ୍ଲିକ୍ ସ୍କୁଲ୍, ସେକ୍ଟର 21, ରାଉରକେଲାର 160 ଛାତ୍ର ଛାତ୍ରୀ ଓ ସେମାନଙ୍କ ଶିକ୍ଷକମାନଙ୍କୁ କାରଖାନା ପରିସରରେ ଜ୍ଞାନମୂଳକ ଓ ସ୍ମୃତିମୟ ପରିଦର୍ଶନ କରିବାରେ ଆନନ୍ଦ ଅନୁଭବ କଲା। ଏହି ପରିଦର୍ଶନ ଛାତ୍ରମାନଙ୍କୁ ଆମର ଉତ୍ପାଦନ ଏବଂ ପ୍ୟାକେଜିଂ ୟୁନିଟ୍ ଗୁଡ଼ିକର ଏକ ଗାଇଡ୍ ଟୁର୍ ସହିତ ମସଲା ଉତ୍ପାଦନ ପଛରେ ଥିବା ଜଟିଳ ପ୍ରକ୍ରିୟାଗୁଡ଼ିକୁ ଅନୁସନ୍ଧାନ କରିବାର ସୁଯୋଗ ପ୍ରଦାନ କଲା | ଆମର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ (ସିଏମଡି) ଶ୍ରୀ ଗଣେଶ ପ୍ରସାଦ ବାଗରିଆ ଏବଂ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ଶ୍ରୀ ଅମିତ ଅଗ୍ରୱାଲ ବ୍ୟକ୍ତିଗତ ଭାବେ ଛାତ୍ରଛାତ୍ରୀମାନଙ୍କୁ ସ୍ୱାଗତ କରିଥିଲେ ଏବଂ ଗୁଣବତ୍ତା, କଠିନ ପରିଶ୍ରମ ଏବଂ ସ୍ଥିରତା ଉପରେ ଗୁରୁତ୍ୱ ଦେଇ କମ୍ପାନୀର ଯାତ୍ରା ବିଷୟରେ ମୂଲ୍ୟବାନ ତଥ୍ୟ ବାଣ୍ଟିଥିଲେ। ଏହି ପରିଦର୍ଶନ ଅଂଶ ରୂପେ, ଛାତ୍ର ଛାତ୍ରୀ ମାନେ ପୁଷ୍ପ ବାଟିକା ଦର୍ଶନ କରିଲେ, ଯାହା ହେଉଛି ରଙ୍ଗୀନ ଫୁଲ ଓ ସବୁଜ ଗଛରୁ ଶୃଙ୍ଗାରିତ ଏକ ସୁନ୍ଦର ଉଦ୍ୟାନ। ପୁଷ୍ପ ବାଟିକାର ଶାନ୍ତ ଓ ପ୍ରସନ୍ନ ପରିବେଶ ଛାତ୍ରମାନଙ୍କ ପାଇଁ ଆନନ୍ଦମୟ ଅଭିଯୋଗ ହୋଇଥିଲା। ସେଠାରେ ସେମାନେ ପ୍ରକୃତି ସହିତ ସଂଯୋଗ ସ୍ଥାପନ କରିବା ଓ ପରିବେଶ ସଫା ଓ ସବୁଜ ରଖିବାର ମହତ୍ତ୍ଵ ଜାଣିପାରିଲେ। ଛାତ୍ର ଛାତ୍ରୀ ମାନେ ଶ୍ରୀ ଗୋମନ୍ଦିର ଗୋଶାଳାକୁ ମଧ୍ୟ ଦର୍ଶନ କରିଲେ, ଯେଉଁଠି ସେମାନେ ଗୋମାତା ମାନଙ୍କ ଦେଖଭାଳ ଓ ସୁରକ୍ଷା ବିଷୟରେ ଜାଣିବାର ସୁଯୋଗ ପାଇଲେ। ଦିନଟିର ମୁଖ୍ୟ ଆକର୍ଷଣ ହେଲା CMD ସର୍ ଓ CEO ଶ୍ରୀ ଅମିତ ଅଗରୱାଲଙ୍କ ସହ ଇଣ୍ଟରାକ୍ଟିଭ୍ ସେସନ୍, ଯାହା ପରେ ଛାତ୍ରମାନଙ୍କ ପାଇଁ ଏକ ସ୍ୱାଦିଷ୍ଟ ପ୍ରସାଦର ଆୟୋଜନ ହୋଇଥିଲା। ଦର୍ଶନରେ ଛାତ୍ର ଛାତ୍ରୀ ମାନେ ଖୁସି, ହୃଦୟ ଓ ମଧୁର ସ୍ମୃତି ସହିତ ଫେରିଗଲେ। ଏହି ପରିଦର୍ଶନ ଗୃହସ୍ଥୀ ଉଦ୍ୟୋଗ ପ୍ରାଇଭେଟ୍ ଲିମିଟେଡ୍‌ର ଯୁବମନୋଭାବକୁ ପ୍ରେରଣା ଦେବା, ପରିବେଶ ସଚେତନତାକୁ ଉନ୍ନତ କରିବା ଓ ଶୁଦ୍ଧତା ଓ ଉତ୍କୃଷ୍ଟତାର ମୂଲ୍ୟବୋଧକୁ ମାନ୍ୟ କରିବାର ପ୍ରତିବଦ୍ଧତାକୁ ପ୍ରତିପାଦନ କରେ।

03/10/2024

ଆସନ୍ତୁ ଜାଣିବା ମାଆ ଦୁର୍ଗା ଙ୍କ ପାଖରେ ଲାଗି ହେଉଥିବା କାଷତଣ୍ଡି ର ରହସ୍ୟ Swatantra Odisha

26/09/2024

ହିନ୍ଦ ମଜଦୁର ସଭା ର ସି ଡି ଏମ ଓ ଅଫିସ ସୁନ୍ଦରଗଡ ରେ ବିକ୍ଷୋଭ ପ୍ରଦର୍ଶନ

ଆଜି ତା 23.9.24 ରିଖ ହିନ୍ଦ ମଜଦୁର ସଭା ତରଫରୁ ମ୍ୟାଲେରିଆ କ୍ଷେତ୍ର୍ କର୍ମଚାରୀ ସଂଘ ଆହ୍ବାନରେ ସୁନ୍ଦରଗଡ଼ ଜିଲ୍ଳା ମୁଖ୍ୟ ଚିକିତ୍ସାଳୟ ପରିସରରେ ସୁନ୍ଦରଗଡ଼ ଜିଲ୍ଲାର କାର୍ଯ୍ୟ ରତ 1993 ମସିହା ଓ ତତ୍ ପୂର୍ବରୁ ମ୍ୟାଲେରିଆ ବିଭାଗର 70 ଜଣ କ୍ଷେତ୍ର କର୍ମଚାରୀ ଙ୍କୁ ସ୍ଥାୟୀ କରଣ ଦାବୀନେଇ ମାମଲା ମାନ୍ୟବର ଓଡିଶା ଉଚ୍ଚନ୍ୟାୟାଳୟ ରେ ବିଚାର ଓ ନିର୍ଦ୍ଦେଶ ନାମା ବାହାରିଲା ବେଳକୁ ମାତ୍ର 28 ଜଣ ବଞ୍ଚିଛନ୍ତି ସେମାନଂକୁ ତୁରନ୍ତ ସ୍ଥାୟୀ ନିଯୁକ୍ତି ଦାବୀ ଏକ ଶାନ୍ତିପୂର୍ଣ୍ଣ ବିକ୍ଷୋଭ ଓ ଧାରଣା ପ୍ରଦର୍ଶନ ହିନ୍ଦ ମଜଦୁର ସଭା ରାଜ୍ୟ ସମ୍ପାଦକ ଦିଗମ୍ବର ମହାନ୍ତି ଙ୍କ ନେତୃତ୍ଵରେ ଅନୁଷ୍ଠିତ ହୋଇଯାଇଛି ଏଥିରେ ମେଡିକାଲ କର୍ତ୍ତୃପକ୍ଷ ଓ ସଂଘ କର୍ତ୍ତୃପକ୍ଷ ମଧ୍ୟରେ ଏକ ଦ୍ବିପାକ୍ଷିକ ଆଲୋଚନା ହୋଇଥିଲା ଏହି ବୈଠକରେ କର୍ମଚାରୀଙ୍କ ତରଫରୁ ସଭାପତି ବିଜୟ ବେହେରା, ମନୁ ନାୟକ ଦେବେନ୍ଦ୍ର ନାୟକ ହିନ୍ଦ ମଜଦୁର ସଭା ସମ୍ପାଦକ ଦିଗମ୍ବର ମହାନ୍ତି ଉମେଶ ନାୟକ ଜଗବନ୍ଧୁ ଜେନା ଓ ହସ୍ପିଟାଲ କର୍ତ୍ତୃପକ୍ଷ ଙ୍କ ତରଫରୁ ସି ଡି ଏମ୍ ଓ ଦାୟିତ୍ଵ ରେ ଥିବା ଡଃ ପ୍ରଦୀପ କୁମାର ପ୍ରାସାଦ ମୁଖ୍ୟ କିରାଣୀ ନାରାୟଣ ରାଉତରାୟ ଉପସ୍ଥିତ ରହି ଆଲୋଚନାରେ ଅଂଶ ଗ୍ରହଣ କରିଥିଲେ ଆସନ୍ତା ସପ୍ତାହରେ ସ୍ୱାସ୍ଥ୍ୟ ବିଭାଗ ସଚିବ ଙ୍କୁ ସମସ୍ତଙ୍କ ନାମ ନିଯୁକ୍ତି ପାଇଁ ପଠାଯିବ ଏଥିସହିତ ମୃତ ଅବସର ଗ୍ରହଣ କରିଥିବା ଶ୍ରମିକଙ୍କ ସମସ୍ତ ପ୍ରାପ୍ୟ ତୁତନ୍ତ ପ୍ରଦାନ ପାଇଁ ସଂଘ ପକ୍ଷରୁ ଦିଗାମ୍ବର ମହାନ୍ତି ବିଜୟ ବେହେରା ଓ ହସ୍ପିଟାଲ କର୍ତ୍ତୃପକ୍ଷ ଙ୍କୁ ଏକ କମିଟି ଗଠନ କରି ବାକିଆ ଟଙ୍କା ମୃତ ଓ ଅବସରପ୍ରାପ୍ତ କର୍ମଚାରୀଙ୍କ ସମସ୍ତ ପ୍ରାପ୍ୟ ପ୍ରଦାନ କରିବା ପ୍ରତିଶ୍ରୁତି ଦେଇଥିଲେ।ଆନ୍ଦୋଳନ କାରୀ ଶ୍ରମିକ ମାନଙ୍କ ମଧ୍ୟରେ ରବିନ୍ଦ୍ର ନାୟକ ପୀତବାସ ନାୟକ କୃଷ୍ଣଚନ୍ଦ୍ର ଭୋଇ ବିଜୟ ଲାକ୍ରା କୁନି ନାୟକ ସଜନୀ ନାୟକ ବିଳାସ ନାୟକ ବନିତା ନାୟକ ବିମଳ ବେହୁରିଆ ଉମେଶ ମଲ୍ଲିକ କୃଷ୍ଣ କୁମାର ମହେଶ୍ଵର ମହାପାତ୍ର ଅଜୟ ନାୟକ ଗୌତମ ମହାରଣା ରଶ୍ମିରଞ୍ଜନ ମହାନ୍ତି ଦିଲୀପ ଜେନା ପ୍ରଭୃତି ଆଜିର ନେତୃତ୍ୱ ନେଇଥିଲେ

26/09/2024

*‘ନର୍ଚରିଂ ନେବରହୁଡସ୍ ଚ୍ୟାଲେଞ୍ଜ’ ଅଭିଯାନ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ ପାଇଁ ରାଉରକେଲାକୁ ମିଳିଲା ଉତ୍କର୍ଷତା ପ୍ରମାଣପତ୍ର*

ରାଉରକେଲା, ୨୬ ସେପ୍ଟେମ୍ବର ୨୦୨୪: ‘ନର୍ଚରିଂ ନେବରହୁଡସ୍ ଚ୍ୟାଲେଞ୍ଜ’ ଅଭିଯାନ କ୍ଷେତ୍ରରେ ରାଉରକେଲା ସହରକୁ ଶିଶୁ ଓ ସେମାନଙ୍କ ଅଭିଭାବକମାନଙ୍କ ଲାଗି ଅନୁକୂଳ ପରିବେଶ ସୃଷ୍ଟି କରିବା ହେତୁ ଉତ୍କର୍ଷତା ପ୍ରମାଣପତ୍ର ମିଳିଛି। ନୂଆଦିଲ୍ଲୀ ଠାରେ ଆୟୋଜିତ ଏକ ସ୍ଵତନ୍ତ୍ର କାର୍ଯ୍ୟକ୍ରମରେ ସ୍ମାର୍ଟ ସିଟି ମିଶନ ଏବଂ ଭାରତ ସରକାରଙ୍କ ଗୃହ ଓ ନଗର ଉନ୍ନୟନ ମନ୍ତ୍ରଣାଳୟର ଯୁଗ୍ମ ସଚିବ ରାହୁଲ କପୁରଙ୍କ ଠାରୁ ରାଉରକେଲା ସ୍ମାର୍ଟ ସିଟି ଲିମିଟେଡର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଶ୍ରୀଯୁକ୍ତ ଆଶୁତୋଷ କୁଲକର୍ଣ୍ଣି ଉତ୍କର୍ଷତା ପ୍ରମାଣପତ୍ର ଗ୍ରହଣ କରିଛନ୍ତି।

ଏହି ଅବସରରେ ରାଉରକେଲା ମହାନଗର ନିଗମ କମିଶନର ତଥା ସ୍ମାର୍ଟ ସିଟି ସିଇଓ ଆଶୁତୋଷ କୁଲକର୍ଣ୍ଣି ରାଉରକେଲାବାସୀଙ୍କୁ ଶୁଭେଚ୍ଛା ଜଣାଇବା ସହ ଏହି ପୁରସ୍କାର ପାଇବା ରାଉରକେଲା ସହର ପାଇଁ ନିଶ୍ଚୟ ଗର୍ବର ବିଷୟ ବୋଲି କହିଛନ୍ତି। ଏଥିସହ ସେ କହିଛନ୍ତି ଯେ, 'ଶିଶୁମାନଙ୍କ ଶୈଶବର ସୁରକ୍ଷାକୁ ସୁନିଶ୍ଚିତ କରିବା ସେମାନଙ୍କ ଅଭିଭାବକମାନଙ୍କ ପାଇଁ ଅନୁକୂଳ ପରିବେଶ ସୃଷ୍ଟି କରିବା ଲାଗି ଏହି ନର୍ଚରିଂ ନେବରହୁଡ ଚ୍ୟାଲେଞ୍ଜ ଅଭିଯାନରେ ରାଉରକେଲା ସହରରେ ବିଭିନ୍ନ ଉନ୍ନତିମୂଳକ କାର୍ଯ୍ୟ କରାଯାଇଛି। ଶିଶୁମାନେ ହିଁ ଦେଶର ଭବିଷ୍ୟତ ହୋଇଥିବାରୁ ରାଉରକେଲା ସହରକୁ ଶିଶୁମାନଙ୍କ ନିମନ୍ତେ ଶ୍ରେଷ୍ଠ ସହର ଭାବେ ଗଢ଼ି ତୋଳିବାକୁ ଆଗାମୀ ଦିନରେ ଏଭଳି କାର୍ଯ୍ୟ ଜାରି ରହିବ ବୋଲି ସେ ସୂଚନା ଦେଇଛନ୍ତି।'

ଏଠାରେ ସୂଚନାଯୋଗ୍ୟ ଯେ, ସ୍ମାର୍ଟ ସିଟି ମିଶନ ଏବଂ ଭାରତ ସରକାରଙ୍କ ଗୃହ ଓ ନଗର ଉନ୍ନୟନ ମନ୍ତ୍ରଣାଳୟ ତରଫରୁ ଭାନ୍ ଲିଅର ଫାଉଣ୍ଡେସନର ସହାୟତାରେ ଆୟୋଜିତ ଏହି ‘ନର୍ଚରିଂ ନେବରହୁଡସ୍ ଚ୍ୟାଲେଞ୍ଜ’ ଅଭିଯାନରେ ଦେଶର ଶ୍ରେଷ୍ଠ ୧୦ଟି ସହର ମଧ୍ୟରେ ରାଉରକେଲା ସ୍ଥାନ ପାଇବା ପରେ ସହରର ପରିବେଶକୁ ଶିଶୁ ଅନୁକୂଳ କରିବା ସକାଶେ ରାଉରକେଲା ସ୍ମାର୍ଟ ସିଟି ଲିମିଟେଡ ତରଫରୁ ବିଶ୍ଵ ସମ୍ବଳ ପ୍ରତିଷ୍ଠାନ ଭାରତ (WRI)ର ବୈଷୟିକ ସହାୟତାରେ ଉନ୍ନୟନମୂଳକ ପ୍ରକଳ୍ପ କାର୍ଯ୍ୟ କରାଯାଇଛି। ରାଉରକେଲା ସହରରେ ୧୫ରୁ ଉର୍ଦ୍ଧ୍ଵ ସର୍ବସାଧାରଣ ସ୍ଥାନ, ଅଙ୍ଗନବାଡ଼ି କେନ୍ଦ୍ର, ସ୍ୱାସ୍ଥ୍ୟକେନ୍ଦ୍ର ଗୁଡ଼ିକୁ ଏହି ଅଭିଯାନ ଅଧୀନରେ ବିକଶିତ କରାଯାଇଛି।

ବିଶେଷକରି ଆର୍ଥିକ ଅନଗ୍ରସର ଶ୍ରେଣୀର ଲୋକେ ବସବାସ କରୁଥିବା ଅଞ୍ଚଳ ଗୁଡିକୁ ପ୍ରାଧାନ୍ୟ ଦିଆଯାଇ ସେଠାକାର ପରିବେଶକୁ ଚାଇଲ୍ଡ ଫ୍ରେଣ୍ଡଲି କରାଯାଉଛି। ଶିଶୁମାନଙ୍କ ମାନସିକ ତଥା ଶାରୀରିକ ବିକାଶ ନିମନ୍ତେ ଖେଳକୁଦ ଜରୁରୀ ହୋଇଥିବା ବେଳେ ସହରରେ ଥିବା ଅବ୍ୟବହୃତ ଖୋଲା ସ୍ଥାନ ଗୁଡ଼ିକର ଉନ୍ନତିକରଣ କରାଯାଇ ଶିଶୁ ମାନଙ୍କ ଖେଳକୁଦ ପାଇଁ ଉତ୍ତମ ଭିତ୍ତିଭୂମି ପ୍ରସ୍ତୁତ କରାଯାଉଛି । ଏଥି ସହ ପାର୍କ ଗୁଡିକର ମଧ୍ଯ ବିକାଶ କାର୍ଯ୍ୟ ଜାରି ରହିଛି। ସେମାନଙ୍କ ଅଭିଭାବକ ମାନଙ୍କ ପାଇଁ ମଧ୍ୟ ପାର୍କ ତଥା ଖୋଲା ସ୍ଥାନ ଗୁଡିକର ବିକାଶ କରାଯାଇ ସେଠାରେ ମୋବାଇଲ ଲାଇବ୍ରେରୀ, କମ୍ୟୁନିଟି ସେଣ୍ଟର ଓ ଖୋଲା ଜିମ ପ୍ରତିଷ୍ଠା କରାଯାଉଛି। ଯାହା ଫଳରେ କେବଳ ଶିଶୁ ନୁହେଁ ସେମାନଙ୍କ ଅଭିଭାବକ ମାନଙ୍କ ପାଇଁ ମଧ୍ୟ ଅନୁକୂଳ ପରିବେଶ ସୃଷ୍ଟି କରାଯାଇପାରିଛି ।