29/04/2026
MADC LÂTHLÔH - FC. Chhuasa
Palôh pathieh n'awpa ta pahno chiehpa/daihti khó chiehpa a chyhta palàsa heih sy.
1) Kó 1945 liata Mara bei 25 zy cha Saikao liata Mararàh hmialà daihti pachà pahmaoh awpa ta tló pakhy ei ta, he he tàri 1.4.1945 lia kha a chà. Ryureina eihpa pie awpa ta Additional Superintendant o South Lushai Hill, Lunglei hnohta hiana ama pangia.
2) Àchhyna hmó awpa y leipa vàta tàri 3.11.1945 liata tló pakhy heih ei ta, he hiana deikua cha Superintendant of Lushai Hills Aizawl hnohta ama pangia ha bà.
3) A ei 3 nawpa ta tàri 1.4.1947 liata hiana pangia heihpa chà ta, he lia chhochhi cha Chin Hills, Lushai Hills, Arakan Hills Tracts liata Marasaw ypa zydua cha Crown Colony ta y awpa ta ama vaw hiah.
4) Adyuhpi ei II na vaw chhà ta, India cha Independence hmó cheingei bà awpa duasua liata a duah ha bà ta. Ryu amà rei nawpa dàh vaw phorà awpa ta Constituent Assembly padua ei ta, Dr.Ambedkar cha Chairman a chà. North East Tribal zy a chupasiana rai hria awpa ta Commission paduapa chà hra ta, Gopinath Bordoloi cha Chairman chà ta, Bordoloi Commission tahpa ta pahno viapa a chà.
5) He Commission ta Aizawl ama vaw tló no he ta Mizo Union Party cha ama rei a raoh khao leipa ta, R.Vanlawma nata a pyzy ta Mara nah ta ama hiapa hawhpa, ryureina eihhràhpa kho ei ta, Ch.Saprawnga zy py ta Autonomy power ama vaw khoh haw. Ch.Saprawnga zy he Mara nah hmo hiapa a hao kawpa ama chà. Tlaikao nah cha py 2 là ta ama kei haw.
6) Bordoloi Commission ta he hawhta report a pangia haw. NE Tribal zy he pho lai viapazy ta ama disao lei nawpa ta ADC piepa chà sala, pho chynawh via pachhuah heihpazy cha Regional Council piepa chà mawh sy tahpa ta.
7) Lakher nah hiana zydua a dyutuhpa lai chaipa cha Mizo Union he a chàpa ta à là.
8) Kó 1948 liata Pawi-Lakher Convention cha Lawngtlai liata hneipa a chà. 1950, phiapi noh 25 liata Amóbyu lia a tyhpakhy heih ei ta, Pawi-Lakher Teibal Umion Party ama vaw padua.
8) 20th pató 1952 liata Council padua theina order pua ta. Kó 23.4.1953 liana kha ta Poi - Lakher Regional Council cha Lunglei liata pahypa a vaw chà haw.
9) Lunglei SDO B.W.Roy cha CEM ta so chypa a chà.
10) PL Regional Council Election hmiatua chaipa cha 1953 liata hneipa a chà. CEM C.Zochhuma a chà.
11) kó 1963 December liata Zyhno khih liata Mara Freedom Party paduapa a chà.
President - V.Hlychho
V/Pre - Hiphei
Gen. Secy - Mylai Hlychho
AGS. - S.Pailei
Trea - Sialua Hlychho.
12) 1964 liata District Council eihpa hiana cha, Assam CM BP Chaliha hnohta ama pangia.
13) kó 1965 5th February my dawh 10 pa ta PL Regional Council tawhta ama Boycott na ama phuah.
14) Kó 1966 liata MNF a pih. MFP hlàta kó 3 ta a hawti via. MNF cha tahmá taihta Pol.Party lai kawpa chà ngáthláh ha chy ta, MFP deikua phôhpa hawh dei a chà haw.
15) Kó 1972, 2nd Pachawh liata Mizoram Administrator JC.Das ta Regional Council pachhaihna nata ADC 3 paduana order a papua.
16) Thla 3 chhóh chàta MADC chhihtha chy awpa ta :
Zakhu Hlychho - CEM
S.Hiato. - EM
S. Pailei. - EM
K.Khosa. - Chairman
Zavai. - Nominated
NT. Leipo -Nominated
17) 1972 December liata Gen.Election tua chaipa hneipa chà ta. Constituency 9 a y.
18) 24.1.73 liata Executive paryhpa a chà.
CEM - S. Hiato
Chairman - S.Pailei
Dy.Chairman - K.Khósa
EM. - 1) S.Vadyu
2) K.Paichho
19) Tahmà cha MADC ta Golden Jubilee taih eima vaw hmàh khai haw.
20) Lushei nahzy nata District Council, àmo ADC, keimo Regional council à raohpa ta piepa chà pi ta, tahmà he àmo cha State chà ha ei ta, keimo deikua ADC liata eima y thlàh ha chy. Nehru Plan, Direct Finance, Sixth Scheduled Amendment, UT tahpa mohzy eima nôpaw nahzy ta miah rei pahmô tyh ei ta, ahmeiseihpa ráh deikua tló thei máh ma pi.
Atahmá hláta duasu pha viapa eimá ngiahna deikua noh chareih ta alai via rili ngà kaw. Khati ta chá sualuah aw vá ma?
(Ro pado áh leipazy a y khiah vaw pado lymá kaw muh vy)
