29/11/2025
*MARA STUDENTS' ORGANISATION, GENERAL HEADQUARTERS,SIAHA.*
Dated Siaha,the 29th Phiapi,2025
PRESS RELEASE
No.07/MSO/GEN/HQ/2024-2026
Ahmiatuata Mara zawpi zydua, MSO Gen. HQ, Siaha mohta SAMAW eima cha hlâ.
Eima pahnopa hawhta, MSO Gen. HQ, Siaha ta Operation Sting Trader siekhei pata eima râh liata Illegal Traders ama hlu tuhpa chôchâh liata hmahlana thata vaw hnei pita, he chôchâh liana heta eima hmahlana pazao lymâ pita, eima hmahlana zy he zawpi ta maniah pahnokhei hra ula tahpa he eima khoh ngaita.
MSO Gen.HQ,Siaha ta Illegal Tarders zy chôchâh liata hmahlana eima vaw siekheipa liata, Illegal Trading liata ahniahnipa chi hropa manôh 46 zy cha eima râh tawhta pua awpa ta pahnosapa châ eita, 23rd Nov 2025 hlâta eima râh puasai khai awpa ta pahnosapa ama châ. He eima papuapa hryh liata manôh 16 zy cha eima râh tawhta pua veih ei tahpa pahno pita, office liata aw pata chhoreipa châ eita, 28th Nov 2025 hlâta Siaha ama puasai leipa khiata cha ama chô liata action pasa kawpa ta eima la awpa pahnosapa ama châ hra.
Illegal Traders hry liata thokha ama Saw nah achuna vâta atahmâ duasu liata Siaha puasai awpa ta rairuna hneipazy cha, Academic Session (2025-2026) achhâ raoh pata,Siaha puasai awpa ta pahnosapa ama cha. Cha khô la liata Illegal Traders hry liata thokha eima râh liata Kô 35 a y hapa zy deikua papua leipa ta eima râh sôh sôhpaliena liata ahniahni khaolei awpa ta pahnosapa châ eita,sôhdaohna liata ama hniahni heih khiata cha, sasyh âpapuapa châ awh eita,eima patu noh tawhta a reileipa liata eima râh ama puasai awpa zie pahnosapa ama châ.
Zawpi thokha pachâna liata, Daoh eima khawpazy ama pahy pakhuana kyh liata hmo pahnopasia tu leipa a y pata alâ pa vâta, Daoh he License Holder zy ta pahy aw eita,amy ry liata Non Tribal helper (Sublet/Illegal Trading liata ahniahni leipa) zy amâ pabaosa thei chy aw. Anodeikua,he he temporary châ ta,he chôchâh liana heta hmahlana siekhei pazi lymâ pa a châ.
He chôchâh hmahlana sie lymâ pa liata Tari 24 November 2025 pa liana khata MSO Gen. HQ Siaha Executive Committee Meeting ei 29 na hneipa châta,he hawhna heta bie pathlupa a châ.
1. MADC ry liata Trade License he “Non Transferable” a châna hawhta, â ih cha kawpa ta siekhei awpa ta MADC nôpawpazy hnohta tlôkhei awpa ta pathlupa a châ.
2. Trade License “Renewal” daihti liata License holder zy âlâ cheingei awpa ta nata License holder zy âlâ leipa ta,cha Trade License Renew khaolei awpa ta MADC nôpawpazy hnohta tlôkhei awhpa ta pathlupa a châ.
3. Non Tribal zy hnohta Shop Helper Permit pie tyhpa cha, FY 2025-2026 chhôh ta pachhâsapa a châ thei n’awpa ta MADC nôpawpazy hnohta tlôkhei awpa ta pathlupa a châ.
4. MADC ry liata Temporary Trade License piepazy cha, Renew tlâ khaolei awpa nata Temporary License thiehpa chhao piepapua khaolei awpa ta MADC nôpawpazy hnohta tlôkhei awpa ta pathlupa a châ.
5. Mara chanô ta a leilô saw châleipa, vahpa ahnei pazy he “Trade License” pie khaolei awpa ta MADC nôpawpazy hnohta tlôkhei awpa ta pathlupa a châ.
He eima Executive Committee Meeting Resolutions zy he, Tari 28th November 2025 pa liana khata MADC nôpawpazy hnohta tlôkheipa a châ. Eima MADC nôpawpazy chhaota maniah vaw pahno thai kaw eita, ama theina hawhta Executive Meeting liata maniah amâ duakhei awpa zy chhao maniah chho eita eimâ ly ngaita. He chôchâh liana heta, eima MADC nôpawpazy hnohta eimâ hawhna he hlao a tloh leipa chhaota, MSO Gen. HQ, Siaha ta moh pakhô leipa aw pita,a byuhna nata angiahna hawhta hmah eima la pazi lymâ aw tahpa Mara zawpi zy ta maniah nama pahnokhei awpa khoh ngaita pita, angiahna hawhta maniah deichhy lymâ awpa chhaota eimâ châ haw
hmeiseih.
ISSUED BY: Mara Students' Organisation, General Headquarters,Siaha.
