The Maraland Times

The Maraland Times September 12, 2018

Dated Siaha, The 3rd August, 2026 MARA STUDENTS' ORGANISATION GENERAL HEADQUARTERS, SIAHA PRESS RELEASE.
03/08/2026

Dated Siaha, The 3rd August, 2026 MARA STUDENTS' ORGANISATION GENERAL HEADQUARTERS, SIAHA PRESS RELEASE.

Siaha Laihsa One Minute Speech Challenge Winner Miss Universe India 2026 a taopasuana hnei haipa liata a taopasuana chi ...
03/08/2026

Siaha Laihsa One Minute Speech Challenge Winner

Miss Universe India 2026 a taopasuana hnei haipa liata a taopasuana chi nano nanopa hneipa châ ta, Minute sâkha bierei a taopasuana liata Siaha Laihsa Miss Lalrinchhani, Miss Universe Mizoram 2026 cha winner lymâ a dao.

One Minute Speech Challenge liata winner zy
1. Mizoram
2. Madhya Pradesh
3. Gujarat
4. Andhra Pradesh
zy ama châ.

Miss Lalrinchhani he a taopasuana hluhpi hmiachhy via chy awpa a châ. Khokheina sâhchaipa eima hlâ.

ISO LIATA MARA REIH REGISTRATION MOHLaiu FachhaiKaohki liata a pahrâpa Mara sawzy,Khizaw liata reihzy registration taona...
29/07/2026

ISO LIATA MARA REIH REGISTRATION MOH
Laiu Fachhai

Kaohki liata a pahrâpa Mara sawzy,
Khizaw liata reihzy registration taona, ISO (International Organization for Standardization) liata, Mara reih cha “Mara Chin” tahpa ta y ta. Cha cha “Mara” tahpa ta so awpa ta Nochhi Notla Mara (MEC, Association of Mara Language and Culture, ECM, MADC, Mara Bible Revision) vyuhpa ta ahawna eima tao. Mara reih cha “Mara Chin” tah leipa ta, “Mara” tahpa deita ta so awpa eima khona chhâpa chhao, a pasi pi ta chhopasiapa ta eima roh. Supporting document nata reference zy eima pangia pâ.

A siezie (process) vaw pasi kaw ta, kô thôh rachhôh eima chadaipazi tawhta, zâhnia tliata, 25 Juyly 2026 noh ta, “Mara Chin” tahpa ta Mara reih a y tyhpa cha “Mara” tahpa ta panano hapa a châ zie châpaphaopa (email) eima hmô. Eimâ ly ngaita.

Mara Biehrai App a taopa YouVersion liata chhao, “Mara” tahpa ta so awpa ta eima hnôhlâ kha pasia ha pi ta, “Mara” tahpa ta a y ha hra.

Artificial Intelligence (AI) liata Mara reih tawhta English nata English tawhta Mara reih lâta paliena App a tao khohpa nata Mara reih ChatGPT a tao khohpazy ta YouVersion liata Mara Biehrai base-pa ta tao lymâ thei bâ aw ei ta, kaohki liata Mara sawzy châta a phahnai kaw aw.

A ry liatapa he Mara reih cha, “Mara Chin” tahpa ta ISO liata registerpa tawhta “Mara” tahpa ta thla hapa a châna châpaphaopa (email) a châ.

Shendu reih tah tyhpa chhao, ano eih ta so khao leipa ta, Mara reih nata pahlyh hana biepathluna â hlao hra.

------------------
Dear Submitters,
On behalf of the ISO 639 Maintenance Agency Secretariat, I would like to inform you of the result for the Change Request that you submitted. The summary of the ISO 639/MA decisions for this quarter is available in the most recent newsletter issue at the ISO 639/MA portal.

Change Requests 2025-034 and 2025-055 were adopted by the ISO 639/MA. The updated information can be viewed here:
2025-034, Update [mrh] Mara (639-3) -- a Kuki-Chin language of South Asia
• [mrh] Mara. Change the reference name: Old value = Mara Chin, New value = Mara
2025-055, Deprecate [shl] Shendu (639-3) -- a Kuki-Chin language of South Asia
• [shl] Shendu. Deprecate as duplicate: Replace with Mara [mrh]
• [mrh] Mara. Add additional name: New value = Shendu
Adopted changes are now reflected in the download tables provided by the Language Coding Agency for Set 3, SIL Global.
Thank you for your efforts in support of language identification!
Best regards,
Janell Nordmoe
Registrar, ISO 639-3 Language Coding Agency
SIL Global
iso639-3.sil.org
+1 972-708-7400
Dallas, TX USA

Laiu Fachhai

Mara Musician thai patluapa Satlia Hratha eima chhaihMara Musician Thai patluapa Satlia Hra Tha s/o Rev. Joseph Zalei (L...
20/07/2026

Mara Musician thai patluapa Satlia Hratha eima chhaih

Mara Musician Thai patluapa Satlia Hra Tha s/o Rev. Joseph Zalei (L) cha 20-07-2026 ta a pahrâna USA lia â pahâ tahpa thâtih daopa a châ.

Paw Hra Tha he music liata talent a hnei pha kawpa châ ta, Mara musician hry liata a thai patluapa a châ. A yna su maih liata Marasaw ta music lâchhâh ta hmâ phahnai kawpa chyhsa a châ.

MSA Centre, Yangon liata Chairman a vaw chakao chiehpa a châ hra.

A siesaipa chhôhkha Khazohpa ta thlah palôh mawh sy🙏

A pei kaw tyh na.
15/07/2026

A pei kaw tyh na.

MARAPA A CHÂ LEIPAZY DIA, MARAPA THOKHA HLÂTA TLAO A VAW MARA VIA THLÂH HA EI?Laiu FachhaiUSA, Australia nata Malaysia r...
14/07/2026

MARAPA A CHÂ LEIPAZY DIA, MARAPA THOKHA HLÂTA TLAO A VAW MARA VIA THLÂH HA EI?

Laiu Fachhai

USA, Australia nata Malaysia râhzy liata ei chakao nota hmo ei hmôpa miakha cha he he a châ: Marapa lapinô/vahpa ta a hneipa Karen, Kachin, Shan, Lusei Mizo, Falam, Hakha-Thantlang, Chinese (Tulu), etc chipho chyhsazy ta Mara reih ama chei ngâ kaw cha!

Cha nota, Mara râh Siaha nata Tipa khihpizy liata Mara saw thokha nata Yangon, etc khihpizy liata Mara saw thokha ta Mara reih ama chei khoh leipazy a kaw thei na ta, “Marapa a châ leipazy dia, Marapa thokha hlâta tlao a vaw Mara via thlâh ha ei” tahpa pachâna vaw pua ta, ei vaw ly kaw.

Ei châ ly ngaita ei, Mara reih miah a cheipa khohpa Karen, Kachin, Shan, Lusei Mizo, Falam, Hakha-Thantlang, Chinese (Tulu), etc chhivawzy nata khydizy.

Abeipa Zehôvâh Khazohpa ta vânoh cha patosa ei sala, Mara râh nata Mara sawzy châta byhnâ ta cha hmâh lymâ mawh ei sy!

Siaha DC Office tawhta châ puapazy Mara reih ta papuapâ tyh bâ awpa
07/07/2026

Siaha DC Office tawhta châ puapazy Mara reih ta papuapâ tyh bâ awpa

Châ peimawhpa: Mana B. Hronapawngia Hill Gate School, Hostel liata y pa, vâdua â tyhna chôchâh liata MSO General Headqua...
26/06/2026

Châ peimawhpa:
Mana B. Hronapawngia Hill Gate School, Hostel liata y pa, vâdua â tyhna chôchâh liata MSO General Headquarters, Siaha châ puapa

PAWZY NOH TA PAWZY HNOHTA BIETAPALaiu FachhaiChapaw châta la, Khazohpa ta ryhraona hropa a hnei hapa vâta a châ leipa kh...
21/06/2026

PAWZY NOH TA PAWZY HNOHTA BIETAPA

Laiu Fachhai

Chapaw châta la, Khazohpa ta ryhraona hropa a hnei hapa vâta a châ leipa khiahta cha, saw sa ru vei. A maophaohna a patlôpa paw phapa châ awpa deikua a ru ngaita. Cha maophaohna patlô ru ngaitapa cha patlô awpa ta, takô ta Pawzy Noh (Chhiepa 21, 2026) liana heta, pawzy pi ta achhuahna thiehpa hnei heih awpa ta eimâ pasyu.

Eima sawzy ta, a eih pachaipa ta, eima sawchapawzy ta eima biereipa zydua zyh khaih hlei ngyu veih ei. Eima hrozie hawhta deikua cha ama vaw hroh hra aw ta, eima hmotaopazy ama vaw tao hra aw. Chavâta adona, ngâchhihna, pathaihna, kyhpachâna, tiama hriapasana nata noh to ta Biehrai reih ta thlahchhâna hrozy ta hropa ta, hro ta pamopâsana chôta sawzy chhihtha suh u.

Tahmâ bawlawh liata cha, eima pachâpa hawhta a y thei leipa nata Abeipa nata a awnanopa a pachâ tu leipa sawzy eima hnei thei. Palôh chhâ awpa châ vei. A daihtita liata Abeipa ta ano lâ a pakuasa heih aw ei.

He Biehrai, Izarei chapaw hnohta Abeipa Zehôvâh Khazohpa biepiepa hawhna heta Mara pawzy chhao hro a chhuah sih la, a hlâ suh u:

Hy Izarei, nathlie teh. Zehôvâh cha eima Khazohpa châ ta, Zehôvâh cha pakha deita a y. Zehôvâh na Khazohpa cha na pathipalôh tlokhuh ta, na thlahpa tlokhuh ta, na thatlôna tlokhuh ta kyh na pachâ awpa a châ. Tanoh ta bie ei cha piepazy he, na palôh liata y thlâh ha mawh sy. Na sawzy phahnai khoh ngaitapa ta pachu aw chi ta, na o liata nâ tyu nota zy, lâpi liata na sie nota zy, nâ zia no nata na thyu daihti zy liata na reih tyh aw. Ngiana châta na ku liata chahry aw chi ta, khiriena ta na mo nata mo likawh liata na rie aw. Na ochhi tôhzy nata na chhikaozy liata chhao na ro awpa a châ.
Ryhpachaneina 6.4-9

Jessica Hlychho Australia lâ sie awMaraland top artiste Jessica Hlychho cha Mara Community Of Victoria (MCV) ta pachhuap...
09/06/2026

Jessica Hlychho Australia lâ sie aw

Maraland top artiste Jessica Hlychho cha Mara Community Of Victoria (MCV) ta pachhuapanoh pa Mara Kheihna Festival a hmâna liata hlasa hruapa a châna hawhta Australia lâ a sie aw.

Mara Khohna/Kheihna Festival he West Melbourne, Australia liata noh 14 Phiapi 2026 ta hnei awpa a châ.

Jessica Hlychho he Australia visa a hmô nata hmô mâh lei biedaona ta palâsa vei.

MCV heta Pinô K. Saidi nata Pricilla Notlia chhao Mara Event Day liata hlasa awpa ta hrua ha hra taraw ei ta, visa ryhpao leina vâta a hlao thei khao veih ei.

Jessica Hlychho he MCC-USA Conference a hlaopa ta USA ei 2 tlai a tly haw.

The Maraland Times

Address

Maraland
Saiha

Telephone

+91-9862-215110

Website

Alerts

Be the first to know and let us send you an email when The Maraland Times posts news and promotions. Your email address will not be used for any other purpose, and you can unsubscribe at any time.

Contact The Business

Send a message to The Maraland Times:

Shortcuts

Share

Category