MALWA TALKS

10/12/2025

ਜਗਰਾਉਂ ਨੇੜਲੇ ਪਿੰਡ ਰਸੂਲਪੁਰ ਮੱਲ੍ਹਾ ’ਚ ਪਾਣੀ ਵਾਲੀ ਟੈਂਕੀ ਤੋਂ ਪਾਣੀ ਦੀ ਸਪਲਾਈ ਇਕ ਹਫ਼ਤੇ ਤੋਂ ਬੰਦ ਹੈ। ਇਸ ਕਰਕੇ ਗਰੀਬ ਤੇ ਮਜ਼ਦੂਰ ਤਬਕੇ ਨੂੰ ਔਖ ਹੋ ਰਹੀ ਹੈ। ਲੋਕ ਪਾਣੀ ਦੀ ਕਿੱਲਤ ਕਰਕੇ ਦੂਰੋਂ ਨੇੜਿਓਂ ਪਾਣੀ ਢੋਹਣ ਲਈ ਮਜਬੂਰ ਹਨ। ਦੇਖੋ ਪਿੰਡ ਦੇ ਲੋਕਾਂ ਨੇ ਕੀ ਕਿਹਾ, ਕੀ ਕਾਰਨ ਦੱਸਿਆ ਤੇ ਕੀ ਮੰਗ ਕੀਤੀ?

27/09/2025

27/09/2025

ਕਿਸਾਨੀ ਸੰਘਰਸ਼ ਦੀ ਦਰਦਨਾਕ ਸ਼ਹੀਦੀ:
ਰਾਮਗੜ੍ਹ ਸਿਵੀਆਂ ਪੱਕੇ ਕਿਸਾਨੀ ਮੋਰਚੇ 'ਚ ਜ਼ਮੀਨ ਮੁਆਵਜ਼ੇ ਦੀ ਲੜਾਈ ਲੜਦਾ ਇੱਕ ਹੋਰ ਕਿਸਾਨ ਸ਼ਹੀਦ
ਕੋਈ ਵੀ ਸਰਕਾਰੀ ਸਹਾਇਤਾ ਨਾ ਲੈਣ ਤੋਂ ਇਨਕਾਰੀ ਵਾਰਿਸਾਂ ਵੱਲੋਂ ਪੋਸਟਮਾਰਟਮ ਤੋਂ ਇਨਕਾਰ
ਕਿਸਾਨਾਂ ਦਾ ਸਰਕਾਰੀ ਨਾਲਾਇਕੀ 'ਤੇ ਗੁੱਸਾ ਫੁੱਟਿਆ

26/09/2025

ਕੀ ਪੰਜਾਬ ਦੀ ਰਾਜਨੀਤੀ 'ਚ ਮੁੜ ਲਾਲ ਝੰਡੇ ਹੇਠ ਨਾਅਰੇ ਗੂੰਜਣਗੇ ?
25ਵੀਂ ਸੀ.ਪੀ.ਆਈ ਰਾਸ਼ਟਰੀ ਕਾਂਗਰਸ 'ਚ ਗਿਰਾਵਟ ਦੇ ਸਬਕ ਤੇ ਭਵਿੱਖ ਦੀ ਉਮੀਦ ਤੇ ਚਿੰਤਨ

: ਪੰਜਾਬ ਦੀ ਰਾਜਨੀਤੀ ਵਿੱਚ ਕਦੇ ਲਾਲ ਝੰਡੇ ਹੇਠ ਗੂੰਜਦੇ ਨਾਅਰੇ ਅੱਜ ਚੁੱਪੀ ਵਿੱਚ ਗੁੰਮ ਹੋ ਚੁੱਕੇ ਹਨ।ਬੀਤੀ ਕੱਲ੍ਹ ਐਤਵਾਰ ਨੂੰ ਚੰਡੀਗੜ੍ਹ ਵਿੱਚ ਸ਼ੁਰੂ ਹੋਈ ਕਮਿਊਨਿਸਟ ਪਾਰਟੀ ਆਫ਼ ਇੰਡੀਆ (ਸੀਪੀਆਈ) ਦੀ 25ਵੀਂ ਰਾਸ਼ਟਰੀ ਕਾਂਗਰਸ ਇਸ ਤਰ੍ਹਾਂ ਦੀ ਵਿਡੰਬਨਾ ਨੂੰ ਤਾਜ਼ਾ ਕਰ ਰਹੀ ਹੈ। ਖੱਬੇ-ਪੱਖੀ ਪਾਰਟੀਆਂ, ਜੋ ਕਦੇ ਰਾਜ ਦੇ ਕਿਸਾਨਾਂ ਅਤੇ ਮਜ਼ਦੂਰਾਂ ਦੀ ਆਵਾਜ਼ ਬਣ ਕੇ ਉੱਭਰੀਆਂ ਸਨ, ਅੱਜ ਰਾਜਨੀਤਿਕ ਹਾਸ਼ੀਏ 'ਤੇ ਖੜ੍ਹੀਆਂ ਨਜ਼ਰ ਆ ਰਹੀਆਂ ਹਨ। ਇਹ ਕਾਂਗਰਸ ਨਾ ਸਿਰਫ਼ ਪਾਰਟੀ ਦੇ ਭਵਿੱਖ ਨੂੰ ਤਲਾਸ਼ ਕਰੇਗੀ, ਸਗੋਂ ਪੰਜਾਬ ਵਿੱਚ ਖੱਬੇ ਦੇ ਡਿੱਗੇ ਸਿਤਾਰੇ ਨੂੰ ਵੀ ਆਈਨਾ ਵਿਖਾਏਗੀ।
ਪੰਜਾਬ ਨੂੰ ਕਦੇ 'ਕਾਮਰੇਡਾਂ ਦੀ ਨਰਸਰੀ' ਕਿਹਾ ਜਾਂਦਾ ਸੀ, ਜਿੱਥੇ ਹਰਕਿਸ਼ਨ ਸਿੰਘ ਸੁਰਜੀਤ ਅਤੇ ਸਤਪਾਲ ਡਾਂਗ ਵਰਗੇ ਵੱਡੇ ਨੇਤਾ ਉੱਭਰੇ। ਪਰ ਅੱਜ ਸੀਪੀਆਈ ਅਤੇ ਸੀਪੀਆਈ (ਮਾਰਕਸਵਾਦੀ) ਦਾ ਸਮਰਥਨ ਅਧਾਰ ਤੰਗ ਹੋ ਚੁੱਕਾ ਹੈ। ਰਾਜਨੀਤਿਕ ਵਿਸ਼ਲੇਸ਼ਕਾਂ ਅਨੁਸਾਰ, ਖੇਤਰੀ ਪਾਰਟੀਆਂ ਜਿਵੇਂ ਸ਼੍ਰੋਮਣੀ ਅਕਾਲੀ ਦਲ ਅਤੇ ਆਮ ਆਦਮੀ ਪਾਰਟੀ ਦੇ ਉਭਾਰ ਨੇ ਖੱਬੇ ਨੂੰ ਪਿੱਛੇ ਧੱਕ ਦਿੱਤਾ ਹੈ, ਜਦਕਿ ਕਾਂਗਰਸ ਦੀ ਨਿਰੰਤਰ ਮੌਜੂਦਗੀ ਨੇ ਬਾਕੀ ਜਗ੍ਹਾ ਘੇਰ ਲਈ ਹੈ।‌
ਜੇਕਰ ਇੱਕ ਝਾਤ ਪੰਜਾਬ ਦੇ ਚੋਣ ਖੇਤਰ ਵਿੱਚ ਮਾਰੀਏ ਤਾਂ ਪਿਛਲੇ ਦਹਾਕਿਆਂ ਵਿੱਚ ਖੱਬੇ ਪੱਖੀ ਪਾਰਟੀਆਂ ਨੂੰ ਵਿਧਾਨ ਸਭਾ ਜਾਂ ਲੋਕ ਸਭਾ ਚੋਣਾਂ ਵਿੱਚ ਕੋਈ ਸਫਲਤਾ ਨਹੀਂ ਮਿਲੀ। ਪਰ 1977 ਦੀਆਂ ਵਿਧਾਨ ਸਭਾ ਦੀ ਚੋਣ ਅਜਿਹਾ ਸਮਾਂ ਸੀ, ਜਦੋਂ ਸੀਪੀਆਈ (ਐਮ) ਨੇ 8 ਅਤੇ ਸੀਪੀਆਈ ਨੇ 7 ਸੀਟਾਂ ਜਿੱਤੀਆਂ। 1980 ਵਿੱਚ ਸੀਪੀਆਈ ਨੇ 9 ਅਤੇ ਸੀਪੀਆਈ (ਐਮ) ਨੇ 5 ਸੀਟਾਂ ਹਾਸਲ ਕੀਤੀਆਂ।ਆਖਰੀ ਵਾਰ ਵਿਧਾਨ ਸਭਾ ਸੀਟ 2002 'ਚ ਜਿੱਤੀ ਗਈ ਸੀ, ਜਦੋਂ ਸੀ.ਪੀ.ਆਈ ਨੇ ਕਾਂਗਰਸ ਨਾਲ ਗੱਠਜੋੜ ਵਿੱਚ ਮਲੋਟ ਅਤੇ ਪੱਕਾ ਕਲਾਂ (ਹੁਣ ਬਠਿੰਡਾ ਦਿਹਾਤੀ) ਸੀਟਾਂ ਹਾਸਲ ਕੀਤੀਆਂ। ਲੋਕ ਸਭਾ ਵਿੱਚ ਆਖਰੀ ਜਿੱਤ 1999 ਵਿੱਚ ਭਾਨ ਸਿੰਘ ਭੌਰਾ ਨੇ ਬਠਿੰਡਾ ਸੀਟ ਤੋਂ ਹਾਸਲ ਕੀਤੀ। ਪਰ 2012 ਵਿੱਚ ਮਨਪ੍ਰੀਤ ਬਾਦਲ ਦੀ ਪੀਪਲਜ਼ ਪਾਰਟੀ ਨਾਲ ਗੱਠਜੋੜ ਵੀ ਅਸਫਲ ਰਿਹਾ।
ਜੇਕਰ ਸੀਪੀਆਈ ਦੇ ਵੋਟ ਸ਼ੇਅਰ ਦੀ ਗੱਲ ਕਰੀਏ ਤਾਂ ਇਹ 2002 ਵਿਧਾਨ ਸਭਾ 2 ਸੀਟਾਂ ਜਿੱਤਣ ਦੇ ਚੱਲਦਿਆਂ 2.15 ਫੀਸਦੀ ਸੀ ਅਤੇ 2004ਦੀਆਂ ਲੋਕ ਸਭਾ ਚੋਣਾਂ 'ਚ 2.06 ਫੀਸਦੀ ਰਹਿ ਗਿਆ ਅਤੇ 2007 ਦੀਆਂ ਵਿਧਾਨ ਸਭਾ ਚੋਣਾਂ ਚੋਣਾਂ ਦੇ 1.03 ਫੀਸਦੀ ਤੋਂ ਘੱਟਦਾ ਹੋਇਆ ,2009 ਦੀਆਂ ਲੋਕ ਸਭਾ ਚੋਣਾਂ,2012 ਵਿਧਾਨ ਸਭਾ ਚੋਣ ,2014 ਲੋਕ ਸਭਾ ਚੋਣ ,2017 ਦੀ ਵਿਧਾਨ ਸਭਾ ਚੋਣ ,2019 ਦੀ ਲੋਕ ਸਭਾ ਚੋਣ ,2022 ਦੀ ਵਿਧਾਨ ਸਭਾ ਚੋਣ ਅਤੇ 2024 ਦੀਆਂ ਲੋਕ ਸਭਾ ਚੋਣਾਂ ਵਿੱਚ 1 ਫੀਸਦੀ ਦੇ ਅੰਕੜੇ ਨੂੰ ਵੀ ਛੂਹ ਨਹੀਂ ਸਕਿਆ
ਕਮਿਊਨਿਸਟ ਪਾਰਟੀ ਨੂੰ ਸਭ ਤੋਂ ਵੱਡੀ ਸੱਟ 1984 ਤੋਂ ਅੱਤਵਾਦ ਦੇ ਦੌਰ ਵਿੱਚ ਲਗੀ ਜਦੋਂ ਪੰਜਾਬ 'ਚ ਖਾੜਕੂਆਂ ਨੇ ਖੱਬੇ ਪੱਖੀ ਜ਼ਿਆਦਾਤਰ ਨੇਤਾਵਾਂ ਨੂੰ ਨਿਸ਼ਾਨਾ ਬਣਾਇਆ, ਜਿਸ ਨਾਲ ਪਾਰਟੀ ਦੀ ਤਾਕਤ ਟੁੱਟ ਗਈ। ਮੌਜੂਦਾ ਕਾਂਗਰਸ ਅਤੇ 'ਆਪ' ਦੇ ਕਈ ਆਗੂ ਜ਼ੋ ਆਪਣੀ ਜਵਾਨੀ ਵਿੱਚ ਖੱਬੇ ਪੱਖੀਆਂ ਨਾਲ ਜੁੜੇ ਰਹੇ ਹਨ, ਜੋ ਇਸ ਕਮਿਊਨਿਸਟ ਲਹਿਰ ਦੇ ਵਿਰਾਸਤ ਨੂੰ ਦਰਸਾਉਂਦਾ ਹੈ। ਪਰ ਅੱਜ ਖੱਬੇ ਨੂੰ ਨਵੇਂ ਮੁੱਦੇ ਜਿਵੇਂ ਵਾਤਾਵਰਨ, ਬੇਰੁਜ਼ਗਾਰੀ ਅਤੇ ਸਮਾਜਿਕ ਨਿਆਂ ਨਾਲ ਜੁੜ ਕੇ ਮੁੜ ਉੱਭਰਨਾ ਪਵੇਗਾ।

ਮੋਹਾਲੀ ਦੇ 11 ਫੇਜ਼ ਵਿਖੇ ਅੱਜ ਤੋਂ ਸ਼ੁਰੂ 5-ਰੋਜ਼ਾ ਰਾਸ਼ਟਰੀ ਕਾਂਗਰਸ ਵਿੱਚ ਦੇਸ਼ ਭਰ ਤੋਂ 900 ਡੈਲੀਗੇਟ ਹਿੱਸਾ ਲੈਣਗੇ।, ਜਿੱਥੇ ਕਿਸਾਨ, ਮਜ਼ਦੂਰ ਅਤੇ ਔਰਤਾਂ ਸ਼ਾਮਲ ਹੋਣਗੀਆਂ। ਇਹ ਮੀਟਿੰਗ ਖੱਬੇ ਪੱਖੀਆਂ ਨੂੰ ਮੁੜ ਸੰਗਠਿਤ ਕਰਨ ਦਾ ਮੌਕਾ ਦੇ ਸਕਦੀ ਹੈ, ਪਰ ਰਾਜਨੀਤਿਕ ਮਾਹਿਰਾਂ ਨੂੰ ਇਸ ਵਿੱਚ ਵੱਡੇ ਬਦਲਾਵ ਦੀ ਉਮੀਦ ਘੱਟ ਹੈ। ਪੰਜਾਬ ਵਿੱਚ ਖੱਬੇ ਦੀ ਗਿਰਾਵਟ ਨਾ ਸਿਰਫ਼ ਇੱਕ ਪਾਰਟੀ ਦੀ ਕਹਾਣੀ ਹੈ, ਸਗੋਂ ਰਾਜਨੀਤਿਕ ਬਦਲਾਵਾਂ ਦਾ ਸਬਕ ਵੀ। ਕੀ ਇਹ ਲਾਲ ਝੰਡਾ ਮੁੜ ਲਹਿਰਾਏਗਾ, ਜਾਂ ਹਾਸ਼ੀਏ 'ਤੇ ਰਹਿ ਜਾਵੇਗਾ? ਸਮਾਂ ਹੀ ਦੱਸੇਗਾ।

ਪੱਤਰਕਾਰ: ਜਗਪਾਲ ਸਿੰਘ ਸਿਵੀਆਂ ( ਗੁਰੂਸਰ ਸੁਧਾਰ)

19/07/2025

ਪਿੰਡ ਅਕਾਲਗੜ੍ਹ ਦਾ ਅਨੋਖਾ ਸਕੂਲ ਜਿੱਥੇ ਪਹਿਲੇ ਪੀਰੀਅਡ ਪੜਾਈ ਦੀ ਜਗ੍ਹਾ ਹੁੰਦਾ ਹੈ ਲੰਚ....
ਮਨਮੌਜੀ ਮਾਸਟਰਾਂ ਨੂੰ ਪਿੰਡ ਦੇ ਪੰਚ ਨੇ ਪੜ੍ਹਾਇਆ ਅਨੁਸ਼ਾਸਨ ਦਾ ਪਾਠ....

30/06/2025

ਰਾਜਿੰਦਰਾ ਹਸਪਤਾਲ 'ਚ ਅੱਜ OPD ਸੇਵਾ ਰਹੇਗੀ ਬੰਦ

24/05/2025