01/06/2026
పవన్ కళ్యాణ్ సభకు నో పర్మిషన్...లా అండ్ ఆర్డర్ సమస్యలే కారణమా?
జనసేన అధినేత పవన్ కళ్యాణ్ సభకు అనుమతి నిరాకరించడానికి గల కారణాలను సైబరాబాద్ పోలీసులు వెల్లడించారు. ఆంధ్రప్రదేశ్లో నమోదైన క్రిమినల్ కేసులు, ఇటీవలి రాజకీయ వ్యాఖ్యలతో తెలంగాణలో ఉద్రిక్త పరిస్థితులు నెలకొన్నాయని పేర్కొన్నారు. రాష్ట్ర ఆవిర్భావ వేడుకల నేపథ్యంలో లా అండ్ ఆర్డర్ సమస్యలు తలెత్తే అవకాశం ఉందని తెలిపారు.
అంతేకాకుండా సభా వేదిక వద్ద భారీ సంఖ్యలో వచ్చే ప్రజలకు సరిపడా పార్కింగ్ సౌకర్యం లేదని, భద్రతా పరమైన ఇబ్బందులు ఎదురయ్యే అవకాశం ఉన్నందున సభకు అనుమతి ఇవ్వలేదని సైబరాబాద్ కమిషనర్ ఉత్తర్వుల్లో వివరించారు. ఈ నిర్ణయం రాజకీయ వర్గాల్లో చర్చనీయాంశంగా మారింది.
