Zothlifim

01/04/2026

31/03/2026

https://www.youtube.com/watch?v=qHT6ls8Btn4

Enjoy the videos and music you love, upload original content, and share it all with friends, family, and the world on YouTube.

17/03/2026

Myanmar leh ram dangah dân loa petrol leh Diesel hralh leh pek chhâwn khap

Serchhip District Magistrate Paul L.Khuma chuan Petrol leh Diesel sumdawnna kaihhnawih thilah ṭhenawm ram Myanmar leh ram dangah dan loa hralh emaw, pek chhâwn khapna thupek a tichhuak.

District Magistrate chuan nimin (17.3.2026) khan thupek hi tichhuakin, thupek a tihchhuahah chuan tunlai hian Serchhip District chhungah mi ṭhenkhatten ṭhenawm ram Myanmar lama hralh chhawn leh turin kan District chhung Filling Station ṭhenkhatah tuialhthei a hlâwmin an la ṭhin tih hriat a nih thu a tarlang a, hei hian mipuite tan harsatna lian tak a thlenin, District chhungah Petrol leh Diesel indaih lohna a awm phah fo ṭhin tih hriain, Petrol leh Diesel hralh leh lei chungchangah Section 163 of Bharatiya Nagarik Suraksha Sanhita, 2023-in thuneihna a pek angin thupek hi a tichhuak tih a tarlang a, thupekah chuan Serchhip District chhunga Filling Station-ten sawrkarin man (rate) a bithliah aia sângin (Black Marketing) Petrol leh Diesel an hralh tur a ni lo tiin, Serchhip District chhunga Filling Station zawng zawngten Petrol 500litre leh Diesel 1000litre chin chung lam chu phalna neia dahṭhatna (Storage permit) neite hnenah chauh an hralh chhuak tur a ni, a ti a, he thupek hian thu leh awm hma chu thupek chhuah ni, March 17, 2026 aṭanga thla 2 chhung a huam tur thu a tarlang bawk.

17/03/2026

Petrol-a tui awm lakna nia sawi Petrol pump endik

Nimina Social Media-a Thenzawla Petrol pump pakhat aṭanga petrol laka tui awm anga video darh chungchang bawhzuiin nimin tlai khan Serchhip Legal Metrology leh Ser-chhip District Consumer Association-ten a hmunah kalin, petrol pump-te petrol dahkhawlna, underground tanky-te an endik.

Endiknaah hian petrol pump underground tanky-ah hian tui a awm hmuh a ni lo a ni. Thudawnna pakhat chuan petrol-a tui awm niawma sawi hian Chapchar K*t ni khan petrol hi a la niin sawi a ni a, petrol pump endiktute chuan hemi ni-a he petrol pump aṭanga complaint dang a awm thu hriat a nih loh avang leh, nimin lama an endiknaah tui pawlh hmuh a nih loh avangin video viral-a tui awm chu sawifiah thiam har an tih thu an sawi.

Video thlir duh tan: https://www.youtube.com/watch?v=hmc2KxNo-jo

17/03/2026

Chief Minister-in loneitute an sawhthing vai hnena hralh tawh rih lo turin a ngên

Chief Minister Lalduhoma chuan sawhthing chungchangah harsatna an tawk mek tih sawiin, sawhthing rate a sân zawk theih nan loneitute chu vai hnena an sawhthingte hralh tawh rih lo turin a ngen.

Nizan hmasa (16.3.2026)-a Assembly Session-a a department chan demand sawihonaa a tlangkawmnaa thu a sawinaah he thu hi sawiin, loneituten rate tlâwm zawkin Bagha-ah sawhthing Kg. 1 Rs.25/-in an hralh tih sawiin, hei hi loneitute tan a hlâwk lo a, sawrkarin support price a pek tur an chân a, Kg.-ah Rs.25/- zel an chân tihna a ni a, chubakah rate a sân theih loh phah a, sawrkar chuan Kg.-ah Rs.25/- aia to-a lei duh an hmuh theih loh phah tih a sawi a, loneitute chu pawisa an harsat avangin dem ngawt theih a ni lo tih pawh a sawi a, sawrkar nghak hram hram thei se chuan tun ai hian a rate a sang tawh tur a ni a ti.

Agriculture minister leh MAMB-ten ngaihtuahna thar siamin, tun karah hian secondary collection centre zawng zawngah sawhthing hi stock phawt turin thu an titlu a, loneitute chu an sawhthingte vai hnena hralh tawh lo leh, an SCC \heuhah an sawhthing-te dah turin Chief Minister chuan a ngen a, pawn lama sumdawngte sawhthing lei tur hre loa danchar an nih chuan “Min rawn dawr ngei ngei dawn a, a rate kan tisang thei dawn a ni,” a ti a, hetihlai hian hnamdang hnena sawhthing hralh chu dân kalh em em a nih loh avangin inkhap theih tak tak a ni lo tih sawiin, sawhthing chu hnamdangte hnena hralh lo turin a ngenin an ngen tih a sawi bawk.

10/03/2026

Mizoram sawrkar ruahman angin Serchhip District chhunga raltlan (displaced persons) te hnena buhfai sem a ni dawn

Zothlifim Chanchinthar Sawrkarin raltlante hnenah a thlâwnin buhfai a sem dawn

08/03/2026

Kumin School session third term exam February ni 5, 2027-a zo turin ruahman

Mizoram sawrkar hnuaia elementary stage (Pawl 8 hnuai lam) school session chu January – December-a sawn tura ruahman niin, k*min session thar tur chu March ni 23, 2026-ah ṭanin, nak*m (2027) February ni 5-ah Third Term exam zo turin ruahmanna siam a ni.

Tunhnaia School Education minister Dr. Vanlalthlana ho-a School Education department hotute leh zirtirtu pawl hrang hrang aiawhte ṭhukhawm chuan he thu hi relin, Right to Children to Free and Compulsory Education Act, 2009-in Primary School tan ni 200 leh Upper Primary School tana ni 220 school kal ngei tura a inziah angin school session siamrem tur hian inherrem nan k*m 2 hman a ni dawn a, nak*m session thar chu February ni 24, 2027-ah ṭan a ni dawn a ni.

Kumin session-ah hian July 1 – 10, 2026-ah First Term exam neih a ni ang a, October ni 7-16, 2026-ah second term exam neiin, third term hi 25 January – 5 February, 2027 chhung neih a ni ang a, thlasik chawlh hi December ni 21, 2026 – January 5, 2027 chhung neih a ni ang.

#2026-27

08/03/2026

KANGMEI VEN CHUNGCHANGAMIPUITE HNENA NGENNA

Kan fimkhur tawk loh vang leh a kan hnua pawi a khawih thui zia kan hriat tawkloh vangin In lam leh ram lama kangmei chhuak hi k*mtin hmun engemawzat ah kan tuar ṭhin a. Nunna hlu tak kan chan fo bakah kan In leh lo, huan thlai, ramngaw leh nungcha ten an tuar hle ṭhin a ni. Chuvangin, k*min a kangmei vanga kan tawrh loh nan theihtawpa fimkhur ṭheuh turin mipuite kan in ngen a, kangmei a chhuah loh nan hetiang hian hma la turin kan in ngen a ni:

1) In leh a vel fai takin enkawl ṭheuh ila, ramkang kal zelin a man theih turin In bulah kang thei thil dah loh nise. Inchhung a meichhem tihlum lovin kalsan loh nise, In chhuahsan dawnah electric off ṭhin nise.

2) Sawrkarin Lo/Huan/Leipui hal theih ni hnuhnung ber atan March ni 15, 2026 a bithliah a, hemi hma ngei a hal vek turin mitinte ngen leh hriattir kan ni. March ni 15, 2026 hnuah hal phal a ni tawh lo ang.

3) Khaw awmdanin a zir loh theih avangin March ni 15 kher nghak lovin hemi hma ngei a hal hman turin chhungtin te lo inhmakhawsuih a, Lo pawh vah zawh hma tum nise.

4) Lo/Huan/Leipui hal hmain a vattu in meilam ṭha tak a sial tur a ni a, mei lu khaiin a hal bawk tur a ni.

5) Ramhnuaiah meichhem-in timit lovin kalsan loh nise. Kangmei tichhuak thei, entirnan meizial b**g, lighter, meichher, etc. ramhnuai, kawng kam, bawlhlawh paihna leh kang thei thil dang awmna ah paih tur a ni lo.

6) Huntiam ralhnua Lo/Huan/Leipui hal lui te chu an chungah Dan angin hremna lek theih a ni.

__________________________________________________
Issued by : Mizoram Journalists Association
Serchhip District

08/03/2026

ADVERTISEMENT (HNARUAK)

CENSUS OF INDIA – 2027- Circular No. 7, dt. 24.12.2025 in a hriattir angin a hnuaia tarlan hnathawktu turte hi casual basis-a (thla 18 chhung) lak tur a ni:

Diltu turte hriattur pawimawh:

1. Diltu tute chu k*m 18-35 inkar an ni tur a ni.
2. Dilna form hi DC Serchhip websire, https://serchhip.nic.in/ -a mi download theih a ni a, DC Office, Serchhipah lam theih a ni bawk e.
3. Dilna form hi 12.03.2026 thleng DC Office, Serchhip-ah Office hun chhungin theh luh theih a ni a. Soft copy (PDF)-a thehlut duh tan 8414053712 (Whatsapp)-ah thehluh theih a ni bawk e.
4. Dilna form thehluh hian self-attested Voters ID/Aadhaar leh Educational Certificate (leh Experience certificate), leh passportsize thlalak copy 1 thil tel tur a ni e.
5. Technical Assistant diltute tan typing test, computer proficiency test leh personal interview a awm ang.
6. Multi-Tasking Staff diltute tan personal interview a awm ang.
7. Computer proficiency test leh personal interview neih hun tur chu DC Office atangin hriattirna tihchhuah leh a ni ang.

Sd/- PAUL L.KHUMA
Principal Census Officer
&
Deputy Commissioner
Serchhip District, Mizoram

07/03/2026

Indian Airforce hnuaiah Agniveervayu lak a ni dawn

03/03/2026

Miss Mizoram 2026-a Serchhip District aiawh tur puanna

Enjoy the videos and music you love, upload original content, and share it all with friends, family, and the world on YouTube.

03/03/2026

Miss Mizoram 2026 Serchhip District tur Vanlalṭanpuii

Serchhip District Bawrhsap Paul L.Khuma chuan Miss Mizoram 2026 thlanna neih tura Serchhip District aiawh turin Vanlalṭanpuii, Serchhip Bazar chu thlan a nih thu a puang.

Zonet Cable TV buatsaiha Miss Mizoram 2026 thlanna an neih tura Serchhip District aiawh tur puanchhuahna hun hi zanin (3.3.2026) dar 7:30 khan Serchhip Press Club-ah MJA Serchhip District President Kapliana Pachuau kaihhruaia hman niin, Paul L.Khuma chuan Miss Mizoram 2026 Serchhip District Miss atana Vanlalṭanpuii a nih thu hi a puang a ni.

LP Sanglura (L) fanu, Vanlalṭanpuii hi k*m 24-a upa, Ft 5.7-a sang a ni a, Serchhip Bazar Venga cheng niin, Serchhip District Child Protection Unit hnuaia Child Helpline Unit hnuaia hnathawk mek a ni.

Zonet Cable TV-in Miss Mizoram 2026 thlanna a buatsaih turah hian District hrang hrang aiawh turte thlang tura District MJA-te hnena ngenna a thlen angin MJA, Serchhip District chuan Serchhip District aiawh tur hian Vanlalṭanpuii an thlang a, District Miss atana thlante hian Audition hmachhawn lo-in direct entry pek an ni a, audition round hi March ni 4-ah neih ṭan a ni ang a, Grand Finale chu April ni 24-ah R Dengṭhuama Hall, Mualpui, Aizawlah neih a ni ang.