03/06/2026
Pynkup burom kyrpang ka KSU ïa u Bah Hally War
Ha ka 3 tarik u Jylliew 2026 ka Khasi Students' Union lyngba ka Environment Cell, Central Executive Council ha ka jingïalam u samla Shelkitbok Kharbani Asst. Environment Secretary CEC, ryngkat ruh u samla Mesadap L Skhembill General Secretary KSU South Khasi Hill District Unit lem bad ki dkhot ka Sohra Circle ka la ïoh ban leit kynduh, ban ai khublei bad ban pynkup burom kyrpang ïa u bah Hally War u nongïohpdiang ïa ka Padma Shri Award 2026, ha ïing sah jong u kaba don ha Shnong Siej, Nongkhroh Sirdarship.
Kane ka jingleit jong ka seng ka long hadien ba ka sorkar pdeng ka la pynkup burom ïa u da ka khusnam Padma Shri Award kaba dei ka wei na ki khusnam ba heh bad kongsan ha Ri India, namar ka jinglah jong u ban tei ïa ki Jingkieng Jri ( Living Root Bridges) ïa kaba la ai kyrteng da ka Umkar Living Root Bridge.
Ha kane ka sngi ka seng ka la ïoh ban ïakren bad syllok kyrpang bad u ne u rangbah, ha kaba u la pynpaw ba u la sdang ban tei ïa kane ka jingkieng naduh ba u dang don ha ka rta kaba 10 lane 11 snem eiei bad mynta u la don k*mba 70 snem duna, u la pynpaw ruh ba ka jingtei jong u ïa kane ka jingkieng mynnyngkong kam dei eh ban khring ïa ki nongkhmih kai pyrthei (Tourist) hynrei u la tei khnang ban suk ka leit ka wan haba leit Bri leit lyngkha khamtam jong ki longdien ki mandien, namar ba mynnyngkong ha kane ka jaka la shu pun jingkieng tang da ki siej bad ki dieng tylli, u la ong ba um shym poi pyrkhat ba kan kylla long pynban ka wei na ki jaka jngohkai pyrthei, ïa kaba kam dei shuh tang ban pynsuk ka leit wan haba ba leit bri, hynrei ka la ai lad ban kamai jakpoh wat ïa ka shnong ka thaw ruh k*mjuh, khamtam lei hadien ba la wan jngoh ïa kane ka jingkieng da ka myntri Sorkar Pdeng, ki myntri Sorkar jylla, bad ruh u la ïoh pdiang ïa kane ka khusnam, u la ïathuh ba ki nongjngohkai ruh ki la khambun.
U ne u rangbah u la pynkynmaw ruh ba k*m ka jaitbynriew khamtam ki samla ba ki dei ban ieit, ban pynneh pynsah, ban bteng ruh ïa kaei kaba ki longshwa manshwa ki la ai, u la pynkynmaw ruh ïa ki samla jong ka jaitbynriew haba ki leh ïa kano kano ka kam la kaba rit ne kaba khraw, leh da ka jingieit, jingminot bad jingaiti lut ha ka kam namar da kaba leh k*mta shisien ka sngi kin sa ïoh kheit ïa u soh jong ka jingjop.
