https://www.facebook.com/113284745170734/

U 7trep Media Network, Shillong (2026)

23/07/2023

I Tbn Tikshon Dkhar 85 snem ka rta, Retired Head Teacher Umlaiteng jong ka Balang Presbyterian Umshiaw KJP Synod Sepngi Ri Bhoi District ,i la khlad noh na kane ka sla pyrthei ha ka step jong ka 22 tarik u Naitung, 2023.
I lah iehnoh shadien ïa ka kiba ieid kiba thoin kiba kynthup naduh i kurim I Kong E Phrim Makhroh bad ki khun, I Kong Teilin Makhroh, Kotlad Makhroh, Piorly Makhroh bad I Bah Donboklang Makhroh, Kong Amalin Makhroh bad I Bah Jefferson Makhroh.

Ka jingleit ontep ïa ka met kaba dang sah kan long ha ka 24 July 2023 haka por 2:00 P.M (Nohphai Sngi) ha u Lum jingtep Balang Presbyterian Umshiaw , kane ka long k*m ka jingpyntip ïa baroh ki bahaïing hasem bad ki lok ki jor ba ïa ithuh ithaw kiba na jan bad na jngai.

22/07/2023

Ka jingpynbna pyntreikam noh ia ka Nation Education Policy (NEP), 2020, da u VC ka skul bah North Eastern Hills University (NEHU) ka la pynkhih bitar bad bym lah pdiang da ki samla p**e katei ka skul bah kiba don hapoh ka shatri jong ka North eastern hills University students union (NEHUSU).

Haba kren bad ki Nongthoh khubor ha nongbah Shillong, na ka liang u Finance Secretary ka NEHUSU u samla Mandor Diengdoh Swer u la pynpaw ia ka jingbynñiaw ia ka jingwan rah ban pyntreikam ia ka NEP sha baroh ki kolej kiba pynïasoh bad ka NEHU, da kaba kynnoh ruh ba u VC u la ïaid lait na ka Academic Council jong ki Principal jong ki kolej. Bad k*mba ka paw ka academic council kam shym la shim ia kane ka rai ban pyntreikam kyrkieh ia ka NEP, kaei kaba ki leh ka dei tang ha ka ban peit halor ki syllabus bad ki wei pat ki jingdonkam jong kane ka policy.

U la ong ruh ba ka NEHUSU kam pyrshah ia ka jingpyntreikam hynrei ka pyrshah ia ka jingwanrah kyrkieh ban pyntreikam khlem da ai por ba kin pynbiang ia ki jingdonkam.

Kiwei kiba la kynthoh ki kynthup ia u Vice President ka NEHUSU u samla Esterson Sohtun bad kiwei kiwei.

22/07/2023

Ka Regional Committee jong ki 2 tylli ki jylla kata ka Meghalaya bad Assam, ki la sdang biang ia ka jingkynduh ban ia mir jingmut ne jingïakren pynbeit pud ha ki 4 tylli ki jaka kiba don ha khappud ka Ri-Bhoi District bad Assam.

Ia katei ka jingïakren pynbeit pud hapdeng kitei ki ar tylli ki committee la pynlong mynta ka sngi 21 tarik Naitung, 2023, ha Assam State Guest House, Koinadhara, Khanapara.

Na ka liang ka Regional Committee jong ka jylla Meghalaya la khlieh da u Bah Prestone Tynsong Symbud Myntri Rangbah ka jylla uba bat ruh k*m u Chairman ka Ri-Bhoi Regional Committee, ba la sakhi lang ruh da ka jingdonlang ki 3 ngut ki MLA ka Ri Bhoi ba kynthup naduh u Bah Sosthenes Sohtun MLA Jirang, u Bah Charles Marngar MLA Mawhati, bad u Bah Damanbait Lamare MLA Umroi.

La sakhi shuh shuh ruh da ka jingmihkhmat na ka liang ka Khasi Hills Autonomous District Council (KHADC) da ka jingdon lang u Bah Pynïaid Singh Syiem CEM jong ka, uba long ruh k*m u dkhot ka Regional Committee, u Arpit Upadhyay Deputy Commissioner ka Ri Bhoi District bad kiwei kiwei ki ophisar.

Katba na ka liang ka Regional Committee jong ka Assam la khlieh da u Atul Borah bad u Chandra Mohan Patowary kiba baroh ar ngut ki don ha ka shuki k*m ki Myntri sorkar Assam ryngkat bad ka jingsakhi lang ki katto katne ngut ki ophisar na katei ka jylla ba marjan.

22/07/2023

Nongpoh, Naitung 14: Sa haka wad kaba ar Ki Pulit ka Enforcement KHADC Shillong, mynta ka sngi 14 tarik Naitung ki la hiar biang sha Ribhoi ban khynra ïaki kot ki sla Jong ki Bar jylla ki ba shong dukan ha Nongpoh.
Ha kane ka sin ka jingkhynra ïaki kot ki sla, ki Bor pulit Jong ka Enforcement ban peit ïaki kot ki sla Jong ki dukan kiba long trai da ki bar jylla kynthup naduh ki dukan rit bad ki dukan heh, don napdeng ki nongshong dukan kiba long trai da ki bar jylla ki la khang khyrdep noh mar sin ioh jingtip halor ka jingwan khynra iaki kot ki sla ki Bor pulit Jong ka Enforcement.
Ha kane ka jing khynra ka baar ïaki kot ki sla Jong ki nongshong dukan la lap sa laitylli ki dukan ba dei trai da ki bar jylla ba kim shem la don ïaka Trading Licence bad ïaki kot ki sla kiba biang, naka Liang ki Ophisar ki la ki la phah khang shi syndon iakitei ki dukan bad ki la ai por hapoh shiphew sngi ba ki dei ban wan mih sha ophis Shillong ban ai ïaka jubab halor ka jing shong dukan khlem ka Trading Licence bad kawei

22/07/2023

KURUP KI PULIT IA KA KSIAR DIE BEAIÑ HA RI BHOI

Da ka jingioh jingtip na ki lad syntiat kiba la pyntip mar mar sha ki bor pulit ka Ri Bhoi district, ki pulit ruh khlem pynslem ki la pynlong ia ka jingkhynra bad kurup ia ka ksiar ba la kynnoh ba ka dei ka mar ba la wan khaii beaiñ.

Ia katei ka jingkhynra la pynlong ia ka jingap shrip ha ka shnong Kyrdeng, ha khyrdop khynra kali ki pulit kaba don ha surok Shillong byepass, kaba hap hapoh ka Ri Bhoi district, ha kaba la ioh bat ia kawei ka kali rit kaba don u number AS01DT 7519 bad na katei ka kali la ioh bat ar ngut ki briew kiba suba donkti pyniaid beaiñ ia katei ka ksiar.

Ha ka jingkhynra la kurup ia hynriew song ki tiar bad na kawei kawei ka song la thep haduh 10 tola ka ksiar ba die beaiñ kaba haba la kheiñ lang baroh ka long hynriew phew tola ka ksiar.

Kitei ki ar ngut ki briew la kem noh da ki pulit na ja bynta ka jingtohkit, kiba kynthup ia u Vinod Kumar Sharma bad u nongiarap jong u, u Lalshyam Sharma, bad la kurup ruh ia ar tylli ki mobile phone ba ki pyndonkam.

Ha katei ka jingkhynra bad kurup ia katei ka ksiar bad kem ruh ia kitei ki ar ngut kiba suba donkti ha katei ka kam, la sakhi da ka jingdon u Rangbah Shnong ka Kyrdeng, u Bah Liroy Kharmalki.

22/07/2023

Ki nongialam ba hakhmat ka party VPP ki la hiar sha ka shnong Umpohwin, ban leit sngewlem halor ka jingkhlad jong u Pa'iem Mewel Shadap u Syiem ka Raid Nongtung, Khyrim Syiemship

Katei ka jingleit jngoh bad sngewlem jong katei ka seng saiñ hima sima ka Voice of People's Party (VPP) ba la ialam da u Bah Ardent Miller Basaiawmoit, President jong ka, ha ryngkat u Dr Ricky Syngkon u kyrtong ka VPP ban iakhun ia ka ilekshon sha ka Iingdorbar Thawaiñ ka Lok Sabha, ka la long ha ka 19 tarik Naitung, 2023, ba la, sakhi ruh da ka jingdon lang u Bah Marbud Dkhar, uwei na ki dkhot ba radbah jong katei ka party bad kiwei kiwei.

Haba kren lyngkot halor ka jingkhlad jong utei u Syiem, u Dr Ricky u la ong ba k*m ka Party ki dap da ka jingsngewkhia kaba khraw ha ka jingduh noh ia u nongprat lynti jong katei ka raid uba la noh synñiang da ki kam jong u khamtam eh ba katei ka raid ka dei kaba don syndah bad u pud u sam jong ka jingiakynad long trai hapdeng ki ar jylla, hynrei ka VPP ka kyrmen ba yn sa mih pat da u rangbah u ban shimti ia ka lyngkor k*m u Syiem, u ban bteng ia ka jingshakri ha ka raid hi baroh kawei.

22/07/2023

Ka jingleh khlieh shrieh jong ki scientists bar jylla ha ophis ba heh duh jong ka tnat Indian Council of Agri Research (ICAR) ha Umiam, ka long ba ki thmu beit ban thung nongtrei bylla tang da ki parajait lajong, kane ka la pynbitar ia ka Confederation of Ri Bhoi People (CoRP).

Katei ka jingbitar ki nongialam ka CoRP ba la mihkhmat da u President jong ka u Bah Bandari Ryntsthiang bad u Working President u Bah Pateng ka la mih hadien ba ki la ioh jingujor na ki nongtrei bylla khasi ha katei ka tnat ICAR ba ki la shah weng kam.

Haba ki nongialam ka CoRP ki la leit kynduh ia u CAO katei ka tnat, u la pyntikna ba kitei ki nongtrei kin lah ban trei biang naduh ka Sngi Nyngkong tang mar ia wan u Director jong ka namar k*mba long mynta u Director katei ka tnat u don shabar.

Ka CoRP ka la byrngem ruh ba lada katei ka jingkular u CAO kam urlong, na ka liang ka seng kam banse ban shim da kiwei ki lad ki lynti wat ban khang tala syndon ia kawei na ki bynta kiba don hapoh katei ka tnattnat, kata ia ka Water Management.

22/07/2023

Lai ngut ki briew ki la mynsaw ha ka jingjia tyngkhuh kali hapdeng ar tylli ki kali rit, ha ka lad ban rung sha ophis DC ha Nongpoh, Ri Bhoi district ha ka 20 tarik Naitung, 2023.

Katei ka jingjia tyngkhuh kali ka la jia hapdeng ar tylli ki kali rit kata ka kali maruti 800 kaba don u number ML-05K-0723 bad ka kali grand vitara kaba don u number ML-10E-2007.

Kstum katei ka jingjia, la kynnoh ba katei ka kali maruti ka dei kaba wan na ki bynta ka Nongpoh ba la ñiah da u Philipson Khongjoh na Downgate, Nongpoh bad katei kawei pat ka grand vitara ka wan na ki bynta Byrnihat ba la ñiah da u Samborlang Kurbah uba dei na ka shnong Umran Dairy.

Kitei kiba la mynsaw ki dei kiba shong ha ka kali grand vitara kaba don u number ML-10E-2007, kiba kynthup ar ngut ki khyllung bad ka kmie jong ki, kiba dang thmu leit shim dawai na Bethany hospital kaba don ha Nongpoh, kaba la pynlong ruh ia katei ka kali ban kynthih sha kawei pat ka bynta jong ka surok bad wanrah ruh ia katei ka jingjia mynsaw.

Ki pulit ki la tan noh ia kitei ki kali, katba ia kiba mynsaw la kit noh sha hospital ban shah sumar bad ka jingtohkit ka dang iaid shaphrang.

22/07/2023

Ban pynsah ïa ka nam bad ka burom jong u Dr DD Lapang u ba dei ruh Myntri Rangbah barim ka jylla bad u Nongaibuid ka sorkar, ka University of Science and Technology (USTM) ka la ai kyrteng kyrpang ia ka wei ka Block kaba ki la ai kyrteng k*m ka Dr. DD Lapang Block.
Ia kane ka ïing kaba la tip kyrteng k*m ka Dr. DD Lapang Block la plie da u Dr DD Lapang ha ka jingdon lang jong u Vice-chancellor ka USTM l, u
Bah Donlang Sohkhlet, Vice Chairman ka Meghalaya Resources Employment Generation Council, bad u Bah RB Shadap, President jong ka Ri Bhoi Darbar bad ki wei kiwei ki riew rangbah.
Haba kren sha ki samla p**e jong kane ka skul bah u Dr. DD Lapang u la pynpaw ïa ka jingdonkam jong ka p**e puthi, ka jingwadbniah , bad ka kamram jong ki jaka p**e k*m ka USTM kiba ai jingstad halor ka lawei jong ki smala p**e
Shuh shuh na ka liang u Dr Lapang u la pynpaw ia ka jingsngewkmen ba kane ka skul bah ka kynmaw kyrpang ia u. U la iathuh ruh ia ka jingiajan ka Jong u bad kane ka skul bah kaba sam ia ka jingstad sha ki samla jong ka thain Ri Bhoi , ka jylla bad k*mjuh ia ka ri baroh ka Wei.
U la ong ruh ba kane ka skul bah ka la khring ia shibun ki samla p**e na ki wei ki jylla bad na ka wei ki ri ban wan p**e ha kane ka jaka.

Ban kynmaw ia ka nam bad ka burom jong une u Rangbah u ba la noh synñiang Shibun ia ka Ri Bhoi bad u long u nongai mynsiem ia ki samla p**e bad ki nonghikai.

22/07/2023

ki nongialam ka Confederation of Ri Bhoi People (CoRP) ki la leit kynduh ia ka CEO ka tnat Meghalaya Electricity & Power Distribution Corporation Limited (MEPDCL) kaba dei peit ia ka Ri Bhoi district hi baroh kawei.

Ia ka jingleit kynduh ia katei ka ophisar jong katei ka tnat bording da ki nongialam katei ka seng ba la lamkhmat da u Bah Pateng Myrsing, Working President bad u Bah Markus Makri, General Secretary, la pynlong ha ka 20 tarik Naitung, 2023, ha ophis treikam jong ka ha Umiam, Ri Bhoi district kaba katei ka jingleit ia kynduh kadei ban wad jingtip ia ka daw jong ka jinglip light kaba khah khah wat la hadien ba ka um ha Dam ka lah dap.

Ha katei ka jingkynduh kitei ki nongialam, kaba, watla kim ioh jingshai bha namar ka jinglip bording kam dei na kitei ki jaka treikam ka district, hynrei ki dei na ki bor bahalor, kitei ki nongialam ki la kynnoh ba k*mno kata ka jinglip bording ka dang treikam katba ka dam pat ka la dap bad nalor kata la buh lypa ka jingmaham ban long husiar ia ki paidbah kiba shong shnong harud ka wah Umiam ba yn sa pyllait ha kano ma ka por, k*mta na ka liang kitei ki nongialam katei ka seng ki la pynkhreh ba ha ki khyndiat sngi kin sa leit kynduh bad iakren markhmat bad u Director katei ka tnat ha ophis treikam jong u ha nongbah Shillong.

U 7trep Media Network

23/07/2023

22/07/2023

22/07/2023

22/07/2023

22/07/2023

22/07/2023

22/07/2023

22/07/2023

22/07/2023

22/07/2023

Address

Telephone

Website

Alerts

Contact The Business

Shortcuts

Share

Category