31/12/2023
Noh synniang ka CoRP da ki Blanket sha ki longiing baduk
Shillong, Nohprah 30: Ka Confederation of Ri Bhoi People (CoRP) Umkra Unit hynne ka sngi ka la noh synniang da ki blanket sha ki longiing baduk jong ki kynthei ki bym lok ha ka shnong Umkra k*m shibynta ka jingai sngewbha snem thymmai.
Ia ka jingialang la pyniaid da bah Livingstone Shangdiar, Organising Secretary ka CoRP Umkra Unit ha ka jingdonlang u Advicer bah Morest Marsing, Vice President bah Shaniah Marsing, General Secretary bah Jethwel Mynsong lem bad ki dkhot ka seng bad ki riew rangbah.
Ha kajuh ka por, ka seng CoRP ka ai khublei snem thymmai basuk bakmen ia ki paidbah ka jylla Meghalaya bad kyrpang ia ki paidbah ka Ri Bhoi District. Ai ba ka jingrakhe burom ia u snem thymmai 2024 kan long da ka akor burom bad tip briew tip Blei, ai ba u snem thymmai 2024 un long u snem basuk bakmen ba dap kyrhai ia baroh ki longiing longsem ban bha ka kamai kajih bad lait na ki jingpang jingsh*tom da ka jingkyrkhu u Blei Nongbuh Nongthaw.
