08/09/2025
*শিৱসাগৰত সুধাকণ্ঠ ড° ভূপেন হাজৰিকাৰ জন্ম শতবাৰ্ষিকী উদযাপন*
শিৱসাগৰ জিলা ছাত্ৰ সন্থাৰ উদ্যোগত আজি মহান সংগীত সাধক, গীতৰাজ সুধাকণ্ঠ ড° ভূপেন হাজৰিকাৰ জন্ম শতবাৰ্ষিকী ঐতিহাসিক ভাৱে উদযাপন কৰা হয়। দিনজোৰা কাৰ্যসূচীৰে লক্ষ্মীনাথ বেজবৰুৱা উদ্যানত উদযাপিত এই জন্মদিনত শতাধিক ছাত্র-ছাত্ৰী, জ্যেষ্ঠ নাগৰিক আৰু বিভিন্ন সংগঠনৰ প্ৰতিনিধি সকলে অংশগ্ৰহণ কৰে।
দিনটোৰ আৰম্ভণিতে ড° ভূপেন হাজৰিকাৰ প্ৰতিমূৰ্তিত মাল্যাৰ্পণ আৰু বন্তি প্ৰজ্বলনৰ জৰিয়তে শিল্পী গৰাকীক শ্ৰদ্ধাঞ্জলি জ্ঞাপন কৰা হয়। তাৰ পিছত উপস্থিত সকলোৰে একত্ৰিত অংশগ্ৰহণত "মানুহে মানুহৰ বাবে" গীতটো পৰিৱেশন কৰি সুধাকণ্ঠ ড° হাজৰিকাক স্মৰণ কৰা হয়।
এই বিশেষ অনুষ্ঠানত ভূপেন হাজৰিকাৰ বিভিন্ন গীত, সুৰ, শিল্পধাৰা আৰু সমাজ জীৱনত তেওঁৰ অৱদানৰ বিষয়ে আলোচনা কৰা হয়। বক্তাসকলে দোহাৰে, ভূপেন হাজৰিকা কেৱল সংগীতৰ জৰিয়তে নহয়, সমাজ-সংস্কৃতিৰ প্ৰতিটো ক্ষেত্ৰতে অসম তথা ভাৰতক বিশ্বমঞ্চত প্ৰতিনিধিত্ব কৰিছিল।
শিৱসাগৰ জিলা ছাত্ৰ সন্থাৰ উদ্যোগত অনুষ্ঠিত এই অনুষ্ঠানত আছুৰ কৰ্মী সকলে কয় যে, ভূপেন হাজৰিকাৰ সৃষ্টিৰাজি নতুন প্ৰজন্মৰ মাজত সঠিকভাৱে পৰিচিত কৰোৱাটো অতি প্ৰয়োজন। ইয়াৰ বাবে শীঘ্ৰেই বিশেষ প্ৰচেষ্টা আৰম্ভ কৰা হ’ব বুলি অৱগত কৰে।
এইদৰে সুধাকণ্ঠ ড° ভূপেন হাজৰিকাৰ জন্ম শতবাৰ্ষিকী শিৱসাগৰত সমাদৰপূৰ্ণ আৰু সাফল্যমণ্ডিত ৰূপে কাৰ্যসূচী ৰূপায়ণ কৰে।
শিৱসাগৰৰ পৰা মুহিবুল হুছেইনৰ ৰিপ'ৰ্ট
