14/07/2026
হাফলং ত নেপালী কবি ভানু ভক্তৰ জন্ম জয়ন্তী পালন
, হাফলং, পিএন চি,১৪জুলাই: সোমবাৰে হাফলং জিলা পুথিভঁৰালৰ প্ৰেক্ষাগৃহত নেপালী সাহিত্যৰ অগ্ৰণী কবি ভানুভক্ত আচাৰ্যৰ ২১২ সংখ্যক জন্ম জয়ন্তী উদযাপন কৰা হয়। সদৌ অসম গোৰ্খা ছাত্ৰ সন্থাৰ ডিমা হাচাও জিলা সমিতিৰ উদ্যোগত এই কাৰ্যসূচী অনুষ্ঠিত হয়। এই কাৰ্যসূচীত মুখ্য অতিথি হিচাপে উপস্থিত থাকে উত্তৰ কাছাৰ পাহাৰ স্বায়ত্তশাসিত পৰিষদৰ মুখ্য কাৰ্যবাহী সদস্য দেব’লাল গৰ্লোছা। তেওঁ অগ্ৰণী কবি ভানুভক্ত আচাৰ্যৰ প্ৰতিকৃতিক শ্ৰদ্ধাঞ্জলি জ্ঞাপন কৰাৰ লগতে নেপালী সাহিত্য-সংস্কৃতিলৈ তেওঁৰ অনন্য অৱদানৰ কথা স্মৰণ কৰে। ভানুভক্ত আচাৰ্যৰ সাহিত্যিক ৰচনাই প্ৰজন্মৰ পিছত প্ৰজন্ম অনুপ্ৰাণিত কৰি আহিছে আৰু নেপালী ভাষী সমাজৰ চহকী ভাষা আৰু সাংস্কৃতিক ঐতিহ্য সংৰক্ষণৰ ক্ষেত্ৰত পথ প্ৰদৰ্শক ভূমিকা পালন কৰি আহিছে বুলিও তেওঁ কয়। গাৰ্লোছাইও এই স্মৃতিচাৰণ আয়োজন কৰাৰ বাবে আয়োজকসকলক প্ৰশংসা কৰি এনে অনুষ্ঠানৰ দ্বাৰা জিলা খনত সাম্প্ৰদায়িক সম্প্ৰীতি আৰু সাংস্কৃতিক ঐক্য সুদৃঢ় হ'ব।
অনুষ্ঠানত সদৌ অসম গোৰ্খা ছাত্ৰ সন্থাৰ বিষয়ববীয়া বিজেপি ডিমা হাছাও জিলাৰ সভানেত্ৰী তথা স্বায়ত্ত শাসিত পৰিষদৰ সদস্য ধৃতি থাউচেন, কাৰ্যবাহী সদস্য দনপাইনন থাউচেন আৰু প্ৰবীতা জাহাৰি, পৰিষদৰ মনোনীত সদস্য কৃষ্ণ যোশী, সদৌ অসম গোৰ্খা ছাত্ৰ সন্থাৰ বিষয়ববীয়া, বহু সংখ্যক ছাত্ৰ-ছাত্ৰী, সমাজৰ বিশিষ্ট ব্যক্তি আৰু গোৰ্খা সম্প্ৰদায়ৰ ৰাইজ উপস্থিত থাকে।
