14/11/2024
🔴 "पहाडको कुनै पनि चालकले दुर्घटनामा आफ्नो ज्यान गुमाएको खण्डमा जीटीएले एक लाख रुपियाँको सहयोग राशि प्रदान गर्नेछ।" अनित थापा
आज बिहान गत 25 अक्टोबर 2024 शुक्रवार राती भएको बीभत्स सडक दुर्घट्नामा आफ्नो ज्यान गुमाउनेहरुको परिवार सँग भेटघाट गर्न अनित थापा तीन माइल स्थित उनीहरूको घर पुगे। उनले सन्तप्त परिवारलाई समवेदना प्रकट गरे। सहयाेग स्वरूप बिजीपीएम पार्टीको तर्फबाट एक - एक लाख राशि परिवार पक्षलाई प्रदान गरे। साथमा घायल भएर उपचार गरिरहेका अन्य दुईको परिवारलाई पनि उपचारको निम्ति केही रकम दिए।
उनले भने, "कुनै पनि चालकको जीवन माथि जब दुर्घटना घट्छ उ माथी आश्रित परिवारको अवस्था नै डावाँडोल भएर जान्छ। मैले चालक संघ सँग यो कुरामा बातचीत गरेको छु। आगामी दिनहरुमा पहाडको कुनै पनि चालकले दुर्घटनामा आफ्नो ज्यान गुमाएको खण्डमा जीटीएले एक लाख रुपियाँको सहयोग राशि प्रदान गर्नेछ भन्ने प्रस्ताव जीटीए सभामा नै पारित गराउनेछु। साथै यदि चालकको परिवारमा अन्य कोही पनि कमाउने व्यक्ति छैनन् भने उनको परिवारको एक सदस्यलाई जीटीएले आय उपार्जनको बन्दोबस्त पनि गर्नेछ।
म जीटीएको प्रमुख कार्यपाल हुँ। म सबै पार्टीको व्यक्तिहरूको पनि प्रमुख कार्यपाल हुँ। मलाई मन पराउने, मन नपराउनेको पनि प्रमुख कार्यपाल हुँ। त्यसैले म बाट कुनै भेदभाव हुनेछैन।"
गत 25 अक्टोबर 2024 शुक्रवार राती भएको बीभत्स सडक दुर्घट्नामा २ जनाले प्राण गुमाएका थिए भने २ जना घाइते भएका थिए। प्राण गुमाउनेहरुमा पेशोक रोड ३ माईल बजार टङ्के वस्तीका सुमित राई अनि आश्विन तामाङ रहेका थिए।
राष्ट्रिय राजमार्ग ५५ दार्जीलिङगामी बतासे राईभिल्ला नजीक नियन्त्रण गुमाएपछि डब्ल्बु बी ७४ डब्ल्बु ५६५७ नम्वरधारी वाग्येनर सडकबाट झरेर दुर्घटनाग्रस्त भएको थियो।
