19/09/2025
तकदाह–ग्लेनबर्ण समष्टिको श्रम–एकताको उदाहरण : नवनिर्मित घर हस्तान्तरण
दिनाङ्क १८/०९/२०२५ (बिहीबार) का दिन तकदाह–ग्लेनबर्ण समष्टि अन्तर्गत मानेडाँडा खण्ड समितिको पहलमा ९ नं. गाउँ निवासी श्री टेक बहादुर बी.के. ज्यूको नवनिर्मित घरको हस्तान्तरण कार्यक्रम सम्पन्न गरियो।
कार्यक्रममा खर्साङ महकुमा समिति महासचिव श्री प्रणाम रसाइली, समष्टि पर्यवेक्षक श्री विज्ञान मिश्र, विभिन्न खण्ड समिति, ट्रेड युनियन, शाखा समिति, भातृ संगठन, गाउँस्तरका जनप्रतिनिधि तथा स्थानीय जनता सबैको उल्लेखनीय उपस्थिति रहेको थियो। सहभागी सबैको सामूहिक श्रमदान, सहयोगी मनहरूको आर्थिक सहयोग र आत्मीय एकताले यो घर निर्माण कार्य सफलतापूर्वक सम्पन्न भएको हो।
“यो अभियान कुनै विभाग वा समिति विशेषको भरमा मात्र होइन, समष्टिका सबै खण्ड, शाखा, भातृ संगठन र जनसामान्यको श्रम र सहकार्यको परिचय हो। यही नै हाम्रो वास्तविक शक्ति हो।”
पार्टी अध्यक्ष श्रीमान अनित थापाको प्रेरणादायी नेतृत्वमा, समष्टि तथा ब्लक स्तरका समितिहरूको संयुक्त प्रयास र श्रम–सहयोगका कारण ब्लक लेभल समिति अधिनस्थ विभिन्न गाउँहरूमा यस्ता अन्या गृह निर्माण कार्यहरू हाल निर्माणाधीन अवस्थामा रहेका छन् र तीव्र गतिमा अघि बढिरहेका छन्।
यसअघि मानेडाँडा जी.पी. अन्तर्गत मालिधुरा निवासी श्री उपेन्द्र गुरुङको घर हस्तान्तरण सम्पन्न भएको थियो। आजको कार्यक्रम सोही अभियान अन्तर्गतको दोस्रो गृह हस्तान्तरण हो, जसले तकदाह–ग्लेनबर्ण समष्टिमा श्रम–एकता र सामूहिक योगदानको उज्वल उदाहरण प्रस्तुत गरेको छ। आजको यस कार्यक्रममा समष्टि उपाध्यक्ष श्री सोनाम पालजर, सचिव श्री सुशोभित गुरुङ,सिग्रीमताम खण्ड समिति सभापति श्री अजित राई, सचिव श्री जीवन थुलुङ, लामाहट्टा खण्ड समिति सभापति श्री अनिल थापा,सचिव श्री सिलकुमार प्रधान लगायत कार्यकारीनि,तकदाह चिया बगान ट्रेड युनियन सभापति श्री अरुण आर डी,सह-सचिव जीवन भट्टराई, माने डाँडा जी०पी० प्रधान श्रीमती पासाङकित लेप्चा,सदस्य-सदस्यागण, श्री प्रणय सुब्बा, श्रीमती रोशनी तामाङ, श्रीमती रोजिना राई विभिन्न शाखा समितिका सभापति सचिव, साथै समष्टिका विभिन्न पदाधिकारीगण, लगायत माने डाँडा खण्ड समितिका सभापति श्री बिजय राई एवं सचिव श्री प्रतिम राई, राकेश आर डी लगायत सम्पूर्ण कार्यकारीणी सदस्य-सदस्यागणको उपस्थिति रहेको थियो।
