19/08/2026
युवाहरूलाई प्रयोग होइन, अवसर प्रदान गर्नुपर्छ - अनुप गदाल
अनुप गदालले विभिन्न राजनीतिक दलहरूले युवाहरूलाई केवल राजनीतिक स्वार्थका लागि प्रयोग गर्ने परिपाटीको कडा शब्दमा आलोचना गरेका छन्। हालसम्म राजनीतिक दलहरूले युवाहरूको भविष्यसँग खेलबाड गर्दै उनीहरूलाई धुपौरे, चम्चे र झोलेका रूपमा मात्र सीमित राखेको दाबी गर्दै उनले अब यो प्रथा अन्त्य हुनुपर्ने बताएका छन्।
गदालका अनुसार युवाहरूको भविष्यमाथि खेलबाड गर्ने कसैको पनि भलो हुँदैन। त्यसैले अब युवाहरूलाई केवल राजनीतिक 'झोले' सम्झेर प्रयोग गर्नुभन्दा पनि हरेक क्षेत्रमा उपयुक्त अवसर प्रदान गर्नुपर्छ। युवाहरूको विवेक र शक्तिको सही सदुपयोग गर्न सकेको खण्डमा मात्र देश, राज्य र समाजको समग्र विकास सम्भव हुने उनको तर्क छ।
वर्तमान समयका युवाहरू सबै क्षेत्रमा दक्ष र सक्षम रहेको उल्लेख गर्दै गदालले उनीहरूलाई सही ठाउँमा परिचालन गर्दा असल समाजको निर्माणमा ठूलो सहयोग पुग्ने बताए। तर, युवाहरूलाई तुच्छ सम्झेर झण्डा बोक्ने र स्वार्थको राजनीतिमा मात्र सीमित राखिए उनीहरूले आफ्नो दक्षता देखाउने अवसर नपाउने र त्यसको प्रत्यक्ष क्षति समाजले नै व्यहोर्नुपर्ने चेतावनी दिएका छन्।
"नेताहरूले युवाहरूलाई आफ्नो राजनीतिक रोटी सेक्ने गोटी मात्र बनाइरहने?" भनी प्रश्न गर्दै उनले युवाहरूलाई गलत मार्गनिर्देशन गरिए सिङ्गो समाज नै विथोलिने खतरा औंल्याएका छन्। समय बलवान रहेको र आजको युग युवाहरूकै भएकाले हरेक क्षेत्रमा उनीहरूलाई निष्पक्ष र उचित अवसर दिइनुपर्नेमा गदालले विशेष जोड दिएका छन्। तिनले लागू पदार्थ,मद मदिराको लतमा फसेका युवाहरूलाई कुलतबाट निकाल्ने कार्यमा सबैले कार्य गर्नुपर्ने विषयमा जोड दिदै कुलतमा फसेका युवाहरूलाई कुलतको दलदलबाट निकालेर उनीहरूलाई मूलधारामा बगाँउन आवश्यक रहेको छ।यस बिषयमा अब सबै लागि पर्नु पर्छ भने।
