https://www.facebook.com/711641502024393/

Power of madhesh, Sitamarhi (2025)

27/09/2025

प्रदेशिक अस्पताल मलंगवा फोहरले ग्रस्त, सरसफाइमा बेवास्ता
मलंगवा, सर्लाही । प्रदेशिक अस्पताल मलंगवामा सरसफाइको अभाव देखिएको छ। अस्पताल परिसरमा “जथाभाबी फोहर नफाल्नु होला” भनेर स्पष्ट रूपमा सूचनापाटी टाँसिएको भए पनि अस्पताल वरिपरि फोहरको ढेर देखिनु सामान्य जस्तै बनेको छ।उपचारका लागि आउने बिरामी र उनका आफन्तले अस्पतालमा फोहरको समस्या झनै बढ्दै गएको गुनासो गरेका छन्। “हामी उपचारका लागि आउँछौं तर अस्पतालको वातावरण नै फोहरले बिग्रिएको छ, यसले थप स्वास्थ्य समस्या निम्त्याउने खतरा छ,” बिरामीका आफन्तले बताएका छन्।यसैबीच, स्थानीयवासी र सेवाग्राहीले अस्पताल प्रशासनलाई तत्काल प्रभावकारी सरसफाइ व्यवस्था मिलाउन आग्रह गरेका छन्। उनीहरूका अनुसार सार्वजनिक स्वास्थ्य संस्था भएकाले सरसफाइमा अझ कडाइका साथ ध्यान दिनु आवश्यक छ।अस्पताल प्रशासनले भने सरसफाइ सुधारका लागि आवश्यक कदम चालिने आश्वासन दिएको छ। #सर्लाही #मलंगवा #प्रादेशिक_अस्पताल_मलंगवा_सर्लाही

27/09/2025

झिझिया नाच हेर्न गएका दुई युवकको मोटरसाइकिल दुर्घटनामा मृत्यू, एकको अवस्था गम्भिर !

जनकपुरधाम । धनुषामा झिझिया नाच हेर्न जाँदै गर्दा दुई जना युवकको मृत्यू भएको छ । नाच हेर्न जाँदै गर्दा मोटरसाईकल दुर्घटना हुँदा दुई जनाको मृत्यू भएको हो ।

धनुषाको कमला नगरपालिका वडा नं. २ माचि र वडा नं. ३ लगमाको बीचमा रहेको खोक्साहा पुलस्थित मोटरसाईकल अनियन्त्रित भई दुर्घटना हुँदा दुई जनाको घटनास्थलमै मृत्यू भएको छ भने एक जनाको अवस्था गम्भिर रहेको छ । मोटरसाईकलमा तीन जना सवार रहेका थिए ।

विहिबार राती करिब १०ः३० बजेको समयमा कमला नगरपालिका ३ लगमा बजारस्थित आयोजन हुँदै आएको झिझिया नाच हेर्नको लागि धनुषाको जनकनन्दिनी गाउँपालिका वडा नं. ५ बनरझुलाबाट भारतीय नम्बर प्लेट BR 32A S7988 नम्बरको हिरो स्पेलेण्डर मोटरसाईकल दुर्घटना हुँदा दुई जनाको ज्यान गएको हो ।

मृत्यू हुनेमा जनकनन्दिनी गाउँपालिका वडा नं. ५ बनरझुला बस्ने स्थानीय विक्रम यादवको १८ बर्षिय अमित यादव र सोही स्थान बस्ने देव मिश्रका १६ बर्षिय छोरा कुश मिश्रको घटनास्थलमै मृत्यू भएको प्रहरीले जनाएको छ ।

सो दुर्घटनामा सोही स्थान बस्ने डोमा महतोको १७ बर्षिय छोरा राहुल महतो गम्भिर घाईते भएका छन् । उनको उपचार जनकपुर प्रादेशिक अस्पतालमा भईरहेको प्रहरीले जनाएको छ ।

मादक पदार्थ सेवन गरी सवारी चलाउँदा ओभर स्पीडले हुलाकी राजमार्ग अन्तर्गत माचि र लगमाबीचको घुमाउरोस्थित अनियन्त्रित हुँदा दुर्घटना भएको प्रहरीले जनाएको छ ।

मृतकहरुको शव पोष्टमार्टमको लागि जनकपुर प्रादेशिक अस्पताल पठाएको हो । पोष्टमार्टमपछि शव परिवारलाई जिम्मा लगाइने भएको छ ।

दशैँमा विभिन्न गाउँमा हुने आँरकेष्ट्रा टाईप स्टेज झिझिया हेर्न विभिन्न गाउँबाट युवकहरु जाने गरेका छन् । मौजमस्ती, युवति जिस्काउने जस्ता कार्यको लागि खास एक गाउँबाट अर्को गाउँमा जाने गरेको पाईन्छ । यसले प्रत्येक बर्ष विभिन्न ठाउँमा दुर्घटना निम्त्याउने गरिएको छ । प्रायः यो अहिले हरेक गाउँमा हुन थालेको छ । यसलाई विकृतिको रुपमा लिइएको छ ।

26/09/2025

बरहथवा बजार मा रहेको हैपी मेडिकेयर हस्पिटल प्रा.लि को डाक्टर सुनिल यादव र मनेजर चैन किशोर यादवको दादागिरी बढ्दै गयको छ। बिरामीको रगत, पिसाब नै न लिईकन रिपोर्ट बनाई चर्को पैसा असुली गर्दै । बारम्बार बिरामी लाई चर्को शुल्क लियपनी उपचारमा चाहिँ लापरबाही गरेको खुलेको छ यश अघि पनि गर्भपतन गराउनको लागि भर्ना गरेको बिरामीलाई हैपी मेडिकेयर हस्पिटलको लापरबाहीले गर्दा ज्यान खत्रामा परेको थियो यस्ता घटना बारम्बार भयको र लुटिएको पैसा बाट क्षतिपूर्ति दिई मिलाउदै आयको छ भने अहिले कुकुरले टोकेको घाउमा टका लगाउनु हुदैन भन्ने कुरा सामान्य प्राथमिक उपचार गर्ने लाई पनि थाहा हुन्छ तर यहाँ पैसा कै लागि टका लगाई चर्को सुल्क लियको बिषयलाई लियर झडप समेत भयको थियो र बिरामीको अवस्था झन बिग्रे पछि मात्र रेफर गरेको प्रादेशिक अस्पताल सर्लाही तेहा उपचारको लागि भर्ना नलियपछी जनकपुर लगियको र अवस्था झन जटिल हुँदै जदा त्याहा बाट पनि रेफर गरिएकोछ बिरामीको जिन्दगी लाई जिन्दगी नबुझ्ने र पैसा कै लागि मात्र कसैको जिन्दगी संग खेलवाड गर्ने गरेको पीडितको आरोप यहि सम्बन्धमा हिजो म अवाज उठादा म लाई त्याहाको डाक्टर र चैनकिशोर यादव ले ज्यान मार्ने धम्की समेत दियको छ । पैसा र पावरको आडमा लफुवा गुण्डा प्रचालित गरेर गरिब निमुखा लाई लुटने काम भयको छ।

26/09/2025

🌸 बडा दशैँ, शुभ दीपावली तथा छठ पर्व २०८२ को हार्दिक मंगलमय शुभकामना 🌸

पावन पर्व विजया दशमी, शुभ दीपावली र छठ को अवसरमा सम्पूर्ण दिदीबहिनी तथा दाजुभाइहरूमा शान्ति, समृद्धि, स्वास्थ्य र प्रगतिका लागि हार्दिक मंगलकामना गर्दछौँ।
🙏 World Educare Pvt. Ltd. समाजलाई ज्ञान, स्वास्थ्य र चेतनाको उज्यालो फैलाउँदै शिक्षा तथा स्वास्थ्य क्षेत्रमा निरन्तर लगानी गर्दै उज्ज्वल भविष्य निर्माणमा समर्पित छ।
यस पर्वले हाम्रो जीवनमा एकता, उत्साह र सफलताको नवीकरण ल्याओस् भन्ने शुभेच्छा व्यक्त गर्दछौँ।

— World Educare Pvt. Ltd., Godaita शाखा
शाखा प्रमुख : प्रदीप कुमार झा

#सर्लाही

26/09/2025

यदि राजनीति गर्ने हो भने, सेवा र त्यागका साथ गरौं; नत्र राजनीति होइन, व्यवसाय रोजौं,” भन्ने सन्देश सार्वजनिक हुँदैछ। हालको समयमा राजनीतिमा सेवा भावभन्दा पनि व्यक्तिगत स्वार्थ, लोभ र पदको दुरुपयोग बढ्दै गएको भन्दै सचेतना जगाउने उद्देश्यले यस्तो भनाइ अघि सारिएको हो।

स्थानीय स्तरदेखि केन्द्रसम्म विभिन्न नेताहरूले जनताको विश्वास जित्नुभन्दा पनि व्यक्तिगत हितलाई प्राथमिकता दिएको आरोप लगिँदै आएको छ। यसले गर्दा आम नागरिकको जीवनस्तर सुधारमा अपेक्षित प्रगति नदेखिएको जनाइएको छ।

यस सन्देशमार्फत जनप्रतिनिधिहरूलाई राजनीति धन्दा नभई जनसेवा हो भन्ने कुरा आत्मसात गर्न आग्रह गरिएको छ। सेवाभाव, त्याग र इमानदारीका आधारमा मात्र राजनीति जनताको विश्वास जित्न र मुलुकलाई सही दिशातर्फ लैजान सक्षम हुने विशेषज्ञहरूको धारणा छ।

25/09/2025

बलरा नगरपालिकका नगर प्रमुख रामा शंकर प्रसाद कुश्वाहाले प्रधानमन्त्रीलाई जनताका १९ आकांक्षा कार्यान्वयन गर्न आग्रह गरेका हुन।

अन्तरीम सरकारका प्रधानमन्त्री सुशिला कार्कि नेतृत्वको नागरिक सरकारलाई खुला पत्र लेख्दै उनले जनताका १९ आकांक्षा कार्यान्वयन गर्न माग राखेका छन।

हेर्नुहोस् नगर प्रमुख कुश्वाहाले प्रधानमन्त्रीलाई लेखेको खुला पत्र;

सम्माननीय प्रधानमन्त्रीज्यू,
नागरिक सरकार, नेपाल ।

विषय: छ महिनामा कार्यान्वयन गर्नुपर्ने नागरिक सरकारसँग जनताको १९ वटा मुख्य आकांक्षा ।
सम्माननीयज्यू,
हाम्रो प्यारो नेपाल आज पनि अस्थिर राजनीति, असमान विकास र संस्थागत भ्रष्टाचारको कालो बादलभित्र थुनिएको छ। हिजोका चर्का भाषण, खोक्रा नारा र सुस्त कार्यशैलीले जनताको मन थाकिसकेको छ। विशेषतः हाम्रो जेन-जेड(Gen Z) पुस्ताले गरेको ज्वलन्त प्रदर्शन यही असमानता, दमन र निराशाको विस्फोट हो।

उनीहरूको स्वर केवल संघीय सरकारविरुद्ध मात्रै थिएन । त्यो एउटा चेतनाको लहर थियोे, जुन गाउँदेखि सिंहदरबारसम्म फैलिएको छ ।

यसै लहर, बलिदान र जागरणबाट जन्मिएको “नागरिक सरकार”, नेपालको इतिहासमा केवल शासन परिवर्तन होइन, चेतनाको क्रान्ति हो। नागरिक सरकार- जनताको स्वर, युवाको जोश, पीडितको आशा र भविष्यको सपना पनि हो ।

देशले नागरिक सरकारको नेतृत्वमा “भाषण होइन, निर्णय चाहेका छन । आश्वासन होइन, कार्यान्वयन चाहेका छन ।”

यस सन्दर्भमा, बलरा नगरपालिकाको तर्फबाट म जनताको प्रतिनिधिका हैसियतले, निम्न १९ बुँदाहरू मार्फत सम्पूर्ण देशको भावना, आशा र अपेक्षा यहाँ समक्ष प्रस्तुत गर्न चाहन्छु:

१ भ्रष्टाचारविरूद्ध शून्य सहनशीलता नीति:

“भन्ने सबैले, गर्ने कोही भएन” भन्ने पुरानो कथनलाई अन्त्य गर्दै भ्रष्टाचारविरूद्ध कडाइका साथ शून्य सहनशीलता नीति कार्यान्वयन गरियोस्। सबै सरकारी कार्यालयमा डिजिटल ट्रयाकिङ, ई-गभर्नेन्स र २४ घण्टे सेवा उपलब्ध गराउने कानूनी व्यवस्था लागू गरी इतिहास बदल्ने दृढ प्रतिबद्धता देखाइयोस्।

२ सम्पत्ति छानविन र राष्ट्रियकरण:

राजनीति सेवा होइन, सम्पत्ति बटुल्ने धन्दा बनेको कालखण्डलाई अन्त्य गर्दै २०४६ सालपछि सार्वजनिक पद धारण गरेका सबै पदाधिकारीहरूको सम्पत्ति छानबिन गरी अकुत सम्पत्ति राष्ट्रियकरण गरियोस्। दोषीलाई जन्मकैद सजाय सुनाउने विलम्ब नगरी नेपाललाई नयाँ न्यायको मार्गमा अघि बढाइयोस्।

३ मुद्रा सुधार:

कालो धनको साम्राज्य समाप्त गर्न रू. ५०० र १००० नोट बन्दी गरी नयाँ नोट जारी गरियोस्। यसले भ्रष्टाचारमा संलग्नको धनलाई जनताको हितमा परिणत गर्न मद्दत पुर्याउनेछ।

४.संविधानमा सुधार:

क. राजनीतिक संरचना:
संघीयताको सार जोगाउँदै बढीमा ३ प्रदेश र प्रत्येकमा ५ मन्त्री रहने व्यवस्था कायम गरियोस्।

ख.आरक्षण व्यवस्था:
प्रत्येक व्यक्तिले केवल एकपटक आरक्षण सुविधा लिन सक्ने प्रणाली लागू गरियोस्।

ग.प्रत्यक्ष कार्यकारी प्रधानमन्त्री:
दोष थुपार्नुको सट्टा दायित्व लिने सरकारको मार्ग खोल्न प्रत्यक्ष कार्यकारी प्रधानमन्त्री प्रणाली लागू गरियोस्।

घ.स्थानीय तहमा जनउत्तरदायित्व:
सबै निर्णय, खर्च र मूल्यांकन अनलाइन सार्वजनिक गरि नागरिकले निगरानी गर्ने व्यवस्था गरियोस्।

ङ.सरकारी नियुक्ति:
सरकारद्वारा हुने संवैधानिक सहितका सबै नियुक्ति लोक सेवा आयोगमार्फत गरियोस्।

च.कार्यकाल स्पष्टता:
राष्ट्रपति-१, प्रधानमन्त्री-२, मन्त्री-३, प्रतिनिधि सभा/प्रदेश सभा-४ र जीवनमा पाँच कार्यकालभन्दा बढी राजनैतिक नेतृत्व लिन नपाउने संवैधानिक व्यवस्था लागू गरियोस्।

५.समयमै चुनाव:
लोकतन्त्रको मर्म अनुसार तोकिएको समयमा चुनाव गराइ जनादेशको वास्तविक प्रतिष्ठा सुनिश्चित गरियोस्।

६.न्यायालयमा सुधार:
पुराना मुद्दा छिटो टुंग्याउने विशेष फास्ट-ट्याक अदालत स्थापना गरी न्यायपालिकामा डिजिटल प्रणाली अनिवार्य गरियोस्। सबै फैसला अनलाइन प्रकाशित गरि न्यायमा पारदर्शिता सुनिश्चित गरियोस्।

७.राष्ट्रियता र सुरक्षा:
सीमा विवादमा छ महिनाभित्र कार्ययोजना तयार गरी अन्तर्राष्ट्रिय मञ्चमा पहल, विदेशी हस्तक्षेप रोक्ने र आन्तरिक सुरक्षामा सशक्त कदम घोषणा गरियोस्। जसले देशको प्रत्येक नागरिक अखण्डताका लागि तयार हुन सकोस्।

८.युवा रोजगारी अभियान:
“युवा उद्यमशीलता कोष” स्थापना गरी बिना धितो सस्तो ऋण उपलब्ध गराइयोस् । विदेश पलायन भएका युवाहरूलाई स्वदेश फर्काउने र उद्यमशीलतामा प्रोत्साहित गर्ने कार्यक्रम लागू गरियोस्।

९. शिक्षा र स्वास्थ्य सुधार:
सरकारी विद्यालय र अस्पतालमा आधारभूत सुविधा सुनिश्चित गर्दै “छ महिनाको आपतकालीन सुधार कार्यक्रम” घोषणा गरियोस्। शिक्षा र स्वास्थ्यको गुणस्तर तत्काल सुधार गरियोस्।

१०.तराई मधेश खाद्यान्न क्षेत्र घोषणा:
उर्वर मलिलो माटोलाई खाद्यान्न उत्पादन क्षेत्र घोषणा गर्दै आवश्यक पूर्वाधार (सिंचाइ, मलखाद, बीउ, प्राविधिक विज्ञ) उपलब्ध गराइयोस्।

११ पारदर्शी बजारिकरण:
कृषकको उत्पादन र बजार बीच सिधा सम्पर्क सुनिश्चित गर्दै व्यापारीको असमान लाभलाई नियन्त्रण गरियोस् ।

१२. सूचना प्रविधि र नवप्रवर्तन:
“राष्ट्रिय डिजिटलीकरण योजना” लागू गरी गाउँ-गाउँमा उच्च गति इन्टरनेट, विद्यार्थी र स्टार्टअपका लागि डिजिटल पहुँच र राष्ट्रिय नवप्रवर्तन कोष स्थापना गरियोस्।

१३.वातावरण संरक्षण र जलवायु न्याय:
हरित ऊर्जा प्रवर्द्धन, प्लास्टिक प्रतिबन्ध, नदी-नाला सफाइ र प्रदूषण नियन्त्रणमा तत्काल कदम चालियोस्।

१४ महिला सशक्तीकरण र लैंगिक समानता:
“महिला उद्यम कोष” स्थापना गर्दै समान अवसर सुनिश्चित गरियोस्। घरेलु हिंसा विरुद्ध शून्य सहनशीलता नीति लागू गरियोस्।

१५. समावेशी संस्कृति प्रवर्द्धन:
जाति, भाषा, परम्परा, सीपको संरक्षण गर्दै राष्ट्रिय अर्थतन्त्रसँग जोडिएको अभियान लागू गरियोस्।

१६.राष्ट्रियसहमति र राजनीतिक संस्कार सुधार:
राजनीति सेवा हो, व्यवसाय होइन भन्ने मूल्य स्थापित गर्दै साझा राष्ट्रिय कार्ययोजना र न्यूनतम आचारसंहिता पालना गरियोस्।

१७.बजेट वितरणमा समानता:
बजेट जनसंख्या, भौगोलिकता र वैज्ञानिक आधारमा वितरण गर्न विगतमा पहुँचको आधारमा वितरण गरिएको बजेटमा संशोधन गरियोस् ।

१८.पूर्व पदाधिकारीको सेवा सुविधा :
पूर्व पदाधिकारी भएकोले पाउने सबै किसिमको सेवा सुविधा कटौती गरियोस् ।

१९.भिआइपि भ्रमण पारदर्शी:
भिआइपि भ्रमण उद्देश्य सहितको पारदर्शी बनाइयोस् ।

सम्माननीयज्यू,
माथि उल्लेखित १९ बुँदा मात्र सुझाव होइनन् – नयाँ युगको नक्सा हुन्। जेन-जेडको सपना, पुराना पुस्ताको आशीर्वाद र वर्तमान पुस्ताको संकल्प हुन्। देशलाई खरानीबाट उठ्न सजिलो छैन,
ढलेको आत्मविश्वास उठाउन अझ सजिलो छैन। उठे पनि फेरि ढल्नु पर्ने भय मनमा हुनु स्वाभाविक हो र यथार्थ पनि । तर नागरिक सरकारलाई छ महिनामा परिवर्तनको अनुभुति जनतालाई दिनुछ, अर्को तर्फ जनताको समर्थन दृढ छ । सरकार नागरिक समाजबाट बनेकोले कार्यकर्ता खुशी बनाउनु पर्ने आवश्यकता देखिदैन, त्यसैले, कार्यान्वयन असम्भव पनि छैन ।

अहिले ढिलाइ गर्ने समय छैन। भाषण, सम्मेलन र घोषणा होइन, ठोस निर्णय र कार्यान्वयनको घडी हो। नागरिक सरकारसँग स्रोत कम, समय छोटो तर आशा र उत्साह असीमित छ। यही आशा र उत्साहलाई दिशा दिने सामर्थ्य नागरिक सरकारमा छ।

जनताको विश्वासलाई केवल सुरक्षित मात्र होइन, ऐतिहासिक उपलब्धिमा परिणत गर्नु पर्ने चुनौती छ । नयाँ युगको दिपले अझ उज्यालो बनाउने आशा राख्नु स्वाभाविक हो । जनता आशामा छन, नागरिक सरकार दृढ संकल्पित देख्छु अनि परिवर्तन सम्भव छ, व्यवहारिक हुनेछ ।

जय देश ! जय बलरा ! जय बलराबासी !!!

सादर,
रामाशंकर प्रसाद कुशवाहा
नगर प्रमुख
बलरा नगरपालिका, सर्लाही

25/09/2025

केपी ओली, शेरबहादुर देउबा र प्रचण्डको पक्राउ पुर्जी जारी नभएसम्म आ #न्दोलन जारी रहने जेनजीहरूको घो #षणा !

25/09/2025

सर्लाही बरहथवाको हैपि मेडिकेयर हस्पिटल को डाक्टर सुनिल यादवको दादागिरी कुकुरले टोकेको घाउमा टाका लगाउनु हुदैन भन्ने कुरा समान्य प्राथमिक उपचार गर्ने स्वास्थ्यकर्मी लाई पनि थाहा हुन्छ। तर आफुलाई बाल रोग विशेषज्ञ डाक्टर भन्ने HAPPY MEDICARE HOSPITAL ( हैपि मेडिकेयर हस्पिटल ) Pvt.Ltd Barahathawa का डाक्टर सुनिल यादबले कुकुर ले टोकेको घाउमा टाका लगाई अत्याधिक बिल बनाउदा झडप भयको यो हस्पिटलले बारम्बार लुट्दै आयको पीडितको भनाई थियो र बिरामीको घाउ बिग्रेको र अवस्था जटिल भयपछि मलङवा पारदेशिक असपताल रेफर गरेको र मलङ्वा उपचार गर्न नमाने पछि जनकपुर लगियको र जनकपुर पनि उपचार सम्भव नभयपछि थप उपचारको लागि लापरबाही अर्ने डाक्टरले उपचारमा लाग्ने सम्पुर्ण खर्च तिर्छु भन्दै केहि पैसा दियर रेफर गरिएको छ।
एउटा समान्य कुरा पनि नजान्ने र लापरबाही गर्ने डाक्टर सुनिल यादव ले पैसा ,पावर, पहुचको बल मा घटना लाई दबाउन खोजिदै।

25/09/2025

"विद्यार्थीलाई बलियो बनाउनु नै राष्ट्रलाई बलियो बनाउनु हो।"आज मिति २०८२/०६/०९ गते बरहथवा नगरपालिका–१३ स्थित श्री प्राथमिक विद्यालयमा उपस्थित भई नेपालीहरूको महान चाड विजया दशमी, शुभ दिपावली तथा छठ पर्वको शुभअवसरमा हार्दिक शुभकामना व्यक्त गर्दै विद्यालयका सम्पूर्ण बालबालिकालाई आफ्नो व्यक्तिगत पहल तथा सहयोगमा शैक्षिक सामग्री वितरण गरिएको छ।

24/09/2025

समाजको विकास र समृद्धि हाम्रो सबैको साझा जिम्मेवारी हो। शिक्षा, स्वास्थ्य, सरसफाइ र सचेतनाबाट मात्र एक सशक्त र सभ्य समाजको निर्माण सम्भव छ।
आउनुहोस्, हामी सबै मिलेर असमानता, हिंसा, बालश्रम, अशिक्षा र विभाजनको अन्त्य गरी शान्ति, सद्भाव र समावेशी समाजको जग बसालौँ।

23/09/2025

#मलंगवा को famous chat

Power of madhesh

27/09/2025

27/09/2025

26/09/2025

26/09/2025

26/09/2025

25/09/2025

25/09/2025

25/09/2025

25/09/2025

24/09/2025

23/09/2025

Address

Website

Alerts

Shortcuts

Share

Category