Barshi News Katta

26/06/2025

#छत्रपती राजश्री शाहू महाराज जयंती निमित्त बार्शीतील अखंड #मराठा समाजा तर्फे मराठा #आरक्षणासाठी लाक्षणिक #उपोषण

24/06/2025

३ #वर्षांचा चिमुकला ' #शिवांश' बार्शी पोलिसांच्या #ताब्यात — #ओळखीची वाट पाहतोय!

#बार्शी परंडा रोडवरील अंदाजे ३ ते ३.५ वर्षांचा एक चिमुकला मुलगा शिवांश उमेश काळे सध्या बार्शी शहर पोलीस ठाण्यात आहे.
तो मराठी आणि हिंदी या दोन्ही भाषा बोलतो. मुलाने सांगितले की, त्याचे वडील रिक्षा चालवतात व ते बार्शी-परंडा रोड परिसरात राहतात.

या चिमुकल्याचा फोटो शहरातील सर्व व्हॉट्सअ‍ॅप ग्रुप्सवर, सोशल मीडियावर शेअर करावा अशी विनंती करण्यात येते आहे.

कोणाला या मुलाबद्दल माहिती असल्यास कृपया तात्काळ बार्शी पोलीस ठाण्याशी संपर्क साधावा.

15/06/2025

ढाळे #पिंपळगाव मध्यम प्रकल्प #ओव्हर फ्लो....!

वैराग भागातील ढाळे पिंपळगांव मध्यम प्रकल्प पूर्ण भरला असून १५ जून रोजी ढाळे पिंपळगाव मध्यम प्रकल्पाचा पाणीसाठा १०० टक्के झाला असून प्रकल्प ओव्हरफ्लो झाल्याने धरणाच्या सांडव्यावरून पाण्याचा विसर्ग सुरू झालेला आहे.

तरी नीलकंठा नदीच्या व भोगावती नदीच्या काठावरील गावातील लोकांनी नदीत जावू नये तसेच आपली गुरे-ढोरे नदीच्या पाण्यात उतरवू नयेत. जिवीत व वित्तहानी टाळण्यासाठी सर्वांनी सतर्कता बाळगून आपली काळजी घ्यावी. असे आवाहन मा.विराज परदेशी उपविभागीय अभियंता,पाटबंधारे उपविभाग, बार्शी यांनी केलेले आहे.

15/06/2025

#माजी आमदाराच्या नातवाकडे #ठाकरेंच्या शिवसेनेचे बार्शी उपशहर प्रमुख पद

बार्शी - आगामी स्थानिक स्वराज्य संस्थांच्या निवडणुकांच्या पार्श्वभूमीवर राजकीय पक्षांकडून पदाधिकारी निवडी केल्या जात आहेत. भाजपनंतर आता ठाकरेंच्या शिवसेनेने देखील बार्शी शहर व तालुक्यात नव्या चेहऱ्यांना संधी दिली. त्यात, बार्शी उपशहर प्रमुखपदी माजी आमदारांचे नातू कुणाल नरके यांची निवड करण्यात आली आहे. तर, बार्शी विधानसभा प्रमुख सचिन चव्हाण व बार्शी शहर संघटक आनंद चांदणे यांना जबाबदारी देण्यात आली आहे.

कुणाल नरके यांना मोठा राजकीय वारसा असून ते माजी आमदार व दिवंगत काँग्रेस नेते बाबुराव अण्णा नरके यांचे नातू आहेत. सन 1980 ते 85 या कालावधीत ते बार्शीचे आमदार होते. आपल्या आजोबा आणि वडिलांचा समाजसेवेचा वारसा घेऊन कुणाल नरके हेही सामाजिक कार्यात सक्रीय असतात. आझाद गणेश मंडळ व मित्र परिवाराच्या माध्यमातून ते लोकांच्या अडीअडचणी सोडविण्यासाठी एक पाऊल पुढे असतात. तर, गेल्या 20 वर्षांपासून आमदार दिलीप सोपल यांचे निष्ठावंत कार्यकर्ते म्हणून देखील त्यांची ओळख आहे.

खासदार ओमराजे निंबाळकर आणि आ. दिलीप सोपल यांच्या मार्गदर्शनात वरील निवडी करण्यात आल्या आहेत. या निवडीबद्दल आमदार दिलीप सोपल, राष्ट्रवादीचे नेते विश्वास बारबोले, काँग्रेसचे जीवनदत्त आरगडे, माजी नगरसेवक पृथ्वीराज राजपूत, संजय बरीदे, सुनील खुडे यांसह आझाद गणेश मंडळ, लखन राजपूत आणि प्रभाग 1 व 2 मधील मित्र परिवाराने नरके यांचे अभिनंदन केले आहे.

15/06/2025

“ #गोवंशासाठी आमरस” – बार्शीच्या #नवकार जैनसेवा तीर्थचा अनोखा उपक्रम

३०० गोवंशांना मिळाली ४०० किलो आमरसाची सेवा – जैन समाजाचा दिलदारीने भरलेला पुढाकार

बार्शी | १२ जून –
बार्शीमधील श्री नवकार जैनसेवा तीर्थ गोरक्षण येथे एक हृदयस्पर्शी आणि आगळावेगळा उपक्रम नुकताच पार पडला. "गोवंशासाठी आमरस" या विशेष उपक्रमांतर्गत तब्बल ३०० गोवंशांना सुमारे ४०० किलो ताज्या आंब्याचा रस खाऊ घालण्यात आला.

कत्तलखान्यातून वाचवलेले, वृद्ध, अपंग आणि भाकड गोवंश इथे प्रेमाने सांभाळले जातात. या गोशाळेच्या व्यवस्थापनात शिस्त, संवेदनशीलता आणि सेवाभाव कायम दिसतो.

या उपक्रमाची सुरुवात पुण्याचे राजेशभाई चंद्रकांतभाई शाह (₹६,०००/-) आणि मुंबईचे चंद्रेशभाई हसमुखलालभाई शाह (₹५,०००/-) यांच्या सेवाभावातून झाली. “गोवंशांना आमरस खाऊ घालायचा आहे, आम्ही ११ हजार पाठवतो,” असा साधा पण प्रेमळ संदेश त्यांनी बार्शीतील अध्यक्षांपर्यंत पोहोचवला.

हा संदेश समाजाच्या WhatsApp ग्रुपवर पोहोचताच, जणू संपूर्ण जैन समाजच या उपक्रमासाठी एकवटला. युवकांनी उत्स्फूर्तपणे पुढाकार घेतला. कुणी आर्थिक मदत दिली, तर कुणी प्रत्यक्ष सेवेत सहभागी झाला.

दहा-पंधरा मोकळ्या पटांगणांमध्ये गव्हाणांमध्ये आमरस ठेवण्यात आला आणि गोवंशांना तो खाऊ घालण्यात आला. या वेळी “गोमाता की जय” आणि “महावीर स्वामी भगवान की जय” अशा भक्तिपूर्ण घोषणा परिसरात घुमत राहिल्या.

या सुंदर उपक्रमाचं यशस्वी आयोजन संस्थेचे अध्यक्ष धन्यकुमार शहा यांच्या नेतृत्वाखाली पार पडलं. यासाठी प्रदीप बागमार, संदीप सुराणा, पवन श्रीश्रीमाळ, गोविंद बाफना, भरत परमार, कमलेश मेहता, राजेश बंबोली, पदम कांकरिया आणि सेवक बाळासाहेब ओहाळ यांचं मोलाचं सहकार्य लाभलं.

संस्थेच्या पदाधिकाऱ्यांनी सांगितलं की, “या उपक्रमाची सुरुवात जरी दोन व्यक्तींनी केली असली, तरी त्यामागे उभा राहिलेला समाजाचा एकोपा आणि सेवाभाव हेच आमचं खऱ्या अर्थाने यश आहे.”

बार्शी शहरात या उपक्रमाचे कौतुक होत असून, सेवाभाव, सामाजिक ऐक्य आणि श्रद्धा या सगळ्यांचा संगम ‘गोवंशासाठी आमरस’ या उपक्रमातून दिसून आला.

15/06/2025

डॉ. #हिरेमठ को -ऑप. #हाॅस्पिटल,बार्शी भव्य शुभारंभ सोहळा !

#वर्तमान हेल्थ #केअर प्रा.लि.संचलित

डॉ हिरेमठ को -ऑप.हाॅस्पिटल, बार्शी या हाॅस्पिटलचा शुभारंभ डॉ जयवंत बोधले महाराज, ॲड आ.दिलीप सोपल, डॉ भालचंद्र कश्यपी, डिजिटल मिडियाचे अध्यक्ष राजा माने व इतर मान्यवर

15/06/2025

धाराशिव-बार्शी रस्ता अपघातप्रवण! खानापूरजवळ एसटी बस घसरली; औसा रस्त्यावर निकृष्ट कामामुळे प्रवाशांचे हाल

धाराशिव ते बार्शी मार्गावरील खानापूरजवळील खराब रस्त्यामुळे एका एसटी बसला चिखलात घसरावे लागले. सुदैवाने मोठा अपघात टळला, मात्र प्रवाशांमध्ये भीतीचं वातावरण निर्माण झालं आहे. दरम्यान, औसा मार्गावर देखील निकृष्ट दर्जाचं काम सुरू असून अपघातांमध्ये वाढ झाली आहे. बेंबळी रस्त्याप्रमाणेच या मार्गाचं कामही धोकादायक ठरत असून नागरिकांनी प्रशासनाच्या हलगर्जीवर तीव्र नाराजी व्यक्त केली आहे. या मार्गावरून जाणारी औसा एसटी बस सेवा तात्पुरती बंद करण्यात आली आहे.

🛑 प्रश्न एकच: अपघात घडूनच जागं होणार का प्रशासन?

#धाराशिव #रस्ता_दुरवस्था #खराबरस्ते #धाराशिव_बार्शी #औसा_रस्ता #निकृष्टकाम

13/06/2025

खासदार ओमराजेंच्या सतर्कतेमुळे धाराशिवमध्ये मोठा अनर्थ टळला!
----------------

धाराशिव-वरूडा रोडवर रेल्वेच्या कामामुळे निर्माण झालेल्या धोकादायक चिखलाच्या स्थितीमुळे मोठी दुर्घटना होण्याची शक्यता होती. खासदार ओमप्रकाशराजे निंबाळकर यांनी गुरुवारी रात्री वेळीच हस्तक्षेप केल्याने हे संकट टळले. रस्त्यावरील चिखलात एक बोलेरो गाडी अडकली होती, तर रिक्षा आणि दुचाकी घसरल्या होत्या. ही परिस्थिती पाहताच खासदार ओमराजे यांनी तात्काळ अधिकाऱ्यांना पाचारण करून रेल्वे कंत्राटदाराला रस्ता साफ करण्यास भाग पाडले. त्यांच्या या तत्परतेमुळे रस्ता वाहतुकीसाठी सुरक्षित झाला आणि संभाव्य अपघात टळले.

#ओमराजेनिंबाळकर #धाराशिव #रस्तासुरक्षा #अपघातटळला

07/03/2025

#सुर्डी बँक दरोडा: पोलिसांच्या जलद कारवाईला #यश, तिघे #पिस्टलसह गजाआड

बार्शी : तालुक्यातील सुर्डी येथे जिल्हा मध्यवर्ती सहकारी (DCC) बँकेत भरदिवसा दरोड्याचा प्रयत्न झाला. मात्र, बार्शी पोलिसांनी वेळीच कारवाई करत अवघ्या तासाभरातच तिघा दरोडेखोरांना पिस्टलसह अटक केली. या जलद आणि प्रभावी कारवाईमुळे मोठा अनर्थ टळला असून, पोलिसांचे सर्वत्र कौतुक होत आहे.

प्राथमिक माहितीनुसार, चार ते पाच दरोडेखोरांनी बँकेत घुसून कर्मचाऱ्यांना धमकावत रोकड लुटण्याचा प्रयत्न केला. काही कर्मचाऱ्यांनी प्रतिकार केल्यावर, दरोडेखोरांनी पिस्तूलचा धाक दाखवत घटनास्थळावरून पळ काढला. घटनेची माहिती मिळताच सहाय्यक पोलीस निरीक्षक दिलीप ढेरे यांच्या मार्गदर्शनाखाली बार्शी पोलिसांनी तातडीने तपास सुरू केला आणि कोरफळे भागात दरोडेखोरांचा माग काढत त्यांचा पाठलाग केला.

पोलिसांनी गुप्त माहितीच्या आधारे नियोजनबद्ध कारवाई करत तीघा दरोडेखोरांना पिस्टलसह अटक केली. या मोहिमेत पोलीस हेड कॉन्स्टेबल अभय उंदरे, पोलीस कॉन्स्टेबल सिद्धेश्वर लोंढे, युवराज गायकवाड, सागर शेंडगे आणि त्यांच्या सहकाऱ्यांनी महत्त्वपूर्ण भूमिका बजावली. तसेच, उपविभागीय पोलीस अधिकारी जालिंदर नालकूल यांच्या देखरेखीखाली ही मोहीम राबवण्यात आली.

या दरोड्याचा तपास आणि आरोपींच्या अटकेसाठी संपूर्ण पोलीस टीमने संघटितपणे केलेल्या प्रयत्नांमुळेच तासाभरात आरोपींना अटक करणे शक्य झाले. पोलिसांच्या या तत्परतेमुळे सुर्डी परिसरात भयमुक्त वातावरण निर्माण झाले असून, पोलिसांच्या प्रभावी कार्यपद्धतीचे नागरिकांकडून कौतुक केले जात आहे.

सध्या अटक केलेल्या दरोडेखोरांकडे चौकशी सुरू असून, त्यांच्या इतर साथीदारांचा शोध घेण्यासाठी विशेष पथके कार्यरत आहेत. दरोड्याच्या मागील पार्श्वभूमीचा तपास सुरू असून, आणखी काही धागेदोरे हाती लागण्याची शक्यता आहे.

06/03/2025

06/03/2025

आ. #राणाजगजितसिंह पाटील यांना #मंत्रीपदाचा दर्जा

तुळजापूरचे आमदार राणाजगजितसिंह पाटील यांची महाराष्ट्र शासनाच्या महाराष्ट्र इन्स्टिट्यूशन फॉर ट्रान्सफॉर्मेशन (मित्रा) संस्थेच्या नियामक मंडळावर उपाध्यक्षपदी निवड करण्यात आली आहे. या पदाला मंत्रीपदाचा दर्जा असल्याने पाटील यांना महत्त्वाची जबाबदारी मिळाली आहे.

06/03/2025

वैराग येथे बंद पडलेल्या संतनाथ साखर कारखान्याला भीषण आग,
कोट्यवधींचे नुकसान..