06/10/2025
চৰাইদেউ- শিৱসাগৰ জিলাৰ নাজিৰা মহকুমাৰ অসম নাগালেণ্ড সীমান্তৱৰ্তী নিমাইগড় হাবি খেলপথাৰ উন্নয়ন সমিতিৰ উদ্যোগত আয়োজিত আমন্ত্ৰণমূলক ট্ৰফী আৰু নগদ ধন ফুটবল প্ৰতিযোগিতাৰ চূড়ান্ত খেল দেওবাৰে অনুষ্ঠিত হয় । এই চূড়ান্ত খেলখনত মুখ্য অতিথিৰূপে উপস্থিত থাকি উদ্ধোধন কৰে সৰ্বভাৰতীয় ফুটবল ফেডাৰেচনৰ কাৰ্যকৰী সদস্য, অসম ফুটবল সন্হাৰ বিষয়ববীয়া তথা অসম অলিম্পিক সন্থাৰ যুটীয়া সম্পাদক হীৰেন গগৈয়ে । দুই ৰাজ্যৰ সীমান্তৱৰ্তী গ্ৰামাঞ্চলটোৰ ৰাইজে অতি কষ্টৰে আয়োজন কৰা ফুটবল প্ৰতিযোগিতাখনৰ চূড়ান্ত খেলখনত প্ৰতিদ্বন্দিতা আগবঢ়ায় স্থানীয় দল উদয়জ্যোতি সংঘ বনাম নাহৰকটীয়া ফুটবল দ'ল। প্ৰায় সাত সহস্ৰাধিক দৰ্শকৰ উপস্থিতিত দুয়ো দলে এখন উপভোগ্য মেছ দৰ্শকক উপহাৰ দিয়ে। চূড়ান্ত খেলখনত বিশিষ্ট অতিথিৰূপে সমাজসেৱক নীল হাতীমূৰীয়া, দাদু হাতীমূৰীয়া, প্ৰাক্তন ৰাষ্ট্ৰীয় ফুটবল খেলুৱৈ তথা বৰ্তমানৰ প্ৰশিক্ষক শ্ৰী সঞ্জীৱ সোণোৱাল প্ৰমুখ্যে বিশিষ্ট ব্যক্তিসকল উপস্থিত থাকে।
