29/10/2025
সকলো দৰ্শক , চিনেমাহলৰ মালিক/ কৰ্তৃপক্ষলৈ অনুৰোধ—
সকলোৰে মুখে মুখে গুঞ্জৰিত প্ৰাৰ্থনা সংগীতটোৰে আৰম্ভ কৰা হওক #ৰৈ #ৰৈ #বিনালে
প্ৰতিটো চিনেমা হলত সমবেত দৰ্শকে “ মায়াবিনী ৰাতিৰ বুকুত ” সমস্বৰে গাওক ৷ ৰূপালী পৰ্দাত জুবিন অভিনীত শেষৰখন চিনেমা এয়া ! গতিকে জুবিন সংগীতেৰে আৰম্ভ কৰা হওক প্ৰতিটো দৰ্শনী ৷ এয়া কেৱল শ্ৰদ্ধাঞ্জলিয়েই নহয়, পৃথিৱীৰ সাংস্কৃতিক ইতিহাসত এক বিৰল দৃষ্টান্ত হৈ ৰ’ব ৷
এইখন আমাৰ বাবে কেৱল চিনেমা নহয় বা বৌদ্ধিক আলোচনাৰ বিষয়ো নহয় এই চিনেমা ৷ গতিকে ৰিভিউ লিখিবলৈ গৈ কাহিনী লিখাৰ দৰে কাম কোনেও যাতে নকৰে ৷ প্ৰতিজন অসমীয়াই চাব এই চিনেমা , কাৰণ ঘৰৰ ল’ৰাটোক শেষবাৰৰ বাবে জীৱন্ত ৰূপত চাবলৈ কাৰনো হেঁপাহ জগা নাই অথচ বুকুত কঠিন শিল এচটা বান্ধিয়েই চাব লাগিব ৷
অনুগ্ৰহ কৰি এইখন চিনেমাৰ তুলনা কোনো বলীউড , হলীউডৰ বিগ বাজেট চিনেমাৰ সৈতে তুলনা নকৰিব। কিমান ইনকাম হ’ল , কিমান কোটিৰ টিকেট বিক্ৰী হ’ল এইবোৰ জনাবলৈয়ো প্ৰয়োজন নাই। বৰ্তমান সেইবোৰ আমাৰ কাৰণে , প্ৰতিজন অসমীয়াৰ বাবে গৌণ বিষয়।
আৰু প্ৰতিগৰাকী শ্ৰদ্ধাৰ দৰ্শকলৈ অনুৰোধ — অনুগ্ৰহ কৰি চিনেমা হলত মোবাইলেৰে ভিডিঅ’ কৰি সামাজিক মাধ্যমত ক্লীপ এৰি নিদিব ৷ এইটো কৰিলে জুবিন গাৰ্গক অশ্ৰদ্ধা কৰা হ’ব কাৰণ তেওঁ এইবোৰ কাম খুৱেই বেয়া পাইছিল।
( জুবিন গাৰ্গে অসমলৈ এৰি যোৱা হাতৰ আখৰ কেইটা 💔 )
উৎস :- দ্বীপ ৰাজৰ ৱাল ৷
