20/06/2022
1998 బ్యాచ్ DSCకి అర్హత సాధించిన అల్లక కేదారేశ్వరరావు ఎం.ఏ.,బి.ఎడ్ గారు...
ఎన్నాళ్లో వేచిన ఉద్యోగం..
ఈయనెవరో తెలుసా? చిరిగి, శిథిలమైన మన వ్యవస్థ.
ఈయనేంటో తెలుసా? జీతం వచ్చే ఉద్యోగం వచ్చేసరికి జీవితమే కోల్పోయిన నిర్బాగ్యుడు.
ఈయనకి జరిగిన అన్యాయం..ఎందరికో..
ఒక్కొక్కరికి...ఒక్కో వ్యవస్థలో...
మనకు దక్కాల్సిన న్యాయమో, ఉద్యోగమో జీవితకాలం లేటు అయితే దీనికి
ఎవరు దోషులంటే..ఎవరు కాదు అనేది జవాబు.
ఎవరు కారకులంటే..అందరూ బాధ్యులే.
1998 డిఎస్సీ క్వాలిఫైడ్ వాళ్లతో ఉద్యోగం సాధించి వుంటే... శ్రీకాకుళం జిల్లా పాతపట్నం మండలం సీది గ్రామానికి చెందిన ఈ... కేదారేశ్వరరావు పెళ్లి చేసుకుని ఉండేవారు. తన పిల్లల్ని చైతన్య, నారాయణలో చదివించి పెద్దవాళ్లని చేసి ఏ ఇన్ఫోసిస్లోనో వాళ్లూ జాబ్ చేసుకుని సెటిలైపోయేవారు. మాస్టారు రెండు చేతులా రియల్ ఎస్టేట్, చిట్స్ కంపెనీలకి పనిచేసి కొత్తగా వెలసిన కాలనీలో డూప్లెక్స్లో వుండేవారు. ఇవన్నీ కల..వాస్తవమేంటో తెలుసా? 1994 డిఎస్సీ తృటిలో కోల్పోయి, 1998 డిఎస్సీ క్వాలిఫైడ్ అయి వివాదంలో పడ్డాక.. పాతపట్నం మండలం పెద్దసీదికి చెందిన అల్లక కేదారేశ్వరరావు జీవితం అల్లకల్లోలం అయిపోయింది. పెళ్లి కాలేదు. నిర్వేదంతో అందం, ఆకలి వంటి వాటికి దూరమైపోయాడు. సైకిల్పై బట్టలు వేసుకుని ఊరూరికి వెళ్తే మనిషి రూపం చూసి పిచ్చోడు అని ముద్రవేసి ఎవ్వరూ కొనేవారు కాదు. ఆ పిచ్చోడు అన్నామలై బీఈడీ చేశాడు. ఇంగ్లీషు అనర్గళంగా మాట్లాడేవాడు. బతుకు భారమైంది. వృత్తి దూరమైంది. తానెవరో మరిచిపోయాడు. ఆకలేస్తే అడుక్కోవడానికి కూడా వెనుకాడలేదు. కేదారేశ్వరరావుకి 55 ఏళ్లు వచ్చాక అంటే ఇప్పుడు ..24 ఏళ్ల తరువాత 1998 డిఎస్సీ క్వాలిఫైడ్ వాళ్లకి ఉద్యోగాలిచ్చేందుకు ప్రభుత్వం గ్రీన్ సిగ్నల్ ఇచ్చింది. అన్ని సర్టిఫికెట్లు ఉండి, అంతా సవ్యంగా సాగి ఉద్యోగంలో చేరితే ఎన్నాళ్లా ఉద్యోగం? ఫోన్ కూడా వాడటం రాని, ఆధునిక ప్రపంచానికి దూరమై తన మనో ప్రపంచంలో బతుకుతున్న కేదారేశ్వరరావు..థంబ్ లు వేసి మొబైల్ లో అప్ లోడ్ చేసే టీచర్ ఉద్యోగం ఎలా చేయగలడు? తనకు ఉద్యోగం వచ్చిందన్న సంగతి అల్లక కేదారేశ్వరరావుకి తెలియదు. ఊర్లో కుర్రాళ్లు వాట్సప్లో వచ్చిన లిస్టులో పేరు చూసి వచ్చిందని చెబితే...ఆయన స్పందనేంటో ఈ వీడియోలో చూడండి.
https://youtu.be/MXEwWXQs72w
*PLEASE SUBSCRIBE AND SHARE*
