Central Kashmir Budgam

27/09/2026

بلخی سومو اسٹینڈ پکھرپورہ کے انتخابات
بلخی سومو اسٹینڈ پکھرپورہ کے انتخابات میں شاہنواز احمد ڈار صدر کے عہدے کے لیے بلامقابلہ کامیاب قرار پائے۔
اس موقع پر:
محمد ایوب وانی نائب صدر منتخب ہوئے۔
ریاض احمد پرے سیکریٹری منتخب ہوئے۔
منظور احمد بابا خزانچی منتخب ہوئے۔
نو منتخب عہدیداران نے اسٹینڈ کے تمام ممبران کا شکریہ ادا کرتے ہوئے باہمی اتحاد اور بہتر انداز میں ذمہ داریاں نبھانے کے عزم کا اظہار کیا

24/09/2026

اے اے وائی خاندانوں کو سالانہ 6 مفت گیس سلنڈر دینے کی منظوری
سری نگر، 24 ستمبر: جموں و کشمیر حکومت نے انتیودیا انا یوجنا (AAY) کے تحت آنے والے خاندانوں کو سالانہ 6 مفت ایل پی جی گیس سلنڈر فراہم کرنے کی اسکیم کی منظوری دے دی ہے۔
فوڈ، سول سپلائز اینڈ کنزیومر افیئرز کے وزیر ستیش شرما نے جمعرات کو جموں و کشمیر قانون ساز اسمبلی میں اس منظوری کا اعلان کیا۔ انہوں نے کہا کہ اسکیم کو متعلقہ اتھارٹی کی منظوری مل چکی ہے اور اس کے نفاذ کے لیے ضروری احکامات جلد جاری کیے جائیں گے۔

23/09/2026

حکومت اور اپوزیشن کی سیاسی نوک جھونک تو ہمیشہ چلتی رہتی
مگر اصل مسائل پر عوام آج بھی وہیں کھڑی ہے۔

22/09/2026

۔
📢 ضروری اطلاع — بٹوا گم ہوگیا ہے
گزشتہ روز بڈگام سے پکھرپورہ تک سفر کے دوران ایک بٹوا کہیں گم ہوگیا ہے۔ بٹوے میں اے ٹی ایم کارڈ، الیکشن کارڈ، ڈرائیونگ لائسنس اور پین کارڈ موجود تھے۔
اگر کسی شخص کو یہ بٹوا راستے میں ملا ہو یا کسی نے اٹھایا ہو تو براہِ کرم انسانی ہمدردی کا مظاہرہ کرتے ہوئے درج ذیل نمبر پر رابطہ کرکے بٹوا اور اس میں موجود دستاویزات واپس کرنے کی مہربانی کریں۔
+919906457824

21/09/2026

19/09/2026

سید بشیر احمد سمنانی (نوشاد) مرحوم کے حق میں دعائیہ مجلس
سینئر صحافی و چیف ایڈیٹر روزنامہ مارننگ ٹائمز سید بشیر احمد سمنانی (نوشاد) مرحوم کے حق میں خانقاہِ فیض پانا، پکھرپورہ میں ایک خصوصی دعائیہ و روح پرور مجلس کا انعقاد کیا گیا۔
مجلس میں مرحوم کے ایصالِ ثواب، مغفرت اور بلندیٔ درجات کے لیے خصوصی دعائیں کی گئیں۔ اس موقع پر پیرزادہ مولانا شکیل رحمان اویسی صاحب نے مرحوم کی صحافتی و سماجی خدمات کو خراجِ عقیدت پیش کرتے ہوئے ان کے لیے دعائے مغفرت کی۔
مجلس میں موجود شرکاء نے مرحوم کے اہلِ خانہ سے تعزیت اور ہمدردی کا اظہار کرتے ہوئے صبرِ جمیل کی دعا کی۔

16/09/2026

سید بشیر احمد سمنانی نوشاد کا انتقال، سماجی، سیاسی و دینی انجمنوں کا اظہارِ تعزیت

سینئر صحافی سید بشیر احمد سمنانی نوشاد کے انتقال پر وادی کشمیر کے مختلف سماجی، سیاسی اور دینی انجمنوں نے گہرے رنج و غم کا اظہار کرتے ہوئے لواحقین کے ساتھ تعزیت اور ہمدردی کا اظہار کیا ہے۔

مرحوم کی یاد میں اجتماعی فاتحہ خوانی بروز جمعہ، 18 ستمبر، دوپہر 3 بجے عالم دار کالونی، لین-جے، راولپورہ، سری نگر کے قبرستان میں ادا کی جائے گی۔

15/09/2026

سینئر صحافی سید بشیر احمد سمنانی (نوشاد) انتقال کر گئے
منظور پکھرپوری // وادیٔ کشمیر کے معروف و سینئر صحافی اور روزنامہ مارننگ ٹائمز کے چیف ایڈیٹر سید بشیر احمد سمنانی (نوشاد) آج علی الصبح اس دنیائے فانی سے رحلت کر گئے۔ ان کے انتقال کی خبر پھیلتے ہی وادیٔ کشمیر کے سیاسی، سماجی اور دینی حلقوں نے گہرے رنج و غم کا اظہار کیا۔
مرحوم صحافی نے 1980 کی دہائی سے آج تک صحافت کے میدان میں نمایاں خدمات انجام دیں۔ کئی دہائیوں پر محیط اپنے صحافتی سفر کے دوران انہوں نے جموں و کشمیر کے عوام کی ترجمانی کی اور ان کے مسائل، خدشات اور جذبات کو اجاگر کیا۔ ان کے انتقال کو صحافتی برادری کے لیے ایک بڑا نقصان قرار دیا جا رہا ہے۔
مرحوم کو راولپورہ، سری نگر کے قبرستان میں سپردِ خاک کیا گیا۔
رسم چہارم جمعہ، 18 ستمبر 2026، سہ پہر 3 بجے، علمدار کالونی، لین-جے، قبرستان راولپورہ، سری نگر میں ادا کی جائے گی۔
اللہ تعالیٰ مرحوم کی مغفرت فرمائے، ان کے درجات بلند فرمائے اور پسماندگان کو صبر و حوصلہ عطا فرمائے۔ آمین