23/06/2025
🌟 سادھنا ٹنل — وادی کرناہ کے عوام کے لیے ایک تاریخی لمحہ 🌟
✍️: Javaid Iqbal Mir
الحمدللہ!
ہم اللہ تعالی بہت زیادہ شکریہ ادا کرتے ہیں اور اس کے بعد ،
ہم حکومت ہند، خاص طور پر معزز وزیر اعظم جناب نریندر مودی اور وزارت برائے روڈ ٹرانسپورٹ اینڈ ہائی ویز کے بے حد مشکور ہیں جنہوں نے سادھنا ٹنل کی منظوری دے کر وادی کرناہ کے عوام کی 78 سالہ دیرینہ مانگ کو پورا کیا۔
یہ صرف ایک ٹنل نہیں، بلکہ قربانیوں، دعاؤں اور مسلسل جدوجہد کی ایک روشن علامت ہے۔
یہ خوشخبری وادی میں امید، فخر اور خوشی کی نئی لہر لے کر آئی ہے۔
ہم پوری اُمید رکھتے ہیں کہ ٹنل کا عملی کام جلد از جلد شروع ہوگا تاکہ وادی کرناہ کے لوگوں کو محفوظ، مستقل اور ہر موسم میں قابلِ رسائی سڑک میسر آئے۔
🔸 سب سے بڑا کریڈٹ وادی کرناہ کی عوام کو جاتا ہے — وہ عوام جنہوں نے دہائیوں تک برف پوش پہاڑوں، خطرناک سڑکوں اور موت کے سائے میں سفر کیا۔
انہوں نے پرامن احتجاجات، مظاہرے، دعائیں، یادداشتیں، اور ہر حکومت سے بار بار مطالبہ کیا کہ سادھنا ٹنل ہماری ضرورت ہے، ہمارا حق ہے۔
ہم دل سے خراجِ تحسین پیش کرتے ہیں اُن تمام مخلص رہنماؤں کو جنہوں نے اس جدوجہد میں کردار ادا کیا، جن میں شامل ہیں:
🔹 عبدالرحمن بڈانہ صاحب
🔹 محمد ادریس کرناہی صاحب
🔹 ایم ایل اے جاوید احمد مرچال صاحب
🔹 انجینئر رشید صاحب
🔹 کفیل الرحمن صاحب
🔹 علی اصغر خان صاحب
🔹 راجہ منظور صاحب
🔹 فیاض کرناہی صاحب
اور جو ہمارے سماجی کارکن ہیں۔
🔹 حاجی تسلیم میر صاحب
🔹 راجہ وقار صاحب
محمد آصف میر صاحب
مجھے سب کے نام معلوم اس لیے جو رہ جائیں اپ کمنٹ سیکشن میں اپڈیٹ کر دیجیے گا۔
اور ہم مرکزی و ریاستی حکومتوں کا تہہ دل سے شکریہ ادا کرتے ہیں کہ انہوں نے اس اہم مسئلے کو سنجیدگی سے لیا اور اس کا مثبت حل نکالا۔
ہم ٹنل کوآرڈینیشن کمیٹی کرناہ، صحافی برادری، میڈیا اداروں، سوشل میڈیا ایکٹیوسٹس، سماجی کارکنان اور ہر اُس فرد کا شکریہ ادا کرتے ہیں جنہوں نے اس تحریک کو زندہ رکھا۔
❗ یہاں ہم یہ واضح کرنا ضروری سمجھتے ہیں کہ:
آج جب سادھنا ٹنل کی منظوری ملی ہے، بعض لوگ اس کامیابی کو اپنی طرف منسوب کرنے کی کوشش کر رہے ہیں۔
لیکن یہ ایک انتہائی ناانصافی ہوگی کہ اس اجتماعی جدوجہد کو صرف ایک فرد، ایک پارٹی یا ایک گروہ سے منسوب کیا جائے۔
ہم یہ مانتے ہیں کہ بہت سارے لیڈروں میں بہت زیادہ کوشش کی ہے مگر کسی ایک فرد کا کریڈٹ لینا کے یہ نا انصافی ہوگی۔
یہ کامیابی پوری وادی کرناہ کی اجتماعی آواز، قربانی، صبر اور استقامت کا نتیجہ ہے۔
یہ ہمارے ان بزرگوں کی کوششوں کا پھل ہے جو آج ہم میں نہیں، اور ان نوجوانوں کی امیدوں کا چراغ ہے جو کرناہ کے روشن مستقبل کے علمبردار ہیں۔
🌄 سادھنا ٹنل — ایک خواب جو حقیقت بن رہا ہے، ایک راستہ جو ہمیں جوڑ رہا ہے، ایک فتح جو سب کی ہے۔
