08/06/2026
ਅਲੋਪ ਹੋ ਗਿਆ 'ਗਾਂਧੀ' ਨੋਟਾਂ ਵਾਲਾ....?
ਇੰਡੀਆ 'ਚ ਟੋਟਲ 2,51,007 ਏਟੀਐੱਮ ਹਨ। ਇਨ੍ਹਾਂ ਨੂੰ ਭਰਨ ਲਈ ਹਰ ਮਹੀਨੇ 94,000 ਕਰੋੜ ਦੀ ਨਗਦੀ ਦੀ ਲੋੜ ਹੁੰਦੀ ਹੈ। ਮਾਰਚ ਦੇ ਮਹੀਨੇ ' ਚ ਇਹ ਕੈਸ਼ 61,000 ਕਰੋੜ ਰਿਹਾ ਤੇ ਅਪ੍ਰੈਲ 'ਚ ਇਹ ਹੋਰ ਵੀ ਘੱਟ ਹੋ ਕੇ 54,000 ਕਰੋੜ ਰਹਿ ਗਿਆ। ਯਾਨੀ, ਇਕੱਲੇ ਏਟੀਐੱਮਾਂ ਦੀ ਗੱਲ ਕਰੀਏ ਤਾਂ 40,000 ਕਰੋੜ ਕੈਸ਼ ਸ਼ਾਰਟ ਹੋ ਗਿਆ। ਹਲੇ ਮਈ ਤੇ ਜੂਨ ਦੇ ਅੰਕੜੇ ਅੱਪਡੇਟ ਹੋਣੇ ਬਾਕੀ ਨੇ। ਮੇਰਾ ਮੰਨਣਾ ਹੈ ਕਿ ਇਹ ਗਿਰਾਵਟ ਇਨ੍ਹਾਂ ਮਹੀਨਿਆਂ ਦੌਰਾਨ ਹੋਰ ਵਧੀ ਹੋਵੇਗੀ। ਓਧਰ ਬੈਂਕਾਂ ਦਾ ਹਾਲ ਵੀ ਇਹ ਹੈ ਕਿ ਕੈਸ਼ ਬੇਹੱਦ ਥੋੜ੍ਹਾ ਮਿਲ ਰਿਹਾ ਹੈ।
ਮਨਮੋਹਨ ਸਿੰਘ ਸਰਕਾਰ ਵੇਲੇ ਕੈਸ਼ ਫਲੋਅ 13 ਲੱਖ ਕਰੋੜ ਦੇ ਕਰੀਬ ਸੀ ਜੋ ਹੁਣ ਵੱਧ ਕੇ ਲਗਭਗ 40 ਲੱਖ ਕਰੋੜ ਦੇ ਕਰੀਬ ਹੋ ਗਿਆ ਹੈ। ਏਨੇ ਵੱਡੇ ਕੈਸ਼ ਫਲੋਅ ਵਾਲ਼ੇ ਮੁਲਕ 'ਚ ਕੈਸ਼ ਦੀ ਕਿੱਲਤ ਵਾਕਿਆ ਹੈਰਾਨ ਕਰਦੀ ਹੈ।
ਇਸ ਪਿੱਛੇ ਕਾਰਨ ਦੱਸੇ ਜਾ ਰਹੇ ਹਨ ਕਿ ਕੈਸ਼ ਦੀ ਢੋਆ-ਢੋਆਈ ' ਚ ਦਿੱਕਤ ਹੈ ; ਪਰ ਮੇਰਾ ਮੰਨਣਾ ਹੈ ਕਿ ਜਾਂ ਤਾਂ 500 ਦਾ ਨੋਟ ਦੋਬਾਰਾ ਛਾਪਿਆ ਜਾ ਰਿਹਾ ਹੈ ਕਿਉਂਕਿ ਨੋਟਬੰਦੀ ਦੌਰਾਨ ਇਸ ਦੀ ਛਪਾਈ ਬੇਹੱਦ ਘਟੀਆ ਪੱਧਰ ਦੀ ਸੀ ਜਾਂ ਫਿਰ ਮੋਦੀ ਸਰਕਾਰ ਕੋਈ ਹੋਰ ਵੱਡਾ ਸੱਪ ਕੱਢੇਗੀ। ਤੁਹਾਨੂੰ ਚੇਤੇ ਹੋਣਾ ਇਸ ਤੋਂ ਪਹਿਲਾਂ 2,000 ਦਾ ਨੋਟ ਵੀ ਇਨ੍ਹਾਂ ਨੇ ਵਾਪਸ ਲਿਆ ਹੈ ਕਿਉਂਕਿ ਉਸ ਦੀ ਛਪਾਈ ਦਾ ਮਿਆਰ ਵੀ ਬੇਹੱਦ ਘਟੀਆ ਸੀ। ਬਾਕੀ ਕੋਈ ਹੋਰ ਆਰਥਿਕ ਮਾਹਰ ਇਸ ਬਾਰੇ ਚਾਨਣਾ ਪਵੇ ਤਾਂ ਬਿਹਤਰ ਹੋਵੇਗਾ ਕਿਉਂਕਿ ਆਮ ਆਦਮੀ ਡਾਹਢਾ ਪ੍ਰੇਸ਼ਾਨ ਹੈ ਇਸ ਵੇਲੇ !!!!
