Gujarat Events Updates

30/08/2026

18/08/2026

🌱 તમારું ધાબું, તમારું શાકભાજી, તમારું સ્વાસ્થ્ય!

શહેરમાં પ્લાન્ટેશન માટેની જગ્યાના અભાવને ધ્યાનમાં રાખીને શહેરીજનો પોતાના ઘર અને અગાસીમાં શાકભાજી તથા ફૂલછોડ ઉગાડી શહેરની હરિયાળી વધારી શકે તે હેતુથી સુરત મહાનગરપાલિકા દ્વારા શહેરના વિવિધ ઝોનમાં “તમારું ધાબું, તમારું શાકભાજી, તમારું સ્વાસ્થ્ય” અને “ટેરેસ ગાર્ડન થકી હરિયાળું સુરત” પહેલ અંતર્ગત કિચન ગાર્ડન/ટેરેસ ગાર્ડનિંગ તાલીમનું આયોજન કરવામાં આવી રહ્યું છે.

આ અંતર્ગત તા. 20/08/2026, સવારે 10:00 થી 12:00 કલાકે, ઉમરા કોમ્યુનિટી હોલ ખાતે શહેરીજનો માટે ટેરેસ ગાર્ડનિંગ તાલીમનું આયોજન કરવામાં આવ્યું છે.

🌿 તમામ શહેરીજનોને તાલીમમાં ભાગ લેવા હાર્દિક વિનંતી.

ચાલો, ઘરની અગાસીને બનાવીએ હરિયાળી અને સ્વસ્થ જીવનની નવી શરૂઆત! 🌱

07/08/2026

પ્રકૃતિ સાથે શીખવાનો અનોખો અવસર!

ગુજરાત રાજ્યની તમામ બોર્ડની શાળાઓના આચાર્યશ્રીઓને જાણ કરવામાં આવે છે કે ગુજરાત વન વિભાગ દ્વારા વર્ષ 2026-27 માટે Nature Education Camp (NEC) માટે અરજીઓ આમંત્રિત કરવામાં આવે છે.

ખાસ નોંધ:
🌳 શાળાએ વિદ્યાર્થીઓને NEC શિબિર સુધી લાવવા અને પરત લઈ જવાની વ્યવસ્થા સ્વખર્ચે કરવાની રહેશે
🌳 વન વિભાગના તમામ નિયમો અને શરતોનું પાલન કરવાનું રહેશે.
🌳 તમામ અરજીઓની મંજૂરી ઉપલબ્ધ લક્ષ્યાંક અને ગુજરાત વન વિભાગના નિયમો મુજબ કરવામાં આવશે.

રસ ધરાવતી શાળાઓ નીચે આપેલ લીંક ઓપન કરી Google Form દ્વારા અરજી કરી શકે છે.

વધુ માહિતી માટે 1926 હેલ્પલાઇન પર સંપર્ક કરો.

https://forms.gle/UZkn3BgNUqBy8ipQA

04/08/2026

21/07/2026

ગુજરાત સરકારના કૃષિ, ખેડૂત કલ્યાણ અને સહકાર વિભાગ હસ્તક કાર્યરત ગુજરાત એગ્રો ઇન્ડસ્ટ્રીઝ કોર્પોરેશન લિ. (GAIC) દ્વારા આયોજિત "

"લણણી પછીના ડુંગળી અને લસણના વ્યવસ્થાપન, સંગ્રહ અને મૂલ્યવર્ધન" વિષયક વર્કશોપમાં આપને હાર્દિક આમંત્રણ છે.

📅 તારીખ: 24 જુલાઈ 2026
⏰ સમય: સવારે 10:00 થી બપોરે 02:00 સુધી
📍 સ્થળ: ખેડુત તાલીમ કેન્દ્ર, માર્કેટીંગ યાર્ડ, મહુવા.

રજીસ્ટ્રેશન લીંક કરવા માટે QR કોડ સ્કેન કરશો

વર્કશોપમાં નીચેના વિષયો પર માર્ગદર્શન આપવામાં આવશે:
✅ લણણી પછીનું વૈજ્ઞાનિક વ્યવસ્થાપન
✅ સંગ્રહની આધુનિક પદ્ધતિઓ અને નુકસાનમાં ઘટાડો
✅ મૂલ્યવર્ધન અને પ્રોસેસિંગની તકો
✅ બજાર જોડાણ અને વ્યવસાયિક અવસરો

તમામ ખેડૂત મિત્રો, FPO, કૃષિ ઉદ્યોગસાહસિકો, પ્રોસેસર્સ, નિકાસકારો અને વેપારીઓને આ વર્કશોપમાં ઉપસ્થિત રહેવા વિનંતી છે.
રજીસ્ટ્રેશન કરવાનું ભૂલશો નહિ.

#ખેડૂત #ડુંગળી #લસણ #મહુવા #મૂલ્યવર્ધન #કૃષિ_ઉદ્યોગ #ગુજરાત_સરકાર #ખેડૂત_તાલીમ

09/07/2026

*વરસાદી ઋતુમાં આકાશી વીજળીના પ્રકોપ સામે ‘સંકટ સમયની સાંકળ’ બનતું સ્વદેશી સુરક્ષા કવચ એટલે 'દામિની એપ':*
-----
*આગામી ૧૫ થી ૪૦ મિનિટમાં વીજળી પડવાની સંભાવનાની સચોટ અને લાઈવ ચેતવણી આપે છે ‘દામિની એપ’*
-------
*ખાસ કરીને ખેડૂતો, પશુપાલકો અને ગ્રામીણ નાગરિકો માટે જીવનરક્ષક ‘સરકારી સ્માર્ટ સપોર્ટ સિસ્ટમ’: બહુભાષી અને યુઝર-ફ્રેન્ડલી ઇન્ટરફેસ છે ખાસ વિશેષતા*
-------
*સમય આધારિત કલર કોડિંગ એલર્ટથી મળે છે સુરક્ષાની ખાતરી*
-------
*ગુગલ પ્લે સ્ટોર અને એપલ એપ સ્ટોર પરથી વિનામૂલ્યે ડાઉનલોડ કરી શકાશે*
-------
સમગ્ર ધરતીને લીલીછમ બનાવતી અને દરેક જીવને નવચેતના આપતી વરસાદી ઋતુની રાજ્યભરમાં ધમાકેદાર શરૂઆત થઈ ચૂકી છે. ચારેકોર આનંદ અને મીઠી સોડમ પ્રસરાવતી આ ઋતુ પોતાની સાથે આકાશી વીજળીનો એક એવો ભયાનક પ્રકોપ પણ લાવે છે, જે પળભરમાં હસતા-રમતા પરિવારોને વિખેરી આનંદના માહોલને શોકમાં ગરકાવ કરી દે છે. કુદરતની આ જીવલેણ આપત્તિ સામે ગ્રામીણ વિસ્તારો અને ખાસ કરીને ખેતરોમાં રાત-દિવસ કામ કરતા આપણા અન્નદાતાઓને સુરક્ષિત કરવા માટે ભારત સરકારના પૃથ્વી વિજ્ઞાન મંત્રાલય દ્વારા એક અદભુત ટેકનોલોજીકલ હથિયાર તૈયાર કરવામાં આવ્યું છે, જેનું નામ છે — 'દામિની: વિજળી ચેતવણી' (Damini: Lightning Alert) એપ.

*શું છે દામિની એપ્લિકેશન?*
દામિની એપ્લિકેશન એ ભારત સરકારના ભારતીય હવામાન વિભાગ(IMD) અને ભારતીય ઉષ્ણકટિબંધીય હવામાનશાસ્ત્ર સંસ્થા(ઇન્ડિયન ઇન્સ્ટિટ્યૂટ ઓફ ટ્રોપિકલ મેટિયોરોલોજી - IITM), પુણે દ્વારા સંયુક્ત રીતે વિકસાવવામાં આવેલી એક સત્તાવાર મોબાઈલ એપ્લિકેશન છે. જેનો મુખ્ય ઉદ્દેશ્ય વપરાશકર્તાઓને તેમના સ્થાનની આસપાસ વીજળી પડવાની સંભાવના વિશે રીઅલ-ટાઇમ ચેતવણીઓ પ્રદાન કરવાનો છે, જેથી લોકો સમયસર સાવધાન થઈને પોતાનો તેમજ પોતાની સંપત્તિ અને પશુધનનો જીવ બચાવી શકે. તે ભારતમાં વીજળી પડવાની ઘટનાઓને ટ્રેક કરવા માટે નેટવર્ક સેન્સર્સ અને સેટેલાઈટ ડેટાનો ઉપયોગ કરે છે.
એક અંદાજ મુજબ, ભારતમાં દર વર્ષે આકાશી વીજળી પડવાને કારણે ૨,૦૦૦થી વધુ લોકો જીવ ગુમાવે છે. વીજળી ત્રાટકવાથી સજીવોને થતી હાનિની સાથે પાવર ગ્રીડને નુકસાન દ્વારા વીજ પુરવઠો ખોરવાઈ, જંગલોમાં ભયાનક આગ ફાટી નીકળવી, ઇલેક્ટ્રોનિક અને કોમ્યુનિકેશન સાધનોને પણ નષ્ટ કરે છે. આપત્તિ વ્યવસ્થાપનનો નિયમ છે કે જો સમયસર ચેતવણી મળી જાય, તો સેંકડો જીવ બચાવી શકાય છે. ‘દામિની એપ’ આ જ સિદ્ધાંત પર કામ કરે છે.

*દામિની એપ્લિકેશનનું મહત્વ અને કાર્યપદ્ધતિ*
*લાઈવ ટ્રેકિંગ:* આ એપ IITM પુણે અને ભારત હવામાન વિભાગ(IMD)ના રડાર અને સેન્સર્સ નેટવર્ક સાથે સીધી જોડાયેલી છે, જે આખા ભારતમાં વીજળીના ચોક્કસ લોકેશનને લાઈવ ટ્રેક કરે છે.
*એડવાન્સ એલર્ટ:* આ એપ્લિકેશન તમારા જીપીએસ લોકેશનના આધારે આગામી ૧૫ થી ૪૦ મિનિટમાં વીજળી પડવાની સંભાવના છે કે નહીં તેની અગાઉથી સચોટ ચેતવણી આપે છે, જેથી લોકોને સુરક્ષિત સ્થળે ખસી જવાનો પૂરતો સમય મળી રહે છે.
*રીઅલ-ટાઇમ ચેતવણી*: તે તમારા વર્તમાન સ્થાનની આસપાસ ૨૦ કિલોમીટરથી લઈને ૪૦ કિલોમીટર સુધીના દાયરામાં થતી તમામ ગતિવિધિઓ નકશા પર લાઈવ બતાવે છે.
*નોટિફિકેશન સાથે સમય અને તીવ્રતાની માહિતી:* એપ્લિકેશન વીજળી પડવાના સમય અને તેની તીવ્રતા વિશે પણ માહિતી આપે છે. આપોઆપ નોટિફિકેશન સુવિધા હોવાથી, જ્યારે પણ તમારા વિસ્તારમાં વીજળી પડવાનું જોખમ હોય ત્યારે ફોન પર ત્વરિત એલર્ટ મળી જાય છે.
*બહુભાષી સપોર્ટ અને યુઝર-ફ્રેન્ડલી ઇન્ટરફેસ:* દામિની એપ ગુજરાતી, હિન્દી, અંગ્રેજી, સંસ્કૃત અને અન્ય ભારતીય ભાષાઓમાં ઉપલબ્ધ છે. તેમજ તેનું ઇન્ટરફેસ ખૂબ જ સરળ હોવાથી ઓછું ભણેલા લોકો અથવા ગ્રામીણ નાગરિકો પણ તેનો સરળતાથી ઉપયોગ કરી શકે છે.

*સમય આધારિત કલર કોડિંગ એલર્ટ:*
એપમાં સમયના અંતરાલ અને જોખમની ગંભીરતા મુજબ વીજળીની સ્થિતિ કલર કોડ દ્વારા દર્શાવવામાં આવે છે:જેમ કે,
*લાલ રંગ(Red Icon - ૭ મિનિટ):* અત્યંત જોખમી સ્થિતિ, તુરંત જ સુરક્ષિત આશ્રય મેળવી લો.
*પીળો રંગ(Yellow Icon - ૧૪ મિનિટ):* સાવચેત રહેવું અને ખુલ્લામાં જવાનું ટાળવું.
*વાદળી રંગ(Blue Icon - ૨૧ મિનિટ):* વીજળીની શરૂઆત થવાની સંભાવના દર્શાવે છે.

*એપ કેવી રીતે ડાઉનલોડ અને ઉપયોગ કરવી?*

• તમારા સ્માર્ટફોનમાં એન્ડ્રોઇડ યુઝર્સ માટે Google Play Store અથવા iOS યુઝર્સ માટે Apple App Store ઓપન કરો.
• સર્ચ બારમાં "Damini Lightning Alert" લખીને સર્ચ કરો અને પૃથ્વી વિજ્ઞાન મંત્રાલયની સત્તાવાર એપ ઇન્સ્ટોલ કરો.
• એપ ઓપન કરતી વખતે GPS (Location)ની પરમિશન એલાઉ (Allow) કરો, જેથી એપ તમારું ચોક્કસ સ્થાન જાણીને સચોટ એલર્ટ આપી શકે.
• એપમાં 'Register' પેજ પર જઈને તમારું નામ, મોબાઈલ નંબર, સરનામું, પિનકોડ અને વ્યવસાય (Occupation) ભરીને સબમિટ કરો. આ પ્રક્રિયા તદ્દન મફત, ઝડપી અને સરળ છે.

*ખાસ સુવિધા:બીજા માટે રજીસ્ટ્રેશન:* તમે આ એપમાં માત્ર તમારા માટે જ નહીં, પરંતુ 'Friends/Farmer' ઓપ્શન પસંદ કરીને તમારા ગ્રામીણ મિત્રો, સગા-સંબંધીઓ કે આસપાસના ખેડૂતો વતી પણ રજીસ્ટ્રેશન કરાવી શકો છો, જેથી તેમને પણ સમયસર આપત્તિની માહિતી આપી સુરક્ષિત કરી શકાય.
ટેકનોલોજીનો આ સ્માર્ટ ઉપયોગ કુદરતી આફતોના પડકારોનો સામે નાગરિકોને સુરક્ષિત રાખવા માટેનો સરકારનો એક પ્રશંસનીય પ્રયાસ છે. ડિજિટલ ઇન્ડિયા અને "આત્મનિર્ભર ભારત"ના વિઝનને મજબૂત બનાવતી ‘દામિની એપ’ સંકટ સમયમાં સાંકળ સમાન કાર્ય કરે છે. અગમચેતી માહિતી મળવાથી અનેક જીવ અને સંશાધનોની સુરક્ષા નિશ્ચિત કરી શકાય છે.
--૦૦--

27/06/2026

Surat News

30/04/2026

વાઈબ્રન્ટ ગુજરાત રિજનલ કોન્ફરન્સ (VGRC) દક્ષિણ ગુજરાત; તા. 1 - 2 મેના રોજ સુરત ખાતે યોજાનાર VGRC દક્ષિણ ગુજરાતની બાગાયતી સિદ્ધિઓને આપશે વૈશ્વિક મંચ...

Vibrant Gujarat Events Updates