Hotline News

13/08/2026

Surat Drug Network Busted! 53 ગ્રામ MD ડ્રગ્સ સાથે 2 આરોપી ઝડપાયા

સુરત ક્રાઈમ બ્રાન્ચે મુંબઈથી સુરતમાં MD ડ્રગ્સ સપ્લાય કરાતા હોવાનું સામે આવતા આંતરરાજ્ય ડ્રગ્સ નેટવર્કનો પર્દાફાશ કર્યો છે. પોલીસે 53 ગ્રામ MD ડ્રગ્સ સાથે યાસીન સલમાન શેખ અને તૌકીર ઉર્ફે બિલ્લાને ઝડપી પાડ્યા છે.

પોલીસના જણાવ્યા મુજબ જપ્ત કરાયેલા MD ડ્રગ્સની કિંમત ₹1.61 લાખથી વધુ છે અને રોકડ સહિત કુલ ₹1.71 લાખનો મુદ્દામાલ કબજે કરવામાં આવ્યો છે. આરોપીઓ પાસેથી મળેલી માહિતી મુજબ ડ્રગ્સ મુંબઈથી મંગાવવામાં આવ્યું હતું અને તૌકીર સુરતમાં તેની ડિલિવરી આપવા આવ્યો હતો. સમગ્ર મામલે NDPS એક્ટ હેઠળ વધુ તપાસ હાથ ધરવામાં આવી છે.

drugnetwork

13/08/2026

મોતનું રહસ્ય શું? અલથાણમાં ખાડીમાંથી યુવકનો મૃતદેહ મળ્યો

સુરતના અલથાણ વિસ્તારમાં બાયોસ્ટિયર ગાર્ડન પાસે ખાડીમાંથી એક અજાણ્યા યુવકનો મૃતદેહ મળી આવતા ચકચાર મચી ગઈ હતી. સ્થાનિકોએ મૃતદેહ જોતા પોલીસ અને ફાયર બ્રિગેડને જાણ કરી હતી. બંને ટીમો ઘટનાસ્થળે પહોંચી મૃતદેહને બહાર કાઢ્યો હતો.

પોલીસે મૃતદેહને પોસ્ટમોર્ટમ માટે મોકલી વધુ તપાસ શરૂ કરી છે. આસપાસના CCTV ફૂટેજ પણ તપાસવામાં આવી રહ્યા છે. હાલ યુવકની ઓળખ અને મોતનું ચોક્કસ કારણ સામે આવ્યું નથી. આ અકસ્માત છે કે અન્ય કોઈ ઘટના, તે તપાસ બાદ જ સ્પષ્ટ થશે.

13/08/2026

Surat Divaso Festival 2026: પેઢીઓ જૂની પરંપરા આજે પણ જીવંત! સુરતમાં દિવાસા પર્વની ઉજવણી

સુરતના તાપી કિનારે માછીમાર સમાજ દ્વારા દિવાસા પર્વની ભવ્ય ઉજવણી કરવામાં આવી. અષાઢી અમાસ નિમિત્તે રાંદલ માતાજીની શોભાયાત્રા યોજાઈ હતી, જેમાં આશરે 150થી 200 મહિલાઓ અને શ્રદ્ધાળુઓ ઉત્સાહભેર જોડાયા હતા.

જવારાની પૂજા કરી રાંદલ માતાજીનું આહ્વાન કરવામાં આવ્યું અને માછીમારોની સલામતી તથા કલ્યાણ માટે પ્રાર્થના કરવામાં આવી. તાપી કિનારે માતાજીના જયઘોષથી સમગ્ર વાતાવરણ ભક્તિમય બની ગયું હતું. શોભાયાત્રા બાદ તાપી નદીમાં જવારાનું વિસર્જન કરવામાં આવ્યું. પેઢીઓથી ચાલી આવતી આ પરંપરાને આજની પેઢીએ પણ જાળવી રાખી.

13/08/2026

દિલ્હીના લાલ કિલ્લા નજીક હુમલા અંગે UN રિપોર્ટમાં મોટો ખુલાસો!

હુમલા પાછળ અલ-કાયદાનો હાથ હોવાનો દાવો સામે આવ્યો છે. રિપોર્ટ બાદ સુરક્ષા એજન્સીઓમાં ચકચાર.

13/08/2026

DoJ કેસથી વિકસિત ભારત સુધી: ગૌતમ અદાણીએ વિશ્વાસ, નેતૃત્વ અને રાષ્ટ્રનિર્માણના મૂલ્યો પર વ્યક્ત કર્યા વિચારો

અમદાવાદ, 12 ઓગસ્ટ 2026: ભારતના 80મા સ્વાતંત્ર્ય દિવસની પૂર્વભૂમિકા વચ્ચે અદાણી ગ્રુપના ચેરમેન ગૌતમ અદાણીએ ‘અપની બાત, અ.....

13/08/2026

વિધાનસભા ઘેરાવની ચેતવણી! JPSC-JSSC પેપર લીક મુદ્દે ABVP આક્રમક

ઝારખંડમાં JPSC અને JSSC પરીક્ષાના પેપર લીકને લઈને ABVP દ્વારા ગંભીર આક્ષેપો કરવામાં આવ્યા છે. ABVP કાર્યકર્તાઓનો દાવો છે કે પેપર ₹15 લાખ સુધીમાં વેચાયા હતા. પેપર લીકમાં સંડોવાયેલા અધિકારીઓ, કર્મચારીઓ અને નેતાઓ સામે કડક કાર્યવાહી કરવાની માંગ કરવામાં આવી છે.

શાંતિપૂર્ણ વિરોધ દરમિયાન ABVP કાર્યકર્તાઓ અને વિદ્યાર્થીઓ પર લાઠીચાર્જ તથા અટકાયત કરવામાં આવી હોવાનો પણ આક્ષેપ છે. સમગ્ર મામલે CBI અને ED તપાસની માંગ સાથે ABVPએ ચેતવણી આપી છે કે માંગણીઓ નહીં સંતોષાય તો દેશવ્યાપી આંદોલન કરવામાં આવશે અને જરૂર પડ્યે ઝારખંડ વિધાનસભાનો ઘેરાવ પણ કરવામાં આવશે.

paperleakscam examscam

13/08/2026

Surat News: નશામાં ધૂમ કાર હંકારતો કારચાલક ઝડપાયો! મોટા વરાછામાં હંગામો

સુરતના મોટા વરાછા વિસ્તારમાં IT પાર્ક પાસે નશાની હાલતમાં કાર ચલાવતા એક કારચાલકે હોબાળો મચાવ્યો હોવાની ઘટના સામે આવી છે. ઘટનાને પગલે જાહેરમાં લોકોએ કાર રોકી કારચાલકને ઘેરી લીધો હતો. સમગ્ર ઘટનાનો વીડિયો સોશિયલ મીડિયા પર વાયરલ થઈ રહ્યો છે. મામલે પોલીસ તપાસ બાદ હકીકત વધુ સ્પષ્ટ થશે.
caraccident suratpolice viralvideo suratcrime gujaratinews gujaratnews

12/08/2026

Surat News: ગોડાદરાના પૂરગ્રસ્તોનો કલેક્ટર કચેરીએ મોરચો! ‘કેશ ડોલ્સ’થી વંચિત રાખ્યાનો આક્ષેપ

સુરતના ગોડાદરા વિસ્તારની વૃંદાવન પાર્ક સોસાયટીના રહીશોએ ખાડીપુર અને ભારે વરસાદથી થયેલા નુકસાન બાદ કેશ ડોલ્સથી વંચિત રાખ્યાનો આક્ષેપ કરી જિલ્લા કલેક્ટર કચેરીએ મોરચો કાઢ્યો હતો.

રહીશોના જણાવ્યા મુજબ સોસાયટીમાં પાણી ભરાવાથી ભારે નુકસાન થયું હતું અને બાળકો તથા પરિવારના સભ્યો પણ બીમારીમાં સપડાયા હતા. અન્ય સોસાયટીઓમાં સર્વે થયા હોવા છતાં વૃંદાવન પાર્કમાં સર્વે નહીં કરાયો હોવાનો આક્ષેપ છે. અધિકારીઓ અને કોર્પોરેટરો એકબીજા પર જવાબદારી ઢોળી રહ્યા હોવાનો પણ દાવો કરવામાં આવ્યો છે. રહીશોએ તાત્કાલિક સર્વે કરીને કેશ ડોલ્સ ચૂકવવાની માંગ કરી છે.

12/08/2026

One Nation One Ration Card સાથે જોડાયું અનાજ ATM! જાણો કેવી રીતે કામ કરે છે

છત્તીસગઢમાં ‘અન્નપૂર્તિ અનાજ ATM’ દ્વારા રેશન વિતરણને વધુ સરળ અને પારદર્શક બનાવવાનો પ્રયાસ કરવામાં આવ્યો છે. બાયોમેટ્રિક ચકાસણી બાદ લાભાર્થીઓને 24×7 સીધું અનાજ મળી શકે છે, જેથી લાંબી કતારમાં ઊભા રહેવાની જરૂર ઓછી થાય છે.

આ વ્યવસ્થા ‘એક રાષ્ટ્ર, એક રેશન કાર્ડ’ પહેલ સાથે જોડાયેલી છે અને ખાસ કરીને સ્થળાંતરિત કામદારો તથા કામકાજી મહિલાઓ માટે વધુ સુવિધાજનક બની શકે છે. ટેક્નોલોજીના ઉપયોગથી રેશનનો લાભ સીધો લાભાર્થી સુધી પહોંચાડવાનો પ્રયાસ કરવામાં આવી રહ્યો છે.