https://www.facebook.com/115711334828180/

SURAT FIRST News, Surat (2026)

01/08/2025

સુરતના હીરા ઉદ્યોગ પર ફરી ગ્રહણ લાગ્યું, અમેરિકાના 25% ટેરિફથી 70,000 કરોડના એક્સપોર્ટ પર સંકટ...

01/08/2025

10 વર્ષના પ્રેમલગ્નનો કરુણ અંજામ, પત્નીના બીજા અફેરની જાણ થતા પતિએ બે પુત્રોની સાથે...

સુરત શહેરમાં જિલ્લા પંચાયત ક્વાર્ટરમાં રહેતા શીક્ષકે પોતાના બે પુત્રો સાથે જીવનલીલા સંકેલી લીધી હતી.આ ઘટનામાં પોલીસે પત્ની અને તેના પ્રેમી વિરુદ્ધ દુષપ્રેનનાનો ગુનો નોંધી મૃતક અને તેના પ્રેમીની ધરપકડ કરી વધુ તપાસ હાથ ધરી છે.

26/08/2024

જન્માષ્ટમી પર્વની ખૂબ ખૂબ શુભકામનાઓ... જય શ્રીકૃષ્ણ...

03/07/2024

સુરતમાં પ્લાસ્ટિકના ડ્રમમાં ભરેલી મહિલાની લાસ મળી આવી, ડ્રમમાં રેતી, સિમેન્ટ ભરી લાશ ફેંકી દીધી જુઓ સમગ્ર મામલો

સુરતમાં ભેસ્તાન વિસ્તારમાં એકલારા-ભાણોદ્રા રોડ પર અવાવરું જગ્યાએથી શંકાસ્પદ ડ્રમ મળી આવ્યું હતું. લાશ હોવાની આશંકા સાથે પોલીસ વજનદાર ડ્રમ લઈ સિવિલ હોસ્પિટલ પહોંચી હતી. જ્યાં રાત્રે કટરથી સિમેન્ટ ભરેલું આ ડ્રમ કાપતા તેમાંથી યુવતીની ડેડબોડી મળી આવતા ચકચાર મચી ગઈ હતી. ગળેટૂંપો આપી હત્યા કર્યા બાદ લાશને પ્લાસ્ટિકના ડ્રમમાં કાપડના ડૂચા, રેતી- સિમેન્ટ સાથે ભરી દઈ ફેંકી દેવાયું હતું. હાલ તો આ મામલે ભેસ્તાન પોલીસ દ્વારા વધુ તપાસ હાથ ધરવામાં આવી છે.

મળતી માહિતી પ્રમાણે, ગતરોજ એકલારા-ભાણોદ્રા રોડ પર અવાવરું જગ્યા પરથી સિમેન્ટ ભરેલું શંકાસ્પદ ડ્રમ મળી આવ્યું હતું. ભેસ્તાન પોલીસ સિમેન્ટ ભરેલું ડ્રમ લઈને સિવિલ હોસ્પિટલ પહોંચી હતી. ભારે ભરખમ ડ્રમ થોડું ખુલ્લું હતું અને પગ જેવું દેખાતા લાશ હોવાની આશંકા પોલીસે વ્યક્ત કરી હતી. જેને પગલે સિવિલના તબીબો પણ ચોંકી ગયા હતા. પીએમ રૂમમાં આ ડ્રમ મુકાયું હતું. પાંચ ફૂટના આ ડ્રમને તોડવા એકતા ટ્રસ્ટની ટીમની મદદ લેવાઈ હતી. બીજી તરફ એફએસએલની ટીમ પણ સિવિલ દોડી હતી.

ભારે જહેમત બાદ કટરથી ડ્રમ તોડવાનું શરૂ કરાતા જ પોલીસ-તબીબો સહિત સૌ કોઈ અવાક થઈ ગયા હતા. ડ્રમ તોડાતા તેમાંથી યુવતીની લાશ મળી આવી હતી. ડ્રમમાં યુવતીની લાશ ઊંધી રાખવામાં આવી હતી.

યુવતીની લાશ જેમાંથી મળી છે તે બાંધકામ સાઈટ પર પાણી ભરવાનું પ્લાસ્ટિકનું ડ્રમ હતું. ડ્રમમાં યુવતીનું માથું અંદરની સાઇડ અને પગ બહારની સાઇડ હતા. ડ્રમમાં લાશ ઉપરાંત કપડાના ડૂચા, રેતી, સિમેન્ટ પણ ભરવામાં આવ્યા હતા.

મહિલાની હત્યા કર્યા બાદ આ લાશને કેવી રીતે છૂપાવવી તે માટે ખૂબ જ ક્રૂરતા અપનાવવામાં આવી હતી. લાશને છુપાવવા રેતી અને સિમેન્ટ એટલી હદે ભરવામાં આવી હતી કે, ડ્રમનું વજન 200થી 250 કિલોગ્રામ જેટલું હતું. પોલીસ માટે પડકાર એ હતો કે, આટલું ભારે ભરખમ ડ્રમ લઈ કેવી રીતે જવું? છેવટે ટેમ્પોમાં ભરી ડ્રમ સિવિલ હોસ્પિટલ લાવવામાં આવ્યું હતું.

યુવતીની હત્યા કરી લાશનો નિકાલ કરવામાં હત્યારાઓએ આચરેલી ટ્રિક જોઈ પોલીસ-તબીબો વિચારતા થઈ ગયા હતા. મોડીરાત્રે ઉચ્ચ પોલીસ અધિકારીઓ સિવિલ દોડી ગયા હતા. ભેસ્તાન પોલીસે હત્યાનો ગુનો નોંધવાની સાથે જ્યાંથી ડેડબોડી મળી છે તે વિસ્તારના સીસીટીવી ફૂટેજ મેળવવા દોડધામ કરી છે. પોલીસે સ્થાનિક વિસ્તારના લોકોના નિવેદન લેવાની કવાયત હાથ ધરી હોવાનું પણ જાણવા મળ્યું છે.

મૃતક યુવતીની ઉંમર 30 વર્ષની હોવાનું અનુમાન છે. યુવતીને ગળેટૂંપો આપી હત્યા કરાઇ હોવાનું પોલીસ અને તબીબોનું અનુમાન છે. 2-3 દિવસ પહેલાં યુવતીની હત્યા કરાઇ હોવાની શક્યતા છે. લાશ અત્યંત કોહવાઇ ગયેલી હાલતમાં છે અને માથા પર વાળ પણ બચ્યા નથી. આજે સિવિલમાં લાશનું ફોરેન્સિક પોસ્ટમોર્ટમ કરાશે. જેમાં હત્યા કેવી રીતે થઈ? ક્યારે થઈ? તે સ્પષ્ટ થશે.

03/07/2024

પતિએ ભાઈ સાથે મળીને પત્નીના પ્રેમીને ઉતાર્યો મોતને ઘાટ, જુઓ સમગ્ર અહેવાલ

સુરતમાં ફરી એકવાર લગ્નેતર સબંધનો કરુણ અંજામ સામે આવ્યો છે. રુદરપુરા વિસ્તારમાં થયેલી હત્યાનો ગુનો ઉકેલાયો છે. જેમાં પોલીસે બે આરોપીઓની ધરપકડ કરી છે.

પત્ની સાથે આડાસબંધ રાખનાર દીપેશ વિશે જાણ થતાં પતિએ ભાઈ સાથે મળીને પ્રેમીને મોતને ઘાટ ઉતાર્યો હતો. દિપેશને મૂઢ માર મારવામાં આવ્યો હતો. અઠવા પોલીસે બંને આરોપીઓની ધરપકડ કરી હતી.દિપેશ સવારે ઉઠ્યો નહોતો. તેનું મોત થઈ ગયું હતું. જેથી પોલીસે ગુનો દાખલ કર્યો હતો. પીએમમાં દિપેશના શરીર પર ઈજાના નિશાન મળ્યા હતાં. હર્ષદ કહાર અને તેના ભાઈ ધર્મેશએ સાથે મળીને દિપેશને માર માર્યો હતો. તેને ઘરેથી બહાર બોલાવીને માર માર્યો હતો. બન્ને આરોપીઓને હાલ પોલીસે ઝડપી લઈને આગળની કાર્યવાહી હાથ ધરીછે.

મોબાઈલ ડેટાના આધારે ઝડપાયા

પોલીસે કહ્યું કે, મોબાઈલ ડેટાના આધારે તપાસ કરાઈ હતી. જેમાં વોટસએપમાં મૃતક દિપેશ તેની પત્ની સાથે વાત કરતી હતી. જેથી તપાસ કરી હતી. મૃતકની સાથે તે મહિલાને વાત કરતાં તેના પતિ જોઈ ગયા હતાં. જેથી બન્ને ભાઈઓએ જઈને પ્રેમીને માર માર્યો હતો. જેમાં તે ઘરે જતો રહ્યો હતો. આ દરમિયાન તેનું મોત નીપજ્યું હતું. મૃતક કોઈ કામ ધંધો કરતો નહી.

03/07/2024

લ્યો બોલો જમાઈએ જ સાસુને જેલમાં પુરાવી...

સુરતના અઠવા વિસ્તારમાં જમાઈ દ્વારા પોતાની સાસુ અને સંબંધી પાસે વ્યાજ પેટે લીધેલા 3.75 લાખની સામે 9.67 લાખ રૂપિયા વસુલ કર્યા હોવા છતાં વધું 11 લાખની માંગણી કરતા અઠવા પોલીસ દ્વારા સાસુ અને મામા સસરાની ધરપકડ કરી આગળની કાર્યવાહી હાથ ધરવામાં આવી છે.

સુરત પોલીસ દ્વારા વ્યાજખોરો સામે ફરી મોટા પાયે ઝુંબેશ ઉપાડવામાં આવી છે.જ્યાં લોકોને ઊંચા વ્યાજે રૂપિયા આપી પઠાણી ઉઘરાણી કરતા વ્યાજખોરો સામે અઠવા પોલીસ દ્વારા કડક કાર્યવાહી કરવામાં આવી છે.સુરતના અઠવા વિસ્તારમાં વ્યાજખોરોની પઠાણી ઉઘરાણી જોવા મળી છે. પોતાના જ સંબંધી પાસે 3.75 લાખની સામે 9.67 લાખ વસૂલ લીધા હોવા છતાં વધુ 11 લાખની માંગણી કરતા અઠવા પોલીસ દ્વારા મહિલા સહિત બે આરોપીઓની ધરપકડ કરવામાં આવી છે.

સુરત ડીસીપી વિજયસિંહ ગુર્જરના જણાવ્યા મુજબ,અઠવા વિસ્તારમાં રહેતા જીગર ઠક્કર દ્વારા વર્ષ 2022 માં પોતાની સાસુ જ્યોતિબેન અને મામા સસરા પાસેથી 3.75 લાખની રકમ વ્યાજપેટે લીધી હતી.જે રકમની અવેજમાં જિગર ઠક્કર દ્વારા આજ દિન સુધી 9.67 લાખ રૂપિયા જેટલી રકમ ચૂકવી દીધી હતી. પરંતુ તેમ છતાં સાસુ અને મામા સસરા દ્વારા વધુ 11 લાખ રૂપિયાની માંગણી કરવામાં આવી રહી હતી. એટલું જ નહીં પરંતુ છેલ્લા ઘણા સમયથી પઠાની ઉઘરાણી કરી માનસિક ત્રાસ આપતા જિગર ઠક્કર દ્વારા અઠવા પોલીસ મથકમાં તમામ પુરાવા સાથેની ફરિયાદ કરવામાં આવી હતી.જે ફરિયાદના આધારે પોલીસે સાસુ જ્યોતિબેન અને મામા સસરા ની ધરપકડ કરી કાયદેસરની કાર્યવાહી હાથ ધરી છે..

27/06/2024

સુરતમાં બસ કંડક્ટરનો કોલર પકડી યુવકે રૂપિયાનો રોફ જમાવ્યો, કહ્યું ધારાસભ્યનો દીકરો છું જુઓ VIDEO

સુરતમાં સિટી બસમાં કંડક્ટર સાથે ઉગ્ર બોલાચાલી થતી હોવાની ઘટનાઓ અવારનવાર બનતી રહે છે. ત્યારે ગઈકાલે સુમૂલ ડેરી રોડ ઉપર સિટી બસના કંડક્ટર સાથે એક મુસાફરે ઉગ્ર બોલચાલી કરી રોફ જમાવ્યો હતો. તેણે કન્ડક્ટરનો કોલર પકડી દાદાગીરી કરી હતી. કંડક્ટરને લાખો રૂપિયાનાં નોટનાં બંડલો દેખાડી ધારાસભ્યનો છોકરો છું, થાય એ કરી લે એવું પણ કહ્યું હતું.આ વિડિઓની પુષ્ટિ સુરત ફર્સ્ટ ન્યૂઝ કરતું નથી.

સુરત રેલવે સ્ટેશન ગરનાળા પાસેથી બીઆરટીએસ બસમાં કિરણ હોસ્પિટલ જવા માટે બેઠેલા યુવકે પોતે ભાજપના ધારાસભ્યના પુત્ર તરીકે ઓળખ આપી કંડક્ટરનો કોલર પકડી લીધો હતો. સુરત રેલવે સ્ટેશન ગરનાળા પાસેથી ઊપડતી બસમાં આ ઘટના બની હોવાનું સામે આવ્યું છે. કંડક્ટર અમરોલી જવા માટે પેસેન્જરને દરવાજા પાસે ઊભો રહીને બોલાવતો હતો એ દરમિયાન આ યુવક પણ બસમાં ચડ્યો હતો. બસમાં ચડ્યા બાદ તેણે કંડક્ટર સાથે દરવાજા પાસે કેમ ઊભો છે કહી કોલર પકડી લીધો હતો.

કંડક્ટરે જ્યારે તેને કોલર કેમ પકડે છે એ પ્રકારની વાત કરતાં તેણે પોતાની ઓળખ ધારાસભ્યના પુત્ર હોવાની આપી હતી અને જે બેગ લઈને તે બસમાં ચડ્યો હતો એમાં લાખો રૂપિયા હોવાનું પણ જણાવ્યું હતું. યુવાને કંડક્ટરની સામે રોફ જમાવવા માટે બેગની ચેઇન ખોલી અંદરથી રૂપિયા 500ની નોટનાં બંડલો બતાવ્યાં હતાં અને કહ્યું હતું કે તું મને શું ભિખારી સમજે છે. આ સમગ્ર વીડિયો સોશિયલ મીડિયામાં વાઇરલ થયો છે.

સિટી લિંકના કોર્ડિનેટરે જણાવ્યું હતું કે રૂટ નંબર 148 સિટી બસમાં કંડક્ટરની યુવક સાથે માથાકૂટ થઈ હતી. યુવાને કોલર પકડી લેતાં 100 નંબર ડાયલ કરીને ફરિયાદ નોંધવામાં આવી હતી. યુવક સુમૂલ ડેરી પાસે જ ઊતરીને જતો રહ્યો હતો. સિટી બસની એજન્સી દ્વારા આ માહિતી આપવામાં આવી હતી. કંડક્ટર દ્વારા કોઈપણ પ્રકારનું મિસ બિહેવ્યર મુસાફર સાથે કરવામાં આવ્યું ન હતું અને તેણે કોઈપણ પ્રકારના નિયમનો ભંગ કર્યો હોય એવું જણાઇ આવ્યું નથી. યુવક કોણ છે એ અંગે કોઈ માહિતી પ્રાપ્ત થઈ નથી, જેણે પોતાને ધારાસભ્યના પુત્ર તરીકે ઓળખ આપી હતી.

યુવક વીડિયોમાં પોતાના મોબાઈલમાં ફોટો બતાવી કહે છે કે, ધારાસભ્યનો છોકરો છું પણ તે ફોટો તો કોર્પોરેટરનો નીકળ્યો છે. આથી બામરોલી ઉધના નોર્થના કોર્પોરેટર પરેશ પટેલે ખુલાસો કર્યો છે કે, બસ કંડકટર સાથે અશોભનીય વર્તન કરનાર યુવક સાથે મારે કોઈ સંબંધ નથી. હંસા ટ્રાવેલ્સ કંપનીની સિટી બસના કંડક્ટર સાથે બોલાચાલી થઈ હતી તેમાં એ મારો ફોટા બતાવીને સંબંધિત તરીકેની ઓળખ આપી રહ્યો છે. આ વાઇરલ વીડિયો મારી પાસે પણ આવ્યો હતો અને મારા દ્વારા મ્યુનિસિપલ કમિશનરને આ બાબતે કાર્યવાહી કરવા માટે પણ જાણ કરી દીધી છે.

27/06/2024

સુરતમાં આતંકીઓએ એરપોર્ટમાં ઘુસી 6 મુસાફરોને બનાવ્યા બંધક, ચેતક કમાન્ડોએ પાર પાડી મોકડ્રીલ

સુરત એરપોર્ટમાં ચાર આતંકવાદીઓએ ઘુસી ૬ મુસાફરોને બંધક બનાવ્યા હતા. પરંતુ ચેતક કમાન્ડો તેમજ CISFના જવાનોએ મક્કમ મુકાબલો કર્યો હતો.આ મોકડ્રિલમાં પોલીસ, cisf ના જવાનો તમામ અધિકારીઓ ઉપસ્થિત રહ્યા હતા.

સુરત એરપોર્ટને વહેલી સવારે ૬.૩૦ વાગે વિમાન હાઈજેક કરવાના ઈરાદે ચાર આતંકીઓ મુસાફરના વેશમાં કાર સાથે સુરત એરપોર્ટના A-2 ગેટ પર પહોંચ્યા હતા. સિક્યોરિટીએ અટકાવતા અચાનક તેમણે એ.કે. ૪૭ રાઈફલ દ્વારા CISF ના સિક્યોરિટી ગાર્ડને ઘાયલ કરી અંદર ઘુસી ગયા હતા. જેની જાણકારી સુરત એરપોર્ટ ઓથોરિટીને થતા તત્કાલ આ અંગેની વિગતો સુરત શહેર પોલીસ, જિલ્લા કલેકટર, પ્રાંત અધિકારીને કરવામાં આવી હતી. સુરત પોલીસ તથા CISF દ્વારા સમગ્ર એરપોર્ટને કોર્ડન કરવામાં આવ્યો હતો.

આતંકીઓએ કરી 200 કરોડની ડિમાન્ડ

પ્રાંત અધિકારી અને નાયબ કલેકટર વી.જે.ભંડારીએ તત્કાલ એરપોર્ટ આવીને કંટ્રોલરૂમમાંથી આંતકીઓ સાથે વાતચીત કરી હતી. જેમાં આંતકીઓએ એ.ટી.એસ. દ્વારા ધરપકડ કરાયેલા અને જેલમાં બંધ આતંકીઓને મુક્ત કરવાની, એક હેલિકોપ્ટર તેમજ ૨૦૦ કરોડની ડિમાન્ડ કરી હતી. આખરે ચેતક કમાન્ડો ગોહિલની આગેવાનીમાં કમાન્ડોએ તકનો લાભ લઈ આતંકીઓને ઝબ્બે કર્યા હતા અને તેમની પાસેથી ચાર એ.કે. ૪૭ રાઈફલ કબ્જે કરવામાં આવી હતી.

કમાન્ડોએ મજબૂતાઈથી કર્યો મુકાબલો

આતંકવાદીઓ સાથે મૂઠભેડમાં આતંકીઓએ ૧૫ રાઉન્ડ ફાયરીંગ કર્યું હતું. જેનો કમાન્ડોએ મજબૂતાઈથી મુકાબલો કર્યો હતો. સર્ચ ઓપરેશન દરમિયાન તમામ છ બંધકોને સુરક્ષિત મુક્ત કરાવવામાં સફળતા મળી હતી. કોઈ જાનહાનિ વિના ઓપરેશન સફળતાપૂર્વક પાર પાડવામાં આવ્યું હતું. મોકડ્રીલ દરમિયાન જિલ્લા વહીવટીતંત્ર, સિટી પોલીસ દ્વારા એરપોર્ટથી સિવિલ સુધી ગ્રીન કોરિડોર, એરપોર્ટની ફરતે પૂરતો પોલીસ બંદોબસ્ત, એરપોર્ટ પાસે ટ્રાફિક મેનેજમેન્ટ સરળતાથી કરીને મોકડ્રીલને સફળ બનાવી હતી.

27/06/2024

સુરત પોલીસે બે અનોખા તસ્કર ઝડપી પાડયા, મોડસ ઓપરેન્ડી જાણી તમે પણ વિચારમાં પડી જશો જુઓ CCTV

સુરતના ઉમરા અને અઠવા વિસ્તારમાં એ જગ્યા પર ચોરી કરવામાં આવી હતી. આ બાબતે ફરિયાદ નોંધાયા બાદ પોલીસ દ્વારા તપાસ કરવામાં આવતા તેઓ પણ ચોંકી ઊઠ્યા હતા. સીસીટીવીની તપાસના આધારે બે આરોપીઓને ઝડપી પાડવામાં આવ્યા હતા. બંને ચોર કચરો વીણવા જતા હોય તે રીતે પોતાની સાથે રાખતા હતા અને ત્યારબાદ ચોરીને અંજામ આપતા હતા. હાલ તો ઉમરા પોલીસે આ બંને ચોરને ઝડપી પાડ્યા છે.

મળતી માહિતી પ્રમાણે ઉમરા વિસ્તારમાં આવેલા હેન્ડલુમના શોરૂમમાંથી ચોરી થઈ હતી. આ મામલે શોરૂમના માલિકે ઉમરા પોલીસ સ્ટેશનમાં ચોરીની ફરિયાદ નોંધાવી હતી. ફરિયાદ મળતાની સાથે જ ઉમરા પોલીસ દ્વારા સીસીટીવીની તપાસ કરવામાં આવી હતી. આ સીસીટીવીમાં કચરો વીણવા આવતા હોય તે રીતે થેલો લઈને આવતા બે શખસ નજરે પડ્યા હતા. તેના પર વોચ રાખવામાં આવતા તે બંનેએ ચોરી કરી હોવાનું સામે આવ્યું હતું.

ઉમરા પોલીસે સીસીટીવીના આધારે સદ્દામ બોબડે રશીદ શેખ (ઉં.વ.25, ધંધો-મજૂરીકામ, રહે- અલતાફ તાલ-ઢોલવાળાના ઘરમાં, ભાઠેનાગામ, સુરત મૂળ રહે- ઘરન નં-1, આઝાદનગર કલીપટ્ટી, ધુલિયા મહારાષ્ટ્ર) અને ઇફ્તખાર ઉર્ફે ઇકબાલ લંબુ મોહમદ હારુન (ઉં.વ.40, ધંધો-ફ્રૂટની લારી, રહે- ઘર નં-557, બાપુનગર બોર્ડલી વિસ્તાર, મકાઇપુલ સુરત શહેર)ને ઝડપી પાડ્યા હતા. બંને આરોપી ઝડપાતા અઠવા અને ઉમરાના બે ગુનાનો ભેદ ઉકેલાય ગયો હતો. બંને આરોપી પાસેથી રૂ.3850નો મુદ્દામાલ જપ્ત કરવામાં આવ્યો હતો.

આરોપીની પૂછપરછમાં મોડસ ઓપરેન્ડી સામે આવી હતી કે, પકડાયેલ આરોપીઓ કચરો લેવા માટે જતા હોય તે રીતે પોતાની સાથે પ્લાસ્ટિકનો થેલો રાખે છે. થેલાની અંદર શટર ખોલવા માટે સાધનો મૂકી રાખે છે અને જે જગ્યા પર ચોરી કરવાની હોય તે જગ્યા પર કચરો એકત્રિત કરવા લાગે છે અને મોકો જોઈ માણસોની અવરજવર ન થતી હોય ત્યારે દુકાનનું શટર ખોલી અંદર ઘૂસી ચોરી કરીને નાસી જાય છે. થોડે દૂર જઈ અવાવરૂ જગ્યા શોધી પોતાના કપડા ચેન્જ કરી પ્લાસ્ટિક વીણવા માટેનુ કંતાન ત્યાં રાખીને ચાલતા ચાલતા ત્યાંથી નિકળી જાય છે.

27/06/2024

સુરત સિવિલમાં રોષે ભરાયેલા પતિએ જાહેરમાં બે બાળક અને પત્નીને લાફા ઝીંક્યાં જુઓ VIDEO

સુરત સિવિલ હોસ્પિટલ સતત વિભાગમાં આવતી રહે છે. ત્યારે પોસ્ટમોર્ટમ રૂમથી લઈને પોલીસ ચોકી ના રસ્તા પરત એક યુવક દ્વારા તેની પત્ની અને તેની એક નાની બાળકી ને તમાચા મારવામાં આવ્યા હતા. આ ઘટના ત્યાં રહેલા લોકોએ પોતાના કેમેરામાં કેદ કરી લીધી હતી. જ્યારે આ તમામ ઘટના સુરત સિવિલ પોલીસ ચોકીની સામે જ બની હોવા છતાં પોલીસ જોતી રહી હતી અને યુવક અને સામે કોઈ કાર્યવાહી પણ કરી ન હતી.

મળતી માહિતી પ્રમાણે ગતરોજ બપોરના સમયનો સુરત સિવિલ હોસ્પિટલનો એક વિડીયો વાયરલ થયો છે. આ વાયરલ વીડિયોમાં એક યુવક તેની પત્ની, અન્ય એક મહિલા અને બાળકો સાથે સારવાર અર્થે આવ્યો હતો. ત્યારબાદ તે કિડની હોસ્પિટલની બિલ્ડીંગમાંથી નીકળીને જુની બિલ્ડીંગ તરફ જઈ રહ્યો હતો. દરમિયાન પોસ્ટમોર્ટમ રૂમની સામે રોશે ભરાયેલા પતિએ પહેલા પત્નીને તમાચા મારી દીધા હતા. ત્યારબાદ તેણે એક નાની બાળકીને તમાચો મારતા તે રસ્તા પર પડી ગઈ હતી.

આ આખી ઘટના ત્યાં હાજર રહેલા લોકોએ કેમેરામાં કેદ કરી લીધી હતી. આ ઘટના બની ત્યારે બૂમાબૂમ પણ થઈ ગઈ હતી અને 50 મીટરના અંતરે જ પોલીસ ચોકી છે. આ યુવક માર મારતો પોલીસ ચોકી તરફ જઇ રહ્યો હતો છતાં પોલીસ જોતી રહી હતી. આ દરમિયાન બાળકી રડતી હોવાને લઈને લોકો દ્વારા યુવકને ઠપકો આપવામાં આવ્યો હતો. ત્યારબાદ આ યુવક અને તેની પત્ની સહિતની અન્ય એક મહિલા અને બાળકો સહિત ત્યાંથી રવાના થઈ ગયા હતા.

સુરત સિવિલ હોસ્પિટલમાં આવેલી પોલીસ ચોકી ના કર્મચારીઓ ની કામગીરીને લઈને સવાલો ઊભા થઈ રહ્યા છે. થોડા દિવસો પહેલા જ ત્રણ દર્દીના એમએલસી કરવાને લઈને સિવિલ હોસ્પિટલના સ્ટાફ અને પોલીસ કર્મીઓ વચ્ચે વિવાદ થયો હતો. જ્યારે ગત મહિને પણ પોસ્ટમોર્ટમ રૂમ સામે જ મારામારીની ઘટના થઈ હતી ત્યારે પણ પોલીસ ચોકીમાંથી એક પણ પોલીસ કર્મચારી આવ્યો નહોતો.

ગત મહિનામાં સિવિલ હોસ્પિટલના કેમ્પસમાં મૃતદેહ લઈ જવા બાબતે પિયર તેમજ સાસરિયાં પક્ષ વચ્ચે છુટા હાથની મારામારી થઈ હતી. જ્યાં ઝગડો થયો એના 50 મીટરના અંતરે આવેલી પોલીસ ચોકીમાંથી એક પણ પોલીસ કર્મી ફરક્યો ન હતો. જેથી હોસ્પિટલની સુરક્ષા સામે સવાલો ઉભા થયા હતા. આવી ઘટનામાં પણ પોલીસ કર્મી હાજર ન રહેતા તો પોલીસ ચોકીનો શું ફાયદો.?

24/06/2024

5 લાખની ઠગાઈ આચરનાર કાપડ દલાલ મો.એઝાઝ મેમણ, મો.ફેઝલ ચાંદીવાલા તથા એઝાઝ ઉર્ફે બાટલા મુસ્તાક ઝડપાયા

સુરતમાં વેપારીઓ પાસેથી કાજુ-બદામ મેળવીને પૈસા નહીં આપી ઠગાઈ કરનાર ત્રણ કાપડ દલાલોને 5.02 લાખના મુદ્દામાલ સાથે રાંદેર પોલીસે પકડી પાડ્યા હતા. આરોપીઓ શહેરના વેપારીઓ પાસેથી છળ-કપટથી કાજુ, બદામ, લાકડાની પ્લાઈ, કાપડના રોલ અને તેલનો મુદ્દામાલ મેળવી લેતા હતા.

રાંદેર પોલીસની ટીમ પેટ્રોલિંગમાં હતી, ત્યારે રાણીતળાવ ખાતે રહેતા મોહંમદ એઝાઝ ગુલામભાઈ મેમણ તથા મોહમદ ફેઝલ મોહમદ હબીબ ચાંદીવાલા મોપેડ નંબર (જીજે-05- એસક્યુ-6497)ની તથા એક બર્ગમેન મોપેડ (જીજે-05-એફટી-8269)ની લઈને ચોરી તથા ચિટિંગ કરીને મેળવેલી બદામની પ્લાસ્ટિકની પેટીઓ લઈ વેચાણ કરવા મશાલ સર્કલ ખાતે આવી રહ્યા હોવાની બાતમીના આધારે પોલીસે વોચ ગોઠવી હતી. જેના આધારે પોલીસે ત્રણ આરોપી- કાપડ દલાલ મોહંમદ એઝાઝ ગુલામ મોહંમદ મેમણ (ઉં.વ.31), મોહંમદ ફેઝલ મોહંમદ હબીબ ચાંદીવાલા (ઉં.વ.32) અને એઝાઝ ઉર્ફે બાટલા મુસ્તાક ડાયર (ઉં.વ.35)ની ધરપકડ કરી હતી.

આરોપીઓ પાસેથી 43 હજારના કાજુ-બદામના 4 ડબ્બા અને એક ગુણ, 21 હજારની તલની 30 કિલોની 5 ગુણ, 1.08 લાખની લાયક્રા કાપડના 19 રોલ, 24 હજારના કોરા કોટનની ફુલની ડિઝાઈનવાળા કાપડના 7 બંડલ, પ્લાસ્ટીકના પાઉચ, અલગ-અલગ કલરના દુપટ્ટા, બે મોપેડ, મોબાઈલ મળીને કુલ 5.02 લાખનો મુદ્દામાલ કબજે લીધો હતો. આ લોકો ડ્રાયફૂટના વેપારીઓને પેમેન્ટ નહીં આપી ઠગાઈ કરતાં હતા.

એસીપી બી.એમ.ચૌધરીએ જણાવ્યું હતું કે, આ કામના આરોપીઓ સુરત શહેર વિસ્તારના અલગ-અલગ કાપડ, લાકડાની પ્લાય, તલ તથા કાજુ બદામની ચીજ વસ્તુઓના વેપારીઓની દુકાને જઇ માલ ખરીદવા ઓર્ડર આપી તેઓ જણાવેલ જગ્યાએ ઓર્ડર મેળવી લઈ પેમેંટ માટે વેપારીઓને બીજી જગ્યાએ બોલાવી ત્યાંથી પેમેંટ આપ્યા વગર નાશી જવાની એમ. ઓ. ધરાવે છે. હાલ મુદ્દામાલ અંગે ફરિયાદીની તપાસ ચાલુ છે.

24/06/2024

સુરતમાં કરોડોનો ખેલ કરી જનાર સુમિત ગોએન્કા દિલ્હીથી ઝડપાયો

સુરતમાં ડાયરીના આધારે વેસુ સોલેરીયમ બિઝનેસ સેન્ટરની 15 દુકાન એકથી વધુને વેચનાર સુમિત ગોએન્કા સહિત 7 સામે એક વર્ષ અગાઉ ગુનો નોંધાયો હતો. સુમિત ગોએન્કા સહિત 7 લોકોએ દુકાનો માટે 2.19 કરોડ લઈ દસ્તાવેજ કરી આપ્યો નહોતો. આ કેસમાં ઝોન 4ના DCP વિજયસિંહ ગુર્જરની ટીમે સુમિત ગોએન્કાને દિલ્હીથી ઝડપી પાડીને કાયદેસરની કાર્યવાહી હાથ ધરી છે.

સિટીલાઈટ સૂર્યા પેલેસ ખાતે રહેતા 28 વર્ષીય એસ્ટેટ બ્રોકર અભિષેક વિનોદકુમાર ગૌસ્વામીએ વર્ષ પહેલાં એક વીડિયો વાયરલ કર્યો હતો. જેમાં તેણે એવું કહ્યું હતું કે, ઘણા લોકોના કરોડો રૂપિયા ગજવે ઘાલીને ફરાર થયેલા સુમિત ગોએન્કા, શ્રેષ્ઠા ગ્રુપ ડેવલોપર્સના ભાગીદાર ભાવીન દુર્લભભાઇ પટેલ, પ્રદીપ તમાકુવાલા, વસંત પટેલ, તુષાર આર.શાહ રાજુસિંગ અને ઓમકારસિંગ વિરુદ્ધ માહિતીનો વીડિયોમાં વાયરલ કરી હતી. એક વર્ષ અગાઉ વેસુ પોલીસ મથકમાં 2.19 કરોડની ઠગાઈની ફરિયાદ નોંધાવતા અભિષેક ગોસ્વામીએ જણાવ્યું હતું કે, તમામે તેમણે અને તેમની પેઢી ઠાકોરજી બિલ્ડરને વેસુ સોલેરીયમ બિઝનેસ સેન્ટરમાં 15 દુકાન વેચવાનું કહી પૈસા લીધા બાદ ડાયરી બનાવી આપી હતી.

આ અંગે DCP વિજયસિંહ ગુર્જરે જણાવ્યું હતું કે, આરોપી ખાખરાનો વેપારી છે. 15 દુકાન વેચી પૈસા લીધા બાદ ડાયરી બનાવી આપી પરંતુ દસ્તાવેજ કરી આપ્યો નહોતો. જેમાંથી એક ફરિયાદીએ શંકા જતા તેમણે તપાસ કરી તો જાણવા મળ્યું હતું કે, તેમણે ડાયરીના આધારે 15 દુકાને એકથી વધુને વેચી છે. અને તેને સૂત્રધાર સુમિત ગોએન્કા છે. અગાઉ ડાયરીના આધારે થયેલા સોદામાં પોલીસે જ્યારે ગુડુ પોદાર અને ટોળકી વિરુદ્ધ કાર્યવાહી કરી હતી. ગોએન્કાને દિલ્હીથી ઝડપી લીધો છે.

આ કેસમાં છેલ્લા ઘણા સમયથી સુમિત ગોએન્કા પોલીસને હાથતાળી આપી રહ્યો હતો. જોકે ઝોન 4ના DCP વિજયસિંહ ગુર્જરે સુમિતને પકડવા માટે એક ટીમ બનાવી હતી. જેમાં પોલીસે સુમિત દિલ્હીમાં હોવાનું શોધી કાઢતા પોલીસે સુમિત ગોએન્કાને દિલ્હીથી ઝડપી લીધો હતો અને તેને લઈને સુરત પહોંચી હતી. DCP વિજયસિંહ ગુર્જર અગાઉ દિલ્હી પોલીસમાં ફરજ બજાવતા હતા. જે સમયના પોલીસ સાથેના સંપર્કને કારણે સુમિતને પકડી લેવામાં પોલીસને સફળતા મળી છે.

SURAT FIRST News

01/08/2025

01/08/2025

26/08/2024

03/07/2024

03/07/2024

03/07/2024

27/06/2024

27/06/2024

27/06/2024

27/06/2024

24/06/2024

24/06/2024

Address

Website

Alerts

Contact The Business

Shortcuts

Share

Category