સુરત મારું ખુબસૂરત surat maru khubsoorat

09/10/2025

09/10/2025

09/10/2025

> _World Post Day: વિશ્વ ટપાલ દિવસ,_
તમે છેલ્લે ક્યારે પત્ર લખ્યો હતો ?
એક સમયમાં જ્યારે કબુતરની ચાચમાં કે પક્ષીઓ થકી એક પ્રેદશથી બીજા પ્રદેશમાં કાગળ મોકલવામાં આવતો, ત્યાર પછી પોસ્ટલ વિભાગ અને ત્યાર પછી કુરીયર વિભાગની શરુઆત, હવે તો આજના સમયમાં આપણે ઈમેલ અને વહોટ્સએપનો ઉપયોગ કરીને તમામ લેખ, વાત, સંદેશ બીજાને મોકલતા થયા છે, પરંતુ તમે ટપાલ યુગની કલ્પના કરી છે , કે જ્યારે કોઈ ઈન્ટરનેટ જેવી સુવિધા જ નહોતી ત્યારે સમગ્ર વિશ્વમાં ટપાલ થકી પોતાની વાતો ,લાગણીઓ કે કાર્યોના વાતની આપલે કરવામાં આવતી હતી, ટપાલ શબ્દ સાંભળતા જ આજની પેઢીને તો નવાઈ લાગે, ત્યારે આજે 9 ઓક્ટોબર એટલે કે વિશ્વ ટપાલ દિવસ તરીકે ઉજવવામાં આવે છે. સંદેશાની આપલેનું મૂળ તો ટપાલ કહેવાય.
“કેટલી રાહ જોવી પડતી હશે એ ટપાલના યુગમાં ! આજે એક મેસેજનો રિપ્લાય તરત ન આવતા દરેક સંબધો ન વિચારવાનું વિચારવા લાગી જાય છે.”
ટપાલી સાઇકલ લઇને ગામમાં ઘરે-ઘરે વિતરણ કરતા. તેની સાયકલની ઘંટડી વાગે એટલે લોકો તરત દરવાજે દોડી જતા. સૌને ત્યારે ઉત્સુકતા રહેતી કે અમારે ત્યાં કોઇની ટપાલ આવી કે કેમ ? ટપાલી પણ જો કોઇ તાર અંગ્રેજીમાં આવે તો પોસ્ટ માસ્તરને તેનો સાર અગાઉથી પૂછી લેતા. જેથી સારા ખબર હોય તો તે પરિવારના ઘરે મોં મીઠું કરતાં જ્યારે અશુભ સમાચાર હોય તો જે તે પરિવારને દિલાસો આપતા.
ઋતુ ગમે તે હોય પણ પોસ્ટ મેન એમનું કામ અચૂક કરે છે.
પોતાના મજબૂત નેટવર્ક અને 'સેવા તેજ વિશ્વાસ'ના સૂત્ર સાથે કાર્યરત હતું. આપણા ભારત દેશનું ભારતીય પોસ્ટ વિભાગ અને દરેક પોસ્ટ વિભાગના કર્મચારીઓને વિશ્વ ટપાલ દિવસની ખુબ ખુબ શુભેચ્છાઓ.

07/10/2025

#ઐસા_ભી_હોતા_હૈ !
રખડતાં કૂતરાંઓના ત્રાસ અંગે શેરી નાટક ભજવાતું હતું. એ વેળા જ રખડતાં કૂતરાએ કલાકાર પર હુમલો કર્યો !

07/10/2025

06/10/2025

"દૂધ કરતા કૂળમાં તાકાત છુપાયેલી છે."
એકવાર સિંહણ અને સિંહ ને વાદ થયો. સિંહણ કહે કે: 'આપણા બાળ હાથીના કુંભસ્થળ તોડી નાખે તે મારા દુધનો પ્રતાપ છે. '
સિંહ કહે : ગાંડી થામાં એ તો ખાનદાની ને જાતિનો પ્રતાપ છે.
એમાં એક વખત એક શિયાળનું બચ્ચુ હાથ આવ્યું. સિંહ કહે : જો તારા દૂધનો પ્રતાપ હોય તો આ બચ્ચાને ધવરાવીને મોટું કર.
સિંહણ તો દિવસરાત શિયાળના બચ્ચાને ધવરાવવા લાગી, પોતાનું બચ્ચુ ભૂખ્યું રહે પણ શિયાળના બચ્ચાને વધારે ધવડાવે.
એક વરસ થયું ત્યાં તો શિયાળિયો ફાટયો, આકાશ ખાઉં કે પાતાળ ખાઉં ! જેને જુએ તેની સામે વટ જ કરે, સિંહ તો બેઠો બેઠો બધું જોયા કરે અને સિંહણની છાતી ગજગજ ફુલે.
સિંહના બચ્ચાને દુધની તાણ પડી તે શરીર ઉપર પુરા રૂંવાડાયે નથી આવ્યા જાણે ખહુરિયા જેવું લાગે.
એક દિવસ મોકો જોઈને સિંહ કહે: "આજે આ હાથીના ટોળામાં છેલ્લે મોટો હાથી છે તેનો શિકાર કરવો છે, તો તારા શિયાળીયાને કહે કે હાથીને પાડે"
સિંહણે શિયાળીયાને બીરદાવ્યો: જો જે હો, મારુ દુધ ન લાજે, માર્ય પેલા હાથીડાને !
શિયાળીયો તો ભાથામાંથી તીર છૂટે એમ છૂટયો, હાથીને ફરતે સાત આંટા માર્યા વિચાર કર્યો કે બટકું કયાં ભરવું ? છેવટે હાથીની પૂંછડીએ ચોંટયો, હાથીએ સૂંઢ ફેરવીને શિયાળીયાને કેડમાંથી પકડયોને આકાશમાં ફગાવ્યો કે આવ્યો ઘરરરર કરતો હેઠો, નીચે પડયો ત્યારે જમીન હારે એવો ચોંટી ગયો કે તાવીથેથી ઉખેડવો પડયો.
સિંહે પોતાના બચ્ચાને હાકલ કરી, લથડીયા લેતો સિંહબાળ ઉઠયો, પૂંછડી ઝટકી જયાં ડણક દીધી ત્યાં તો હાથીના ઢોલ જેવડા પોદળા પડવા માંડયા, એ તો કુદયો પીઠ માથે પાછલા પગની ભીંસ દીધી જોતજોતામાં ડોકે બાઝી ગયો. પાંચ મીનિટમાં ખેલ ખલાસ. મોટો ડુંગરો પડે તેમ હાથી ફસડાઈ પડયો. સિંહણ ઝંખવાઈ ગઈને સિંહ પોરહાણો અને સિંહણને કીધું કે: "દૂધ કરતા કૂળમાં તાકાત છુપાયેલી છે."

06/10/2025

> _શરદ પૂર્ણિમા_
વિક્રમ સંવત નાં આસો સુદ પૂનમને શરદ પૂર્ણિમા અથવા શરદ પૂનમ તરીકે ઓળખવામાં આવે છે. આ દિવસે ચંદ્ર પુર્ણકળાએ ખીલેલ હોય છે. જે એક માણવાલાયક ક્ષણ હોય છે. આ દિવસે અનેક જગ્યાઓએ શરદોત્સવ મનાવવામાં આવે છે. જેમાં ચોખાના પૌવા, સાકરને દૂધ સાથે આરોગવાનો રીવાજ છે. તેમ જ ચંદ્રના અજવાળામાં મોડી રાત સુધી રાસ લેવામાં આવે છે.
શરદ પૂનમની રાત ઔષધીય ગુણોવાળી રાત કહેવામાં આવે છે. આ દિવસે લેવામાં આવેલ ઔષધિ ખૂબ લાભ પહોંચાડે છે. જે રીતે સૂર્યની કિરણો આપણા સ્વાસ્થ્ય માટે લાભદાય હોય છે. ઠીક એ જ રીતે શરદ પૂર્ણિમા પર ચંદ્રની કિરણો આપણા માટે શુભ હોય છે. તેથી રાત્રે થોડીવાર ચાંદની ચાંદનીમાં બેસો. આવુ કરવાથી મનને શાંતિ મળે છે.
ઋતુ જન્ય રોગો ભાદરવામાં થાય છે. અગાઉના મહિનામાં શરીરમાં પિત્ત સંગ્રહ ભેજવાળી હવાથી થયેલ હોય છે. પિત્તના કાર્યથી શરીરને અસર થાય છે. આમરસ શરીરમાં હોય છે તે પાચનમાં ગરબડ કરે છે. ગેસની- મરડાની તકલીફ થાય છે. દુધ-પૌંઆ એ પિત્તશામક આહાર છે. દૂધ પિત્ત શામક પિણું છે. પિત્તનાશક દુધ અમૃત સમાન છે. ગાયનું દુધ ઉત્તમ ગણાય છે. દુધ પૌંઆ ધાબા ઉપર રાખવાથી ચાંદનીની સૌમ્યતા જ્યોત્સના ભળે છે. આ પૂનમની ચાંદની આરોગ્ય વર્ધક છે. શીતળ છે. માન્યતા મુજબ ધાબા ઉપર રાખેલા આ દુધ પૌંઆ દમના દર્દીઓ માટે એક ઔષધિ જેવું પુરવાર થાય છે. શરદ કાલીન રોગોને તે દુર કરે છે. શરદ પૂનમ ચોમાસા અને શિયાળાનું અનુસંધાન આપતી ઋતુ છે.

કહેવાય છે કે આજે આપના વ્હાલા શ્રી કૃષ્ણ ભગવાન રાસ રમવા આવે છે !!...તો આવો શરદ પુનમ ની રઢીયાળી રાત ને વધાવી દઈએ રાસ ના રમઝટ સાથે.

06/10/2025

આજે જૂની પુસ્તકોની સફાઈ કરતો તો,એમા એક નોટબુક હાથમાં આવી ગઈ જેના છેલ્લા પાના પર એક લીટી વાચીને મારુ હસવાનું જ બંધ નથી થતુ.😅😅😅