22/05/2026
🏦 SBI ગ્રાહકો માટે મહત્વપૂર્ણ સમાચાર!
આવતીકાલથી SBI બેંકની શાખાઓ સતત 6 દિવસ સુધી બંધ રહી શકે છે, તેથી જો તમારું કોઈ જરૂરી કામ બાકી હોય તો આજે જ પૂર્ણ કરી લો.
23 મે થી 28 મે દરમિયાન વીકએન્ડ, સ્ટાફ હડતાળ અને બકરી ઈદની રજાઓને કારણે બેંકિંગ સેવાઓ પ્રભાવિત થવાની શક્યતા છે. આ દરમિયાન ચેક ક્લિયરિંગ, કેશ ટ્રાન્ઝેક્શન, પાસબુક અપડેટ અને શાખા સંબંધિત અનેક કામો અટકી શકે છે.
માહિતી મુજબ, 23 અને 24 મેના રોજ ચોથો શનિવાર અને રવિવારની રજા રહેશે. ત્યારબાદ 25 અને 26 મેના રોજ SBI સ્ટાફ દ્વારા દેશવ્યાપી હડતાળનું એલાન કરવામાં આવ્યું છે. પછી 27 અને 28 મેના રોજ બકરી ઈદની રજાઓ આવતી હોવાથી શાખાઓમાં કામકાજ પર અસર પડી શકે છે.
SBI સ્ટાફ ફેડરેશન દ્વારા નવી ભરતી, સ્ટાફની અછત, મેડિકલ સુવિધાઓ અને આઉટસોર્સિંગ સહિત 16 માંગણીઓ સાથે આ હડતાળની જાહેરાત કરવામાં આવી છે.
