26/05/2026
പ്ലസ് ടു പരീക്ഷയിൽ തിളക്കമാർന്ന വിജയം; 1200-ൽ 1200 മാർക്കും നേടി ആര്യനന്ദ എസ്. ആലക്കോടിന്റെ അഭിമാനമായി 🔥👏🏼
പ്ലസ് ടു സയൻസ് ഗ്രൂപ്പിൽ മുഴുവൻ മാർക്കും (1200/1200) കരസ്ഥമാക്കി നാടിനും സ്കൂളിനും ഒരേപോലെ അഭിമാനമായി മാറിയിരിക്കുകയാണ് ആര്യനന്ദ.എസ്. ആലക്കോട് എൻ.എസ്.എസ് (NSS) ഹയർ സെക്കൻഡറി സ്കൂളിലെ വിദ്യാർത്ഥിനിയായ ആര്യനന്ദ, കഠിനാധ്വാനത്തിലൂടെയാണ് സമാനതകളില്ലാത്ത ഈ മികച്ച വിജയം സ്വന്തമാക്കിയത്.
ആര്യനന്ദയുടെ ഈ അപൂർവ്വ നേട്ടത്തിൽ നാട്ടുകാരുടെ ഭാഗത്തുനിന്ന് വലിയ രീതിയിലുള്ള അഭിനന്ദന പ്രവാഹമാണ് ലഭിച്ചുകൊണ്ടിരിക്കുന്നത്.
ആലക്കോട് പഞ്ചായത്ത് സീനിയർ ക്ലർക്ക് സുരേഷ് കുമാർ കെ.ജിയുടെയും, തളിപ്പറമ്പ് നഗരസഭ പബ്ലിക് ഹെൽത്ത് ഇൻസ്പെക്ടർ ദിവ്യ കെ.ജിയുടെയും മകളാണ് ആര്യനന്ദ. വിമൽ ജ്യോതി എൻജിനീയറിങ് കോളേജ് വിദ്യാർത്ഥിയായ അക്ഷയ് എസ് സഹോദരനാണ്.
തുടർപഠനത്തിലും ജീവിതത്തിലും ആര്യനന്ദയ്ക്ക് ഇനിയും ഒരുപാട് ഉയരങ്ങൾ കീഴടക്കാൻ സാധിക്കട്ടെ എന്ന് ആശംസിക്കുന്നു.
ആര്യനന്ദയ്ക്ക് മലയോരം ന്യൂസിന്റെ ഹൃദയം നിറഞ്ഞ അഭിനന്ദനങ്ങൾ ✨❤️
