https://www.facebook.com/690523154344249/

IndoBahrain Media, Thalassery (2026)

26/08/2026

അൽ ഫുർഖാൻ ത്രൈമാസ ക്യാമ്പയിൻ പ്രഖ്യാപന സമ്മേളനം ഓഗസ്റ്റ് 28-ന് സൽമാനിയയിൽ

മനാമ: "മുഹമ്മദ് നബി (സ) മാനവ മൂല്യങ്ങളുടെ നേർ സാക്ഷ്യം" എന്ന ശീർഷകത്തിൽ അൽഫുർഖാൻ സെൻ്റർ സംഘടിപ്പിക്കുന്ന ത്രൈമാസ ക്യാമ്പയിനിൻ്റെ പ്രഖ്യാപന സമ്മേളനം ഓഗസ്റ്റ് 28 വെള്ളിയാഴ്ച രാത്രി 8 മണിക്ക് സൽമാനിയ കെ സിറ്റി ഹാളിൽ വെച്ച് നടക്കും.

ഡോ: ഇസ ജാസിം അൽ മുത്വവ്വ (ബഹ്റൈൻ മുൻ പാർലമെൻറ് അംഗം) ഉദ്ഘാടനം നിർവഹിക്കുന്ന ചടങ്ങിൽ ഡോ: അബ്ദുല്ല അബ്ദുൽ ഹമീദ് അൽ സഅ്ദി (ചെയർമാൻ അൽഫുർഖാൻ സെൻ്റർ) കാമ്പയിൻ പരിപാടികളുടെ പ്രഖ്യാപനം നടത്തും തുടർന്ന് പ്രമുഖ വാഗ്മിയും എഴുത്തുകാരനുമായ എംഎം അക്ബർ മുഖ്യപ്രഭാഷവും സലാഹുദ്ദീൻ അയ്യൂബി ചുഴലി സമാപന പ്രഭാഷണവും നിർവഹിക്കും

പ്രവാചകൻ്റെ സ്‌നേഹത്തിൻ്റെയും കാരുണ്യത്തിൻ്റെയും മാനവികതയുടെയും സന്ദേശം ജനങ്ങളിലേക്ക് എത്തിക്കാനും, പ്രവാചക ജീവിതത്തെക്കുറിച്ചുള്ള തെറ്റിദ്ധാരണകൾ അകറ്റി പരസ്പര സ്നേഹവും സൗഹാർദ്ദവും വളർത്താനുമാണ് ക്യാമ്പയിൻ ലക്ഷ്യമിടുന്നത് എന്ന് സംഘാടകർ അറിയിച്ചു.

ഓഗസ്റ്റ് 28-ന് ആരംഭിക്കുന്ന ക്യാമ്പയിൻ നവംബർ 27-ന് സമാപിക്കും. മൂന്ന് മാസം നീണ്ടുനിൽക്കുന്ന ഈ പരിപാടിയുടെ ഭാഗമായി കുടുംബ സംഗമങ്ങൾ, പാനൽ ചർച്ചകൾ, മദ്രസ്സാ വിദ്യാർത്ഥികളുടെയും ടീനേജ് കുട്ടികളുടെയും വിജ്ഞാന വിനോദ പരിപാടികൾ, സ്‌നേഹ സംഗമങ്ങൾ, വനിതാ സംഗമങ്ങൾ, ക്വിസ് മത്സരങ്ങൾ, ലഹരി മാഫിയക്കെതിരെയുള്ള (തൂഫാൻ) ബോധവൽക്കരണം, സോഷ്യൽ മീഡിയ പ്രചാരണം എന്നിവ സംഘടിപ്പിക്കും.

കൂടുതൽ വിവരങ്ങൾക്കും വാഹന സൗകര്യത്തിനും 38092855, 33102646 എന്നീ നമ്പറുകളിൽ ബന്ധപ്പെടണമെന്ന് സംഘാടകർ അറിയിച്ചു.

24/08/2026

ബഹ്‌റൈൻ കേരളീയ സമാജത്തിന്റെ ശ്രാവണം 2026 ഓണാഘോഷങ്ങളുടെ ഭാഗമായി, തുടർച്ചയായ അഞ്ച് ദിവസങ്ങളിലായി വിവിധ കലാ-കായിക പരിപാടികൾ സംഘടിപ്പിക്കുന്നു.

ഓഗസ്റ്റ് 25, ചൊവ്വാഴ്ച | വൈകിട്ട് 7 മണി
🎶 SPB & S. Janaki Tribute — ഗാനസന്ധ്യ

ഓഗസ്റ്റ് 26, ബുധനാഴ്ച | വൈകിട്ട് 7 മണി
🌸 തിരുവോണാഘോഷം — ഓണക്കളികൾ, ഡാൻസ്, പാട്ടുകൾ, വിവിധ കലാപരിപാടികൾ

ഓഗസ്റ്റ് 27, വ്യാഴാഴ്ച | വൈകിട്ട് 7 മണി
🎵 BKS സാഹിത്യവേദിയുടെ ആഭിമുഖ്യത്തിൽ ടീം സിത്താർ അവതരിപ്പിക്കുന്ന ഗാനമേള, മിമിക്സ് പരേഡ് എന്നിവ ഉൾപ്പെടുന്ന സിത്താർ നൈറ്റ്

ഓഗസ്റ്റ് 28, വെള്ളിയാഴ്ച | രാവിലെ 10 മണി മുതൽ
🏆 ബഹ്‌റൈനിലെ പ്രമുഖ ടീമുകൾ പങ്കെടുക്കുന്ന കബഡി മത്സരം

ഓഗസ്റ്റ് 29, ശനിയാഴ്ച | വൈകിട്ട്
🏆 പഞ്ചഗുസ്തി മത്സരം

തുടർച്ചയായി അഞ്ച് ദിവസങ്ങളിലായി നടക്കുന്ന ശ്രാവണം 2026-ന്റെ ഈ ഓണാഘോഷ പരിപാടികളിലേക്ക് ഏവരെയും ഹൃദയപൂർവ്വം സ്വാഗതം ചെയ്യുന്നു.

17/08/2026

🦋 ബഹ്‌റൈൻ പ്രതിഭയുടെ ‘വേനൽതുമ്പികൾ’ സമ്മർ ക്യാമ്പിന് സമാപനം

മനാമ: പുതുതലമുറയെ കൂടുതൽ മികച്ച രീതിയിൽ വളർത്തിയെടുക്കുന്നതിനുള്ള ബദൽ വിദ്യാഭ്യാസ പ്രവർത്തനങ്ങളുടെ ഭാഗമായി ബഹ്‌റൈൻ പ്രതിഭ ബാലവേദി സംഘടിപ്പിച്ച ‘വേനൽതുമ്പികൾ’ സമ്മർ ക്യാമ്പിന് സമാപനമായി.

വിനോദത്തിന്റെയും വിജ്ഞാനത്തിന്റെയും ചിറകിലേറി പറന്ന വേനൽതുമ്പികളുടെ ഗ്രാൻഡ് ഫിനാലെയും ഇന്ത്യയുടെ 80-ാം സ്വാതന്ത്ര്യദിനാഘോഷവും പ്രമുഖ മാധ്യമപ്രവർത്തകൻ പ്രദീപ് പുറവങ്കര ഉദ്ഘാടനം ചെയ്തു.

ക്യാമ്പ് ഡയറക്ടറും ബാലസംഘം സംസ്ഥാന പരിശീലകനുമായ പി. ടി. രാഹേഷ്, പ്രതിഭ മുഖ്യരക്ഷാധികാരി ബിനു മണ്ണിൽ, വനിതാവേദി ട്രഷറർ ഹർഷ ബബീഷ്, ബാലവേദി സെക്രട്ടറി അമൃത ജയബുഷ് എന്നിവർ സംസാരിച്ചു.

ജനറൽ സെക്രട്ടറി സുലേഷ് വി. കെ. സ്വാഗതവും പ്രസിഡന്റ് മഹേഷ് കെ. വി. അധ്യക്ഷതയും വഹിച്ചു. ക്യാമ്പ് സംഘാടകസമിതി കൺവീനറും കേന്ദ്ര കമ്മിറ്റി അംഗവുമായ ജോഷി ഗുരുവായൂർ നന്ദി രേഖപ്പെടുത്തി.

🎭 സംഗീതവും നാടകവും നൃത്തവും സന്ദേശങ്ങളും നിറഞ്ഞ ഗ്രാൻഡ് ഫിനാലെ

പുതുമ നിറഞ്ഞൊരു ലോകം സ്വപ്നം കണ്ടുകൊണ്ടുള്ള സംഘഗാനത്തോടെയാണ് വേനൽതുമ്പികളുടെ അവതരണം ആരംഭിച്ചത്. കുട്ടികളുടെ ബാല്യം കവർന്നെടുക്കുന്ന പ്രവണതകൾക്കെതിരെ ശബ്ദമുയർത്തി “ഞങ്ങൾക്ക് വേണ്ടത് വിദ്യാഭ്യാസമാണ്, ഞങ്ങൾ പഠിക്കട്ടെ, ഞങ്ങൾ വളരട്ടെ” എന്ന സന്ദേശവുമായി സംഗീതശിൽപവും അരങ്ങേറി.

സമാധാനവും സ്വാതന്ത്ര്യവും തകർക്കുന്ന ശക്തികൾക്കെതിരെ ഒത്തൊരുമിച്ച് നിൽക്കാനുള്ള സന്ദേശം പകർന്ന ‘ബത്തൂട്ടിയാ സച്ചാട്ടാ’ എന്ന നാടകം ചിരിപ്പിക്കുകയും ചിന്തിപ്പിക്കുകയും ചെയ്തു.

വിക്ടർ ഹ്യൂഗോയുടെ ലോകപ്രശസ്ത കൃതി ‘പാവങ്ങൾ’ മലയാളത്തിലേക്ക് വിവർത്തനം ചെയ്ത് നൂറുവർഷം പൂർത്തിയാകുന്ന പശ്ചാത്തലത്തിൽ, പട്ടിണിയും മർദ്ദനങ്ങളും ഇല്ലാത്ത സമത്വസുന്ദരമായ നവലോകത്തിന്റെ സന്ദേശവുമായി കുട്ടികൾ ‘പാവങ്ങൾ’ എന്ന നാടകം അവതരിപ്പിച്ചു.

പരസ്പര സ്നേഹത്തിന്റെയും സഹോദര്യത്തിന്റെയും ഐക്യത്തിന്റെയും സന്ദേശം പകർന്ന ‘തല്ലുകളി’ എന്ന നാടകവും ശ്രദ്ധേയമായി.

മുതിർന്ന വേനൽതുമ്പികൾ അവതരിപ്പിച്ച നൃത്താവിഷ്കാരം ഇരുണ്ട കാലത്തെ നിരവധി പോരാട്ടങ്ങളിലൂടെ മറികടന്ന ചരിത്രവും കേരളമെന്ന പ്രതീക്ഷയെ കാത്തുസൂക്ഷിക്കേണ്ട ഉത്തരവാദിത്വവും ഓർമ്മപ്പെടുത്തി.

🇮🇳 ഇന്ത്യയുടെ സ്വാതന്ത്ര്യത്തിന് 80 വയസ്സ് തികയുന്ന വേളയിൽ “We, the People of India” എന്ന സന്ദേശം ഉയർത്തിപ്പിടിച്ചാണ് വേനൽതുമ്പികളുടെ കലാവതരണം സമാപിച്ചത്.

📚 ഒരു മാസത്തിലധികം നീണ്ട ക്യാമ്പ്

വേനലവധിക്കാലത്ത് കുട്ടികൾക്ക് അനൗപചാരിക വിദ്യാഭ്യാസത്തിലൂടെ അറിവ് വർധിപ്പിക്കാനും വിനോദത്തിനും വിജ്ഞാനത്തിനും അവസരം ഒരുക്കാനുമാണ് ബഹ്‌റൈൻ പ്രതിഭ ബാലവേദി ക്യാമ്പ് സംഘടിപ്പിച്ചത്.

ക്യാമ്പിലൂടെ കുട്ടികളിൽ ശാസ്ത്രബോധം, ചരിത്രബോധം, മതനിരപേക്ഷ ബോധം എന്നിവ വളർത്തുന്നതിനും അവരുടെ സർഗാത്മക കഴിവുകൾക്ക് പിന്തുണയും പ്രോത്സാഹനവും നൽകുന്നതിനും സംഘാടകർ ശ്രമിച്ചു.

പ്രവാസി മലയാളി കുട്ടികൾക്കിടയിൽ പരസ്പര സ്നേഹത്തിന്റെയും സാമൂഹിക പ്രതിബദ്ധതയുടെയും പാഠങ്ങൾ പകർന്നു നൽകാൻ കഴിഞ്ഞതാണ് ക്യാമ്പിന്റെ വിജയമെന്ന് സംഘാടകർ പറഞ്ഞു.

🦋 “കാലത്തിന്റെ കണ്ണീര് മായ്ക്കാൻ ഞങ്ങളിതാ വരുന്നു” എന്ന പ്രഖ്യാപനവുമായി വേനൽതുമ്പികൾ ഈ വർഷത്തെ ക്യാമ്പിന് തിരശ്ശീല വീഴ്ത്തി.

17/08/2026

ബഹ്‌റൈൻ കേരളീയ സമാജം പ്രസംഗമത്സരം: മുജീബ് റഹ്മാൻ ജേതാവ് , റിച്ചുവിന് പ്രത്യേക പുരസ്കാരം

മനാമ : ബഹ്‌റൈൻ കേരളീയ സമാജം പ്രസംഗവേദിയുടെ ഭാഗമായ ദി കോൺഫിഡൻസ് കഫേയുടെ ആഭിമുഖ്യത്തിൽ, ഭാരതത്തിന്റെ 80-ാം സ്വാതന്ത്ര്യദിനാഘോഷങ്ങളുടെ ഭാഗമായി "രാജ്യസ്നേഹം: വാക്കുകളിലോ, പ്രവൃത്തിയിലോ?" എന്ന വിഷയത്തിൽ പ്രസംഗ മത്സരം സംഘടിപ്പിച്ചു. ഇരുപതിലേറെ പേർ മാറ്റുരച്ച മത്സരത്തിൽ വിഷയത്തിലൂന്നിയ മികച്ച പ്രസംഗങ്ങളാണ് അരങ്ങേറിയത്.

സമാജത്തിന്റെ ചരിത്രത്തിലാദ്യമായി ഭിന്നശേഷിക്കാരിയായ ഒരു പെൺകുട്ടി പ്രസംഗമത്സരത്തിൽ പങ്കെടുത്ത് വേദിയിൽ തിളങ്ങിയത് വേറിട്ട അനുഭവമായി. പ്രഗത്ഭരായ മറ്റ് മത്സരാർത്ഥികളോടൊപ്പം തികഞ്ഞ ആത്മവിശ്വാസത്തോടെ പ്രകടനം കാഴ്ചവെച്ച ചെസ്റ്റ് നമ്പർ 5 റിച്ചു പൊന്നു റോയി, കാണികളുടെയും വിധികർത്താക്കളുടെയും പ്രശംസ പിടിച്ചുപറ്റി. റിച്ചുവിന് പ്രചോദനമെന്ന നിലയിൽ പ്രത്യേക ജൂറി പുരസ്കാരവും സമ്മാനിച്ചു.

പ്രദീപ് പുറവങ്കര , സജി മാർക്കോസ്, ബോണി എന്നിവരായിരുന്നു പ്രസംഗ മത്സരത്തിലെ വിധിനിർണ്ണയ സമിതി അംഗങ്ങൾ.
തുടർന്ന് നടന്ന സാംസ്കാരിക സമ്മേളനത്തിൽ സമാജം ആക്ടിങ് പ്രസിഡന്റ് രവികുമാർ അധ്യക്ഷത വഹിച്ചു. സാഹിത്യ വിഭാഗം സെക്രട്ടറി വിനയചന്ദ്രൻ നായർ സ്വാഗതം പറഞ്ഞു. കവിയും എഴുത്തുകാരനുമായ മനോജ് കളരിക്കൽ മുഖ്യാതിഥിയായി പങ്കെടുത്ത് സ്വാതന്ത്ര്യദിന സന്ദേശം നൽകി. അദ്ദേഹത്തിന് സമാജത്തിന്റെ ഉപഹാരം നൽകി ആദരിച്ചു. മത്സരത്തിൽ പങ്കെടുത്ത എല്ലാവർക്കും സർട്ടിഫിക്കറ്റുകളും സമ്മാനങ്ങളും വിതരണം ചെയ്തു.

കുട്ടികളും മുതിർന്നവരും അവതരിപ്പിച്ച ദേശഭക്തിഗാനങ്ങൾ, ദേശഭക്തി നൃത്തങ്ങൾ, സമാജം അംഗമായ രാജേഷിന്റെ സാക്സോഫോൺ വായന എന്നിവ പരിപാടികൾക്ക് മാറ്റുകൂട്ടി. പ്രസംഗവേദി ജോയിന്റ് കൺവീനർ ജിബി കളീക്കൽ ആശംസകൾ അറിയിക്കുകയും, പ്രോഗ്രാം കൺവീനർ ജോയി പോളി നന്ദി പറയുകയും ചെയ്തു. പരിപാടികളുടെ പൂർണ്ണ നിയന്ത്രണം ഷിബു ജോൺ നിർവ്വഹിച്ചു.

മത്സര വിജയികൾ:
ഒന്നാം സ്ഥാനം- മുജീബ് റഹ്മാൻ
രണ്ടാം സ്ഥാനം- ജേക്കബ് മാത്യു
മൂന്നാം സ്ഥാനം -അശോക് ശ്രീശൈലം
പ്രത്യേക പുരസ്കാരം- റിച്ചു പൊന്നു റോയി

16/08/2026

பஹ்ரைனில் பிரம்மாண்டமான இலவச மருத்துவ முகாம் நடைபெற்றது

80-வது சுதந்திர தினக் கொண்டாட்டங்களின் ஒரு பகுதியாக, 'தேவர் பேரவை பஹ்ரைன்' அமைப்பு, அல் ஹிலால் மருத்துவமனையுடன் இணைந்து பஹ்ரைனில் ஒரு பிரம்மாண்டமான இலவச மருத்துவ முகாமினை வெற்றிகரமாக நடத்தியது.

இந்நிகழ்ச்சியில் சிறப்பு விருந்தினராக திரு. சுதிர் திருநிலத் அவர்களும், அவருடன் திரு. சையத் ஹனீஃப் மற்றும் அல் ஹிலால் மருத்துவமனையின் மருத்துவர்கள் மற்றும் மருத்துவப் பணியாளர்களும் கலந்துகொண்டனர்.

தேவர் பேரவை பஹ்ரைனின் பின்வரும் நிர்வாகிகள் மற்றும் குழு உறுப்பினர்கள் இந்நிகழ்ச்சியில் பங்கேற்றனர்:

தலைவர்: திரு. திருமேனி
துணைத் தலைவர்கள்: திரு. சுரேஷ், திரு. மருது பாண்டியன்
துணைச் செயலாளர்: திரு. செந்தில்
பொருளாளர்: திரு. சண்முகநாதன்
ஆலோசனைக்குழுத் தலைவர்: திரு. மனோகரன்
ஆலோசனைக்குழுத் துணைத் தலைவர்: திரு. முருகன்
ஆலோசனைக்குழு உறுப்பினர்கள்: திரு. வசந்த், திரு. ரமேஷ், திரு. ஜெயராமன்
தகவல் தொழில்நுட்பப் பிரிவு (IT Wing): திரு. தினேஷ், திரு. ஜெயக்குமார்
செயற்குழு உறுப்பினர்கள்: திரு. சுதாகர், திரு. உடையார், திரு. குமார், திரு. கிருபாகரன்

இம்மருத்துவ முகாமில் 250-க்கும் மேற்பட்டோர் கலந்துகொண்டு, இலவச உடல்நலப் பரிசோதனைகள் மற்றும் மருத்துவ ஆலோசனைகளைப் பெற்றுப் பயனடைந்தனர்.

இந்நிகழ்ச்சி சிறப்பான வெற்றியை அடையத் தங்கள் மதிப்புமிக்க ஆதரவையும் ஒத்துழைப்பையும் வழங்கிய அனைத்து உறுப்பினர்கள், மருத்துவ நிபுணர்கள், தன்னார்வலர்கள் மற்றும் பொதுமக்களுக்கு ஏற்பாட்டாளர்கள் தங்கள் மனமார்ந்த நன்றியைத் தெரிவித்துக்கொண்டனர்.

16/08/2026

മനാമ : ഇന്ത്യൻ സ്വാതന്ത്ര്യദിനം രാജ്യസ്നേഹത്തിന്റെയും ദേശീയ ഐക്യത്തിന്റെയും സന്ദേശം ഉയർത്തിപ്പിടിച്ച് ബഹ്റൈൻ കേരളീയ സമാജം സമുചിതമായി ആഘോഷിച്ചു.

സ്വാതന്ത്ര ദിനത്തിൽ രാവിലെ സമാജം അങ്കണത്തിൽ നടന്ന ചടങ്ങിൽ സമാജം ആക്ടിംഗ് പ്രസിഡന്റ് രവികുമാർ ദേശീയപതാക ഉയർത്തി.സമാജം ഭരണസമിതി അംഗങ്ങളായ വിനയചന്ദ്രൻ നായർ (സാഹിത്യവിഭാഗം സെക്രട്ടറി), അഭിലാഷ് വെള്ളുക്കൈ (മെമ്പർഷിപ്പ് സെക്രട്ടറി), ബിനു കരുണാകരൻ (ലൈബ്രേറിയൻ), രാജീവ് പി. മാത്യു (ഇന്റേണൽ ഓഡിറ്റർ) എന്നിവർ ചടങ്ങിൽ സന്നിഹിതരായിരുന്നു.
സമാജം സമ്മർ ക്യാമ്പ് ഡയറക്ടർ ഉദയകുമാർ കുണ്ടംകുഴി, ‘ശ്രാവണം 2026’ കൺവീനർ ഹരികൃഷ്ണൻ, കെ ടി സലിം, വേണുഗോപാൽ (നേർക്ക അംഗം) എന്നിവരോടൊപ്പം സമാജം അംഗങ്ങളും ചടങ്ങിൽ പങ്കെടുത്തു.
സ്വാതന്ത്ര്യത്തിനായി ജീവിതം സമർപ്പിച്ച ധീരദേശാഭിമാനികളെ ചടങ്ങിൽ ആദരപൂർവ്വം അനുസ്മരിച്ചു. സ്വാതന്ത്ര്യത്തിന്റെ മഹത്തായ മൂല്യങ്ങൾ പുതുതലമുറയിലേക്ക് പകർന്നുനൽകേണ്ടതിന്റെ പ്രാധാന്യവും, രാജ്യത്തിന്റെ ഐക്യം, അഖണ്ഡത, ജനാധിപത്യ മൂല്യങ്ങൾ, പുരോഗതി എന്നിവ സംരക്ഷിക്കുന്നതിൽ ഓരോ പൗരനും വഹിക്കേണ്ട ഉത്തരവാദിത്തവും ചടങ്ങിൽ ഓർമ്മിപ്പിച്ചു.
ദേശീയപതാകയുടെ കീഴിൽ ഒത്തുചേർന്ന സമാജം അംഗങ്ങൾ ഇന്ത്യയുടെ സ്വാതന്ത്ര്യത്തിന്റെയും ഐക്യത്തിന്റെയും മഹത്തായ പാരമ്പര്യത്തെ പുതുക്കി ഉറപ്പിച്ചുകൊണ്ട് ചടങ്ങിന് സാക്ഷ്യം വഹിച്ചു. രാജ്യസ്നേഹത്തിന്റെയും സഹോദര്യത്തിന്റെയും സന്ദേശം പകർന്ന സ്വാതന്ത്ര്യദിനാഘോഷം ശ്രദ്ധേയമായി.

16/08/2026

Mega Free Medical Camp Held in Bahrain

Bahrain: Thevar Peravai Bahrain, in association with Al Hilal Hospital, organized a Mega Free Medical Camp as part of the celebrations marking India’s 80th Independence Day and in remembrance of the great national leader and freedom fighter Thiru U. Muthuramalinga Thevar.

The medical camp was inaugurated by Sudheer Thirunilath, Global PRO & President, Pravasi Legal Cell – Bahrain Chapter, who attended as the Chief Guest. Guest of Honor Sayed Haneef, Social Worker, along with doctors and medical staff from Al Hilal Hospital, participated in the programme.

Thevar Peravai Bahrain President N.Thirumeni, General Secretary ,KSankar Raj , and were also present and actively supported the organization of the camp.

More than 250 people benefited from the free health check-ups, medical consultations and healthcare services provided during the camp. The programme reflected the spirit of community service and social responsibility, while commemorating India’s Independence Day and honoring the legacy of Thiru U. Muthuramalinga Thevar, whose life and contributions continue to inspire generations.

The organizers expressed their sincere gratitude to the doctors, medical staff, volunteers, members and members of the public for their valuable cooperation and support, which contributed to making the Mega Free Medical Camp a grand success.

The event highlighted the importance of accessible healthcare and strengthened the spirit of unity, service and community welfare among the Indian diaspora in Bahrain.
For details please contact : 32003191/+973 3640 8249

16/08/2026

സ്വാതന്ത്ര്യദിനത്തിൽ പ്രവാസി തൊഴിലാളികൾക്ക് കരുതലിന്റെ കൈത്താങ്ങുമായി ഇടപ്പാളയം ബഹ്‌റൈൻ ചാപ്റ്റർ

മനാമ: ഇന്ത്യയുടെ 80-ാമത് സ്വാതന്ത്ര്യദിനാഘോഷങ്ങളുടെ ഭാഗമായി, ബഹ്‌റൈനിലെ വിവിധ തൊഴിലിടങ്ങളിൽ ജോലി ചെയ്യുന്ന പ്രവാസി തൊഴിലാളികൾക്കായി ഇടപ്പാളയം ബഹ്‌റൈൻ ചാപ്റ്ററിന്റെ നേതൃത്വത്തിൽ “കരുതലിന്റെ കൈത്താങ്ങ്” എന്ന പേരിൽ ഭക്ഷണ വിതരണം നടത്തി.

കൊടുംചൂടിനെയും പ്രവാസജീവിതത്തിന്റെ പ്രതികൂല സാഹചര്യങ്ങളെയും അതിജീവിച്ച് കഠിനാധ്വാനം ചെയ്യുന്ന തൊഴിലാളികൾക്ക് സ്വാതന്ത്ര്യദിനത്തിന്റെ സന്തോഷവും സ്നേഹവും പങ്കുവെക്കുക എന്ന ലക്ഷ്യത്തോടെയാണ് പ്രവർത്തകർ വിവിധ വർക്ക് സൈറ്റുകളിൽ നേരിട്ടെത്തി ഭക്ഷണ വിതരണം ചെയ്തതെന്ന് ഭാരവാഹികൾ അറിയിച്ചു.

നാടിന്റെ പുരോഗതിക്കായി വിയർപ്പൊഴുക്കുന്ന ഓരോ തൊഴിലാളി സഹോദരനും ഈ സ്വാതന്ത്ര്യദിനത്തിൽ സ്നേഹത്തിന്റെയും കരുതലിന്റെയും സാന്നിധ്യം അനുഭവവേദ്യമാക്കാൻ കഴിഞ്ഞതിൽ ഏറെ അഭിമാനമുണ്ടെന്ന് ഇടപ്പാളയം ബഹ്‌റൈൻ
ചാപ്റ്റർ ഭാരവാഹികൾ അറിയിച്ചു. പരസ്പരമുള്ള കരുതലും സ്നേഹവുമാണ് പ്രവാസത്തിന്റെ യഥാർത്ഥ ശക്തിയെന്നും, ഈ കൊച്ചു ജീവകാരുണ്യ പ്രവർത്തനം അതിന്റെ ഓർമ്മപ്പെടുത്തലാണെന്നും അവർ പറഞ്ഞു.

ചാപ്റ്റർ പ്രസിഡന്റ് വിനീഷ് കേശവൻ, എക്സിക്യൂട്ടീവ് അംഗങ്ങളായ ഷഹുൽ കാലടി, ഹാരിസ്, പ്രതീഷ് പുത്തൻകോട്, രതീഷ് സുകുമാരൻ, ശിവപ്രസാദ് എന്നിവർ പരിപാടിക്ക് നേതൃത്വം നൽകി.

പദ്ധതിയുമായി സഹകരിച്ചവർക്ക് നന്ദി അറിയിച്ച ഭാരവാഹികൾ പ്രവാസി സമൂഹത്തിന്റെ കൂട്ടായ്മയും സഹജീവികളോടുള്ള കരുതലും ഉയർത്തിപ്പിടിക്കുന്ന ഇത്തരം പ്രവർത്തനങ്ങൾ തുടരുമെന്നും വ്യക്തമാക്കി.

16/08/2026

ബഹ്‌റൈൻ പ്രതിഭ വടംവലി ജേഴ്‌സി പ്രകാശനം ചെയ്തു

മനാമ : ബഹ്‌റൈൻ പ്രതിഭയുടെ വടംവലി ടീമിന്റെ ജേഴ്സി പ്രകാശനം ചെയ്തു.പ്രതിഭ റിഫ ഓഫീസിൽ വെച്ചു നടന്ന ചടങ്ങിൽ ബിഞ്ചു വിൽഫ്രെഡ്, ടീം ക്യാപ്റ്റൻ നജീർ ബുഹാരിക്ക് ജേഴ്‌സി നൽകി പ്രകാശനം ചെയ്തു.

ചടങ്ങിൽ പ്രതിഭ കേന്ദ്ര കായിക വേദി കൺവീനർ നജാബ് ഓമശ്ശേരി സ്വാഗതം പറഞ്ഞു. പ്രതിഭ കേന്ദ്ര കായികവേദി അംഗം ശ്രീരാജ് കാന്തലോട്ട് അധ്യക്ഷനായ പരിപാടിയിൽ പ്രതിഭ പ്രസിഡണ്ട് മഹേഷ് കെ വി ആശംസകൾ നേർന്നു. പ്രതിഭ കേന്ദ്ര കമ്മറ്റി അംഗങ്ങളായ ഷിജു പിണറായി ,ബാബു വി ടി ,രഞ്ജു ഹരീഷ് എന്നിവർ പങ്കെടുത്ത പരിപാടിയിൽ പ്രതിഭ കേന്ദ്ര കായികവേദി അംഗം ഷിബിൽ ഖാൻ നന്ദി പറഞ്ഞു.

16/08/2026

💐 ഓണക്കാലം വരവായി... ഇന്ന് അത്തം... ആഘോഷ തിരക്കിലേക്ക് മലയാളികൾ...

കൊല്ലവർഷം 1201 ലെ കർക്കടകം ഇന്ന് ഞായറാഴ്ച അവസാനിക്കുന്നു. പൊന്നിൻ ചിങ്ങത്തിന്റെ പൂവിളിയുമായി അത്തം പിറക്കുന്നതും ഞായറാഴ്ചയാണ്. കർക്കടകാന്ത്യത്തിൽ അത്തം പിറക്കുകയെന്ന അപൂർവതയും ഇക്കുറിയുണ്ട്. 17-നാണ് ചിങ്ങപ്പിറവി. 25-ന് ഉത്രാടവും 26-ന് തിരുവോണവുമാണ്.

അതുകൊണ്ടു തന്നെ അത്തം ഇനിയുള്ള 11 നാളുകൾ മലയാളിയുടെ മനസ്സിനകത്തും പുറത്തും പൂക്കാലമാണ്. സമത്വസുന്ദരമായ മാവേലി നാടിന്റെ സ്മരണകളുണർത്തുന്ന ഉത്സവകാലത്തിനാണ് ഇന്ന് തുടക്കമാകുന്നത്. മഹാബലിയെ സ്വീകരിക്കാൻ വീടുകളിൽ പൂക്കളമിട്ടു തുടങ്ങുന്നത് അത്തം നാൾ മുതൽക്കാണ്. തൃക്കാക്കരയപ്പനെ എഴുന്നള്ളിയിരുത്താൻ വേണ്ടിയാണ് അത്തപൂക്കളം ഒരുക്കുന്നതെന്നും ഐതിഹ്യമുണ്ട്.

മഴ തോർന്ന്, വെയിൽ പരക്കുമ്പോൾ തൊടികളിൽ പൂമൊട്ടുകളുടെ പുഞ്ചിരി കാണാം. ഓണത്തിന്റെ വരവറിയിച്ച് ചിങ്ങമാസത്തിലെ അത്തത്തിലാണ് സാധാരണഗതിയിൽ ഓണാഘോഷത്തിന്റെ ആരംഭമെങ്കിലും ഇത്തവണ അത്തം കർക്കടകം 31നാണ്.

ചിങ്ങത്തിൽ തന്നെ തിരുവോണം ആഘോഷിക്കേണ്ടതിനാലാണ് കർക്കടകത്തിലെ അത്തം മുതൽ ഓണാഘോഷം തുടങ്ങുന്നത്. അതുപ്രകാരം അത്തം പത്തിനല്ല, പതിനൊന്നിനാണ് ഇത്തവണ തിരുവോണം. കള്ളവും ചതിയും പൊളിവചനങ്ങളുമില്ലാതിരുന്ന, സമ്പൽസമൃദ്ധമായ കാലത്തിന്റെ ഓർമ്മ പുതുക്കലാണ് ഓരോ ഓണക്കാലവും.

കർക്കടകത്തിന്റെ അവസാന തീയതി ആചാരപ്രകാരം ജ്യേഷ്ഠയെ പുറംതള്ളുന്ന ദിനമെന്നാണ് വിശ്വാസം. മൂതേവിയെ പുറത്താക്കി ചിങ്ങത്തിൽ ശ്രീദേവിയെ വരവേൽക്കുകയെന്നതാണ് ഇതിനു പിന്നിൽ. ആടിപ്പെരുക്ക്, ആടികളയൽ എന്നീ തമിഴ് ആചാരത്തിലുള്ള രീതി കേരളത്തിലും പതിവുണ്ട്. വീടും കച്ചവടകേന്ദ്രങ്ങളും വൃത്തിയാക്കി അനാവശ്യവും പഴകിയതുമായ വസ്തുക്കൾ പുറന്തള്ളുന്നതാണ് ആടികളയൽ. വിപണിയിൽ ആടിക്കിഴിവ് എന്ന പേരിൽ വിലക്കുറവിലുള്ള വ്യാപാരരീതിയും ഇതിന്റെ ഭാഗമായാണ് അനുവർത്തിക്കുന്നത്.ആടി (കർക്കടകം) അവസാനിക്കുന്ന ദിവസം അത്തം പിറക്കുന്നതാണ് ഇത്തവണത്തെ മറ്റൊരു പ്രത്യേകത. അത്തം പത്തിന് പൊന്നോണം എന്നാണ് ചൊല്ല്. ഇക്കുറി ചിങ്ങത്തിന് മുന്നേ അത്തമെത്തുമ്പോൾ അത്തം കഴിഞ്ഞ് 11-ാം നാൾ പൊന്നോണമായി മാറും. ഇക്കാര്യത്തിൽ വിശ്വാസികൾക്ക് സംശയം ബാക്കിനിൽക്കുന്നുണ്ട്.
അത്തത്തിന് പിന്നാലെ വരുന്ന ചിങ്ങപ്പിറവി നാളിൽ പൂക്കളമൊരുക്കാൻ ആലോചിക്കുന്നവർ നിരവധിയുണ്ട്. 10 ദിവസമെന്ന കാലക്രമം അതിന് പ്രേരകമാകും. അപൂർവമായി എത്തിയ കർക്കടകത്തിലെ അത്തത്തെ വരവേൽക്കാൻ തയ്യാറെടുക്കുന്നവരുമുണ്ട്.

തുമ്പയും മുക്കുറ്റിയും കണ്ണാന്തളിയും മന്ദാരവും ശംഖുപുഷ്പവും ചെണ്ടുമല്ലിയുമൊക്കെ പൂക്കളങ്ങളിൽ നിറയുമ്പോൾ നിറവും സൗരഭ്യവും പരക്കുന്നത് മലയാളി മനസ്സുകളിൽ കൂടിയാണ്. കാർഷികസംസ്‌കൃതിയുടെ പഴയ നല്ല നാളുകളുടെ ഓർമ്മകളിലേക്കുള്ള ഒരു സഞ്ചാരം കൂടിയാണ് നമുക്ക് ഓണദിനങ്ങൾ.

നല്ലോണത്തിനെ വരവേൽക്കാനുള്ള തയ്യാറെടുപ്പുകൾ നാടും നഗരവും ഏറ്റെടുത്തു തുടങ്ങി. തോവാളയിൽ നിന്നുള്ള പൂക്കളുടെ ഒഴുക്കാവും ഇനിയുള്ള നാളുകളിൽ. ഗ്രാമനഗരങ്ങളിലും വിവിധ ക്ലബ്ബുകളിലും വീട്ടുമുറ്റങ്ങളിലും പൂക്കളങ്ങൾ ഒരുങ്ങും. മാവേലി മന്നനെ വരവേൽക്കാൻ നാട് തയ്യാറെടുക്കുകയാണ്.

ഓണത്തിന്റെ നിറസമൃദ്ധിയിലേക്കും സമ്പന്നതയിലേക്കും കടക്കുമ്പോൾ കഷ്ടനഷ്ടങ്ങളുടെ വേദനകൾ അനുഭവിക്കുന്നവരെ നാം കാണാതിരുന്നു കൂടാ. അവരെക്കൂടി പ്രാർത്ഥനകളിൽ ഉൾച്ചേർത്തു കൊണ്ടാകട്ടെ നമ്മുടെ ഓണാഘോഷം.

IndoBahrain Media

26/08/2026

24/08/2026

17/08/2026

17/08/2026

16/08/2026

16/08/2026

16/08/2026

16/08/2026

16/08/2026

16/08/2026

Address

Website

Alerts

Shortcuts

Share

Category

Listing takedown request