Salaam Thane

Salaam Thane Contact information, map and directions, contact form, opening hours, services, ratings, photos, videos and announcements from Salaam Thane, Media/News Company, thane, Thane West.
(1)

29/05/2026

ठाणे जिल्ह्यातील शहापूर तालुक्यात अन्नातून विषबाधेची धक्कादायक घटना समोर आली आहे. किन्हवलीजवळील शिळ गावात राखाडी कार्यक्रमातील जेवण खाल्ल्यानंतर तब्बल २२ जणांना उलट्या, जुलाब आणि मळमळीचा त्रास सुरू झाला. सर्वांना उपचारासाठी शहापूर उपजिल्हा रुग्णालयात दाखल करण्यात आले असून त्यांच्यावर उपचार सुरू आहेत.

29/05/2026

उपमुख्यमंत्री एकनाथ शिंदे दिल्ली दौऱ्यात असून त्यांनी वेळात वेळ काढून व्हिडिओ कॉलच्या माध्यमातून मुस्लिम बांधवांना ईदच्या शुभेच्छा दिल्या.

मुंबईची हवा आता ‘अतिशय उत्तम’ श्रेणीत पोहोचली आहे. AQI थेट ४५ वर गेल्याने मुंबईकरांना स्वच्छ आणि दिलासादायक वातावरणाचा अ...
28/05/2026

मुंबईची हवा आता ‘अतिशय उत्तम’ श्रेणीत पोहोचली आहे. AQI थेट ४५ वर गेल्याने मुंबईकरांना स्वच्छ आणि दिलासादायक वातावरणाचा अनुभव मिळत आहे.

28/05/2026

ठाणे - कसारा रेल्वे स्थानकात गुरुवारी सकाळी महानगरी एक्सप्रेसच्या जनरेटर व्हॅनमधून अचानक धूर निघाल्याने काही काळ प्रवाशांमध्ये घबराट पसरली होती. मात्र रेल्वे कर्मचाऱ्यांच्या तातडीच्या हस्तक्षेपामुळे परिस्थिती वेळीच नियंत्रणात आली आणि मोठा अनर्थ टळला.

28/05/2026

ठाणे जिल्ह्यातील सरकारी आरोग्य केंद्रांची राष्ट्रीय स्तरावर चमक! NQAS अंतर्गत ४ प्राथमिक आरोग्य केंद्र आणि ४ उपकेंद्रांना राष्ट्रीय मानांकन. तर १० उपकेंद्रांनी राज्यस्तरीय मानांकन पटकावत ठाण्याचा मान उंचावला आहे.

28/05/2026

महाराष्ट्रातील जनतेच्या अडचणी केंद्र सरकारसमोर मांडल्या नाहीत तर कुठे मांडायच्या, असा सवाल उपमुख्यमंत्री एकनाथ शिंदे यांनी केला. दि.28 मे गुरुवारी त्यांनी माध्यमांशी संवाद साधला.

28/05/2026

उपमुख्यमंत्री एकनाथ शिंदे यांनी विधानपरिषद निवडणुकीच्या 17 जागांवर प्रतिक्रिया दिली आहे.

28/05/2026

एकच खळबळ उडाली. भरधाव पळणाऱ्या रेड्याचा व्हिडिओ सोशल मीडियावर व्हायरल होत असून, त्याला पकडण्यासाठी नागरिकांची धावपळ उडाल्याचे दिसत आहे. यावेळी रेड्याने मालकालाच पायदळी तुडवत किरकोळ जखमी केल्याची माहिती समोर आली आहे. सुदैवाने कोणतीही मोठी जीवितहानी झाली नाही.

27/05/2026

पेट्रोल आणि डिझेल टंचाईच्या निषेधार्थ ठाण्यात काँग्रेस पक्ष आक्रमक झाल्याचे पाहायला मिळाले. काँग्रेस कार्यकर्त्यांनी बंद पडलेली जीप रस्सीच्या सहाय्याने रस्त्यावर ओढत अनोख्या पद्धतीने आंदोलन केले. यावेळी केंद्र सरकारविरोधात जोरदार घोषणाबाजी करत इंधन टंचाई आणि वाढत्या दरांबाबत नाराजी व्यक्त करण्यात आली. काँग्रेस जिल्हाध्यक्ष राहुल पिंगळे यांच्या नेतृत्वाखाली हे आंदोलन करण्यात आले असून मोठ्या संख्येने काँग्रेस पदाधिकारी आणि कार्यकर्ते सहभागी झाले होते. पेट्रोल-डिझेल पुरवठा सुरळीत करण्याची मागणी आंदोलकांनी यावेळी केली.

27/05/2026

कल्याण शहरातील प्रसिद्ध काळा तलाव परिसरात मोठ्या प्रमाणावर मासे मृत अवस्थेत आढळून आल्याने नागरिकांमध्ये चिंतेचे वातावरण निर्माण झाले आहे. तलावाच्या किनाऱ्यावर मृत माशांचा खच साचल्याने परिसरात तीव्र दुर्गंधी पसरली असून सकाळी फिरण्यासाठी आणि व्यायामासाठी येणाऱ्या नागरिकांना त्रास सहन करावा लागत आहे. वाढत्या तापमानामुळे तलावातील पाण्यातील ऑक्सिजनचे प्रमाण कमी झाल्याने माशांचा मृत्यू होत असल्याची प्राथमिक शक्यता व्यक्त केली जात आहे. दररोज ६० ते ७० किलो मृत मासे बाहेर काढले जात असल्याची माहिती काळा तलाव व्यवस्थापनाचे सुपरवायझर अनिल सोनवणे यांनी दिली आहे. या प्रकाराची माहिती प्रदूषण नियंत्रण मंडळ आणि केडीएमसीला देण्यात आली असून तातडीने उपाययोजना करण्याची मागणी नागरिकांकडून होत आहे.

Address

Thane
Thane West

Website

Alerts

Be the first to know and let us send you an email when Salaam Thane posts news and promotions. Your email address will not be used for any other purpose, and you can unsubscribe at any time.

Shortcuts

Share

Category